Fréttablaðið - 07.03.2008, Síða 45

Hvítur svanur á hvítu svelli. FRÉTTABLAÐIÐ/ARNÞÓR
FÖSTUDAGUR 7. MARS 2008 7
Ríflega 130 manna hópur gekk á
hæsta tind Vesturlands, Heiðar-
horn (1.053 metrar), hinn 1. mars
síðastliðinn. Gangan var liður í
undirbúningi hópsins fyrir göngu
á Hvannadalshnúk í byrjun sum-
ars en hópurinn hittist einu sinni í
viku og æfir fyrir ferðina. Hvanna-
dalshnúkur er 2.110 m hár og því
má segja að hálfur sigur sé unninn
fyrir hópinn á leið sinni á toppinn.
Gangan var skipulögð af Íslensk-
um fjallaleiðsögu mönnum. Menn
voru almennt ánægðir með för-
ina enda veðrið með besta móti
og útsýnið af toppnum einstakt.
Fyrst var gengið á Skarðshyrnu
og þaðan yfir á Heiðarhornið og
tók gangan alls um sjö tíma.
Nú þegar hafa um 250 manns
skráð sig í ferðina á Hvannadals-
hnúk og enn er laust pláss svo
þeim sem hafa áhuga á að slást
í hópinn er bent á að hafa sam-
band við Íslenska fjallaleiðsögu-
menn (587-9999). Einnig er hægt
að nálgast upplýsingar á heima-
síðum Íslenskra fjallaleiðsögu-
manna www.mountainguide.is og
66°Norður www.66north.is.
Stór hópur á Heiðarhorn
Veðrið var yndislegt og útsýnið einstakt.
● ÖRYGGISNÁMSKEIÐ Í HESTAMENNSKU
Vanir knapar, jafnt sem óvanir, detta af hestbaki, oft með slæmum afleiðingum. Vátryggingafélag Íslands stendur
fyrir námskeiði um öryggismál í hestamennsku, í samvinnu við Landbúnaðarháskóla Íslands og Landssam-
band hestamannafélaga, á laugardaginn kemur, 8. mars, á Hvanneyri og í hestamiðstöð
Landbúnaðar háskólans að Mið-Fossum í Borgarfirði. Námskeiðið er ætlað hestamönnum á
öllum aldri en ekki síst þeim sem bjóða upp á hestaferðir og reiðkennslu.
Námskeiðið er tvíþætt. Annars vegar verður bókleg fræðsla um öryggismál og hins vegar
sýnikennsla. Á námskeiðinu verður sýnt hvernig á að „detta af baki“ með lágmarks
afleiðingum og jafnframt verður kennt hvað hægt er að gera á slysstað til að hlúa
að slösuðum einstaklingi þar til hjálp berst.
Námskeiðið hefst kl. 9.45 með bóklegri fræðslu. Sýnikennslan fer fram að
Mið-Fossum í Borgarfirði frá kl 13.30 til 16.00. Hádegisverður er innifalinn í
námskeiðinu. Hægt er að skrá þátttöku á netfanginu endurmenntun@lbhi.is
● NÝLIÐA- OG AFMÆLIS-
FERÐ
Nýliðanefnd Ferðafélags 4x4
klúbbsins stendur fyrir dagsferð
um Reykjanes laugardaginn 15.
mars. Ferðin verður farin í tilefni
25 ára afmælis klúbbsins og í
framhaldi af nýliðakynningu
sem haldin var fyrir stuttu.
Eknar verða tvær leiðir, önnur
fyrir öflugri jeppa og hin fyrir
lítið eða ekki breytta, þannig að
allir ættu að finna eitthvað við
sitt hæfi.
Nánari upplýsingar um leiðar-
val og brottfarartíma verða
birtar á vefnum www.f4x4.is
þegar nær dregur.
Casall fatnaður
Opnunartilboð:
20% afsláttur
Jamis reiðhjól
Árgerð 2007
Opnunartilboð:
40%afsláttur
Chrysalis
dúnsvefnpoki
frá The North Face
Verð: 25.990 kr.
Opnunartilboð: 17.990kr.
Nike T-bolir
Opnunartilboð:
20%afsláttur
unarhátíð um helgina
Nike Pro
hátæknifatnaður – aðeins það
besta til íþróttaiðkunar
– kynning á fimmtudag
og laugardag.
útivera ● fréttablaðið ●