Fréttablaðið - 21.12.2007, Síða 82

42 21. desember 2007 FÖSTUDAGUR
timamot@frettabladid.is
MERKISATBURÐIR
1929 Varðskipið Þór strandar
við Húnaflóa, mannbjörg
varð. Þetta var fyrsta ís-
lenska varðskipið sem var
með fallbyssu.
1952 Kveikt er á fyrsta jóla-
trénu á Austurvelli en það
var gjöf frá Óslóbúum til
Reykvíkinga. Það hefur
síðan verið árlegur siður.
1969 Árnagarður er vígður,
en þar er Stofnun Árna
Magnússonar til húsa auk
kennsluhúsnæðis fyrir Há-
skóla Íslands.
1970 Elvis Presley hittir Richard
Nixon forseta Bandaríkj-
anna til að ræða stríð
gegn fíkniefnum.
1989 Sigurður Þorvaldsson lést.
Hann varð elstur íslenskra
karla, 105 ára og 333
daga.
KIEFER SUTHERLAND LEIKARI
ER 41 ÁRS Í DAG
„Það er tvennt sem Jack
Bauer gerir aldrei. Að
sýna miskunn og fara á
salernið.“
Sutherland er best þekktur
fyrir hlutverk Jacks Bauer í
spennuþáttaröðinni 24.
„Ég ætla að halda upp á afmælið milli
jóla og nýárs. Þá verður mesta jóla-
stressið farið af fólki og vinir mínir
sem búa úti verða komnir heim,“
segir Regína Ósk Óskarsdóttir, sem
er þrítug í dag. „Kærastinn ætlar þó
að koma mér eitthvað á óvart í dag,“
bætir hún við.
En hvernig ætli sé að eiga afmæli
svona nálægt jólum? „Mamma var
alltaf voðalega vinsæl í hverfinu
þegar ég var yngri því á meðan krakk-
arnir voru í afmæli hjá mér gátu hinar
mömmurnar verið heima að þrífa,“
segir hún og hlær. „Hin síðari ár hef ég
bara verið með kökur og heitt á könn-
unni og fólk hefur kíkt við þegar það
er búið að gera jólainnkaupin,“ segir
Regína. Hún hélt síðast almennilega
upp á daginn þegar hún varð tvítug.
„Þá var ég með partí á gamla Gaukn-
um og bollu eins og tíðkaðist þá,“ segir
hún kímin.
Þegar Regína er innt eftir því hvað
standi upp úr þegar hún lítur um öxl
er hún fljót að svara því til að fimm
ára dóttir hennar sé auðvitað mesta
afrekið. „En hvað ferilinn varðar
má segja að ég hafi nokkurn veginn
hrokkið í gang eftir að ég átti stelpuna
mína og er ég mjög ánægð með hvað
mér hefur vegnað vel síðustu ár.“
Ýmsir áfangar hafa fleygt Regínu
meira áfram en aðrir og segir hún
undan keppnina fyrir Eurovision í fyrra
vera einn þeirra. „Síðan er ég voðalega
stolt af plötunum mínum þremur en á
þeirri nýjustu eru eingöngu frumsam-
in lög eftir mig og Karl Olgeirsson. Svo
er ég yfirkennari í Söngskóla Maríu og
hef mikla ánægju af því starfi,“ segir
hún. Regína var svo að klára síðustu
Frostrósa tónleikana um helgina sem
leið en þetta er í þriðja skipti sem hún
er með í þeim.
„Tónlistarbransinn er þannig að
ef maður kemst áfram með eitthvað
verður maður að passa að halda sér á
floti því annars er hætt við að maður
gleymist. Ég finn að sjálfstraust mitt
hefur vaxið með árunum og ég er orðin
örugg með það sem ég er að gera,“ út-
skýrir Regína.
Hún segir margt spennandi fram
undan. „Ég stefni að því að fara í tón-
leikaferð um landið einhvern tímann
í byrjun næsta árs og fylgja þannig
plötunum mínum eftir. Svo má ekki
gleyma Eurovision en Eurobandið sem
ég er í komst í undankeppni sjónvarps-
ins fyrir Eurovision og ef Eurobandið
á ekki að fara í Eurovision þá veit ég
ekki hvað,“ segir Regína og hlær.
