Fréttablaðið - 18.01.2008, Blaðsíða 11
FÖSTUDAGUR 18. janúar 2008 11
UMHVERFISMÁL Árleg vetrarfugla-
talning Náttúrustofu Vesturlands
sýnir mikil áhrif aukinnar
síldargengdar á Breiðafirði á
fuglalíf.
Starfsmaður náttúrustofunnar
taldi svæði sem nær frá Eiði við
vestanverðan Kolgrafafjörð að
vegfyllingu yfir Hraunsfjörð. Að
þessu sinni sá hann nítján
fuglategundir og voru fuglar nú
fleiri en nokkru sinni frá því
vöktun þessa svæðis hófst eða
3.554.
Áhrif síldarinnar komu
greinilega fram í niðurstöðum
talninganna, þar sem óvenjulega
mikið var af þeim fuglategundum
sem helst sækja í uppsjávarfisk,
til dæmis mávum, skörfum,
toppöndum og teistum. Á svæði
náttúrustofunnar voru sjö sinnum
fleiri svartbakar og um þrisvar
sinnum fleiri hvítmávar, en þeir
höfðu áður verið flestir. - shá
Síldin í Breiðafirði:
Fuglalíf glæðist
með síldinni
MÁVAR Sjófuglar sækja í síldina á
Breiðafirði. FRÉTTABLAÐIÐ/VILHELM
SVEITARSTJÓRNIR Sandgerðingar
eru ósáttir við að fá aðeins rúma
eina milljón króna sem hluta af
jöfnunaraðgerðum ríkisstjórnar-
innar vegna samdráttar í
aflamarki þorsks.
Segist bæjarstjórn Sandgerðis
vera sammála bæjarstjóra sínum
sem í bréfi til félagsmálaráðu-
neytisins segir „að hér hljóti að
vera um mistök að ræða þar sem
hlutur Sandgerðisbæjar sé svo
fjarri allri sanngirni í ljósi
landaðs afla og stöðu Sandgerðis-
hafnar“.
Sandgerðingar vilja ræða nánar
við félagsmálaráðuneytið um
málið. - gar
Kvótaskerðing í Sandgerði:
Ósátt við aðeins
milljón í bætur
SANDGERÐI Vilja ræða við félagsmála-
ráðuneyti um jöfnunaraðgerðir.
FRÉTTABLAÐIÐ/GVA
KÍNA, AP Hæð sjávarmáls við
kínversku borgina Sjanghæ og
fleiri hafnarborgir í Kína hækkar
með kvíðvænlegum hraða sem
getur meðal annars leitt til
mengunar á drykkjarvatni að því
er sjávarstofnun kínverska
ríkisins greindi frá í gær.
Hæð sjávarmáls við Sjanghæ
hefur hækkað um 115 millimetra
síðustu þrjá áratugi og á sama
tímabili um 196 millimetra við
hafnarborgina Tianjin skammt frá
Peking.
Helstu orsakir eru sagðar
loftslagsbreytingar og að landi við
strendur hefur verið sökkt með
því að dæla þaðan grunnvatni. - sdg
Varað við mögulegri mengun:
Hækkandi sjáv-
armál við Kína
UMHVERFISMÁL Minna magn af óflokkuðu
heimilissorpi mældist í sorptunnum íbúa
Reykjavíkur árið 2007 heldur en árið 2006.
„Þetta eru tíðindi því magnið hefur aukist ár
frá ári þangað til núna,“ segir Guðmundur B.
Friðriksson, skrifstofustjóri hjá umhverfis-
sviði Reykjavíkurborgar.
Hefur óflokkað heimilissorp dregist saman
um 50 þúsund tonn á þessu eina ári. Ef tekið
er til greina að íbúum borgarinnar fjölgaði um
1.275 manns milli áranna reiknast minnkun á
sorpmagni á hvern íbúa um 1 prósent, fór úr
233 kílóum á íbúa árið 2006 í 231 kíló á íbúa
árið 2007.
Ef horft er til þess að heildarmagn á rusli
hefur aukist og að ekki hefur dregið úr neyslu
almennings telja þau hjá umhverfissviði þetta
góðan árangur. „Ég tel helstu ástæðu þessa
samdráttar felast í aukinni flokkun borgarbúa
og skilum á endurvinnslustöðvar og í
grenndar gáma,“ segir Guðmundur. Þá segir
hann endurvinnslutunnuna og bláu tunnuna
einnig vinsælar. - ovd
Sorpmagn hvers íbúa í höfuðborginni hefur minnkað um eitt prósent á einu ári:
Minna óflokkað heimilissorp í Reykjavík
HEIMILD: UMHVERFISSVIÐ
27
.1
35
.5
73
27
.1
86
.4
20
26
.2
47
.0
90
2007 2006 2005
HEIMILISSORP Í REYKJAVÍK
GUÐMUNDUR B. FRIÐ-
RIKSSON Dregið hefur úr
óflokkuðu heimilissorpi.
• Ef allir viðskiptavinir OR skipta yfir í boðgreiðslur sparast 7068 kg af pappír á ári eða 295 tré. www.or.is
ÍS
L
E
N
S
K
A
/S
IA
.I
S
/O
R
K
3
99
70
1
1/
07
Skiptu yfir í boðgreiðslur
Fyrstu 100 sem skipta
yfir í boðgreiðslur
fá glaðning frá
Orkuveitu Reykjavíkur
Óþarfa gluggapóstur finnur sér leið inn á of mörg heimili
í dag. Á tímum rafrænna greiðslna og vefvæðingar ætti
gluggapóstur fyrir löngu að vera leifar gamals tíma, sóunar
og óskynsemi. Svo ekki sé minnst á umhverfisspjöllin.
Með því að fara inn á www.or.is/bodgreidslur getur þú lagt þitt af mörkum
til umhverfisverndar og borgað reikningana þína með boðgreiðslum.
Enginn pappír, enginn gluggapóstur, ekkert vesen.
Er þetta
ekki orðið
ágætt?