Fréttablaðið - 07.03.2008, Síða 2

2 7. mars 2008 FÖSTUDAGUR
noatun.is
LÉTTIR ÞÉR LÍFIÐ
4 tilbúnir austurlenskir réttir,
hrísgrjón og gos aðeins kr. 1.990.-
Austurlensk
fjölskylduveisla fyrir 4
EFNAHAGSMÁL Einstaklingar sem
eiga hlut í innlendum fyrirtækjum
gáfu rúma 34 milljarða króna upp
til skatts sem arðgreiðslur í fyrra.
Arður af erlendri hlutabréfaeign
sem gefin var upp í fyrra nam
rúmum þremur milljörðum króna.
Þetta kemur fram í staðtölum
skatta sem birtar eru á vef ríkis-
skattstjóra.
Ætla má að arðgreiðslur fyrir-
tækja í heild hafi hins vegar numið
miklu hærri upphæð. Heildarupp-
hæð arðgreiðslna liggur ekki fyrir
en níu stærstu fjármálafyrirtækin
greiddu hluthöfum sínum yfir 70
milljarða króna í arð. Því er ljóst
að langt í frá allur arður er talinn
fram til fjármagnstekjuskatts.
„Þessi mismunur kann að skýr-
ast af því,“ segir Símon Þór Jóns-
son, yfirmaður
skattasviðs
KPMG, „að það
eru einstakling-
ar sem þurfa að
greiða tíu pró-
senta skatt af
fjármagnstekj-
um. Almennt
greiða fyrirtæki
hins vegar ekki
skatt af arði af
hlutabréfaeign.“
Skattur af fjár-
magnstekjum sé
ekki greiddur
fyrr en arðurinn er kominn í hend-
ur einstaklinga.
Stærstu hluthafar félaga í Kaup-
höllinni eru yfirleitt önnur félög.
Mörg þeirra eru erlend, þótt þau
séu í eigu Íslendinga. Flest þeirra
eru skráð í Hollandi og Lúxemborg
og sum jafnvel í skattaparadísum.
Indriði H. Þorláksson, fyrr-
verandi ríkisskattstjóri, hefur sagt
að þetta kunni að verða til þess að
ríkið verði af skatttekjum. Hann
segir einnig að laga verði íslenska
löggjöf að þessum aðstæðum.
Nefnd fjármálaráðherra sem á
að endurskoða skattkerfið hefur
verið að störfum í tvö og hálft ár.
Hún hefur ekki haldið fund í marga
mánuði. - ikh
Innan við helmingur
talinn fram til skatts
Innan við fjörutíu milljarðar króna voru taldir fram sem arður af hlutabréfum í
fyrra. Hluthafar fjármálafyrirtækja fengu hins vegar yfir sjötíu milljarða í arð.
FRAMTALINU SKILAÐ Einstaklingar töldu fram rúma 34 milljarða í arðgreiðslur af
hlutabréfum. Fyrirtækin greiddu meira en tvöfalda þá upphæð til hluthafa sinna í
fyrra. FRÉTTABLAÐIÐ/E.ÓL.
DÓMSMÁL Manni hafa verið
dæmdar 140 þúsund krónur í
miskabætur eftir að hann kleip
ranga konu í rassinn á skemmti-
stað, sem varð til þess að hann
missti tönn.
Maðurinn var að skemmta sér
með unnustu sinni. Hann taldi sig
vera að koma aftan að henni þar
sem hún stóð við bar og kleip
hana eins og áður sagði. Hann
reyndist hafa ruglast á konum.
Kærasti þeirrar sem klipin var
vildi ekki una þessum málalykt-
unm en sló manninn svo að hann
missti framtönn. Árásarmaðurinn
var, auk greiðslu miskabótanna,
dæmdur í fimm mánaða skilorðs-
bundið fangelsi. - jss
Sektardómur og fangelsi:
Kostaði tönn að
klípa ranga konu
MOSKVA, AP Rússneski vopnasal-
inn Viktor Bout var handtekinn á
hótelherbergi í Taílandi í gær.
