Fréttablaðið - 07.03.2008, Blaðsíða 78

42 7. mars 2008 FÖSTUDAGUR
folk@frettabladid.is
> TATTÚDRAUMAR
Leikkonan smávaxna Christ-
ina Ricci skartar sjö litlum húð-
flúrum á líkama sínum og vill
ólm fá sér fleiri. Hún segist hins
vegar ekki vera nógu stór stjarna
til að geta leyft sér að fá sér stórt
og mikið tattú. „Þegar ég verð
sjúklega, sjúklega fræg
ætla ég að fá mér eitt á
handlegginn. Þá stend-
ur öllum á sama,“ segir
hún.
Fjöldi erlendra blaðamanna er
staddur hér á landi til að fjalla
um leiklistarhátíðina Lókal sem
stendur yfir fram á sunnudag. Á
meðal þeirra eru Mark Blanken-
ship sem skrifar fyrir New York
Times, Variety og vefritið
Theater Mania, Helen Shaw sem
skrifar fyrir The Sun og Time
Out, og David Cote, aðalleikhús-
gagnrýnandi Time Out sem
skrifar einnig fyrir Theater
Magazine. Cote hefur einnig
bókað viðtal við Vigdísi Finnboga-
dóttur, fyrrum forseta Íslands.
Hefur hann áhuga á að gera
greinargóða umfjöllun um
íslenskt leiklistarlíf í tímaritinu
Theater Magazine.
Blaðamenn
skoða Lókal
Ný smáskífa Elízu Geirsdóttur
Newman með lögunum Change
My Name og Return to Me kemur
út í Bretlandi á mánudag í
stafrænu formi. Lögin eru tekin
af plötunni Empire Fall sem kom
út í Bretlandi í nóvember.
Smáskífan hefur þegar hlotið
góða dóma í breska tónlistartíma-
ritinu Losing Today og verður
hún smáskífa vikunnar í næsta
tölublaði. Elíza og hljómsveit
hennar halda tvenna tónleika í
Oxford og London á sunnudag og
mánudag til að kynna nýju
skífuna.
Ný smáskífa
Einn ferskasti raftónlistarmaður-
inn í dag, hinn franski Yuksek,
ætlar að bjóða upp á dúndrandi
elektró-pönk á Organ í kvöld.
Yuksek hefur verið líkt við
flytjendur á borð við Justice og
Sebastian enda hefur plötu-
snúðurinn Busy P og Justice lofað
hann í hástert. Telja þeir hann
næstu stjörnuna innan
raftónlistar geirans.
Yuksek, sem hefur endurhljóð-
blandað lög fyrir Ghostface
Killah, Das Pop og Shit Disco, er
þekktur fyrir frábæra sviðsfram-
komu og því ætti enginn að verða
svikinn af tónleikunum í kvöld.
Dúndrandi
elektró-pönk
YUKSEK Frakkinn Yuksek ætlar að gera
allt vitlaust á Organ í kvöld.
ELÍZA Elíza Geirsdóttir gefur út nýja
smáskífu í Bretlandi á mánudag.
Þórbergur Þórðarson fæddist 12.
mars árið 1888. Í næstu viku eru því
liðin 120 ár frá fæðingu hans. Af því
tilefni verður efnt til veglegrar
hátíðar í Háskóla Íslands, Þórbergs-
smiðju. Hún verður haldin um
næstu helgi og byrjar báða dagana
á Müllers-æfingum í umsjón Bryn-
dísar Petru Bragadóttur. Annars er
boðið upp á bæði fyrirlestra og tón-
listaratriði, meðal annars ætlar
hljómsveitin Baggalútur að koma
fram á sunnudaginn klukkan 13.25.
„Við ætlum að leika nokkur vel
valin dægurlög af dagskrá hljóm-
sveitarinnar og svo tökum við Sósu-
lagið,“ segir Guðmundur Pálsson,
söngvari Baggalúts. „Við grófum
það upp úr einhverjum gömlum
útvarpsþætti. Þórbergur syngur
það við undirleik einhvers trúba-
dors. Meiningin er að setja það í
nútímalegan búning þótt við horf-
um að sjálfssögðu til upprunalegu
útgáfunnar.“
Guðmundur er ekki í neinum vafa
um að Þórbergur hefur haft mikil
áhrif á starf Baggalúts. „Við þekkj-
um hans verk ágætlega og persónu-
lega er ég mikill aðdáandi. Það leyn-
ast áhrif frá honum bæði í
dægur lagatextagerðinni hjá okkur
og eins í skrifum á netsíðunni okkar.
Hann var mikill stílisti, fyndinn, og
tja, bara alveg æðislegur!“
Guðmundur segir að upptökur
standi nú yfir á næstu plötu hljóm-
sveitarinnar. „Það eru til um tuttugu
lög og það er verið að fínpússa þetta
núna. Það verða töluverðar nýjung-
ar á þessari plötu. Við notum til
dæmis þver flautu á henni.“
- glh
Þórbergur er æðislegur!
