Fréttablaðið - 07.03.2008, Blaðsíða 76
40 7. mars 2008 FÖSTUDAGUR
tonlist@frettabladid.is
TÓNNINN GEFINN
Steinþór Helgi Arnsteinsson
Þegar hljómsveitin Arctic Monkeys kom fram á sjónarsviðið var sveit-
inni hampað sem bjargvætti alheimsins. „Það sem heimurinn hefur
beðið eftir“ var slegið upp á forsíðu tónlistartímaritsins NME. En eins
og svo oft áður á undanförnum árum þá skjátlaðist NME nokkuð
hrapallega. Nú, rétt rúmum tveimur árum og breiðskífum seinna,
(Arctic Monkeys fá reyndar plús fyrir að vera iðnir við kolann) virðist
sem Arctic Monkeys hafi
ekki reynst sú bylting sem
pressan ætlaði í byrjun. Í
raun virðist Arctic Monk-
eys einfaldlega hafa bætt
sér í hóp þeirra hljómsveita
sem böðuðu sig í sviðsljós-
inu eftir bylgju sem sveitir
á borð við The Libertines
og Franz Ferdinand hrundu
af stað. Til þessa hóps
teljast til dæmis, auk Arctic
Monkeys, Razorlight, Bloc
Party, The Kooks, Future-
heads, Maximo Park, The
Rakes og Babyshambles,
Vá, til hamingju Arctic
Monkeys.
Það má einfaldlega
fullyrða að ekkert stór-
vægilegt hafi gerst í
bresku rokki síðan í
upphafi áratugarins.
Klaxons og neu-rave
bylgjan virtist reyndar
ætla að tröllríða öllu en
virðist nú ætla að hverfa
jafnvel enn skjótar en hún
skaust fram á sjónarsviðið. Hljómsveitirnar Foals, Does It Offend
You, Yeah? og Friendly Fires gætu þó rétt úr kútnum. Sérstaklega
finnst mér Friendly Fires vera að gera áhugaverða hluti.
Úr aðeins rokkaðri átt má nefna þrjár efnilegar hljómsveitir;
Gallows, The Horrors og These New Puritans. The Horrors sendu frá
sér hinn fínasta frumburð í fyrra en These New Puritans gaf út sína
fyrstu skífu um daginn og sannaði rækilega að þar er mikið efni á
ferð. Athyglisvert pönk þar sem er ekki síður litið til forms og
strúktúrs en grípandi laglína. These New Puritans er allavega mitt lið
í ensku deildinni um þessar mundir.
Auðvitað má ekki gleyma stelpunum í þessari umfjöllun. Kate
Nash, Lily Allen, Adele, Duffy, Amy Winehouse og allar hinar
stelpurnar hafa verið að slátra strákunum og því ber að fagna. Fleiri
stelpur í rokkið væri hins vegar ákjósanleg þróun. Koma svo stelpur,
bjargið líka breska rokkinu, strákarnir virðast ekki alveg vera þess
megnugir.
Stöðnunin í bresku rokki
THESE NEW PURITANS Athyglisverð bresk pönks-
veit.
Þó að Nick Cave hafi fagn-
að fimmtíu ára afmæli sínu
síðasta haust hefur hann
engu tapað af snerpunni og
sköpunargleðinni. Í vik-
unni kom út fjórtánda plata
hans með The Bad Seeds,
Dig, Lazarus, Dig!!! og eins
og Trausti Júlíusson komst
að þegar hann hlustaði á
gripinn er mikið snilldar-
verk þar á ferðinni.
Dig, Lazarus, Dig!!! er fyrsta
platan sem Nick Cave gerir með
Tha Bad Seeds síðan hin tvöfalda
Abattoir Blues/The Lyre of Orp-
heus kom út árið 2004. Í fyrra
kom samt platan Grinderman
með samnefndri sveit. Hún inni-
hélt hrátt og æst bílskúrsrokk og
var að sögn Nick Cave „afsökun
til þess að fara niður í kjallara og
öskra“. Þó að Dig, Lazarus, Dig!!!
sé flóknari og dýpri, bæði text-
arnir og tónlistin, heldur en
Grinderman-platan þá er hún
samt miklu rokkaðri en plötur
Nick Cave & The Bad Seeds síð-
ustu ár.