„Þetta er tvímælalaust skemmti-
legasta band sem ég hef verið í. Við
höfum verið að spila á Broadway,
Players og árshátíðum og þá eingöngu
Eurovision-lög. Við tökum bara lög
sem okkur finnast skemmtileg, bæði
erlend og innlend, og fólk fílar það í
botn. Það dansar villt og galið enda
ekta gleðipopp á ferð.“ vera@frettabladid.is
REGÍNA ÓSK ÓSKARSDÓTTIR SÖNGKONA: FAGNAR ÞRÍTUGSAFMÆLINU
Ánægð með velgengnina
VEISLUHÖLD UM JÓLIN Regína ætlar að halda upp á afmælið milli jóla og nýárs en kærastinn mun koma henni á óvart í dag. FRÉTTABLAÐIÐI/ANTON
Í dag eru nítján ár liðin síðan hryðjuverkin yfir
Lockerbie voru framin.
Boeing 747-121 þota, á
svokölluðu Pan Am 103
flugi frá London til New
York, var sprengd í loft
upp yfir bænum Locker-
bie í Skotlandi.
Braki flugvélarinnar
rigndi yfir bæinn. Í allt
létust 270 manns, 259
sem voru um borð og
ellefu íbúar bæjarins.
Fórnar lömbin voru frá 21
landi, þar af voru 189 frá
Bandaríkjunum.
Málið varð stærsta
sakamál í sögu Skotlands.
Tveir menn voru ákærðir árið 1991 en þeir voru
taldir starfa fyrir leyniþjónustu Líbíu. Það tók níu
ár að reka mál mann-
anna fyrir dómstól-
um. Eftir 84 daga
réttarhöld var annar
mannanna, Abdel-
baset ali Mohmed
al-Megrahi, dæmd-
ur í lífstíðarfangelsi
en sá sem var talinn
vera samstarfs maður
hans, Al Amin Kha-
lifa Fhimah, var sýkn-
aður. Hann sneri aftur
til Líbýu. Megrahi fékk
ekki að áfrýja máli
sínu og er honum
enn haldið í Green-
ock-fangelsinu nálægt Glasgow.
ÞETTA GERÐIST: 21. DESEMBER 1988
Hryðjuverkið yfir Lockerbie
Íþrótta- og jólahátíð barna
verður haldin í íþróttahús-
inu á Torfnesi á morgun.
Ágóði hátíðarinnar rennur
óskiptur til Sólstafa, systur-
samtaka Stígamóta á Vest-
fjörðum.
Hátíðin er ætluð öllum
börnum á Vestfjörðum og
boðið verður upp á leiki og
fjör krakka á öllum aldri.
Jólasveinarnir mæta auk
þess sem boðið verður upp
á góðgæti frá vestfirskum
fyrirtækjum.
Árni Heiðar Ívarsson
og Benedikt Sigurðsson
standa að baki hátíðinni
og allir sem koma að henni
gefa vinnu sína.
Jólahátíð gegn ofbeldi
HÁTÍÐARHÖLD Ágóðinn rennur til Sólstafa.
Jóhanna Eiríksdóttir
Sólvallagötu 72, Reykjavík,
andaðist á Hrafnistu 19. desember.
Jarðarförin auglýst síðar.
Fyrir hönd aðstandenda
Jón Boði Björnsson
Ástkær eiginmaður minn, faðir, tengda-
faðir, afi og langafi,
Þráinn Valdimarsson
fyrrverandi framkvæmdastjóri,
Álftamýri 56, Reykjavík,
lést á Landspítalanum þriðjudaginn 18. desember.
Jarðarförin verður auglýst síðar.
Elise Valdimarsson og aðrir aðstandendur
Elskuleg móðir okkar, tengdamóðir, amma
og langamma,
Guðfinna Lárusdóttir
Miðtúni 72, Reykjavík,
lést laugardaginn 15. desember á Elliheimilinu Grund.
Útför fer fram frá Laugarneskirkju fimmtudaginn
27. desember kl. 13.00.
Inga Gunnarsdóttir Gylfi Gíslason
Gunnar Gunnarsson Gerður Helgadóttir
börn og barnabörn.
Elskuleg móðir okkar, tengdamóðir, amma
og langamma,
Ester Rut Ástþórsdóttir
Austurbrún 6, Reykjavík,
lést á Öldrunardeild Landspítala Fossvogi mánudaginn
10. desember. Útförin hefur farið fram í kyrrþey að ósk
hinnar látnu.
Ásta Ágústa Halldórsdóttir
Jóhanna Halldórsdóttir
Sigurður Teitur Halldórsson Watinee Chompoopetch
barnabörn og barnabarnabörn.
Hjartans þakkir til þeirra fjölmörgu nær
og fjær sem sýndu okkur samúð og hlýhug
vegna andláts og útfarar
Gunnlaugs Magnússonar
Hornbrekkuvegi 12, Ólafsfirði.
Guð gefi ykkur gleðilega jólahátíð og farsæld á nýju ári.
Guðlaug R. Gunnlaugsdóttir, börn, tengdabörn og afabörn.