Fréttablaðið - 21.12.2007, Qupperneq 102

62 21. desember 2007 FÖSTUDAGUR
sport@frettabladid.is
Í fyrradag var tilkynnt á opinberri heimasíðu knattspyrnusam-
bands Evrópu hvaða dómararar voru valdir til þess að dæma
á lokakeppni Evrópumótsins sem fram fer í Austurríki og Sviss
dagana 7.-29. júní. Valdir voru tólf dómarar og tuttugu og
fjórir aðstoðardómarar og dómaratríóin sem koma til
með að dæma leiki saman, koma frá sama landinu.
Enn fremur voru skipaðir átta dómarar sem gegna
munu starfi fjórða dómara og þar kemur enginn
annar en Kristinn Jakobsson til skjalanna.
„Þetta er náttúrulega mikill heiður og upp-
hefð ef svo má að orði komast,“ sagði
Kristinn sem fær tækifæri til þess að
vinna með bestu dómurum Evrópu
sem verða að dæma í keppni bestu
liða í Evrópu.
„Það má segja að undirbúning-
ur sé í raun þegar hafinn og ég
fékk úthlutað æfingaprógrammi
frá UEFA sem ég kem til með
að æfa eftir og síðan þegar nær dregur verður svo eitthvað um
ráðstefnur og umræðufundi til þess að undirbúa dómarana sem
best fyrir keppnina. Þá verða líka tvö þrekpróf sem menn verða
að standast til þess að fá að taka þátt í þessu dæmi en ég á ekki
von á því að þau verði með öðru sniði en þessi viðurkenndu
FIFA-þolpróf sem ég hef þegar farið í. Ég hlakka mikið til að
fá að fylgjast með bestu dómurum Evrópu að störfum og
fá að komast með tærnar þar sem þeir eru með hælana,“
sagði Kristinn í léttum dúr.
Kristinn mun vinna náið með því dómaratríói sem
dæmir leikina þar sem hann verður fjórði dómari og
tekur þátt í undirbúningi þeirra fyrir viðkomandi leiki.
Kristinn þarf svo að vera í viðbragðsstöðu ef eitthvað
kemur upp á meðan á leiknum stendur.
„Það er þetta almenna ferli sem fylgir undirbúningi
dómara fyrir alla leiki og ég þarf svo jafnframt að
vera tilbúinn að taka við flautunni ef dómari leiksins
meiðist til að mynda og það er vitanlega meginhlut-
verk fjórða dómara.
KRISTINN JAKOBSSON, DÓMARI: VAR VALINN TIL ÞESS AÐ VERA FJÓRÐI DÓMARI Á LOKAKEPPNI EM NÆSTA SUMAR
Með tærnar þar sem þeir bestu eru með hælana
LANDSLIÐSHÓPARNIR
Landsliðshópur 1 sem tekur þátt í
LK-Cup í Danmörku:
Birkir Ívar Guðmundsson Lubbecke
Roland Valur Eradze Stjarnan
Hreiðar Levý Guðmundsson Savehof
Guðjón Valur Sigurðsson Gummersb.
Alexander Petersson Flensburg
Róbert Gunnarsson Gummersbach
Vignir Svavarsson Skjern
Jaliesky Garcia Padron Göppingen
Arnór Atlason FCK
Snorri Steinn Guðjónsson GOG
Ólafur Stefánsson Ciudad Real
Einar Hólmgeirsson Flensburg
Ásgeir Örn Hallgrímsson GOG
Logi Geirsson Lemgo
Sverre Jakobsson Gummersbach
Sigfús Sigurðsson Ademar Leon
Bjarni Fritzson St. Raphael
Hannes Jón Jónsson Fredericia
Sigurbergur Sveinsson Haukar
Leikjaplan A-liðsins á LK Cup:
4. jan Ísland - Pólland
5. jan. Ísland - Noregur
6. jan. Ísland - Danmörk
A-liðið leikur svo við Tékka hér heima
13. og 14. janúar og fer utan til Nor-
egs 15. janúar.
Landsliðshópur 2 sem tekur þátt í
Posten Cup í Noregi:
Björgvin Páll Gústavsson Fram
Davíð Svansson Afturelding
Ólafur Haukur Gíslason Valur
Sturla Ásgeirsson Aarhus
Baldvin Þorsteinsson Valur
Andri Stefan Haukar
Heimir Örn Árnason Stjarnan
Jóhann Gunnar Einarsson Fram
Arnór Gunnarsson Valur
Fannar Þorbjörnsson Fredericia
Kári Kristjánsson Haukar
Gunnar Berg Viktorsson Haukar
Einar Ingi Hranfsson Fram
Ernir Hrafn Arnarsson Valur
Elvar Friðriksson Valur
Árni Þór Sigtryggsson Granollers
Ólafur Bjarki Ragnarsson HK
Gísli Kristjánsson Fredericia
Rúnar Kárason Fram
Guðlaugur Arnarsson Malmö
Gunnar Ingi Jóhansson Stjarnan
Leikjaplan B-liðsins í Noregi:
11. jan. Ísland - Ungverjaland
12. jan. Ísland - Portúgal
13. jan. Ísland - Noregur
FIMLEIKAR Fimleikasamband
Íslands tilkynnti í gær val sitt á
fimleikafólki ársins. Fríða Rún
Einarsdóttir og Viktor Krist-
mannsson, bæði úr Gerplu, voru
valin fimleikakona og fimleika-
maður ársins 2007.
