Fréttablaðið - 07.03.2008, Blaðsíða 51
ingjusamur,“ segir hann og bætir
því við að hann safni sér fyrir hlut-
unum áður en hann kaupi þá. „Ég
er alinn upp við það að góðir hlut-
ir gerist hægt og að allt hafi sinn
meðgöngutíma. Ég þakka fyrir í
dag að hafa ekki verið alinn upp
við allsnægtir og finnast það sjálf-
sagt að eiga allt á raðgreiðslum.“
Mótlætið mótar mig
CERES4 vill meina að uppeldið og
mótlætið á æskuárunum hafi gert
hann að þeim manni sem hann er í
dag en honum finnst skemmtileg-
ast að takast á við hluti sem hann
er ekki góður í og sigrast á erfið-
leikunum. „Allt sem ég hef tekið
mér fyrir hendur hefur kostað
mig blóð, svita og tár og þannig vil
ég hafa það enda er ég átakasinni.
Allt sem ég geri er „hardcore“ út
í gegn. Ég er bestur þegar enginn
annar trúir á mig. Ég var t.d. aldrei
neinn sérstakur námsmaður. Ég
villtist dálítið af leið í barnaskóla
en rétti mig síðar af með harðri
vinnu. Ég er alltaf tilbúinn að
leggja mikið á mig, sama hvað það
kostar, þegar ég veit hvað ég vil,“
bætir hann við en hann lauk kenn-
araprófi frá Kennaraháskólanum
fyrir 11 árum. „Þegar ég byrjaði
til dæmis að skrifa fannst mér það
mjög erfitt. Ég hef aldrei fundið
neitt hjá mér sem sumir kalla með-
fædda hæfileika. Kannski einna
helst það að mér finnst óendan-
lega gaman að hugsa. En ég ætl-
aði mér að skrifa bók og hef nú
lokið minni fyrstu skáldsögu sem
heitir Klettafjörður. Það var sigur
fyrir mig að klára hana og vonandi
kemur hún einhvern tímann út,“
segir CERES4 sem er augljóslega
margt til lista lagt. Klettafjörður
er nú þegar komin til yfirlestrar
hjá nokkrum bókaútgefendum en
sagan segir frá manni á þrítugs-
aldri sem lendir í flugslysi. Vélin
hrapar á afskekktum stað í ímynd-
uðum firði á Íslandi þar sem ein-
ungis búa öldungar. „Bókin er
að einhverju leyti byggð á minni
reynslu og fjallar um innilokun,
útþrá, átök, persónuleikabreyt-
ingar, ástina og lífið. Hún gerist á
Austurlandi en ég ólst upp á Eski-
firði þar sem dimmur og djúpur
fjörður umlukti hluta af bernsku
minni,“ segir CERES4 sem útskýr-
ir kannski að einhverju leyti hvers
vegna honum líður vel einum. „Ég
var einu sinni kvæntur en skildi
fyrir sex árum og hef verið pipar-
sveinn síðan.
Hjónabandið gat af sér einn
son sem er á tólfta ári og mér
þykir óendanlega vænt um,“ segir
CERES4 sem hefur ekki tíma
í hefðbundið fjölskyldulíf eins
og staðan er í dag þar sem hann
er rokinn út fyrir klukkan sex á
morgnana og kemur seint heim á
kvöldin. „Líf mitt er mikið kapp-
hlaup þar sem ég stekk úr einu
hlutverkinu yfir í annað. Ég fer
úr því að vera mjög skilningsrík-
ur, mildur og akademískur í skól-
anum yfir í það að vera agaður og
ákveðinn knattspyrnuþjálfari, en
ég er aðstoðarþjálfari 4., 5. og 6.
flokks Hauka í Hafnarfirði. Þaðan
þarf ég síðan að geta hoppað beint
upp á svið, þar sem hlutverk mitt
er að heilla fjöldann og gleðja fólk
en inn á milli koma stundir þar
sem ég sit einn löngum stundum
og skrifa,“ segir Ceres en and-
stæðurnar í lífi hans virðast henta
margbrotnum persónuleika hans
vel. „Ég á mjög auðvelt með að
skipta um gír og er fljótur að laga
mig að breyttum aðstæðum. Ég er
eins og DVD-spilari sem hægt er
að láta hoppa á milli atriða með
fjarstýringunni,“ segir CERES4
hlæjandi að lokum.
bergthora@365.is
MORGUNMATURINN: Heitur hafra-
grautur er málið í frostinu.
SKYNDIBITINN: „Jamba Juice-
smoothie“ með extra skammti af prót-
índufti. Ég labbaði alltaf fram hjá Jamba
Juice á leiðinni í skólann og oftar en ekki
fékk ég mér „smoothie“ og risastóra
graskers „muffin“ frá bakaríinu við hlið-
ina á með. Ég sakna Jamba Juice því
það er vonlaust að finna drykkjarhæfan
„smoothie“ á Íslandi sem er ekki með skyri.
RÓMÓ ÚT AÐ BORÐA: W.A. Frost & Company í St. Paul er
Hótel Holt borgarinnar. Alvöru veitingastaður með frönsku ívafi.
Þarna fór ég oftar en einu sinni með kærastanum svo ég á góðar
minningar frá þessum stað.
UPPÁHALDSVERSLUNIN: Það eru nokkr-
ar skemmtilegar búðir í Uptown Minneapol-
is en ef maður á leið í Mall of America er Nord-
strom-magasínið flott.
BEST VIÐ BORGINA: Fólkið í Minneapol-
is/St. Paul er frjálslynt og svolítið evrópskt í
hugsunarhætti svo manni er óhætt að segja
nokkra Bush-brandara. Svo er veturinn mjög
fallegur þrátt fyrir kuldann því oftast er algjört
póstkortaveður í borginni, sól og logn.
LÍKAMSRÆKTIN: Skokk eftir Summit Avenue upp að
Mississippi-ánni (þó ekki í kaldasta veðrinu!). Ég átti heima
við hliðina á Summit Avenue sem er fræg fyrir að hafa
lengstu röð af íbúðarhúsum frá Viktoríutímabilinu í Bandaríkj-
unum.
borgin mín
RÓSA SIGNÝ GÍSLADÓTTIR kynningarstjóri Nýsköpunarmiðstöðvar Íslands
MINNEAPOLIS/ST. PAUL
7. MARS 2008 FÖSTUDAGUR • 9