Fréttablaðið - 03.04.2008, Qupperneq 60

40 3. apríl 2008 FIMMTUDAGUR
folk@frettabladid.is
Hljómsveitirnar Grinderman og
Hot Chip hafa boðað komu sína á
Hróarskelduhátíðina í Danmörku
í sumar. Nick Cave er forsprakki
Grinderman,
sem var stofnuð
á síðasta ári.
Sveitin spilar
kraftmikið
bílskúrsrokk og
verða þetta
fyrstu tónleikar
hennar í
Skandinavíu.
Hot Chip,
sem spilaði á
Iceland
Airwaves fyrir
nokkrum árum, hefur fengið
mjög góða dóma fyrir sína þriðju
plötu sem nefnist Made In the
Dark. Fer sveitin væntanlega létt
með að halda uppi góðri stemn-
ingu á Hróarskeldu. Á meðal
fleiri nýrra flytjenda á hátíðinni
er Duffy frá Bretlandi og þýska
danssveitin Digitalism. Nánari
upplýsingar má sjá á roskilde-
festival.is.
Grinderman
á Hróarskeldu
NICK CAVE
Söngvarinn Scott Weiland hefur
verið rekinn úr rokksveitinni
Velvet Revolver vegna ósæmi-
legrar hegðunar. Í yfirlýsingu
sveitarinnar segir gítarleikarinn
Slash að vegna persónulegra
vandamála Weilands hafi þeir
neyðst til að reka hann. „Þessi
hljómsveit snýst um aðdáendurna
og tónlistina og Scott Weiland
hefur einfaldlega ekki lagt sig
allan fram,“ sagði Slash.
Weiland, sem er fertugur, hefur
oft verið handtekinn vegna
vímuefnavanda síns. Í síðasta
mánuði sagðist hann saklaus af
ákæru um ölvunarakstur. Talið er
að Weiland muni syngja með sinni
gömlu hljómsveit, Stone Temple
Pilots, á næstunni en hún er
nýbyrjuð aftur eftir sjö ára hlé.
Rekinn úr
Revolver
VELVET REVOLVER Rokksveitin Velvet
Revolver hefur rekið söngvarann Scott
Weiland.
Georgíumenn taka nú þátt í Euro-
vision í annað sinn. Þeim gekk nokk-
uð vel í fyrsta skipti í fyrra, komust í
úrslitaþáttinn og lentu þar í áttunda
sæti. Nú vilja þeir enn lengra og tefla
fram söngkonunni Diönu Gurtskaya
og laginu „Peace Will Come“.
Díana fæddist blind árið 1979 og
hefur oft komist í hann krappan. Í
átökunum í Abkasíu neyddist fjöl-
skylda hennar til að flýja heimili sitt.
Þau dvöldu um hríð í flóttamanna-
búðum í Rússlandi þar til þau gátu
flutt til Georgíu á ný. Tónlistarferill-
inn hófst snemma og Díana var ekki
nema tíu ára þegar hún söng með fíl-
harmóníuhljómsveitinni í Tíblisi.
Hún hefur gert tvær sólóplötur, „You
Are Here“ og „You Know, Mum“ og
sungið dúetta með ekki ófrægari
mönnum en Demis Roussos og Ray
Charles. Þá hefur hún tekið þátt í
mannúðarmálum, bæði fyrir
blinda og fátæka.
Georgía er 70.000 ferkílómetrar
að stærð og á landamæri að Rúss-
landi, Aserbaídsjan, Armeníu og
Tyrklandi. Þar búa tæplega fimm
milljónir manna.
Þjóðin stendur á krossgötum
þessa dagana, vill komast í Nató og
efla samskiptin við Vesturlönd.
Georgíumenn telja að gott gengi í
Eurovision geti skipt miklu í vest-
rænni samvinnu og ætla því að
senda Díönu Gurtskaya um víðan
völl til að kynna lagið sitt og land-
ið. Georgíumenn eru í sama riðli
og Ísland og því er von á Díönu
hingað. Hún syngur og fer í viðtöl
á Íslandi hinn 16. apríl næst-
komandi.
Georgíska söngkonan til Íslands
VINSÆL OG FRÆG Í GEORGÍU Diana
Gurtskaya verður á Íslandi 16. apríl.
> FERILLINN Í VASKINN
George Clooney segist hafa sætt sig við
það að ferill hans muni á einhverjum
tímapunkti fara í vaskinn. „Ég ætla
bara að njóta þessa á meðan það
endist. Ég er með fínt bíóhár, svo ég
þarf að nýta það áður en ég fer að
missa það,“ segir leikarinn.
