Fréttablaðið - 18.01.2008, Blaðsíða 68

36 18. janúar 2008 FÖSTUDAGUR
folk@frettabladid.is
> HUDSON Í HÁRVÖRUR
Kate Hudson og hárgreiðslumaður-
inn David Babaii hafa leitt saman
hesta sína og sent frá sér hárvöru-
línu undir nafninu Wildaid. Hún
hentar lituðu hári og mun þar
að auki safna fé til styrktar nátt-
úruverndarsamtökunum Wild-
Aid. Vörurnar verða ekki prófað-
ar á dýrum.
Orðrómur er uppi um að leikkonan
Gwyneth Paltrow hafi verið lögð
inn á sjúkrahús á dögunum vegna
þess að hún eigi von á sínu þriðja
barni. Talsmaður Paltrow segir að
um tómar getgátur
sé að ræða og vill
ekki tjá sig um
ástæðuna fyrir
dvöl hennar á
sjúkrahúsinu.
Paltrow og
eiginmaður
hennar,
Chris Martin,
eiga tvö
börn, þau
Apple og
Moses.
Hljómsveitin Radiohead þurfti að
hætta við óvænta tónleika sína
í plötubúð í London og flytja sig
yfir í klúbb skammt frá eftir að
næstum 1.500 aðdáendur reyndu
að fá miða. Af öryggisástæðum
var ákveðið að flytja tónleikana
á annan stað en Radiohead
hafði tilkynnt um
tónleikana fyrr um
morguninn. Auk laga
af nýju plötunni, In
Rainbows, spilaði
Radiohead eldri
slagara á borð
við My Iron Lung
og The Bends.
Rokkararnir í The Rolling Stones
hafa skrifað undir einnar plötu
samning við plötufyrirtækið
Universal. Mun það gefa út
tónleikaplötu sveitarinnar
sem var tekin upp í New York
árið 2006. Platan
er væntanleg
í búðir um
svipað leyti og
Stones-heim-
ildarmynd
Martins
Scorsese,
Shine
A Light,
kemur út
í mars.
FRÉTTIR AF FÓLKI
Eddie Murphy og eiginkona
hans til rétt rúmra tveggja
vikna, Tracey Edmonds,
hafa slitið samvistir. Þau
giftu sig á einkaeyju nálægt
Bora Bora á nýársdag, en
hjónabandið var þó ekki
lagalega bindandi. Parið
hafði áður sagst ætla að
halda aðra athöfn í Banda-
ríkjunum, til að gera hjóna-
bandið löglegt, en af henni
varð aldrei. Talsmaður
Murphy sendi frá sér til-
kynningu á miðvikudag, þar
sem segir að að parið hafi
komist að þeirri niðurstöðu
að sleppa athöfninni þar
sem hún sé ekki nauðsynleg
til að „skilgreina sambandið
frekar“. „Þó að nýafstaðið
táknrænt brúðkaup okkar á
Bora Bora sé dæmi um þá
miklu ást, vináttu og virð-
ingu sem við berum hvort
fyrir öðru, höfum við ákveð-
ið að vera bara vinir,“ segir
í tilkynningunni.
Samkvæmt tímaritinu
People kom þó annað og
meira til, en einn brúð-
kaupsgestanna segir að
Murphy hafi öskrað á
nýbakaða eiginkonu sína
fyrir framan gestina. „Hann
gerði það nokkrum sinnum
og það var ótrúlega óþægi-
legt,“ segir heimildarmað-
urinn. Annar vinur parsins
segir við Life&Style að
parið hafi rifist hatramm-
lega fyrr í vikunni. Hann
segir einnig að Eddie hafi
verið afar stjórnsamur og
meðal annars krafist þess
að Tracey tæki sér eftirnafn
hans. Hún neitaði, þar sem
hún vildi halda því nafni
sem synir hennar bera.
Hætt saman eftir tvær vikur
STJÓRNSAMUR Heimildar-
maður Life&Style segir
stjórnsemi Eddie Murphy hafa
átt sinn þátt í því að hann
og eiginkona hans til tveggja
vikna séu skilin að skiptum.
