Fréttablaðið - 08.03.2008, Qupperneq 37

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Guðmundur Ingi Þorvaldsson leikari á Hyundai
Elantra bíl sem honum þykir mikið til koma
enda er bíllinn með sögu og sál.
Guðmundur er á leiðinni frá Varmalandi í Borgar-
firði niður í Baulusjoppu að fá sér eitthvað að borða
þegar blaðamaður hringir til að forvitnast um bílinn
hans. En verður ekki orða vant. „Ég á bíl með magn-
aða sögu,“ segir hann. „Ég á nefnilega frænda sem
heitir Guðmundur Þórðarson sem mér þykir vænt
um. Hann var fyrirlesari hjá AA-samtökunum og
keyrði mikið út um land. Átti góðan bíl sem hann
hafði miklar taugar til en svo fékk hann ekki að end-
urnýja skírteinið sitt vegna aldurs. Við frændi búum
hlið við hlið og þegar hér var komið sögu bankaði
hann upp á hjá mér og stakk upp á að ég keypti bílinn
af sér. Bíllinn minn er sem sagt gamli bíllinn hans,
Hyundai Elantra 1996 módel. Dökkgrænn stationbíll
með 2000 vél og mikla sál. Einstaklega góður en
kannski ekkert sérstaklega töff. En ég hef aldrei lagt
mikið upp úr að eiga töff bíla. Ég eyði frekar pening-
unum mínum í leiksýningar og hljóðfæri. Ég vil bara
eiga bíl sem virkar og þessi gerir það.“
Þegar Guðmundur Ingi er spurður hvort hann sé
ekki undir pressu með umhirðu á bílnum úr því selj-
andinn býr við hlið hans svarar hann. „Jú, ég sé
frænda oft rölta og kíkja á gripinn til að athuga hvort
ég hugsi ekki vel um hann. En ég sinni bílnum glaður
því hann er mér svo góður.“
Þessa dagana býr Guðmundur tímabundið á æsku-
slóðum sínum uppi í Borgarfirði og hefur um sitt-
hvað að hugsa. Í fyrsta lagi er hann kúabóndi í afleys-
ingum meðan faðir hans er í læknisaðgerðum og
endurhæfingu, í öðru lagi hefur hann verið að leik-
stýra eigin leikgerð af verkinu Þið munið hann Jör-
und í Logalandi hjá Ungmennafélagi Reykdæla og í
þriðja lagi kennir hann leiklist í skólanum á Varma-
landi. „Ég held ég sé búinn að fara tvisvar til Reykja-
víkur síðan um áramót. Það er svona að vera belju-
bóndi, maður er alveg bundinn. En veðrið og færðin
er búið að vera skrautleg þennan tíma þannig að við
höfum fengið að finna fyrir íslenskum vetri, ég og
bíllinn.“ gun@frettabladid.is
Ekki beint töff en með sál
„Ég vil bara eiga bíl sem virkar og þessi gerir það,“ segir Guðmundur Ingi sem hér er staddur utan við félagsheimilið Logaland í
Reykholtsdal.
ÆVINTÝRI Í ÚTLÖNDUM
Íslensk ungmenni eru mörg
hver farin að huga að ferðum
út í hinn stóra heim á komandi
sumri, en margt er í boði fyrir
þá sem eru fullir af ævintýraþrá.
FERÐIR 2
NÝ BIRNU-BÚÐ
Birna Karen Einarsdóttir
opnaði um síðustu helgi
nýja fataverslun í Kaup-
mannahöfn en fyrir var hún
með eina verslun þar og aðra
á Skólavörðustígnum.
TÍSKA 4