Fréttablaðið - 28.03.2008, Síða 76

44 28. mars 2008 FÖSTUDAGUR
George Lucas, framleiðandi og
annar af handritshöfundum
ævintýramyndarinnar Indiana
Jones and the Kingdom of the
Chrystal Skull, segir að fólk
megi ekki fara á hana með of
miklar væntingar.
„Þegar gerð er framhalds-
mynd sem hefur verið beðið
svona lengi eftir halda margir að
Kristur sé að snúa aftur,“ segir
Lucas. „Sú er ekki raunin. Þetta
er bara venjuleg mynd. Hinar
myndirnar eru örugglega góðar í
minningunni en ef þú horfir
aftur á þær eru þær kannski
ekki jafngóðar og þú heldur.“
Fjórða myndin um fornleifa-
fræðinginn Indiana Jones verður
frumsýnd 22. maí, nítján árum
eftir að þriðja myndin leit
dagsins ljós.
Óraunhæfar
væntingar
INDIANA JONES Harrison Ford leikur í
fjórðu Indiana Jones-myndinni.
Næstu plötur hljómsveitanna
Reykjavík! og Benna Hemm
Hemm verða gefnar út hjá hinu
nýstofnaða plötufyrirtæki Kimi
Records. Platan frá Reykjavík! er
væntanleg seint í sumar og
verður upptökustjóri Valgeir
Sigurðsson. Verður þetta önnur
plata sveitarinnar en sú fyrsta
fékk mjög góðar viðtökur.
Upptökum á þriðju breiðskífu
Benna Hemm Hemm er lokið og
er hún væntanleg hjá Kimi í júní.
Platan var tekin upp hjá Orra
Jónssyni úr hljómsveitinni
Slowblow, á sextán rása segul-
band.
Á meðal annarra skjólstæðinga
Kimi Records eru Hjaltalín,
Borko, Morðingjarnir og Hellvar.
Nýjar plötur
hjá Kimi
BENNI HEMM HEMM Næsta plata
Benna Hemm Hemm kemur út hjá
plötufyrirtækinu Kimi Records.
Dagblaðið The Los Angeles Times
hefur beðið rapparann og
tískumógúlinn Sean Combs
afsökunar á að hafa bendlað hann
við skotárás á rapparann Tupac
Shakur árið 1994.
Í afsökunarbeiðninni kemur
fram að blaðið hafi verið gabbað
af fanga og að fréttin hafi verið
byggð á frásögn hans. „Við
hefðum ekki átt að
nota skjölin sem við
byggðum fréttina
okkar á,“ sagði
ritstjóri blaðsins.
Combs sagði
fréttina kolranga og
taldi að
blaða-
maðurinn
sem skrifaði
hana hefði verið
blekktur, sem síðar
kom á daginn.
Tveimur árum eftir
umrædda árás lést
Shakur eftir aðra
skotárás í Las Vegas.
Bað Combs
afsökunar
Ástralinn Hugh Jackman, sem
leikur Wolverine í hasarmyndun-
um X-Men, ætlar að leggjast í
skriftir og semja nýja myndasögu
sem nefnist Nowhere Man.
Honum til aðstoðar verður Marc
Guggenheim sem samdi mynda-
sögurnar Wolverine fyrir Marvel-
fyrirtækið og Amazing Spider-
Man.
Nowhere Man gerist í framtíð-
inni þegar menn geta látið af
hendi einkalíf sitt fyrir aukið
öryggi. Jackman vonast til að
myndasagan verði nægilega
vinsæl til að hægt verði að
kvikmynda hana.
Kvikmyndir byggðar á
myndasögum hafa notið mikilla
vinsælda undanfarin ár. Má þar
nefna X-Men myndirnar, Batman
og Spider-Man.
Hugh semur
myndasögu
HUGH JACKMAN Ástralski leikarinn ætlar
að semja nýja myndasögu sem nefnist
Nowhere Man.
Tvennir tónleikar voru
haldnir til heiðurs banda-
rísku hljómsveitinni The
Eagles í Borgarleikhúsinu
á dögunum. Á meðal þeirra
sem stigu á svið voru Eyjólf-
ur Kristjánsson, Davíð Smári
og Björgvin Halldórsson.
Eagles hefur sent frá sér fjölda
vinsælla laga í gegnum tíðina og
má þar nefna Hotel California,
Tequila Sunrise, Take It Easy og
Desperado, sem fengu að sjálf-
sögðu að hljóma á tónleikunum.
Sungu til heiðurs Eagles
INNLIFUN Eyjólfur Kristjánsson, Davíð Smári og félagar sungu lög Eagles af mikilli
innlifun. FRÉTTABLAÐIÐ/STEFÁN
KYNNIR Fréttamaðurinn Sigmundur
Ernir Rúnarsson stóð sig vel sem kynnir
á tónleikunum.
PÁLMAR OG MARGRÉT Pálmar Þórisson
og Margrét Þórhallsdóttir hlýddu á
ómþýða tóna Eyjólfs og félaga.
KJARTAN OG HALLDÓRA Kjartan Mogen-
sen og Halldóra Ólafsdóttir voru á
meðal gesta í Borgarleikhúsinu.