Fréttablaðið - 18.01.2008, Blaðsíða 2
2 18. janúar 2008 FÖSTUDAGUR
HEILBRIGÐISMÁL Heilsugæslustöð
Árbæjar hefur sent hundruðum
skjólstæðinga bréf þar sem þeim
er tilkynnt að þeim sé sagt upp
þjónustu. Ástæðan er sögð sú að
heimilislæknir þeirra sé hættur
störfum á stöðinni og þar sem
skjólstæðingarnir umræddu eigi
lögheimili utan þjónustusvæðis
stöðvarinnar í Árbæ sé þeim sagt
upp nú. Uppsögnin taki gildi 1.
mars næstkomandi. Þetta á ein-
ungis við það utansvæðisfólk sem
var með umræddan heimilislækni.
Skjólstæðingar sem fengið hafa
uppsagnarbréf segja farir sínar
ekki sléttar í samtölum við Frétta-
blaðið. Þeir hafi reynt að fá heim-
ilislækni innan sinna þjónustu-
svæða en enginn sé laus.
„Mér finnst það ljótt af stjórn-
völdum að setja okkur lækna í
þessi spor,“ segir Gunnar Ingi
Gunnarsson, yfirlæknir heilsu-
gæslustöðvarinnar í Árbæ. Hann
kveðst hafa verið nauðbeygður til
að grípa til þessa „óyndisúrræðis“
þegar einn læknanna á stöðinni
færði sig annað.
Hann útskýrir að vegna þess,
svo og annarra aðstæðna, hafi
þurft að grípa til þess að senda ein
400 uppsagnarbréf til skjólstæð-
inga. Ekki sé hægt að segja
nákvæmlega til um fjölda þeirra
sem sagt hefur verið upp, því börn
hafi ekki fengið bréf, auk þess
sem einhverjir geti verið fluttir
inn á svæðið aftur. Þeir síðast-
nefndu séu beðnir um að hafa sam-
band við heilsugæslustöðina til að
færa hlutina aftur í rétt horf.
„Við höfum verið í miklum vand-
ræðum undanfarin misseri uppi í
Árbæ, því það er svo stríður
straumur af fólki sem flyst inn á
okkar svæði, bæði í Norðlingaholt
og Grafarholt,“ bætir Gunnar Ingi
við. „Þegar umræddur læknir fer
annað er ráðningarbann í heilsu-
gæslustöðinni. Staðan er 500 millj-
ónir króna í mínus í rekstri, lækn-
ar alltof fáir og allt í hönk.
Ég hef aldrei verið talsmaður
þess að segja upp fólki þótt það
flytji í burtu og mér finnst það
fráleitt. En staðan er einfaldlega
svona.“
Guðmundur Einarsson, forstjóri
Heilsugæslu höfuðborgarsvæðis-
ins, segir í tilvikum af þessu tagi
um að ræða vinnureglu sem farið
sé eftir.
„Ef fólk er á svæðum þar sem
það hefur ekki greiðan aðgang að
heilsugæslustöð eða telur sig hafa
aðrar ástæður til að hverfa ekki
frá þessari stöð, þá getur það borið
sig upp við yfirlækni hennar eða
við okkur hér.“
jss@frettabladid.is
Mér finnst það ljótt af
stjórnvöldum að setja
okkur lækna í þessi spor.
GUNNAR INGI GUNNARSSON
YFIRLÆKNIR HEILSUGÆSLUSTÖÐVAR-
INNAR Í ÁRBÆ.
Björn, eruð þið að leita
hófanna?
„Já, við leitum örugglega að þeim
meðal annars.“
Umfangsmikil leit er gerð að fjórum
hrossum í Langanesbyggð sem hafa
verið týnd síðan á þrettándanum. Björn
Ingimarsson er sveitarstjóri Langanes-
byggðar.
STJÓRNMÁL Björgvin G. Sigurðs-
son viðskiptaráðherra telur að
sparnaður heimila vegna afnáms
seðilgjalda verði á bilinu 20 til
50 þúsund krónur á ári.
Formleg vinna við afnám seðil-
gjalda hófst í gær þegar fulltrúar
Samtaka atvinnulífsins og Sam-
taka verslunar og þjónustu fund-
uðu með ráðherra um útfærslu
verkefnisins.
