Fréttablaðið - 18.01.2008, Blaðsíða 25
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Hreyfing og hollt mataræði er Helenu Ólafsdótt-
ur ofarlega í huga.
Fótbolta- og einkaþjálfarinn Helena Ólafsdóttir, sem
þjálfar meistaraflokk kvenna hjá KR, hugsar vel um
mataræðið og þá sérstaklega nú í byrjun árs. „Nú er
allt að fara í gang,“ segir Helena. „Skólarnir og æfing-
arnar eru að byrja og einkaþjálfunin er komin á fullt.
Nú er tíminn til að hefja nýtt líf.“
Helena segist áður fyrr hafa átt það til að borða
brauð og jógúrt á hlaupum en nú orðið leggur hún
áherslu á fjölbreytt og heilsusamlegt mataræði. „Ég
hugsa þó að öfgar séu aldrei af hinu góða. Þær verða
bara til þess að maður gefst upp. Ég held að það sé
nauðsynlegt að leyfa sér eitthvað inni á milli og það
geri ég óspart.“
Heima er Helena mikið með kjúkling, fisk og græn-
meti. „Við erum til að mynda mjög hrifin af kjúklinga-
rétti sem við köllum sjö mínútna réttinn. Það er mjög
fljótlegt að elda hann þó það taki eflaust aðeins lengri
tíma en nafnið gefur til kynna að öllu með töldu,“
Helena byrjar á því að steikja kjúklinginn á wok-
pönnu og sker svo niður það grænmeti sem er til í
ísskápnum. „Ég nota til dæmis lauk, papriku, sveppi,
gulrætur, brokkolí og í raun hvaða grænmeti sem er.
Síðan set ég red curry sósu frá Blue Dragon yfir
ásamt kókosmjólk. Stundum bæti ég bambussprotum
og öðru grænmeti frá sama merki við og eins smá
hvítlauks- og chilli-mauki,“ útskýrir Helena. Þessu er
svo öllu blandað saman og borið fram með hrísgrjón-
um og hvítlauksbrauði. „Það er auðvitað tilvalið að
nota hýðishrísgrjón og má alveg sleppa brauðinu,“
segir Helena en hún hefur bæði boðið fjölskyldunni
og gestum upp á réttinn og segir hún hann alltaf slá í
gegn.
Helena hóf störf sem einkaþjálfari í haust og segir
gefandi að vinna með fólki sem vill taka á sínum
málum. Síðan er fótboltavertíðin að hefjast og segir
hún KR-stúlkur að sjálfsögðu stefna enn lengra en í
fyrra. vera@frettabladid.is
Hollt án nokkurra öfga
Helena leggur áherslu á hollt og fjöl-
breytt mataræði en er þó ekki hrifin
af öfgum af neinu tagi.
FRÉTTABLAÐIÐ/ARNÞÓR
Mensa veisluþjónusta á Baldursgötu
býður nú upp á þann möguleika að
taka ódýran, hollan og góðan heimilis-
mat með heim á milli klukkan
17.00 og 19.00. Mat-
seðillinn breytist
í hverri viku en
hann má sjá
í glugganum
og á heima-
síðunni,
www.mensa.is.
Hafragrautur er staðgóður og
hollur morgunmatur og ekki verra
að taka lýsi með honum. Enga stund
tekur að sjóða hafragraut í potti og
enn fljótlegra er að kaupa hann í
pökkum sem tæmdir eru í skál
með vatni sem hituð er
í örbylgjuofni í tvær
mínútur.
Gló er veitingastaður
við Engjateig þar sem
boðið er upp á fjölbreytt-
an lífrænan matseðil.
Auðvelt er að taka með
sér heim alls konar rétti
og súpur og þeir sem eru
á hraðferð geta hringt
á undan sér svo allt sé
tilbúið. Matseðilinn má
skoða á www.glo.is.