Fréttablaðið - 07.03.2008, Side 22

22 7. mars 2008 FÖSTUDAGUR
greinar@frettabladid.is
FRÁ DEGI TIL DAGS
ÚTGÁFUFÉLAG: 365
RITSTJÓRAR: Jón Kaldal og Þorsteinn Pálsson AÐSTOÐARRITSTJÓRI: Steinunn Stefánsdóttir FRÉTTASTJÓRAR: Arndís
Þorgeirsdóttir, Kristján Hjálmarsson, Trausti Hafliðason og Höskuldur Daði Magnússon (dægurmál). FULLTRÚI RITSTJÓRA:
Páll Baldvin Baldvinsson. Fréttablaðið kemur út í 103.000 eintökum og er dreift ókeypis á heimili á höfuðborgarsvæðinu,
Akureyri og þéttbýlissvæðum á suðvesturhorninu. Einnig er hægt að fá blaðið í völdum verslunum á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. issn 1670-3871
UMRÆÐAN
Iðngreinanám
Með sameiningu Iðnskólans í Reykjavík og Fjöltækniskóla
Íslands verður til stærsti framhalds-
skóli landsins með á þriðja þúsund
nemendur. Skólinn verður öflug
miðstöð iðn- og starfsnáms á Íslandi
með bein tengsl við atvinnulífið.
Samið hefur verið við Menntafélagið
um rekstur hins nýja skóla til næstu
fimm ára en að því standa Samtök
iðnaðarins, Landssamtök íslenskra
útvegsmanna, Samorka, Iðnaðar-
mannafélag Reykjavíkur og Sam-
band íslenskra kaupskipaútgerða.
Þessi sameining á sér nokkurn aðdraganda en
hugmyndin kom fyrst upp í lok ársins 2006. Í
viðræðum við fulltrúa atvinnulífsins og stjórn-
endur Iðnskólans í Reykjavík og Fjöltækni skóla
Íslands hefur sú sýn verið höfð að leiðarljósi að
bein þátttaka atvinnulífsins í menntuninni og
faglegt sjálfstæði skóla skili okkur eftirsóknar-
verðum tengslum atvinnulífs og menntakerfis.
Í frumvarpi til laga um framhaldsskólann
sem nú er til umræðu á Alþingi eru lagðar til
breytingar er munu opna ný og spennandi
tækifæri fyrir iðn- og starfsnám hér á landi
enda eitt af meginmarkmiðum frumvarpsins að
efla stöðu iðn- og verkgreina í landinu.
Umgjörð starfsmenntunar tekur samkvæmt
frumvarpinu mið af þeim viðamiklu tillögum
sem starfsnámsnefndin svokallaða skilaði mér
sumarið 2006. Fulltrúar atvinnulífsins áttu
veigamikinn hlut í starfi þeirrar
nefndar og tillögur hennar lögðu
meginlínurnar um fyrirkomulag
starfsmenntunar í frumvarpinu.
Starfsnám á að fá hliðstæða stöðu og
bóknámið hefur nú í uppbyggingu
framhaldsnáms t.d. til stúdents-
prófs. Möguleikar aukast á að
sérsníða nám að þörfum atvinnulífs-
ins og þar með að skapa meira og
fjölbreyttara framboð menntunar í
framhaldi af starfsnámi á fram-
haldsskólastigi. Ég hef mikla trú á
að þessi atriði eigi eftir að auka
áhuga ungmenna á menntun á þessu
sviði.
Þau tækifæri sem opnast með
breyttri lagaumgjörð stendur til að
nýta til fulls í hinum nýja skóla og þau markmið
sem lagt er upp með eru háleit og metnaðarfull.
Stefnt er meðal annars að því að skólinn verði
leiðandi í þróun, kennslu og þjónustu í iðn- og
starfsmenntun er skilar nemendum verðmætri
menntun og atvinnulífinu hæfu starfsfólki, að
nemendum sem velja sér iðn- og starfsnám að
loknu námi á almennri brauti fjölgi um 10% á
samningstímanum og að dregið verði úr
brottfalli í iðn- og starfsnámi um 20% á næstu
árum.