Björgvin segir báða aðila hafa
tekið vel í áformin og bindur
vonir við að afnám seðilgjalda
geti gengið hratt fyrir sig.
Í viðskiptaráðuneytinu er
einnig unnið að framkvæmd til-
lögu um að meina bönkum að
krefjast uppgreiðslugjalda á
lánum með breytilegum vöxtum.
Lagabreytingu þarf til og vonast
ráðherra til að frumvarp þar að
lútandi verði tilbúið á næstu
vikum. Jafnframt er unnið að
útfærslu á þeim vilja ráðherra
að samningsbinda kostnað vegna
yfirdráttar og að hann skuli vera
í eðlilegum takti við upphæð
yfirdráttarins.
Björgvin er sannfærður um að
breytingarnar verði neytendum
og bönkum til hagsbóta enda
beggja hagur að heimildir fjár-
málafyrirtækja til gjaldtöku séu
skýrar.
- bþs
Viðskiptaráðherra telur afnám seðilgjalda skipta máli í heimilisbókhaldinu:
Getur sparað 20 til 50 þúsund á ári
BJÖRGVIN G. SIGURÐSSON Formleg
vinna við afnám seðilgjalda hófst í gær.
Kjúklingur í karrý 0,5 ltr. Egils gos fylgir með
749 kr.
Réttur dagsins
ALÞINGI Þingmenn úr öllum
flokkum lýstu sig í gær fylgjandi
þingsályktunartillögu um að
Alþingi fordæmi mannréttinda-
brot og hvetji bandarísk yfirvöld
til að loka fangabúðunum í
Guantanamo.
Katrín Jakobsdóttir er fyrsti
flutningsmaður tillögunnar en
samflutningsmenn eru aðrir
þingmenn VG.
Katrín er í fæðingarorlofi og
tók því ekki þátt í umræðunum
sem, ólíkt því sem gjarnan er,
voru án deilna og gagnrýni. T
illagan fer í nefnd áður en hún
verður tekin til síðari umræðu.
- bþs
Þverpólitísk samstaða á þingi:
Allir vilja loka
Guantanamo
Heilsugæslan lokar á
hundruð skjólstæðinga
Heilsugæslustöðin í Árbæ hefur sagt hundruðum skjólstæðinga upp þjónustu.
Læknir hætti þar og skjólstæðingar hans eru búsettir á öðrum þjónustusvæð-
um. Ráðningarbann og skuldahalinn um 500 milljónir, segir yfirlæknir.
GUNNAR INGI GUNNARSSON
HEILSUGÆSLAN Í ÁRBÆ Stöðin ræður ekki við að þjóna
hverfinu, að sögn forstjóra Heilsugæslu höfuðborgarsvæðis-
ins. Hann segir uppsagnargjörninginn ekki stangast á við lög
um heilbrigðisþjónustu.
NOREGUR, AP Stjórn og stjórnarand-
staða í Noregi hafa komist að
málamiðlun um stefnu landsins í
loftslagsmálum. Markið er sett á að
Noregur verði „kolefnis-hlutlaust“
hagkerfi fyrir árið 2030.
Áður höfðu stjórnarflokkarnir –
Verkamannaflokkurinn, Miðflokk-
urinn og Sósíalíski vinstriflokkur-
inn – sett sér stefnu án stuðnings
stjórnarandstöðunnar. Stjórnin
sóttist hins vegar eftir þverpólit-
ískri samstöðu um stefnuna til að
tryggja langtímastöðugleika
hennar.
Lykillinn að því að ná markmið-
inu um „kolefnishlutleysi“ svo
fljótt er að olíuþjóðin Noregur ger-
ist stórtæk í að kaupa losunarkvóta
frá þróunarlöndum. - aa
Loftslagsmál í Noregi:
Sátt um stefnu
VIÐSKIPTI Nokkurs taugatitrings
gætti á alþjóðlegum hlutabréfa-
mörkuðum í gær, ekki síst eftir
dýfu á þriðjudag þegar bandaríski
risabankinn Citigroup skilaði inn
versta uppgjöri í næstum 200
hundruð ára sögu hans.