Fríða Rún þykir mikið efni en
hún hóf þátttöku í alþjóðlegum
mótum haustið 2004. Hún hefur
farið mikinn í unglingaflokki og
hefur enn fremur nú þegar unnið
til margra verðlauna í opnum
flokki og er því ein bjartasta
vonin í áhaldafimleikum sem
Íslendingar eiga.
Viktor hefur verið í sérflokki
hér á landi og er ávallt meðal
efstu manna frá Norðurlöndum á
stórmótum. Viktor stóð sig vel á
smáþjóðaleikunum í Mónakó á
árinu og vann þar til fjölmargra
verðlauna. - óþ
Fimleikasamband Íslands:
Fríða og Viktor
voru valin best HANDBOLTI Alfreð Gíslason valdi
ásamt þeim Kristjáni Halldórs-
syni, þjálfara Stjörnunnar, og
Aroni Kristjánssyni, þjálfara
Hauka, B-landsliðshóp í gær en
það lið mun taka þátt í Posten Cup
í Noregi sem er sterkt mót. And-
stæðingarnir eru Noregur, Ung-
verjaland og Portúgal en mótið
fer fram 11.-13. janúar og verður
spilað í Þrándheimi og Lille-
hammer. Kristján Halldórsson
mun stýra liðinu í mótinu.
„Þetta er gott tækifæri fyrir
ungu og efnilega strákana. Ég
mun einnig nota mótið til þess að
gefa leikmönnum eins og Einari
Hólmgeirssyni, Sigfúsi Sigurðs-
syni og jafnvel Loga Geirssyni
tækifæri til þess að spila en þeir
hafa lítið leikið upp á síðkastið og
vantar mínútur á vellinum,“ sagði
Alfreð en fyrir utan unga og efni-
lega leikmenn eru einnig reyndir
leikmenn í þessum hópi sem hafa
verið viðriðnir landsliðið í gegn-
um tíðina. Nægir þar að nefna
menn eins og Heimi Örn Árnason,
Gunnar Berg Viktorsson og
Andra Stefan.
Það vekur engu að síður athygli
að Alfreð skuli ekki velja suma af
eldri strákunum eins og Gylfa
Gylfason, Einar Örn Jónsson og
Þóri Ólafsson en þeir spila allir í
þýsku deildinni og hafa verið að
spila með landsliðinu á síðustu
árum.
„Ég veit hvað þessir strákar
geta og ég ákvað frekar að leyfa
ungu strákunum eins og Arnóri
Gunnarssyni að spila. Arnór er
framtíðarmaður að mínu mati,“
sagði Alfreð sem mun ekki fara
með liðinu til Noregs þar sem
hann verður með A-liðið á æfing-
um á sama tíma.
- hbg
Alfreð Gíslason valdi B-landsliðshóp ásamt öðrum sem mun spila á móti í Noregi:
Gott tækifæri fyrir ungu og efnilegu strákana
BJÖRGVIN PÁLL GÚSTAVSSON Einn af ungu strákunum sem fá tækifæri til að
sanna sig í Noregi. FRÉTTABLAÐIÐ/VILHELM
HANDBOLTI Alfreð Gíslason valdi 41 leikmann í
landsliðshópa sína tvo í gær. 22 leikmenn eru
í B-liði Alfreðs en 19 leikmenn eru í A-liðinu
en líklegt er að leikmennirnir í þeim hópi
muni skipa EM-hóp Alfreðs þó að það séu leik-
menn í B-liðinu sem gætu átti smávægilegan
möguleika.
Fátt kemur á óvart í vali Alfreðs í A-liðs
hópnum fyrir utan að þar er hinn ungi Hauka-
maður Sigurbergur Sveinsson sem stóð sig
vel er hann fékk tækifæri með landsliðinu á
dögunum. Landsliðið kemur saman í byrjun
janúar og fer beint á LK Cup í Danmörku sem
hefst 4. janúar.
Okkar sterkasti leikmannahópur
„Ég er búinn að skoða marga leikmenn síðasta
árið og margir hafa fengið tækifæri. Þessi
hópur er samt að mínu mati okkar sterkasti
eins og staðan er í dag. Sigurbergur er inni en
hann stóð sig vel gegn Ungverjum og það er
misjafnt ástandið á rétthentu skyttunum
okkar. Svo er spurning hvernig staðan er á
Sigfúsi en ég fæ gott tækifæri til þess að
skoða hann þegar hann kemur heim. Hann
hefur verið meiddur en er að koma til baka,“
sagði Alfreð við Fréttablaðið í gær.