Bout er rúmlega fertugur,
fyrrverandi yfirmaður í rúss-
neska hernum, og sagður hafa
auðgast gífurlega á ólöglegum
vopnaviðskiptum við skæruliða
og stríðsherra í fjórum heimsálf-
um eftir hrun Sovétríkjanna.
Hann er sagður hafa selt bæði
talibönum og al-Kaída vopn en
jafnframt starfað fyrir banda-
ríska herinn og leyniþjónustuna
CIA í Írak og Afganistan.
Einnig er hann sagður hafa
selt vopn til skæruliðasveitanna
FARC í Kólumbíu, einræðisherr-
anum Charles Taylor í Líberíu,
Moammar Gaddafí Líbíuleið-
toga, og bæði skæruliðum
UNITA-hreyfingarinnar í Angóla
og stjórnvöldum í Angóla. - gb
Alræmdur vopnasali:
Handtekinn á
hótelherbergi
HANDTEKINN Í TAÍLANDI Viktor Bout í
fylgd lögreglumanna í Bangkok.
FRÉTTABLAÐIÐ/AP
DÓMSMÁL Hæstiréttur hefur dæmt
karlmann í tveggja ára fangelsi
fyrir að hafa í fimm skipti stolið
munum að andvirði samtals um
tveimur milljónum króna, svo og
umferðarlagabrot.
Með brotunum rauf maðurinn
reynslulausn. Við ákvörðun
refsingarinnar var einkum litið til
þess að maðurinn hafði ítrekað
gerst sekur um þjófnaðarbrot. Um
var að ræða talsverð verðmæti og
brotavilji hans var einbeittur.
Héraðsdómur hafði áður dæmt
manninn í tveggja ára og fjögurra
mánaða fangelsisvist. - jss
Dómur Hæstaréttar:
Þjófur situr
inni í tvö ár
HEILBRIGÐISMÁL Jón Baldursson, yfirlæknir
utanspítalaþjónustu slysa- og bráðasviðs
Landspítalans, segir að gríðarlegt álag sé á
læknum slysa- og bráðadeildar vegna
manneklu og sé hann farinn að sjá veruleg
þreytumerki á þeim. Einnig kvarti
sjúklingar undan löngum biðtíma.
„Læknarnir þurfa að taka margar vaktir
og þær eru afar strembnar,“ segir hann.
„Þetta hefur verið erfitt, okkur vantar fólk
og svo hefur verið ósamkomulag um
breytingarnar en ég hef góða von um að það
muni lagast.“
Sigurður Guðmundsson landlæknir segist
ekki sáttur við hvernig staðið var að
breytingunum á starfssviði lækna á
neyðarbílum sem tóku gildi í janúar
síðastliðnum en í kjölfarið sögðu margir
læknar upp störfum. „Ég hefði viljað að
þær hefðu verið gerðar eingöngu á fag-
legum forsendum en ekki út frá sparnaðar-
sjónarmiði, þá hefði verið meiri friður um
þær,“ segir hann en mikill styr hefur staðið
um þá ákvörðun að læknir fylgi ekki
neyðarbíl nema í sérstökum tilvikum.
Að sögn Sigurðar hafði sá kvittur komist
á kreik að maður hefði látist í neyðarbílnum
fyrir hálfum mánuði og þá hefði ekki verið
læknir í bílnum.
Hann segir hið rétta vera að maðurinn
hafi látist fimmtán mínútum eftir að hann
kom á spítalann og ekkert hafi komið fram,
þegar farið var yfir málið, sem benti til
þess að viðvera læknis hefði nokkru breytt
eða að agnúar hefðu verið á vinnulaginu.
- jse
Læknar á slysa- og bráðadeild farnir að sligast undan álagi:
Landlæknir segir illa staðið að breytingum
Júlíus, þolir REI-málið ekki
enn dagsins ljós?