Þungarokkshetjurnar í White-
snake spila í Laugardalshöll 10.
júní og hefst almenn miðasala í
dag. Í sérstakri forsölu sem
boðið var upp á tryggðu margir
sér miða, þeirra á meðal Kiddi
rokk. Kiddi er einn ötulasti
þunga-
rokkari
landsins og
starfar hjá
Smekk-
leysu.
„Mig
minnir að
ég hafi séð
þá sex
sinnum til
þessa,“
segir
Kiddi.
„White-
snake er
einmitt fyrsta erlenda stórband-
ið sem ég sá. Ég sigldi með
Eddunni til Englands 1983 og
Whitesnake var aðalbandið á
Donnington-hátíðinni. Þeir
tónleikar gerðu mig að algjörum
sjúklingi.“
Síðast var Whitesnake á
Íslandi árið 1990 og spilaði
tvenna tónleika í Reiðhöllinni.
Seinna giggið er eftirminnilegt
fyrir þá sök að David Coverdale
söngvari var veikur og þurfti að
ræsa út Pétur heitinn Kristjáns-
son til að bjarga málunum.
Hann stóð sig að sjálfsögðu eins
og hetja.
„Ég sá fyrra giggið, það er að
segja giggið með Coverdale, og
það var frábært,“ segir Kiddi.
„Það er allt annað band sem
kemur hingað núna, bara
Coverdale sem er eftir af
upprunalega bandinu. Þetta
hefur náttúrlega alltaf verið
bandið hans hvort sem er. Hann
er með unga og ferska stráka
með sér. Mér finnst þetta
frískasta útgáfan af Whitesnake
í allavega tíu ár.“
- glh
Kiddi fer á
Whitesnake
KIDDI ROKK Whitesnake
gerði hann að sjúklingi.
Áhangendur íslenska landsliðsins í hand-
knattleik hituðu vel upp fyrir leik liðsins
gegn hinum alræmdu Svíum á Evrópumót-
inu í Noregi.
Talið er að allt að fimm hundruð Íslendingar séu
samankomnir í Þrándheimi til að fylgjast með leikjum
liðsins en töluverður fjöldi kom frá nágrannalöndun-
um Svíþjóð og Danmörku. Hátt á þriðja hundruð
Íslendinga komu hins vegar beint frá Keflavík með
leiguflugi Icelandair og ætluðu að láta ljós sitt skína á
Evrópumótinu með tilheyrandi hvatningarorðum í
hæsta styrk. Stuðningsmennirnir vildu hins vegar
stilla saman strengi sína fyrir leikinn gegn Svíunum
og tók ljósmyndari Fréttablaðsins púlsinn á blóðheit-
um aðdáendunum þar sem þeir hituðu upp raddböndin
á skemmtistaðnum Monte Cristo í miðborg Þránd-
heims. freyrgigja@frettabladid.is
Íslenskt stuð í Þrándheimi
TROMMAÐ Þessir ungu menn ætluðu að sjá til þess að
íslensku stuðningsmennirnir væru í takt og börðu stríðsbumb-
urnar af miklum móð. FRÉTTABLAÐIÐ/PJETUR
GÓÐ STEMNING Íslensku áhangendurnir ætluðu augljóslega að
láta vel í sér heyra og sveifluðu íslenska fánanum í gríð og erg.
LÉTT Í LUNDU Þau Stefán, Kjartan, Hreinn, Ríkharður og Telma
ætluðu að láta leikgleðina ráða för á Evrópumótinu.
LANDSLIÐSMAÐUR Í GÓÐUM HÓPI Bjarki Sigurðsson, fyrrum
landsliðshetja, var í góðum hópi og í réttum búningi með
þeim Theódóri og Jóni Frey.
BLÓÐHEITIR Þeir Arnar, Fannar Helgi, Bjarki, Örn Ingi, Arnar
Freyr og Aron Gylfi ætluðu ekki að gefa neitt eftir í stuðningi
sínum við íslenska landsliðið.