HEIÐRAR ÞÓRBERG MEÐ BAGGALÚTI Guð-
mundur Pálsson verður í Þórbergssmiðju.
Fjórir ísfirskir menntskælingar hyggjast
slá heimsmet – eða í það minnsta
Íslandsmet – í dag. Þeir Gunnar Atli
Gunnarsson, Gunnlaugur Gunnlaugsson,
Daníel Þór Þorsteinsson og Guðmundur
Jónsson skipa Næturvaktina á útvarps-
stöðinni MÍ-Flugan. Útvarpsstöðin sendir
út í tíu daga, á meðan Sólrisuhátíð
Nemenda félags Menntaskólans á Ísafirði
stendur yfir.
„Það er sent út allan sólarhringinn, en
við tökum við á miðnætti og fylgjum
hlustendum inn í nóttina. Við erum oftast
til svona níu, tíu,“ útskýrir Gunnar Atli. Í
gærkvöldi hertóku þeir félagar hins
vegar hljóðverið klukkan sex og
hyggjast verja þar heilum sólarhring.
Þegar Fréttablaðið náði tali af Gunnari
Atla í gær var hann enda heima að leggja
sig til að safna kröftum fyrir þolraunina.
Hugmyndin að heimsmetinu er ný af
nálinni og spratt fram holdi klædd um
fimmleytið aðfaranótt fimmtudags, að
sögn Gunnars. „Við vorum að hugsa hvað
við gætum eiginlega verið lengi í loftinu.
Þá var einhver sem stakk upp á því að
slá heimsmetið. Við reyndum að fletta
því upp en fundum ekki neitt, svo það
virðist ekki vera skráð heimsmet í þessu.
Ég trúi samt ekki öðru en að þetta verði
Íslandsmet,“ segir hann.
Næturvaktin fjallar um hin ýmisleg-
ustu málefni, að sögn Gunnars, sem segir
nafn þáttarins ekki endilega vísa í
samnefnda og geysivinsæla sjónvarps-
þáttaröð. „Það er held ég alveg óvart. Við
erum alveg jafn hressir og þeir, en þetta
er samt enginn vitleysingaþáttur. Við
tökum ýmislegt fyrir og töluðum til
dæmis um fordóma í fimmtíu mínútur
um daginn,“ segir hann.
MÍ-flugan sendir út á FM 101.00 á
Ísafirði.
Ísfirsk næturvakt slær met
NÆTURVAKTIN Í METABÆKURNAR Gunnar Atli
Gunnarsson og félagar hans í ísfirska útvarps-
þættinum Næturvaktinni ætla að reyna að slá
heimsmet í þætti sínum í dag.
FÆR FIMM LÖG AÐ VELJA ÚR
Armenska söngkonan Sirusho.
Í Armeníu er allt á suðupunkti.
Í höfuðborginni, Jerevan, hafa
blóðugar óeirðir staðið yfir
vegna meints svindls í nýlegum
forsetakosningum. Fjöldi
manna er slasaður og að
minnsta kosti átta liggja í
valnum. Neyðarlög hafa verið
sett í landinu og verður þeim
ekki aflétt fyrr en í fyrsta lagi
20. mars.
Armenar taka nú þátt í
Eurovision í þriðja sinn og var
ákveðið að senda söngkonuna
Sirusho í ár. Fimm lög hafa
verið valin ofan í hana og fær
þjóðin að velja vinningslagið í
sjónvarpsþætti 8. mars.
Sérstakir tónleikar áttu að fara
fram vegna valsins í óperuhöll-
inni í Jerevan, en vegna
ótryggs ástands hafa þeir verið
færðir í stúdíó armenska
ríkis sjónvarpsins. Þar er
auðveldara að hafa stjórn á
málum, segja yfirvöld.
Söngkonan Sirusho er 21 árs
og hefur til þessa sungið
þjóðlega armenska tónlist í
nútímalegri poppútfærslu á
tveim plötum. Hún er vinsæl og
virt í heimalandinu. Armenía,
sem áður var hluti af Sovétríkj-
unum, er lítið land, rúmlega
þrisvar sinnum minna en
Ísland. Þar búa rúmlega þrjár
milljónir manna.
Sungið í
blóðugum
óeirðum
78 DAGAR TIL STEFNU
Í kvöld er komið að seinni
undan úrslitaleiknum í Gettu
betur þegar hinn ungi Borgar-
holtsskóli mætir stríðsvél
MR. Fréttablaðið skellti lið-
unum á röntgenbekkinn.
Spila ólsen-ólsen
Lið Borgarholtsskóla skipa þeir
Sturla Snær Magnússon, Hafsteinn
Birgir Einarsson og Einar Bjartur
Egilsson. Sturla varð fyrir svör-
um.
Besti árangur Borgarholtsskóla
til þessa?
„Sigur í keppninni árið 2005 þar
sem að Steini, Baldvin og Beggi
sýndu glæsilega og eftirminnilega
nördatakta.“
Hvernig er undirbúningi háttað
fyrir keppni?