„Jú, nú förum við að horfa fram á
bjartari tíð.“
Borgarstjórnarfundur stóð til klukkan þrjú
aðfaranótt miðvikudags, og var tekist
harkalega á um málefni Reykjavik Energy
Invest. Júlíus Vífill Ingvarsson er borgar-
fulltrúi Sjálfstæðisflokksins.
ORKUMÁL Framkvæmdir við bygg-
ingu Kárahnjúkavirkjunar hafa
farið 17,7 milljarða króna fram úr
uppreiknaðri kostnaðaráætlun, og
32,5 milljarða fram úr uppreikn-
uðum upphæðum á verksamning-
um sem gerðir voru við verktaka.
Þetta kemur fram í skýrslu um
kostnað vegna virkjunarinnar sem
Össur Skarphéðinsson iðnaðarráð-
herra lagði fyrir Alþingi í gær.
Upphafleg kostnaðaráætlun
hljóðaði upp á rúmlega 84 millj-
arða króna í desember 2002. Upp-
reiknuð á verðlag september 2007
hljóðar áætlunin upp á 115,6 millj-
arða króna.
Heildarkostnaður við virkjun-
ina er nú áætlaður 123,9 milljarð-
ar, 8,3 milljörðum yfir uppreikn-
aðri áætlun. Verkið sem slíkt er
því komið 7,1 prósent fram úr
kostnaðaráætlun.
Við það bætist um 9,4 milljarða
fjármagnskostnaður, sem ekki var
reiknaður inn í upphaflega áætlun.
Kostnaðurinn er því samanlagt
133,3 milljarðar króna.
Álfheiður Ingadóttir, þingmaður
Vinstri grænna, bendir á að rétt-
ara væri að miða við heildarupp-
hæð verksamninga, sem voru um
ellefu milljörðum undir áætlun.
Séu þeir uppreiknaðir á verðlag
september 2007 hljóða þeir upp á
100,8 milljarða, og umframkostn-
aður því 32,5 milljarðar, eða 32
prósent. Sé fjármagnskostnaði
sleppt út er framúrkeyrslan 23,1
milljarður, eða 23 prósent.
Arðsemi eiginfjár vegna virkj-
unarinnar hljóðar nú upp á 13,4
prósent, en upphaflega var reikn-
að með 11,9 prósenta arðsemi. Þar
vega þyngst hækkanir á álverði.
Fram kemur í skýrslunni að
Alcoa hafi ekki gert kröfur um
greiðslu skaðabóta vegna dráttar
á afhendingu orku. - bj
Framkvæmdir við Kárahnjúkavirkjun taldar munu kosta um 133,3 milljarða króna:
Fóru langt fram úr áætlunum
KÁRAHNJÚKAVIRKJUN Arðsemi eiginfjár
vegna virkjunarinnar er nú talin verða
13,4 prósent, ekki 11,9 prósent eins og
upphaflega var áætlað.
FRÉTTABLAÐIÐ/HÖRÐUR
Á BRÁÐA- OG SLYSADEILD Mikið álag er á læknum á
bráða- og slysadeild í kjölfar umdeildra skipulagsbreyt-
inga sem gengu í garð í janúar.
INDRIÐI H.
ÞORLÁKSSON
Ríkisskattstjóri.
Sjö látnir í árás í Jerúsalem
Í það minnsta sjö manns féllu og sex
særðust í árás byssumanns á hóp
námsmanna þar sem þeir sátu að
snæðingi í skóla í Jerúsalem í gær.
Byssumaðurinn var skotinn til bana af
hermanni. Hamas-samtökin fögnuðu
árásinni en sögðust ekki ábyrg.
ÍSRAEL
Matvælaverð hækki til 2010
Yfirmaður Matvælaáætlunar Samein-
uðu þjóðanna (WFP) varaði í gær við
því að matvælakostnaður gæti haldið
áfram að hækka til ársins 2010. Vísaði
hann til þess að spáð væri hækkandi
orkuverði sem leiði til aukinnar eftir-
spurnar eftir lífrænu eldsneyti.
SAMEINUÐU ÞJÓÐIRNAR
SPURNING DAGSINS