Fréttablaðið - 07.03.2008, Blaðsíða 86
50 7. mars 2008 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
HVAÐ VAR ÉG AÐ SPÁ?
LÁRÉTT
2. loga 6. fæddi 8. meðal 9. sníkjudýr
11. tveir eins 12. orðrómur 14. fótmál
16. kúgun 17. knæpa 18. fát 20. svell
21. þjappaði.
LÓÐRÉTT
1. blöðru 3. gangþófi 4. ölvun 5.
þróttur 7. lævís 10. stykki 13. rölt 15.
aflast 16. margsinnis 19. eldsneyti.
LAUSN
LÁRÉTT: 2. lifa, 6. ól, 8. lyf, 9. lús, 11.
ll, 12. umtal, 14. skref, 16. ok, 17. krá,
18. fum, 20. ís, 21. tróð.
LÓÐRÉTT: 1. bólu, 3. il, 4. fyllerí, 5.
afl, 7. lúmskur, 10. stk, 13. ark, 15.
fást, 16. oft, 19. mó.
„Ég hef aldrei unnið handtak
um ævina, þetta var allt saman
ein skemmtun.“
Tómas Tómasson hamborgarakóngur í
viðtali við DV árið 1993.
„Þetta var held ég eitthvað sem ég stal
frá Walt Disney. Ég stend ennþá við
þetta, þetta er allt ein skemmtun. Maður
verður að hafa gaman af þessu,“ segir
Tómas í dag.
„Hvað eigum við að segja? Þetta er einhvers konar
Gríma. Mikil hátíð verður á þriðjudaginn í Hamborg
og þá vonandi verður maður á sviðinu að þakka
pabba og mömmu fyrir að hafa getið þennan
afburðadreng sem þangað er kominn. Eigum við
ekki að fella tár yfir því?“ spyr Helgi Björnsson
tónlistarmaður, leikari og athafnamaður – sem við
hátíðleg tækifæri er nefndur Holy B. og vísað til
merkingar nafns hans á ensku.
Helgi er einn eigenda mikils leik- og viðburðahúss
í Berlín þar sem fer fram fjölbreytileg starfsemi.
Nú hefur húsið verið tilnefnt til Der Deutsche Live
Entertainment-Preis – eða þýsku menningarverð-
launanna. „Já, þar er mitt fína leikhús, Admiralspal-
ast, meðal tilnefndra í flokki „Location des Jahres“
eða Hús ársins. Þar erum við tilnefnd ásamt þremur
öðrum.“
Helgi segir þetta ágæta viðurkenningu fyrir vel
unnin störf. Þýðir kannski ekkert sérstakt umfram
klapp á bakið. „En vonandi einnig að þetta feli í sér
meiri meðvitund um húsið og ætti að geta orðið
virðisaukandi fyrir starfsemina.“
Hús Helga er enginn Hlaðvarpi. Um er að ræða
fimm hæða hús sem telur um 25 þúsund fermetra. Í
hjarta Berlínar. Og fer þar fram fjölbreytileg
starfsemi. Þar er að finna stórt leikhús og tvo aðra
sali sem taka 450 manns í sæti. Í húsinu er veitinga-
hús sem getur tekið á móti 150 gestum og á efstu
hæð er verið að opna Spa. Til stendur að opna
skemmtiklúbb í kjallaranum. Helgi metur það sem
svo að vikulega komi í húsið um 50 þúsund gestir.
„Berlín er einstök borg og hefur upp á margt að
bjóða. New York Evrópu. Hér mætast stefnur og
straumar og mikið um að vera í menningu og listum.
Þjóðverjar eru mjög duglegir að sækja lifandi
atburði, fara í leikhús og á skemmtanir. Jákvæðir
áhorfendur í flesta staði,“ segir Helgi sem er
alfluttur til Berlínar. Er í fjarbúð en fær fjölskyld-
una í heimsókn reglulega og er sjálfur væntanlegur
til landsins um páskana. Segist sakna Íslands þegar
vetur er sem nú, sjó festi og íslensk veðrátta
ríkjandi. En hvernig gengur með þýskuna?
„Hún gengur upp og niður. Þetta getur verið erfitt
því ekki dugar að tala einhverja barnaskólaþýsku ef
taka á mark á manni,“ segir Helgi sem nú bíður þess
11. spenntur. jakob@frettabladid.is
HELGI BJÖRNSSON: TILNEFNDUR TIL ÞÝSKRA MENNINGARVERÐLAUNA
Þýskir elska hús Holy B
HOLY B Lætur ljómandi vel af sér í Berlín þótt þýskan gangi upp og ofan en ekki dugar barnaskólaþýska vilji menn láta taka mark
á sér. FRÉTTABLAÐIÐ/ANTON
Björgólfur Thor Björgólfsson
er í 307. sæti yfir ríkustu menn
veraldar. Þetta kemur fram á
nýjum lista Forbes-tímarits-
ins sem kynntur var í gær.
Eignir Björgólfs eru metnar
á 3,5 milljarða Bandaríkja-
dala, eða um 227 milljarða
íslenskra króna. Eignir hans
voru metnar jafn háar á sama
lista í fyrra. Þá var Björ-
gólfur aftur á móti í sæti
249 og hefur því fallið um
58 sæti á listanum. Faðir
hans Björgólfur Guð-
mundsson er í sæti 1014.