Fjárfestar og markaðsaðilar
binda vonir við að þegar öll
uppgjör hafa skilað sér í hús muni
skýrari mynd fást af afleiðingum
undirmálslánakreppunnar sem
sett hefur skarð í afkomu fjár-
málafyrirtækja frá miðju síðasta
ári. Muni það svo auka tiltrú
fjárfesta á hlutabréfamarkaðinn
að nýju. - jab / sjá síðu 24
Uppgjörshrinan hafin:
Fjárfestar bíða
góðra fregna
KAUPHALLARMENN RÝNA Í TÖLURNAR
Fjárfestar óttast að samdráttur verði í
Bandaríkjunum á árinu. FRÉTTABLAÐIÐ/PJETUR
MANNLÍF „Snjóhúsin og snjókarl-
arnir sem við Íslendingar
gerum með hefðbundnum hætti
eru alveg ágætir en þetta slær
öllu við,“ segir Nanna Úlfsdótt-
ir sem býr við Njálsgötu. Í gær
bar þar að líta risastóran og
fallegan snjóhest, sem minnti
einna helst á veru úr Múmín-
dalnum.
„Við gætum greinilega lært
margt af þessum lettnesku
listamönnum sem gerðu þetta,“
bætir hún við.
„Eins og veðrið er núna þá
ætti bara að senda nemendur
Listaháskólans á stúfana og
leyfa þeim að finna sköpunar-
gáfunni farveg í snjónum sem
hentar afar vel til skúlptúr-
gerðar þessa dagana,“ segir
hún að lokum. - jse
Lettneskir listamenn láta á sér kræla í snjóþunganum:
Risasnjóhestur á Njálsgötu
HOTT, HOTT Á SNJÓHESTI Íbúar á Njálsgötu voru himinlifandi þegar þeir sáu hestinn
í grenndinni og hrifningin var ekki minni hjá yngra fólkinu sem gat ekki á sér setið
og brá sér á bak hestinum. Fremst í flokki fór Guðrún Ásgeirsdóttir en þær Sæunn
Aradóttir og Freyja Jónsdóttir sátu fyrir aftan hana. FRÉTTABLAÐIÐ/AUÐUNN
VIÐSKIPTI Þórdís Sigurðardóttir,
formaður stjórnar Dagsbrun
Media, segir Baug og aðra
upphaflega fjárfesta í Nyhedsa-
visen munu fá
fé sitt til baka.
Þeir hafi alls
ekki tapað
milljörðum
króna á blaðaút-
gáfunni í
Danmörku.
„Við vissum í
upphafi að
þetta yrði
fjárfrekt
verkefni en höfum alltaf trúað að
þeir peningar skili sér til baka.
Og í dag erum við sannfærð um
að það markmið náist á næstu
mánuðum,“ segir hún.
Morten Lund, sem kom með
nýtt hlutafé inn í Nyhedsavisen
og á nú 51 prósent í blaðinu,
skrifar á bloggsíðu sinni um
kaupin á Nyhedsavisen. Kveðst
hann vera afar heppinn maður.
- gar
Dagsbrun Media:
Töpum ekki á
Nyhedsavisen
ÞÓRDÍS
SIGURÐARDÓTTIR
LÖGREGLUMÁL Tveir menn á
fimmtugsaldri voru handteknir á
Þingeyri í gærmorgun eftir að
lögreglan hafði fundið rúmlega 50
grömm af hassi og áhöld til
fíkniefnaneyslu í heimahúsi. Þeir
játuðu fyrir að hafa átt efnin en
sögðu þau ekki vera til sölu eða
dreifingar. Þeim hefur verið
sleppt úr haldi.
Lögreglan á Vestfjörðum naut
aðstoðar lögreglumanns og
fíkniefnaleitarhunds frá hunda-
deild lögreglunnar á höfuðborgar-
svæðinu við húsleitina sem gerð
var eftir að ábendingar fengust
um fíkniefnamisferli mannanna
beggja. - jse
Fíkniefni fundust í heimahúsi:
Handtóku tvo
karla á Þingeyri
SPURNING DAGSINS