„Það er eiginlega aldrei eins. Við
gerum eiginlega bara það sem að
okkur dettur í hug að gera á þeim
tíma. Æfum kannski frekar stíft en
á keppnisdag tökum við því bara
rólega og förum í sund.“
Helgisiðir fyrir keppni?
„Það er helst að við spilum ólsen-
ólsen rétt fyrir keppni. Ég per-
sónulega geri voðalega lítið annað
en að hlusta á góða tónlist tvo daga
fyrir keppni.“
Óska andstæðingur í úrslitum?
„Það hefði nú verið MR en fyrst
það er ekki í boði lengur, þá skiptir
það ekki höfuðmáli.“
Óska stigavörður?
„Steinunn Vala Sigfúsdóttir er og
verður ávallt okkar uppáhalds-
stigavörður. Hún er svo mikið
krútt!
Sérsvið þitt?
„Mitt sérsvið felst sér í lagi í goða-
fræði, bókmenntum og fáránlegri
vitneskju sem ég hef sankað að
mér í gegnum árin.“
Hvað veistu akkúrat ekkert um?
„Ég veit akkúrat ekkert um landa-
fræði, sem er svo sem allt í lagi
vegna þess að Einar Bjartur er
landafræðigúrú.“
Hver er kynþokkafyllstur í liði
Borgarholtsskóla?
„Allir eru sammála um að það sé
klárlega ég. Reyndar er Einar að
saxa á mig með skegginu. Þetta
skegg getur nú verið ansi sexí á
stundum.“
Uppáhaldshljómsveit íslensk?
„Uppáhalds íslensku hljómsveit-
irnar mínar eru Jet Black Joe (Páll
Rósinkrans er bestur) og Gus-
Gus.“
Uppáhaldssjónvarpsþáttur (fyrir
utan Gettu betur!)?
„Dexter er í miklu uppáhaldi í
augnablikinu, ég hef einstaklega
gaman af þessum gjörsamlega sið-
blinda morðingja hans Jeffs
Lindsay.“
Helgisiðir trufla bara
Lið MR skipa Björn Reynir Hall-
dórsson, Magnús Þorlákur Lúðvíks-
son og Vignir Már Lýðsson. Magnús
svaraði spurningum Fréttablaðsins.
Besti árangur MR til þessa?
„MR hefur unnið keppnina 13 sinn-
um, oftast allra skóla. Fyrst árið
1988, síðan 11 sinnum í röð frá 1993
til 2003 og svo í fyrra.“
Hvernig er undirbúningi háttað
fyrir keppni?
„MR hefur í gegnum árin komið sér
upp þægilegri rútínu á keppnis dag.
Við fáum frí í skólanum og sofum
út, hittumst síðan á notalegum mat-
sölustað í miðbæ Reykjavíkur og
fáum okkur að borða. Við förum því
næst í Neslaugina, slökum á í
pottinum og kíkjum í gufu. Að lokum
fáum við okkur svo bakkelsi og
erum þá reiðubúnir í átökin í Smára-
lindinni.“
Helgisiðir fyrir keppni?
„Við reynum meðvitað að koma
okkur ekki upp helgisiðum. Slíkt
gerir ekki annað en að trufla okkur
þegar keppnin er hafin.“
Óska andstæðingur í úslitum?
„Við viljum aðallega bara komast í
úrslitin, andstæðingar eru svo sem
aukaatriði. Það væri þó mjög
skemmtilegt að mæta bæði MH og
MA. Við höfum harma að hefna gegn
MA frá því fyrir tveimur árum og
það er alltaf gaman að mæta
nágrönnum okkur í Reykjavík.“
Óska stigavörður?
„Steinunn Vala Sigfúsdóttir, núver-
andi stigavörður, hún er svo sæt.“
Sérsvið þitt?
„Ég vil helst ekki svara þessari
spurningu, það verður nefnilega svo
vandræðalegt að klúðra spurningu á
sviði sem maður hefur opinberað
sem sérsvið sitt. Látum styrkleika
mína bara koma í ljós.“
Hvað veistu akkúrat ekkert um?
„Ég er því miður mjög illa að mér í
íslenskri landafræði. Ég hef góða
liðsfélaga svo það kemur ekki að
sök.“
Hver er kynþokkafyllstur í liði
MR?
„Björn Reynir, án nokkurs vafa,
þegar þú hefur séð loðna bringu
Björnsins þá er ekki aftur snúið.“
Uppáhaldshljómsveit íslensk?
„Góðvinir mínir í Rökkurró eru
mjög flott hljómsveit en ætli Sigur
Rós sé ekki í fyrsta sæti.“
Uppáhaldssjónvarpsþáttur (fyrir
utan Gettu betur!)?
„Ég á mjög erfitt með að gera upp
á milli Seinfelds og Vesturálmunn-
ar.“
Fara í sund á keppnisdag
HEFÐI FREKAR VILJA MÆTA MR Í ÚRSLITALEIK Gettu betur-lið
Borgarholtsskóla.
SKEMMTILEGT AÐ MÆTA BÆÐI MA OG MH Í ÚRSLITALEIK
Gettu betur-lið MR.