Fréttablaðið - 18.01.2008, Blaðsíða 18
18 18. janúar 2008 FÖSTUDAGUR
taekni@frettabladid.is
TÆKNIHEIMURINN
Vefurinn: SorryGottaGo
Þarftu að losna úr símanum?
Spilaðu eitthvert af mörgum viðeig-
andi hljóðum (sími hringir, bankað
á dyr), og afsakaðu þig.
www.sorrygottago.com
Scrabulous, einn vinsælasti
leikurinn á Facebook-tengslavefn-
um, gæti brátt liðið undir lok.
Fyrirtækin Hasbro og Mattel, sem
eiga Scrabble-vörumerkið, hafa
sent aðstandendum Facebook bréf
þar sem farið er fram á að
leikur inn verði tekinn af síðunni
vegna þess hve líkur hann sé
Scrabble.
Í leiknum fá spilarar sjö stafi og
eiga að mynda úr þeim orð á
spilaborði. Facebook-notendur
geta spilað leikinn við vini sína, og
kostar ekkert að taka þátt.
Samkvæmt fréttavef BBC vilja
aðstandendur Facebook ekki tjá
sig um málið á þessu stigi. - sþs
Eigendur Scrabble ósáttir:
Vilja fjarlægja
Facebook-skrafl
Istorrent-málið svokallaða var
tekið fyrir í Héraðsdómi Reykja-
ness í gær. Um var að ræða
afstöðu stefnenda; 365 miðla,
Framleiðendafélagsins SÍK og
Sambands hljómplötuframleið-
enda, til frávísunarkröfu
Istorr ent ehf. á málinu.
Ákveðið var að málflutningur
vegna frávísunarkröfunnar yrði
haldinn föstudaginn 24. janúar
klukkan 10.30. Að því loknu tekur
dómari ákvörðun um það hvort
lögbanni á síðuna, þar sem
nálgast mátti tónlist, kvikmyndir,
tölvuleiki og annan hugbúnað
frítt, verður aflétt eða ekki. - sþs
Málflutningur í næstu viku:
Torrent-mál
tekið fyrir
Í HÉRAÐSDÓMI Tómas Jónsson, verjandi
Svavars, og Hróbjartur Jónatansson, fyrir
hönd kærenda. FRÉTTABLAÐIÐ/AUÐUNN
Smash Bros. slær í gegn
Super Smash Bros.
Brawl, framhald
bardagaleiksins vin-
sæla frá Nintendo,
hlaut fullt hús stiga
í gagnrýni japanska
tímaritsins Famitsu á
dögunum. Hann er sá
sjöundi í sögu þessa
vinsæla tímarits, sem
kom fyrst út árið
1986, til þess að fá fjörutíu stig
af fjörutíu mögulegum. Leikurinn
kemur út 9. mars í Bandaríkjun-
um, en enginn útgáfudagur hefur
verið ákveðinn fyrir Evrópu.
ESB gegn Microsoft, taka tvö
Framkvæmdastjórn Evrópusam-
bandsins hefur hafið nýja rann-
sókn á því hvort hugbúnaðarrisinn
Microsoft hafi misnotað markaðs-
ráðandi aðstöðu sína í Evrópu.
Microsoft tapaði svipuðu máli á
síðasta ári, en þá dæmdi dómstóll
Evrópusambandsins fyrirtækið til
að greiða sem samsvarar fimmtíu
milljörðum króna í sekt fyrir að
flétta Media Player-spilarann við
Windows-stýrikerfið.
Heimsækja gamlan vin
Könnunarflaugin Mess-
enger flaug fram hjá
Merkúr fyrr í þessari viku,
og tók fyrstu myndir af
yfirborði plánetunnar
síðan 1974. Flauginni
var skotið á loft af
bandarísku geimferða-
stofnuninni, NASA, árið
2004 og hefur meðal
annars flogið á braut um
jörðina og Venus síðan þá.
Nú er það svart
Vísindamenn í Bandaríkjunum
hafa búið til svartasta efni heims.
Það er búið til úr örsmáum kol-
efnispípum og endurkastar þrisvar
sinnum minna af ljósi en þau
svörtustu efni sem hingað til hafa
verið framleidd. Vonast er til að
hægt verði að nota þessa tækni
í framtíðinni, til dæmis í flatskjái,
fatnað og tölvuminni.
Fyrsti GameTíví-þáttur ársins, þar sem Ólafur Þór
Jóelsson og Sverrir Bergmann fjalla um nýjustu
tölvuleikina og flytja fréttir úr leikjaheiminum,
var sýndur á Skjá einum í gærkvöldi. Ólafur,
eða Óli Jó eins og hann er kallaður, segir þá
félaga vel stemmda eftir jólafríið og heilmikið
verði á dagskrá næstu mánuðina, en þátturinn
verður sýndur vikulega í sjónvarpi fram á vor.