Með stofnun hins nýja skóla hefur verið tekið
stórt skref í þá átt að gera iðn- og starfsmennt-
un að eftirsóknarverðum kosti fyrir ungt fólk
og skipa henni veglegan sess í samfélaginu.
Höfundur er menntamálaráðherra.
Öflug miðstöð iðn- og starfsnáms
ÞORGERÐUR KATRÍN
GUNNARSDÓTTIR
SPOTTIÐ
OPIÐ HÚS
HJÁ SVFR
Föstudaginn 6. mars
FRÓÐLEIKUR OG SKEMMTUN- HÚSIÐ OPNAR KL. 20.00
Dagskrá:
::: Mögnuð veiði á Grænlandi – Pálmi Gunnarsson
::: Veiðistaðalýsing, fríðsvæði Laxár í Kjós – Gísli Ásgeirsson
::: Strandveiðiklúbburinn – Dr. Fly og Birgir Ævarsson
::: Völvuspáin 2008 – Völvan og Gunni Helga
::: Veiðisögur og veiðihorfur í Litlu Laxá – Ragnheiður
Thorsteinsson
::: Myndagetraunin
::: Happahylurinn í boði RB veiðibúðar
Ríkisrekinn vinnufriður
„Þá skiptir máli að hafa vinnufrið
fyrir önnur góð mál í þjóðfélaginu án
þess að bloggararnir í okkar umhverfi
séu að blaðra út og suður,“ var haft
eftir Árna Johnsen alþingismanni í
Fréttablaðinu í gær. Árna er greini-
lega ekki sama um það hver tjáir sig
um samfélagsmál og hvernig. Ekki er
langt síðan Árni lagði til að Alþingi
myndi reka eigin sjónvarpsstöð til
að færa landanum betri og rétt-
ari fréttir af þinginu en fjölmiðlar
gera í dag. Það er náttúrulega
ekkert hættulegra vinnufrið
alþingismanna en fjölmiðla-
menn og bloggarar sem
hafa skoðun á því sem
er að gerast á þinginu
og annars staðar í
samfélaginu.
Hálft West Ham farið
Björgólfur Thor féll niður um 61 sæti
yfir ríkustu menn heims samkvæmt
Forbes og er nú í 307. sæti. Það er
því ekki bara Bill Gates sem verður
að sætta sig við að falla niður listann
á milli ára. Björgólfur er kannski ekki
alveg á flæðiskeri staddur þar sem
tímaritið metur auð hans á 231,8 millj-
arða króna. Hrapið er aðeins meira
fyrir Björgólf Guðmundsson, sem
fellur niður um 215 sæti og fer úr
því 799. niður í 1.014. sæti. Ólíkt
Björgólfi yngra er sá eldri talinn
hafa tapað 6,6 milljörðum
frá því á síðasta ári og
eigi nú bara tæpa 73
milljarða í stað
tæpra 80. Tapið
nemur um það
bil hálfri upphaf-
legri fjárfestingu hans í West Ham. Já,
eða einum 8 GB iPod nano á hvern
Íslending, keyptum á Íslandi.
Fastir liðir
Nýjasta hefti Þjóðmála, undir ritstjórn
Jakobs F. Ásgeirssonar, er komið út;
vorheftið. Þar má finna nokkra fasta
liði eins og venjulega, líkt og grein
eftir Björn Bjarnason dómsmálaráð-
herra. Ekki er þess minnst að Þjóð-
mál hafi komið út án þess að Björn
hafi átt þar grein. Nú skrifar
hann um REI-málið og eins og
segir á forsíðu „rekur ótrúlega
sögu hátimbraðra fyrirætlana,
marklausra yfirlýsinga og
óvandaðra vinnubragða“.