Nick Cave segist hafa tekið
meðvitaða ákvörðun um að fjalla
ekkert um ástina í textunum á
nýju plötunni. Sú ákvörðun gerir
umfjöllunarefnin kannski fjöl-
breyttari og yfirbragðið grodda-
legra og það er greinilegt að höf-
undurinn er í miklum ham.
Skemmtilegir karakterar vaða
uppi og textarnir eru fullir af til-
vísunum, t.d. í Biblíuna, menning-
arsögu Vesturlanda síðustu ára-
tuga, fyrri verk Cave sjálfs og svo
framvegis... Það lak þó ein ekta
Nick Cave ballaða í gegnum síuna;
lagið Jesus of the Moon sem var
einfaldlega of gott til að henda því
ruslið að sögn Nick Cave.
Áhrif frá æskuhetjunum
Eins og áður segir er Dig, Lazar-
us Dig!!! full af rokkslögurum.
Píanóið sem hefur sett sterkan
svið á ballöðuplötur Nicks Cave
er komið aftarlega í mixið og
trommur, bassi og gítar mynda
rokkgrunn sem hinir fjölhæfu
meðlimir The Bad Seeds hlaða
síðan ofan á. Áhrifin frá æsku-
hetjum Nicks Cave, Iggy og The
Stooges og Lou Reed og Velvet
Underground, eru augljós í mörg-
um laganna. Gítarsándið í Today’s
Lesson minnir t.d. mikið á fyrstu
Stooges-plötuna og viðlagið vitn-
ar í lagið Real Cool Time af þeirri
plötu. We Call Upon the Author
byrjar ekki ósvipað Sister Ray
með Velvet Underground og svo
er nettur Waiting for the Man fíl-
ingur í lokalaginu, More News
from Nowhere svo nokkur dæmi
séu tekin...
Málið að semja lög
Nick Cave and The Bad Seeds eru
nú að undirbúa tónleikaferð til að
fylgja Lazarusi eftir. Þó að Nick
Cave hafi komið til Íslands og
spilað nokkrum sinnum þá getur
maður ekki annað en vonað að
hanni komi enn og aftur. Það væri
ekkert smá gaman að heyra Bad
Seeds renna í gegnum Dig, Lazar-
us Dig!!! plötuna.
Og það góða við þetta allt saman
er að karlinn er ekkert að fara að
hætta að gera plötur. Hann lifir
fyrir þetta: „Ég vil gera eins
margar plötur og ég mögulega
get,“ segir hann. „Ég vil semja
fullt af lögum. Það er málið. Að
semja lög er það sem gerir mig
hamingjusaman, heldur mér á
beinu brautinni og heldur mér
ánægðum...“ Jibbí!
Engar ástarballöður
NICK CAVE Grinderman-verkefnið vakti rokkarann í Nick Cave til lífsins. Dig, Lazarus,
Dig!!! er stappfull af rokkslögurum.
„Ég hlusta mikið á eldri tónlist
þessa dagana. Þar er eitthvað í
gangi sem mér finnst vanta í það
nýja. Mikil ástríða og frábær
flutningur,“ segir söngkonan Mar-
grét Eir Hjartardóttir um brennsl-
una sína.
1. The Songs That We Sing - Char-
lotte Gainsbourg
„Heyrði þennan disk fyrir tilvilj-
un. Hef hlustað stundum á Serge
Gainsbourg og þetta er dóttir
hans.“
2. Dreams - Fleetwood Mac
„Af plötunni Rumours. Bara frá-
bær plata og algjör nauðsyn að
kynnast.“
3. Polly Come Home - Robert Plant
og Alison Krauss
„Þetta er af plötunni Raising Sand.