„Núna í byrjun ársins erum við aðeins að
taka saman það helsta sem gerðist á síðasta ári í
leikjaheiminum og í þættinum, til dæmis fórum við
yfir þá leiki sem seldust best á árinu á Íslandi í fyrsta
þættinum,“ segir Óli. „Svo ætlum við að sýna eins
konar „best of“ úr raunveruleikjunum okkar frá því
í fyrra í næsta þætti, en þar reyndum við að leika
eftir ýmsar kúnstir úr tölvuleikjum í alvörunni.“
Beðinn um að nefna dæmi segir Óli að þeir
félagar hafi til dæmis reynt að klífa byggingar
eins og gert er í Assasin‘s Creed og troðið sér í loftræstistokk,
sem er vinsælt hjá aðalhetjum í ýmsum tölvuleikjum og
kvikmyndum. „Svo vildum við sjá hvort ég gæti drep-
ið Sverri í þykjustunni og klætt mig í fötin hans á jafn
skömmum tíma og aðalhetjan gerir í Hitman-leikjunum.
Það kom á daginn að það er töluvert erfiðara í alvörunni,“
segir hann.
En hvað fannst þáttastjórnandanum persónulega
standa upp úr á síðasta ári í leikjaheiminum? „2007
var mjög gott leikjaár, og athyglivert að next-gen
leikjatölvurnar [Xbox 360, PlayStation 3 og Wii]
lifðu nokkurn veginn í sátt og samlyndi. Í
mínum bókum er leikur ársins annað-
hvort God of War 2 eða Uncharted:
Drake‘s Fortune, en svo koma líka til
greina frábærir leikir eins og Halo 3,
Mass Effect og Super Mario Galaxy.“
TÆKNISPJALL: ÓLAFUR ÞÓR JÓELSSON, ANNAR ÞÁTTASTJÓRNANDI GAMETÍVÍ Á SKJÁ EINUM
Tróð sér í stokk og afklæddi Sverri Bergmann
Hinni árlegu MacWorld ráð-
stefnu Apple lýkur í dag. Nú
tekur við hið árlega rifrildi
tækniáhugamanna á netinu
um það hvort kynning for-
stjórans Steve Jobs stóðst
væntingar þeirra eða ekki.
Jón Helgi Erlendsson var
meðal gesta á ráðstefnunni
og segist ekki hafa orðið
fyrir vonbrigðum.
Mikil eftirvænting ríkir jafnan
eftir því hvaða vörur Steve Jobs,
forstjóri Apple, kynnir á Mac-
World ráðstefnunni. Í ár var bog-
inn spenntur sérstaklega hátt, þar
sem Jobs hafði notað ráðstefnuna
í fyrra til að kynna hinn byltingar-
kennda iPhone-síma.
Þegar Jobs steig af sviðinu eftir
um tveggja klukkustunda kynn-
ingu var allt komið í ljós: ný,
örþunn MacBook Air fartölva,
hugbúnaðaruppfærsla fyrir iPod
Touch og kvikmyndaleiga á netinu
í gegnum iTunes auk fleiri lítil-
vægari nýjunga.
Fartölvan vakti langmesta
athygli, enda sögð sú þynnsta í
heimi, en þeir sem höfðu búist við
annarri eins sprengju og Jobs
varpaði á sama tíma árið 2007
urðu fyrir vonbrigðum. Enda varla
hægt að búast við því að eitt fyrir-
tæki setji tækniheiminn á annan
endann á hverju ári.
Jón Helgi Erlendsson, nemi og
Apple-áhugamaður, fór með bróð-
ur sínum til San Francisco á ráð-
stefnuna. „Þetta er búin að vera
mikil upplifun. Við biðum í þó
nokkra tíma eftir kynningunni
hans Steve Jobs, og það var magn-
að að sjá hann á sviðinu.“
Aðspurður hvort honum hafi
fundist kynningin í ár falla í
skuggann af þeirri sem haldin var
í fyrra segist Jón Helgi ekki hafa
orðið fyrir vonbrigðum, en honum
hafi fundist leiðinlegt hve fátt
kom á óvart. Nokkrum dögum
fyrir kynninguna spáðu flestir
tæknifréttavefir því að Jobs
myndi kynna nýja og létta far-
tölvu og opna kvikmyndaleigu
iTunes á netinu. Það gekk eftir.
„Ég var eiginlega svekktastur
að geta ekki keypt fartölvuna
[MacBook Air] strax, hún kemur
ekki á markað fyrr en eftir tvær
vikur,“ segir Jón Helgi sem gerir
fastlega ráð fyrir að kaupa eina
slíka þegar færi gefst.
„Þetta er tölva sem er rosalega
þægileg í skólann og allt svoleiðis.
Við fengum að leika okkur aðeins
með hana eftir kynninguna og hún
er miklu þynnri og nettari en
maður gerir sér grein fyrir á
myndum.“ salvar@frettabladid.is
Mikil upplifun að sjá Jobs
Í UMSLAGI Þegar Jobs steig á svið með umslag í höndunum áttu fáir von á því að hann myndi draga út fartölvu. NORDICPHOTOS/AFP