Eins og venjulega vekur athygli þegar
ákveðnir leikmenn eru ekki valdir og miðað
við fyrri hópa Alfreðs þá vekur kannski helst
athygli að Ragnar Óskarsson og Valdimar
Þórsson séu í hvorugum hópnum hjá Alfreð að
þessu sinni.
Valdimar í kuldanum og Ragnar ekki valinn
þótt hann væri heill
„Ragnar er meiddur en ég efast um að ég
hefði valið hann þó svo að hann hefði verið
heill. Valdimar fór með okkur til Parísar á
sínum tíma og stóð sig vel á æfingum en það
skilaði sér því miður ekki í leikjunum. Á móti
kemur að við erum vel mannaðir á miðjunni
með Snorra sem mann númer eitt og svo geta
bæði Arnór og Ólafur leyst hann af,“ sagði
Alfreð en Magnús Stefánsson og Björgvin
Hólmgeirsson eru einnig í hvorugum hópnum
en þeir fengu tækifæri gegn Ungverjum líkt
og Sigurbergur. „Mér fannst Sigurbergur
standa sig best af þeim þremur. Magnús og
Björgvin eru ungir og efnilegir og fá eflaust
tækifæri síðar. Svo þarf ég líka að skoða Ingi-
mund betur.“
Bjarni Fritzson heldur sæti sínu í A-lands-
liðshópnum þó svo að þar komi fleiri til
greina eins og Gylfi Gylfason, Þórir Ólafs-
son og Einar Örn Jónsson sem allir spila í
Þýskalandi.
„Við eigum marga góða hornamenn og
Bjarni hefur staðið sig vel. Svo er Arnór
Gunnarsson ungur og mjög efnilegur horna-
maður sem ég er spenntur fyrir. Þess utan
geta allar örvhentu mennirnir okkar spilað
báðar stöður og það er mjög erfitt fyrir alla
hornamenn að komast þarna inn,“ sagði Alfreð
sem stendur frammi fyrir nýju vandamáli.
Meiðsli Guðjóns Vals gætu opnað dyrnar fyrir
Baldvin Þorsteinsson
Á síðustu mótum hefur Guðjón Valur Sigurðs-
son verið eini vinstri hornamaðurinn í hópn-
um en hann er tæpur sem og Logi Geirsson.
Hvað ætlar Alfreð að gera í því?
„Það er allt opið enn sem komið er. Ef Logi
er ekki í standi þá tek ég hornamann með og
þá er Baldvin líklegastur. Svo er hægt að setja
Hannes í allar stöður og hann leysir þau verk-
efni sem honum eru gefin og gerir það vel.“
Roland Valur Eradze er kominn aftur í hóp-
inn hjá Alfreð. „Hann vissi að hann ætti mögu-
leika ef hann væri í standi. Ég sé hvernig hann
verður í Danmörku. Ef hann er í formi þá er
hann mikilvægur fyrir okkur,“ sagði Alfreð
en liðið verður án Jaliesky Garcia
Padron í Danmörku þar sem
hann er í fríi til 7. janúar
vegna fjölskyldumála.
Það er ljóst að Ísland
mætir til leiks á EM með
einn af sterkustu hópun-
um í mótinu og Alfreð segir
markið sett hátt að þessu sinni.
„Við ætlum að komast inn á ólympíuleik-
anna og því þurfum við að fara langt og við
ætlum okkur langt í þessari keppni. Stefnan
er sett á verðlaunasæti og það dugar ekkert
annað ef við ætlum að komast í umspil fyrir
ólympíuleikana,“ sagði Alfreð Gíslason.
henry@frettabladid.is
Stefnum á verðlaunasæti á EM
Alfreð Gíslason landsliðsþjálfari valdi í gær tvo landsliðshópa; annars vegar A-lið, þar sem flestir munu
fara á EM, og svo B-lið óreyndari manna. Alfreð líst vel á mannskapinn og er bjartsýnn á gott gengi á EM
þar sem verður mætt til leiks með hástemmd markmið enda stefnir Alfreð á verðlaunasæti.
ÆTLAR SÉR STÓRA HLUTI
Alfreð Gíslason mætir til
leiks á EM með stórar
væntingar en hann stefnir
að því að vinna til verð-
launa og koma landsliðinu í
umspil fyrir Ólympíuleik-
ana. FRÉTTABLAÐIÐ/ANTON
> Enn einn vináttuleikurinn
Íslenska karlalandsliðið í knattspyrnu mætir landsliði
Wales í vináttulandsleik 28. maí á Laugardalsvelli, en þetta
var tilkynnt á heimasíðu Knattspyrnusambands Íslands í
gær. Þetta er sjötti æfingarleikurinn sem fyrirhugaður er
hjá íslenska landsliðinu á næsta ári og annar leikurinn
sem bókaður er á Íslandi. Með landsliði Wales
leika nokkrir þekktir leikmenn úr ensku
úrvalsdeildinni, en frægasti fótboltamaður
Wales, Ryan Giggs, hefur því miður lagt
landsliðsskóna á hilluna.