Ég féll algjörlega fyrir þeim. Frá-
bærir söngvarar.“
4. I´ve Been Loving You - Otis
Redding
„Ég á þetta í tón-
leikaútgáfu. Þetta
kalla ég að syngja
með tilfinningunni.“
5. At Last - Etta
James
„Ég er svolítið að
hlusta á gamalt
þessa dagana og það
er mikill innblástur
að hlusta á svona
flutning.“
6. Sveitin milli sanda
- Ellý Vilhjálms
„Stundum er fínt að
hlusta á textalausar
laglínur, þær hljóma svo vel.“
7. Cecila - Thomas Dybdal
„Þetta er norskur tónlistarmaður
sem ég var kynnt fyrir og hann
hefur ekki farið úr tækinu
síðan.“
8. I Want You (She´s
so Heavy) - The
Beatles
„Algjör gredda í
þessu lagi, eitthvað
fyrir mig.“
9. Don´t Bring Me
Down - Sia (Color
the Small One)
„Eitthvert kæru-
laust þunglyndi
yfir þessu lagi sem
er uppáhaldslagið
mitt af þessari
plötu með söng-
konu sem ekki
margir þekkja
hérna.“
10. Across the Universe - Rufus
Wainwright
„Flott útgáfa á góðu lagi og hlakka
mikið til að fara á tónleika með
honum.“
BRENNSLAN - MARGRÉT EIR
MARGRÉT EIR HJARTARDÓTTIR
Margrét Eir hlustar mikið á eldri
tónlist þessa dagana.
> Í SPILARANUM
Stephen Malkmus - Real Emotional Trash
Presidents of the United States of America
- These are the Good Times People
Simon & Garfunkel - Live 1969
Snoop Dogg - Ego Trippin’
Plants And Animals - Parc Avenue
STEPHEN
MALKMUS
PLANTS AND
ANIMALS
Hljómsveitin <3 Svanhvít! mætti með
afmælistertu upp á svið á tónleikum á
Organ um síðustu helgi þar sem hún hit-
aði upp fyrir The Pains of Being Pure at
Heart frá Bandaríkjunum. Sveitin átti
eins árs afmæli sama dag og kunnu tón-
leikagestir vel að meta uppátækið.
„Afmæli kallar á afmælisköku. Við
erum vön að fá hugmyndir og fram-
kvæma þær einn, tveir og þrír og við
gerðum það,“ segir gítarleikarinn Daði
Helgason. Með tertunni sló sveitin tvær
flugur í einu höggi, eða í raun þrjár, því
sama dag varð söngvarinn Halldór
Kristján Þorsteinsson nítján ára auk
þess sem jafnmörg ár voru liðin síðan
bjórinn var lögleiddur á Íslandi.
Tíu meðlimir eru í <3 Svanhvít!, þar á
meðal pottaleikari, töfragítarleikari og
ræstitæknir sem spilar á ryksugu og
kúst. Daði segir sveitina þó ekki algjöra
grínsveit. „Við erum mikið að sprella og
gera grín en þetta er alvöru grín skulum
við segja.“ Hann kvartar heldur ekki
yfir þrengslum uppi á sviði. „Við höfum
spilað á ótrúlega litlum sviðum. Því
þrengra, því skemmtilegra.“
<3 Svanhvít!, sem varð í öðru sæti á
Músíktilraunum í fyrra, er skírð í höfuð-
ið á fyrrverandi forseta nemendafélags
MR. „Það var mikil ást á henni sem
kviknaði í fyrra og við skírðum hljóm-
sveitina í höfuðið á henni. Við bjóðum
henni á flesta tónleika og hún er mikill
aðdáandi,“ segir Daði.
Sveitin er um þessar mundir að undir-
búa sína fyrstu plötu sem kemur út í
haust. - fb
Með afmælistertu á sviðinu
<3 SVANHVÍT! Hljómsveitin <3 Svanhvít! með
afmæliskökuna uppi á sviði.
M
YN
D
/KO
LB
R
Ú
N
K
A
R
LSD
Ó
TTIR