Warren Buffet er ríkasti
maður heims samkvæmt
listanum en Bill Gates, sem
trónað hefur á toppnum
um árabil, fellur niður í
þriðja sæti. Önnur kunn
nöfn ofarlega á listanum
eru meðal annars Roman
Abramovich, eigandi
Chelsea (15. sæti), Sil-
vio Berlusconi og fjöl-
skylda (90. sæti), tísku-
kóngurinn Armani (203.
sæti) Richard Branson
(236. sæti), Ralph Laur-
en (253. sæti) og kvik-
myndagerðarmaðurinn
George Lucas (277.
sæti).
Björgólfur Thor skýtur
fjölmörgu heimsfrægu fólki ref
fyrir rass. Hann er þannig ríkari
en Rússinn Alexander Lebedev
(358. sæti), kvikmyndagerðar-
maðurinn Steven Spielberg (368.
sæti), Donald Trump (368. sæti)
og sjónvarpsdrottningin Oprah
Winfrey. Hún er í sæti 462.
- hdm
RÍKASTI ÍSLENDINGURINN Björgólfur
Thor Björgólfsson er í sæti 307 yfir
ríkustu menn veraldar.
Í SKUGGA BJÖRGÓLFS
Oprah Winfrey á ekki
roð í Björgólf Thor.
Björgólfur ríkari en Oprah Winfrey
Faðir tónlistarmannanna Mikes og
Dannys Pollock, Francis Lee, lést
í Bandaríkjunum í síðasta mánuði
eftir tveggja ára baráttu við krabba-
mein. Michael samdi lag og texta
til heiðurs föður sínum sem hann
flutti við jarðarför hans
í Wisconsin. Nefnist
það Papa Lee
og þar minnist
hann samveru-
stunda þeirra
feðga á
tilfinn-
ingaríkan
hátt.
Mikil stemning er í herbúðum
Birtings. Í dag fer full flugvél
héðan og flýgur með starfsmenn á
árshátíð til Svíþjóðar nánar tiltekið
til Málmeyjar á Hilton-hótel þar í
bæ. DV-menn undir forystu Reynis
Traustasonar og tímaritafólk fer
flest og er haft á orði
að ef vélin farist þá
þurrkist út á einu
bretti tímarita-
útgáfa á Íslandi.
Til að koma í
veg fyrir það
verður flogið
með hluta
starfs-
manna
út á
morgun.
Eins og Fréttablaðið greindi frá
fyrir skemmstu er Garðar Thor
Cortes tilnefndur fyrir plötu ársins
á Bresku tónlistarverðlaununum í
sígildri tónlist. Um er að ræða mjög
eftirsótt verðlaun en í fyrra var það
Sir Paul McCartney sem hreppti
hnossið. Í gær hófst
netkosning um
verðlaunin og
geta Íslend-
ingar því stutt
sinn mann til
dáða. Kosn-
ingin fer fram
á Classicalbrits.
co.uk.
- fb/jbg/hdm
„Þetta er svona svipað og íslenska
óperan, bara hugsjónastarf,“
segir Helgi Briem bassaleikari
um tónleikana Pönk 2008 sem
fram fara á Grand Rokki annað
kvöld, laugardagskvöld. Þar ætla
tónlistarmenn sem voru á fullu á
Rokk í Reykjavík-árunum að
koma saman til að spila erlent
gullaldarpönk.
Þetta er fólk sem spilaði meðal
annars með Fræbbblunum,
Taugadeildinni, Tappa tíkarrassi,
Q4U og Das Kapital og er mein-
ingin að spila um fjörutíu lög
eftir meistara pönksins á borð
við Clash, Sex Pistols, Ramones,
Stranglers og Buzzcocks.
„Æfingar hafa gengið mjög vel
enda er rosalega gaman að spila
þessa músík,“ segir Helgi. „Eins
og í gamla daga er aðalatriðið sú
hugsun að allir geti spilað og
ennþá kann enginn almennilega á
hljóðfærin sín. Tja, nema reynd-
ar einn í hópnum, hann Ríkharður
H. Friðriksson tónskáld. Þetta
eru ríflega tíu manns og það
verða tíðar innáskiptingar og
margar samsetningar reyndar.
Aðalatriðið er að það sé gaman.“
Helgi er ekki í neinum vafa um
að pönkið lifi. „Pönkið hefur
aldrei farið neitt, bara breytt um
nafn; indie, Britpop, þetta er allt
það sama, bara mismikið skrúfað
upp í fössinu. Ég meina, hvað er
Arctic Monkeys annað en pönk?“
Helgi segist ekki vera mjög
jákvæður í garð söngleiks Hall-
gríms Helgasonar, Ástin er diskó,
lífið er pönk, sem Þjóðleikhúsið
setur nú upp. „Ég ætlaði að taka
þátt í þessari pönklagasamkeppni
sem var í gangi en féllust bara
hendur þegar ég sá hverslags
leirburður textarnir voru. Mér
sýnist þeir ekki vera til annars en
að reyna að ljúga því að fólki að
pönkið hafi verið asnalegt.“
Pönkfjörið byrjar klukkan 22 á
laugardagskvöldið og stendur fram
eftir nóttu. „Ef svo ólíklega vill til
að það verði einhver innkoma af
þessu fer hún öll til þurfandi,“
lofar Helgi. Pönkið lifir! - glh
Pönklandsliðið kemur saman aftur
SEX PISTOLS Lög sveitarinnar eru meðal
þeirra sem munu heyrast.
ÞENUR BASSANN MEÐ FRÆBBBLUNUM
Helgi Briem er í pönklandsliðinu.
FRÉTTIR AF FÓLKI