Ekki er auglýst hverra
vinnubrögðum er svo
lýst.F
átt bendir til þess að hagsmunum Íslendinga verði
betur borgið við inngöngu í Evrópusambandið en
með núverandi aðild að Evrópska efnahagssvæðinu.
Flestum er það ljóst enda fór Evrópuumræðan ekki
hátt á Íslandi á meðan vel gekk í íslensku efnahags-
lífi. Nú aftur á móti, þegar á móti blæs, er eðlilegt að raddir
um að ganga til samningaviðræðna við ESB verði háværari.
Það er ekkert athugavert við að hvatinn að baki slíkri kröfu
sé hugsanlegur fjárhagslegur ávinningur. Stefna Seðlabankans
í peningamálum er orðin mörgum dýr og ljóst að lítið opið hag-
kerfi er viðkvæmt fyrir erlendum áhrifum. Því hefur það verið
áberandi röksemd þeirra sem vilja hefja samninga viðræður
við Evrópusambandið, að aðeins þannig getum við tekið upp
evruna. Þessar raddir heyrast nú víðar á vettvangi atvinnu-
lífsins og stjórnmálanna. Erfiðleikar á fjármála mörkuðum ýta
undir það.
Það kemur á óvart að stuðningur við að hefja samninga-
viðræður við ESB sé ekki meiri en mældist í skoðanakönnun
Gallup sem birt var á Iðnþingi í gær og er í samræmi við niður-
stöðu í könnun Fréttablaðsins fyrir skömmu. Um 54 prósent
eru hlynnt viðræðum við ESB og hefur stuðningurinn minnkað
um fjögur prósent á einu ári samkvæmt Gallup. Hlutfall
þeirra sem eru andvígir viðræðum hefur hækkað. Þetta hlýtur
að koma fólki sem hefur talað hæst um þessi mál undanfarið í
opna skjöldu.
Samkvæmt Gallup telja tæp 56 prósent landsmanna æski-
legra að taka upp evru en að halda krónunni. Í hugum margra
jafngildir það inngöngu í Evrópusambandið. Miklar líkur eru
á að upptaka evru njóti meiri stuðnings ef aðild að sambandinu
er ekki skilyrði.
Einhliða upptaka evrunnar er ekki möguleg. Illugi Gunnars-
son, þingmaður Sjálfstæðisflokksins, sagði á Iðnþingi í gær
frá leið sem mætti skoða áður en sótt yrði um aðild að ESB.
„Mér finnst sú skoðun allrar athygli verð að þar sem evran
er mynt innri markaðarins hefði EFTA-þjóðunum í EES-
samstarfinu átt að standa til boða frá upphafi að taka þátt í
myntsamstarfinu. Ísland og Noregur gætu til dæmis vel haldið
því fram að þar sem þjónunum sé ætlað að taka upp allar reglur
sem lúta að innri markaðinum til þess að tryggt sé að allir sitji
við sama borð, ætti þjónunum að standa til boða að nýta sér
hina sameiginlegu mynt,“ sagði Illugi. Þessa leið mætti skoða
ef krónan dygði ekki Íslendingum án þess að sækja um aðild
að ESB.
Einhverjir kunna að telja þetta vera enn eina leiðina til að
fresta því að stíga skrefið til fulls og ganga í ESB. Hins vegar
má telja öruggt að stuðningur við aðild eða aðildarviðræður
minnki verulega þegar rætt verður um ókosti þess að ganga í
sambandið.
Upptaka evru mundi vafalaust hafa ýmsa kosti í för með
sér fyrir íslenskt efnahagslíf. Litlar líkur eru hins vegar á
að hagsmunum Íslendinga verði betur borgið með inngöngu í
ESB. Þar liggur vandinn.
Stuðningur við ESB-viðræður minnkar.
Evra á grunni EES
BJÖRGVIN GUÐMUNDSSON SKRIFAR