Fréttablaðið - 07.03.2008, Blaðsíða 6
6 7. mars 2008 FÖSTUDAGUR
EFNAHAGSMÁL Vaxtastefna Seðla-
bankans er sjálfstætt efnahags-
vandamál sem flestir gagnrýna
með gildum rökum en ekkert fæst
ráðið við að mati Samtaka iðnaðar-
ins. Samtökin krefjast þess að
stefnunni verði breytt og óttast að
annars verði ofkólnun í efnahags-
lífinu. Þetta kom fram í ávarpi
Helga Magnússonar, formanns
Samtaka iðnaðarins, SI, á Iðnþingi
í gær.
Helgi benti á að stýrivextir
Seðlabankans væru langt umfram
það sem atvinnulífið og almenn-
ingur gætu búið við. Samtök iðnað-
arins og atvinnurekenda hefðu
krafist þess að stefnunni, vinnu-
brögðum bankans eða lögum um
Seðlabankann yrði breytt því ann-
ars gæti orðið ofkólnun með afleið-
ingum sem menn vilja helst ekki
hugsa til enda.
„Ef raunveruleg verðmæta-
sköpun skreppur saman er lítið við
því að gera en menn eiga ekki að
sætta sig við sjálfskaparvíti,“
sagði Helgi. „Verðmætasköpun er
grundvöllur þess að hér sé unnt að
standa undir öflugu heilbrigðis-
kerfi, menntakerfi og velferðar-
þjónustu eins og best gerist.“
Helgi benti á að horfur í atvinnu-
lífi og efnahagsmálum hefðu gjör-
breyst frá því að vera býsna góðar
yfir í dökkar. Hagkerfið hraðkólni,
að hluta til vegna erlendra áhrifa
sem Íslendingar ráði ekki við.
Verðmæti hlutabréfa í Kauphöll-
inni hefðu lækkað úr 3.600 millj-
örðum þegar mest var í fyrrasum-
ar niður í 2.000 milljarða eða um
45 prósent. Verðmæti upp á rúm-
lega einn og hálfan milljarð hefðu
horfið úr viðskiptalífinu á átta
mánuðum. Bankarnir hefðu ekki
farið varhluta af ástandinu.
„Eitt brýnasta verkefni efna-
hagsstjórnarinnar er að rjúfa
þennan vítahring með öllum
tiltækum ráðum,“ sagði hann og
taldi mögulegt að flýta för Íslend-
inga upp úr öldudalnum með því að
rjúfa vítahring ofurvaxta, atvinnu-
líf og stjórnvöld taki höndum
saman um að bæta orðspor Íslend-
inga erlendis, bankarnir nái vopn-
um sínum og losni undan háu og
ósanngjörnu skuldatryggingaálagi,
ekkert lát verði á uppbyggingu
atvinnufyrirtækja og opinber starf-
semi þenjist ekki endalaust út.
Iðnþing skoraði á ríkisstjórnina
að taka aðild Íslands að ESB á dag-
skrá og fela nýrri Evrópunefnd
það hlutverk að móta samnings-
markmið, fara í saumana á samn-
ingaferlinu, undirbúa rök vegna
sérstöðu þjóðarinnar og hefjast
handa við að finna viðunandi
lausnir. ghs@frettabladid.is
Vaxtastefnan er
sjálfstætt vandamál
Vaxtastefna Seðlabankans er sjálfstætt efnahagsvandamál. Verði vinnubrögð-
um Seðlabankans ekki breytt getur það leitt til ofkólnunar í efnahagslífinu
með afleiðingum sem menn vilja ekki hugsa til enda, að sögn formanns SI.
LÖGREGLUMÁL Karlmaður á fer-
tugsaldri rændi útibú Kaupþings
í verslunarmiðstöðinni Firði um
hádegi í gær. Hann hafði á brott
með sér lítilræði af peningum en
náðist fljótlega eftir ránið.
Samkvæmt upplýsingum lög-
reglu gekk maðurinn inn í bank-
ann um klukkan hálf tólf og til-
kynnti að um rán væri að ræða.
Hann var ekki vopnaður og ógn-
aði engum með ofbeldi. Gjaldkeri
afhenti manninum peninga og
hann gekk út.
Neyðarkall barst frá bankanum
klukkan 11.39 og tók lögreglu
nokkrar mínútur að komast á
staðinn. Þá var bankaræninginn
enn fyrir utan verslunarmiðstöð-
ina, ráfandi um á bílastæðinu. Að
sögn varðstjóra lögreglu var hann
handtekinn, og kvaðst þá hafa
ætlað að skila peningunum.
Maðurinn er góðkunningi lög-
reglunnar og virðist sem banka-
ránið hafi lítið sem ekkert verið
skipulagt. Hann var yfirheyrður
hjá lögreglu í gær og sleppt að
því loknu.
