Fréttablaðið - 08.03.2008, Qupperneq 26

26 8. mars 2008 LAUGARDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 741
4.896 +1,82% Velta: 6.613 milljónir
HLUTABRÉF Í ÚRVALSVÍSITÖLU: Atorka 8,00 +0,00% ... Bakkavör 41,20 +2,49% ...
Eimskipafélagið 28,90 -0,69% ... Exista 11,98 +1,18% ... FL Group 9,15 +1,33% ... Glitnir
17,00 +1,19% ... Icelandair 24,80 -0,40% ... Kaupþing 741,00 +2,07% ... Landsbankinn
27,40 +3,01% ... Marel 89,00 +1,14% ... SPRON 5,15 -1,15% ... Straumur-Burðarás 11,20
+1,82% ... Teymi 5,00 0,20% ... Össur 90,20 -0,55%
MESTA HÆKKUN
FØROYA BANKI +5,63%
LANDSBANKINN +3,01%
BAKKAVÖR +2,49%
MESTA LÆKKUN
ATLANTIC PET. -2,67%
SPRON -1,15%
EIMSKIPAFÉLAGIÐ -0,69%
LOSNA ÚR FJÖTRUM
SKULDATRYGGINGAR-
ÁLAGS Í gær birtist
þessi skopmynd af
fulltrúa Kaupþings í
líki víkings í tímaritinu
EuroWeek, sem er
alþjóðlegt tímarit um
skuldabréf. Er vísað til
nýlegrar fjármögnunar
bankans þar sem betri
kjör buðust, að sögn
stjórnenda, en svokall-
að skuldatryggingarálag
hafði gefið til kynna
dagana á undan. Um
leið og skuldatryggingar-
kúlunni er sparkað fær
efasemdarmaðurinn
fingurna í augun.
Myndin gefur til kynna
að bankinn hafi sterkari
stöðu á markaðnum en
margir hafi viljað vera
láta. MYND/EUROWEEK
Kaupþing hefur frestað því til næsta árs að
breyta starfrækslumynt bankans í evrur og
dregið til baka umsókn þar að lútandi. Ekki
reynir á úrskurð fjármálaráðherra. Á aðal-
fundi bankans í gær samþykktu hluthafar að
færa hlutabréf bankans yfir í evrur.
Breytingu starfrækslumyntar Kaupþings úr krónum
í evrur hefur verið frestað þar til í janúar á næsta ári
samkvæmt ákvörðun stjórnar. Þetta kom fram á
aðalfundi bankans í gær. Bankinn hefur dregið til
baka umsókn sína um breytinguna sem taka átti gildi
í ár. Því reynir ekki á ákvörðun fjármálaráðherra
varðandi stjórnsýslukæru sem bankinn lagði fram
eftir að umsókninni var hafnað af Ársreikningaskrá.
Bankinn hefur þó langt því frá gefið upp á bátinn
fyrirætlanir um að færa sig yfir í evrur. Aðalfundur-
inn samþykkti í gær að hlutafé bankans skyldi fært
yfir í evrur. „Ríkisstjórn Íslands vinnur ötullega að
því að gera möguleg viðskipti með hlutabréf í
erlendri mynt fyrir árslok. Stjórnin telur því
viðeigandi að breyta starfrækslumyntinni og
hlutabréfaskráningunni á sama tíma,“ segir Sigurður
Einarsson, stjórnarformaður bankans, en í ræðu hans
á fundinum kom jafnframt fram að þrátt fyrir
mikilvægi breytingar starfrækslumyntarinnar væri
óvarlegt að gera of mikið úr henni, því bankinn beiti
markaðsvörnum sem kæmu í veg fyrir að sveiflur á
gengi krónunnar hefðu áhrif eiginfjárstöðu bankans.
Á aðalfundinum var stjórn bankans jafnframt
heimiluð útgáfa breytanlegra skuldabréfa að upphæð
1,5 milljörðum evra, en slíkum bréfum má að
skilyrðum uppfylltum breyta í hlutabréf, auk þess
sem heimiluð var hlutafjáraukning til nýrra hluthafa
upp á allt að 1.750 milljónir króna að nafnverði.
Aðgerðirnar eru til að auka svigrúm við fjármögnun.
Kaupþing greiðir síðar í mánuðinum út arð til
hluthafa upp á 14,8 milljarða króna, en það samsvar-
ar 20 krónum á hlut, eða 21 prósenti af hagnaði
síðasta árs.
Kaupþing fór ekki að fordæmi Glitnis sem á
aðalfundi sínum fyrir nokkru tilkynnti um lækkun
þóknunar stjórnarmanna og forstjóra. Hjá Kaupþingi
fá stjórnarmenn greiddar 400 þúsund krónur á
mánuði fyrir setuna og formaður stjórnar 800 þúsund
krónur. Í hádegisviðtali Markaðarins við Sigurð
Einarsson á Stöð 2 í gær kom fram að honum finnst
röng stefna að lækka laun stjórnar og stjórnenda,
jafnvel þótt fjármálaskilyrði kölluðu á aðhald í rekstri
bankans, en að því segir hann líka stefnt. „Ef menn
vilja hafa óháða, faglega og metnaðarfulla stjórnar-
menn þá get ég ekki séð að umbun eigi að vera lægri
en hún er.“ Í máli hans kom jafnframt fram að miðað
við starfsmannaveltu mætti allt eins gera ráð fyrir að
skorið yrði niður í mannahaldi Kaupþings um sem
næmi allt að 150 stöðugildum, enda væri ljóst að
skorið yrði niður hjá öllum bönkunum.
Sigurður hafnar því þó að krísa sé hjá Kaupþingi
þótt erfiðleikar steðji víða að á fjármálamörkuðum.
„Ég veit ekki um annan banka í Evrópu sem er í betri
stöðu en Kaupþing hvað varðar laust fé,“ segir hann
og bendir á að síðasta ár hafi arðsemi eigin fjár
bankans numið 23,5 prósentum, vöxtur hafi verið
góður og starfseiningar gangi vel. olikr@frettabladid.is
Kaupþing frestar
bókhaldi í evrum
SIGURÐUR EINARSSON
Stjórnarformaður Kaupþings
telur misráðið að lækka laun
stjórnenda og stjórnarmanna
stórra banka. Fremur ætti að
gera vel við þá og tryggja sér
þar með hæfasta fólkið.