Fréttablaðið - 07.03.2008, Blaðsíða 12

12 7. mars 2008 FÖSTUDAGUR
SVEITASTJÓRNARMÁL „Greiðslur
handa foreldrum halda foreldrum
heima, einkum konum, og leysa
með engu móti leikskólavandann í
borginni,“ segir Sigrún Elsa
Smáradóttir, borgarfulltrúi Sam-
fylkingarinnar, um greiðslur til
foreldra sem bíða þess að börnin
þeirra komist inn á leikskóla.
Meirihluti Sjálfstæðisflokksins
og F-lista hefur boðað að hann
muni „segja skilið við biðlista-
stefnuna“ í leikskólamálum.
Tæplega 1.200 börn frá eins árs
aldri eru á biðlista eftir leikskóla-
plássi í borginni en 700 hundruð
þeirra eru þó með pláss hjá dag-
foreldri.
Ólafur F. Magnússon borgar-
stjóri kynnti áformin á blaða-
mannafundi fyrir borgarstjórnar-
fund á þriðjudag. „Þetta á eftir að
skipta foreldra gríðarlega miklu
máli [...] Greiðslan mun að líkind-
um nema tugum þúsunda,“ sagði
Ólafur F. meðal annars.
Stefnt er að því að fjölga leik-
skólaplássum í Reykjavík veru-
lega á næstu árum. Borgarfulltrúar
minnihlutans hafa bent á að pláss-
um muni ekki fjölga umfram
mannfjöldaspá samkvæmt áætl-
uninni, nema sem nemur á fjórða
tug plássa. Þá hefur gengið erfið-
lega undanfarin ár að fullmanna
störf leikskólakennara.
Óljóst er enn hve greiðslan til
foreldra verður há en gert er ráð
fyrir um 200 milljónum í greiðsl-
urnar á þriggja ára fjárhags-
áætlun. magnush@frettabladid.is
Leikskólavandinn í
borginni óleystur
Greiðslur til foreldra eyða ekki biðlistum eftir leikskólaplássi, segir borgarfull-
trúi Samfylkingarinnar. Leikskólapláss í Reykjavík eru 5.796 en þurfa að vera
að minnsta kosti 1.200 fleiri til þess að anna eftirspurn að fullu.
BÖRN AÐ LEIK Bið eftir leikskólaplássi
kemur illilega við fjölskyldufólk í Reykja-
vík. Tæplega 1.200 börn frá eins árs aldri
bíða þess að komast inn á leikskóla
í Reykjavík. Flestir leikskólar á vegum
borgarinnar taka börn inn við átján
mánaða aldur. FRÉTTABLAÐIÐ/ANTON
HEILBRIGÐISMÁL Kanadíski
læknirinn Joan M. Johnston
heldur fyrirlestur um átröskun á
Háskólatorgi Háskóla Íslands á
morgun klukkan eitt.
Joan rekur meðferðarstofnun
fyrir átröskunarsjúklinga og
hefur haldið fyrirlestra um
átröskun um allan heim frá 1992.
Fyrirlestrana byggir hún á
hugmyndum um átröskun sem
fíkn og deilir hún með áheyrend-
um margra ára faglegri reynslu
auk eigin sögu, en hún notaði tólf
spora kerfið til þess að ná tökum
á átröskun sem hún þjáðist af
sjálf. - eö
Fyrirlestur á Háskólatorgi:
Átröskun getur
líka verið fíkn
WWW.N1.ISN1 ÞJÓNUSTUSTÖÐVAR
Nú hefur N1 hafið sölu á Biodísel sem er lífrænt endurnýjan-
legt eldsneyti, blandað í venjulega díselolíu. Biodísel er á
sama verði og venjuleg díselolía en mengar mun minna og
smyr bílinn betur.
N1 Hringbraut í Reykjavík
N1 Skógarseli í Reykjavík
N1 Reykjavíkurvegi í Hafnarfirði
Biódísel fæst á eftirtöldum þjónustustöðvum:
IÐNAÐUR Helgi Magnússon var
endurkjörinn formaður Samtaka
iðnaðarins á
Iðnþingi með 97
prósentum
atkvæða, auð og
ógild atkvæði voru
um þrjú prósent.
Helgi verður
formaður fram að
Iðnþingi 2009.
Í stjórn voru
kjörin þau Þor-
steinn Víglundsson, BM Vallá,
Ingvar Kristinsson, Marel, og
Anna María Jónsdóttir, Laugar
Spa. - ghs
Samtök iðnaðarins:
Helgi formaður
endurkjörinn
HELGI
MAGNÚS SON
UTANRÍKISMÁL „Hvaða skilaboð eru
íslensk stjórnvöld að senda á
svæðið með því að halda uppi vin-
samlegu stjórnmálasambandi við
árásaraðilann en neita að hafa
nokkurt samband við lýðræðis-
lega kjörin stjórnvöld Palestínu-
manna?“ spyr Sveinn Rúnar
Hauksson, formaður félagsins
Íslands-Palestínu.
Hann bregst hér við ákvörðun
utanríkisráðherra um að verða
ekki við áskorun félagsins og slíta
stjórnmálasambandi við Ísrael.
Þau stjórnvöld sem Sveinn vísar
til eru Hamas-samtökin, sem ráð-
herrann heimsótti ekki í ferð sinni
til Ísraels í fyrra.
