Fréttablaðið - 07.03.2008, Blaðsíða 16

16 7. mars 2008 FÖSTUDAGUR
nær og fjær
„ORÐRÉTT“
„Konan mín er að fara að keppa með
Valsliðinu í handbolta í Frakklandi um
helgina,“ segir Algirdas, sem verður heima
með tvo syni þeirra hjóna. Sá yngri er
tveggja og hálfs árs en sá eldri tólf ára.
„Ég verð að nota helgina til að vera með
strákunum og gera eitthvað gott fyrir þá.
Við förum örugglega eitthvað út að borða
því ég er satt að segja ekki mjög góður
kokkur, en verð að bjarga mér. Við höfum ekki ömmur
eða afa til að hjálpa okkur heldur þurfum við að bjarga
okkur sjálf, fjölskyldan.“
Algirdas Slapikas:
FEÐGAHELGI FRAM UNDAN
„Helgin hjá mér var afar róleg, ég var
eiginlega í móðurhlutverki,“ segir Jun-
phen og hlær við. „Þannig var að vinkona
mín fór í helgarferð með eiginmanni
sínum og ég var að passa börnin þeirra á
meðan. Þegar ég kom til Íslands fyrst var
ég einmitt að passa hjá þeim hjónum.“
Hún er einnig að þreifa fyrir sér í fata-
hönnun. „Ég er búin að teikna upp kjól
og ég held ég fari bara að sauma núna um helgina. Ann-
ars er ég að vonast til þess að finna námskeið í fatahönn-
un og jafnvel íslensku sem væru haldin um helgar.“
Junphen Sriyoha:
Í MÓÐURHLUTVERKI
Filipe hefur sloppið við að húka veður-
tepptur einhvers staðar í vikunni en
það hefur gerst í ófá skipti hjá mörgum
í vetur. En veðrið hefur þó sett strik í
reikninginn hjá honum. „Ég hef ekki
getað notað fína snjóbrettið mitt, þar
sem veðrið hefur verið afar óhagstætt.
Þessa helgi ætla ég hins vegar að láta
alla von um snjóbrettið lönd og leið
enda er vinur minn, kollegi hjá Matís og
landi, að koma hingað til Ísafjarðar frá Reykjavík. Ætli við
kíkjum ekki í Edinborgarhúsið og fáum okkur einn kaldan.“
Filipe Figueiredo:
FÁUM OKKUR EINN KALDAN
„Á mánudaginn átti ég 26 ára afmæli
svo ég hélt litla afmælisveislu,“ segir
Charlotte. „Afmælisdagurinn var
nokkuð frábrugðinn 25 ára afmælinu
mínu þegar ég var á hitabeltiseyju við
Mósambík. Þá kafaði ég í sjónum og
synti með höfrungum. Árið þar áður var
ég á Grænlandi. En þessi afmælisdagur
var líka eftirminnilegur. Góður félags-
skapur, góður matur og nokkrar yndislegar afmælisgjafir
sáu til þess,“ segir Charlotte, sem er nýfarin að blogga á
slóðinni charlotte-in-iceland.blogspot.com
Charlotte Ólöf Ferrier:
ÁTTI AFMÆLI Á MÁNUDAGINN
VIKA 5
DAGBÓK NÝRRA ÍSLENDINGA
Forritunarkeppni fram-
haldsskólanna fer fram í
Háskólanum í Reykjavík á
morgun. Þar spreyta fram-
haldsskólanemar sig á ýms-
um þrautum sem tengjast
forritun, og eru hátt í þrjá-
tíu lið þremenninga skráð til
leiks. Forseti tölvunarfræði-
deildarinnar segir keppend-
ur ekki eingöngu koma úr
hópi tölvunörda.
„Verkefnin sem við leggjum fyrir
keppendurna eru frekar stutt og
lítil, en þeir þurfa að vera svolítið
skarpir til að setja saman forrit
sem leysa þau,“ segir Ari Kristinn
Jónsson, forseti tölvunarfræði-
deildar Háskólans í Reykjavík.
Forritunarkeppni framhaldsskól-
anna fer þar fram á morgun.
„Síðan fara sérfræðingar yfir
lausnirnar, annars vegar með til-
liti til þess hvort þau leysa verk-
efnið rétt og hins vegar út frá því
hversu sniðug útfærslan er.“
Keppt er í þremur styrkleika-
flokkum: Alfa, Beta og Delta.
Alfa-deildin er fyrir þá sem hafa
sérstakan áhuga á forritun og eru
nokkuð slyngir í henni. Beta-deild-
in er fyrir þá sem ekki eru komnir
jafn langt, og Delta-deildin er
ætluð byrjendum.
Ari segir að stór hópur kepp-
enda sé svokallaðir tölvunördar,
en alls ekki allir. „Forritun er svo-
lítið öðruvísi núna en fyrir nokkr-
um árum, þegar þetta var einhver
svartagaldur sem aðeins skrítnir
tölvunördar þekktu. Í dag er þetta
einfaldlega tæki sem kemur sér
mjög vel að kunna að nota.“
Hann bætir einnig við að fleiri
stelpur mættu taka þátt. „Tölvunar-
fræðin og þess konar vísindi virð-
ast eiga undir högg að sækja hjá
stelpunum og við viljum endilega
laga það,“ segir Ari. „Stelpur
standa sig alls ekki síður í þessu
en strákarnir. Við vonum að sem
flestar sjái sér leik á borði og
komi í tölvunarfræðina.“
Aðspurður á hvaða aldri kepp-
endur séu segir hann algengara
að þeir komi úr efri bekkjum
framhaldsskólanna. „Það er helst
vegna þess að þá hafa nemend-
urnir helst kost á því að læra for-
ritun og tölvufræði í skólunum,“
segir Ari. „Annars sjáum við vel
hvaða skólar halda best utan um
tölvukennslu því þaðan koma
flestir keppendur.“
salvar@frettabladid.is
Ekki bara tölvunördar
sem keppa í forritun
FRÆKNIR FORRITARAR Sigurvegararnir frá því í fyrra. Frá vinstri eru Eyþór Sigmunds-
son, Magnús Ágúst Skúlason og Guðni Þór Guðnason. Þeir kepptu fyrir hönd
Iðnskólans í Reykjavík.