Svali Björgvinsson, fram-
kvæmdastjóri starfsmannasviðs
hjá Kaupþingi, segir starfsfólk
bankans hafa brugðist hárrétt
við. „Þarna fór í gang viðbragðs-
áætlun sem stóðst mjög vel, og
starfsfólkið gerði allt rétt.“ Hann
segir starfsmönnum hafa verið
boðna áfallahjálp, en ekki sé enn
vitað hversu margir hafi nýtt sér
hana. - sþs
Bankarán í útibúi Kaupþings í verslunarmiðstöðinni Firði í Hafnarfirði um hádegi í gær:
Ráfaði um á bílastæðinu eftir bankarán
BANKARÁN Útibúi Kaupþings var lokað í rúmar tvær klukkustundir eftir að ránið var
framið. Á meðan ræddu lögreglumenn við starfsfólk. FRÉTTABLAÐIÐ/VALLI
Hringdu í síma
ef blaðið berst ekki
IÐNAÐUR Forsvarsmenn Papco
hafa áhuga á því að reisa
umhverfis væna pappírsverk-
smiðju á Hengilssvæðinu. Nú er
unnið að forkönnun á því hvort
slík verksmiðja væri hagkvæm.
„Þetta er klárlega spennandi
verkefni,“ segir Þórður Kárason,
framkvæmdastjóri Papco. Hann
tekur þó fram að verkefnið sé
afar skammt á veg komið og of
snemmt að gera sér væntingar.
Verksmiðjan myndi flytja inn
hráefni, unnið úr nytjaskógum, og
vinna úr því pappírsvörur í neyt-
endapakkningum.
„Það er ekki mikið um þetta að
segja á þessu stigi, vinnan er á
viðræðustigi,“ segir Þórður.
„Hagræðið er í umhverfisþátt-
unum,“ segir Þórður. Pappírs-
framleiðsla er orkufrekur
iðnaður, og erlendis þarf að
brenna kolum eða olíu til að knýja
verksmiðjurnar. Þórður segir
möguleika á því að nýta betur
orkuna úr jarðvarmavirkjunum.
Auk þess er líklegt að orkan yrði
ódýrari hér á landi en í samkeppnis-
löndunum.
Þórður segir verkefnið ekki
komið svo langt að hægt sé að
ræða við Orkuveitu Reykjavíkur
um orkukaup. Enn sé of margt
óljóst, en mögulega skýrist þessi
mál frekar í vor eða sumar.
Orkuveita Reykjavíkur áformar
virkjanir á Hengilssvæðinu, en
Skipulagsstofnun hefur nú athuga-
semdir við umhverfismat vegna
virkjananna til meðferðar. - bj
Forsvarsmenn Papco kanna fýsileika umhverfisvænnrar pappírsverksmiðju:
Vilja verksmiðju á Hengilssvæði
HENGILSSVÆÐIÐ Áform eru uppi um
jarðhitavirkjanir á Hengilssvæðinu,
en Skipulagsstofnun fjallar nú um
athugasemdir við umhverfismat vegna
virkjananna. MYND/RAFN HAFNFJÖRÐ
Vilt þú að eitt eða fleiri álver
rísi hér á landi fyrir árslok
2012?
Já 43,5%
Nei 56,5%
SPURNING DAGSINS Í DAG:
Finnst þér að breyta eigi lögum
um eftirlaun ráðherra, þing-
manna og hæstaréttardómara?
Segðu þína skoðun á visir.is
BRÝNT AÐ RJÚFA VÍTAHRINGINN „Eitt brýnasta verkefni efnahagsstjórnarinnar er
að rjúfa þennan vítahring,“ sagði Helgi Magnússon, formaður Samtaka iðnaðar-
ins, í gær. FRÉTTABLAÐIÐ/STEFÁN
MEIRIHLUTINN VILL EVRU
Meirihluti landsmanna vill taka upp
evru sem gjaldmiðil á Íslandi. Þetta
kemur fram í nýrri könnun sem
Capacent Gallup gerði fyrir Samtök
iðnaðarins. Þar kemur fram að 55,8
prósent svarenda vilja taka upp
evru en 44,2 prósent vilja halda
íslensku krónunni. Fleiri karlar en
konur vilja taka upp evru og þeir
yngstu og elstu frekar en hinir
aldurshóparnir. Stuðningurinn við
evru er mestur í aldurshópnum 25-
34 ára. Íbúar á höfuðborgarsvæð-
inu eru jákvæðari gagnvart evru
en íbúar á landsbyggðinni. Sextíu
prósent íbúa á höfuðborgarsvæð-
inu vilja taka upp evru.
Þá er afgerandi meirihluti fyrir því
að hefja viðræður um aðild að
Evrópusambandinu.
KJÖRKASSINN