Ingibjörg Sólrún Gísladóttir
utanríkisráðherra sagði í Frétta-
blaðinu í gær að hún sæi ekki
ávinninginn af því að slíta sam-
bandinu, þrátt fyrir að Ísraels-
menn væru að „hóprefsa“ Palest-
ínumönnum á óafsakanlegan hátt.
Fullreyna þyrfti opinberar
leiðir, svo sem öryggisráðið. Og að
alþjóðasamfélagið léti í sér heyra.
„En er verið að hlusta?“ spyr
Sveinn og bendir á að neitunar-
vald Bandaríkjanna geri öryggis-
ráðið máttlaust.
„Tillaga okkar er tilkomin af því
að þrátt fyrir öll tilmæli og mót-
mæli, til dæmis fordæmingu
framkvæmdastjóra Sameinuðu
þjóðanna, hóta ísraelsk stjórnvöld
enn harðari aðgerðum. Þetta er
eins og að tala við steininn.“ - kóþ
Formaður Íslands-Palestínu spyr hvaða skilaboð Íslendingar sendi til Palestínu:
Vinasamband við árásaraðila
Í HEIMSÓKN Í ÍSRAEL Ráðherra hitti
Ísraelsmenn að máli í ferð sinni til Pal-
estínu. Síðan ræddi hún við Fatah-hreyf-
inguna en hún hitti engan í Hamas-
samtökunum. FRÉTTABLAÐIÐ/AUÐUNN
UTANRÍKISMÁL Íslenskir friðar-
gæsluliðar munu snúa aftur til
Faryab-héraðs í norðurhluta
Afganistan í apríl, um tveimur og
hálfu ári eftir að þeir voru kvadd-
ir á brott frá héraðinu þar sem
öryggi þeirra þótti ekki tryggt.
„Við teljum að það sé búið að
gera þær öryggisráðstafanir sem
til þurfi, og ástandið sé slíkt að
okkar fólk sé öruggt. Það er klárt
mál að þeirra öryggis verður gætt
mjög vandlega,“ segir Urður
Gunnarsdóttir, fjölmiðlafulltrúi
utanríkisráðuneytisins.
Búðir friðargæsluliða í Faryab
eru við höfuðstað héraðsins,
Maymana. Ráðist var á búðirnar í
febrúar 2006, en engan sakaði.
Búðirnar voru færðar í kjölfarið.
Þrettán friðargæsluliðar eru í
landinu nú, og er miðað við að
fjöldi gæsluliða verði á bilinu
þrettán til fimmtán á næstunni.
Gæsluliðarnir sem fara til Faryab
verða borgaralegir þróunar-
fulltrúar sem munu vinna að upp-
byggingarstarfi. Þeir verða ekki
vopnaðir og munu ekki klæðast ein-
kennisbúningum, segir Urður.
Ekki er ljóst hvaða verkefni
gæsluliðarnir munu sinna í hérað-
inu. Þeir sem fyrstir fara munu
skipuleggja verkefnin.
Fjölgun í liðsafla friðargæsl-
unnar í Afganistan kemur í kjölfar
þess að hætta varð verkefni í Srí
Lanka í byrjun árs. Stefnan er að
friðargæsluliðum fækki ekki þó
að því verkefni sé lokið, segir
Urður. - bj
Íslenskir friðargæsluliðar munu snúa aftur til Faryab-héraðs í Afganistan í apríl:
Borgaralegir og bera ekki vopn
GÆSLUSTÖRF Friðargæsluliðar hafa
unnið að ýmsum verkefnum í Afganist-
an. MYND/ÍSLENSKA FRIÐARGÆSLANÁ LEIÐINNI ÚT Í BÚÐ Þetta er ekki
óalgeng sjón í Simbabve þessa
dagana þar sem verðbólgan er komin
vel yfir 100 þúsund prósent. Maðurinn
er á leiðinni út í búð að kaupa sér í
matinn, sæmilega birgur af ódýrum
seðlabúntum. FRÉTTABLAÐIÐ/AP
6
Hverfi 12-18 mánaða 18 mánaða +
1. Árbær/Grafarholt 80 155
2. Breiðholt 62 105
3. Grafarvogur/Kjalarnes 76 13
4. Laugardalur/Háaleiti 128 119
5. Miðborg/Hlíðar 89 62
6. Vesturbær 77 46
5
2
1
3
4
SAMGÖNGUMÁL Sjötíu og fimm
ökumenn óku yfir leyfilegum
hámarkshraða í Hvalfjarðargöng-
unum á 47 klukkustundum frá
mánudeginum til miðvikudagsins.
Alls fóru tæplega fjögur þúsund
ökutæki um göngin á þessum tíma
og voru um 1,9 prósent ökumanna
brotleg. Í göngunum er 70
kílómetra hámarkshraði. Var
meðalhraði brotlegra ökumanna 84
kílómetrar á klukkustund, sex óku
á 90 og sá sem hraðast ók var á 100
kílómetra hraða. Er þetta nokkur
fækkun hraðakstursbrota frá því í
janúar 2007 þegar 4 prósent
ökumanna óku of hratt á sama stað
í göngunum. - ovd
Akstur í Hvalfjarðargöngunum:
Hraðaksturs-
brotum fækkar