Kannski stjórnarliðar
geti svarað því?
„Hvað á þetta fríríki - þetta
sjálfstýrða apparat - eigin-
lega að komast upp með af
dónaskap og frekju í garð
kjörinna fulltrúa hér og í
garð ríkisstjórnarinnar og alls
almennings?“
MÖRÐUR ÁRNASON SAMFYLKINGU
ER ÓSÁTTUR VIÐ LANDSVIRKJUN
VEGNA GAGNAVERS OG ÞJÓRSÁR.
Fréttablaðið 6. mars
Við skulum samt ekki
vera með neinar öfgar
„Við höfum undanfarið unnið
að því að draga úr eiturlyfja-
neyslu inni í fangelsinu.“
MARGRÉT FRÍMANNSDÓTTIR,
FORSÖÐUMAÐUR LITLA-HRAUNS,
STÍGUR FYRSTA SKREFIÐ OG
VIÐURKENNIR AÐ HÚN EIGI VIÐ
VANDAMÁL AÐ STRÍÐA.
Fréttablaðið 6. mars
„Það er allt gott að frétta úr Grindavík fyrir utan kannski
veðráttuna og kvótaniðurskurð. Þokkalegur afli hefur verið
hjá bátunum undanfarið og lífið gengur sinn vanagang,“ segir
Ólafur Örn Ólafsson, bæjarstjóri í Grindavík.
„Mikið er um að vera í bæjarmálunum. Við erum að byggja
nýtt fjölnota íþróttahús sem verður tekið fljótlega í gagnið.
Við erum að undirbúa stórt og mikið nýtt tjaldsvæði.
Síðan hefur skapast umræða um að byggja líka
tónlistarskóla. Við erum með aðila í bænum
sem hefur lýst áhuga á því að byggja upp á
lóðinni hjá félagsheimilinu Festi, sem er komið
til ára sinna, og við verðum væntanlega með
kynningu í næstu eða þarnæstu viku á þeim
hugmyndum. Þeir ætla að byggja þar stórhýsi
á bilinu 15 til 20 þúsund fermetrar, vonandi
einhvers konar verslunarmiðstöð. Þarna
verður samkomusalur, matsala og einhverjar
búðir, skrifstofur og svo er reiknað með íbúð-
um eða hóteli svo að það helsta sé nefnt. Þetta eru ansi
magnaðar teikningar sem við ætlum að fara að kynna.“
Ólafur Örn segir að mikil uppbygging hafi átt sér stað
í Grindavík. „Fleiri tugir húsa hafa risið á síðustu tveimur
árum og það er uppgangur. Í haust fór af stað fyrirtæki
sem heitir ORF-líftækni og við bindum miklar vonir við
framtíðina hjá því. Það er með algjöra nýjung á sínu sviði;
reisti hér gróðurhús og er að rækta byggplöntur með
mismunandi próteinum. Verið er að bíða eftir fyrstu
uppskerunni og það verður væntanlega opnað
með pompi og prakt snemma vors.
Menn urðu líka mjög glaðir um daginn þegar
meistaraflokkur kvenna varð bikarmeistari í
körfubolta,“ segir Ólafur Örn og bendir á að allra
markverðast sé kannski að frí æfingagjöld séu
fyrir öll börn í allar íþróttir í Grindavík. „Við erum
fyrsta sveitarfélagið í landinu sem gerir það.“
Jafnréttisnefnd Háskóla Íslands
gerir athugasemd við að aug-
lýsing frá nektardansstaðnum
Goldfinger birtist í fréttablaði
laganema, Grími geitskó. „Á
meðan yfirvöld geta ekki með
óyggjandi hætti sýnt fram á að
á súlustöðum sé stundað ólög-
legt athæfi er mér nákvæmlega
sama hvar Geiri auglýsir staðinn
sinn,“ segir Þórarinn Þórarins-
son ritstjóri.
Þórarinn segir að vissulega geti það
orkað tvímælis að auglýsa súludans
í fréttablaði laganema. „En ég held
að stétt lögfræðinga geti síst af
öllum farið í manngreinarálit
þar sem lögfræðingar verða að
verja alla. Allt frá móðgunar-
gjörnum poppstjörnum til
forhertra dópsala og morðingja.
Þetta fjaðrafok í Háskólanum
er annars lýsandi dæmi fyrir
tilgangsleysi allrar umræðu
stúdenta og félagslegs brölts
þeirra. Stúdentapólitíkin í öllu
sínu merkingarleysi er auðvitað
besta dæmið en þar keppa fylkingar
um völd sem eru ekki merkilegri en
hússtjórn í meðal fjölbýlishúsi.“
SJÓNARHÓLL
NEKTARDANSSTAÐUR AUGLÝSIR Í FRÉTTABLAÐI LAGANEMA
Fjaðrafok
ÞÓRARINN
ÞÓRARINS-
SON ritsjtóri
HVAÐ ER AÐ FRÉTTA? ÓLAFUR ÖRN ÓLAFSSON, BÆJARSTJÓRI Í GRINDAVÍK
Frí æfingagjöld fyrir alla krakka