Hljómsveitirnar Coral, Napoleon
og Papa de Boss spila á tónleik-
um í Gamla bókasafninu í miðbæ
Hafnarfjarðar í kvöld. Coral er
að fylgja eftir sinni fyrstu plötu,
The Perpetual Motion Picture,
sem kom út á síðasta ári.
Papa de Boss kemur úr
Garðabænum og spilar framsæk-
ið indírokk og Napoleon er frá
Reykjavík og Kirkjubæjar-
klaustri.
Húsið opnar klukkan 19.30 og
byrja tónleikarnir, sem eru
ókeypis, hálftíma síðar. Nánari
upplýsingar um tónleikana má
finna á www.myspace.com/
gamlabokasafnid.
Þrjár spila á
bókasafni
Sögur af átökum leikkvennanna í Sex and
the City halda áfram að berast yfir hafið,
enda er frumsýning kvikmyndarinnar nú
ekki langt undan. Nú á að hafa skorist í
odda með leikkonunum fjórum, þeim
Söruh Jessicu Parker, Kim Cattrall,
Kristin Davis og Cynthiu Nixon, vegna
klæðaburðar á frumsýningunni í lok
maí.
Heimildir breska blaðsins Daily
Mirror herma að allir mikilvægustu
fatahönnuðir heimsins bjóði nú Söruh
Jessicu Parker gull og græna skóga
fyrir að klæðast fatnaði frá þeim á
frumsýningunni, enda þykir hún mesti
tískugúrúinn í hópnum, eins og karakt-
erinn sem hún leikur. Hinar þrjár eru
hins vegar ekki par hrifnar af þessu,
og neita nú að vera samferða Parker í
limósínu að frumsýningunni, þar sem
þær óttast að hún muni fá alla athyglina.
„Það er mikil samkeppni um hver verði
í hverju, og búningahönnuður myndinn-
ar, Patricia Field, er í miðri orrahríðinni.
Þær eru allar ákveðnar í að hinar fái ekki
að skyggja á þær,“ segir heimildarmaður
Daily Mirror.
Í þeim anda ku Sarah Jessica Parker
nú stunda stífar æfingar til að koma sér í
sem best form fyrir frumsýningarkvöld-
ið. Hún er þar að auki „á sérstöku berja-
mataræði,“ segir heimildarmaðurinnn.
Átök um frumsýningarkjóla
FÆR FLOTTUSTU KJÓLANA Tilboðum frá
frægustu fatahönnuðum heims rignir nú yfir
Söruh Jessicu Parker, meðleikkonum hennar til
lítillar ánægju. Sex and the City-myndin verður
frumsýnd í lok maí. NORDICPHOTOS/GETTY
Rokkararnir í Mínus halda
tónleika á Organ á föstudags-
kvöld. Mínus hefur verið á
faraldsfæti að undanförnu og
spilaði sveitin á sjö tónleikum í
Bretlandi fyrir skömmu.
Eftir tónleikana á Organ heldur
sveitin síðan áfram tónleikaferð
sinni um Evrópu í maí og júní.
Skátar og Celestine hita upp á
Organ og hefjast tónleikarnir
klukkan 22.30.
Mínus með
tónleika
50 DAGAR TIL STEFNU
Sú hefð að láta alþjóð
hlaupa fyrsta apríl var
haldin hátíðleg á þriðjudag.
Björn Ingi og Grímseyjar-
ferjan komu töluvert við
sögu.
Morgunblaðið fór mikinn í 1. apríl
gríni sínu. Greint var frá því að
Nick Cave og Gael Garcia Bernal
hygðust taka upp tónlistaratriði í
Kringlunni um hádegisbilið en
framar í blaðinu var frétt um að
kassagítarhetjan og almúgamaður-
inn JoJo ætlaði að taka lagið með
sjálfum Bob Dylan í Austurstræti.
Aprílgabb fréttadeildar Moggans
fjallaði síðan um hin umdeildu mót-
mæli vörubílstjóra og að þeir ætl-
uðu sér að sturta möl fyrir framan
Alþingishúsið. Hvorki sást þó til
ástralska eðaltöffarans í verslunar-
miðstöð höfuðborgarbúa né amer-
ísku goðsagnarinnar meðal menn-
ingarvitanna í Austurstræti. Og
vörubílstjórarnir létu sér nægja að
þeyta lúðra sína í miðborginni, veg-
farendum til mismikillar armæðu.
Fréttablaðið beitti fremur hefð-
bundnu gríni og birti á forsíðu frétt
um að Skeljungur hefði tekið sig til
og lækkað verð á bæði bensíni og
díselolíu. Ófáir bitu á agnið og
keyrðu sem leið lá á
Bústaðaveg en
gripu í tómt.
Bæði DV og 24
stundir ákváðu að notfæra sér verð-
andi ritstjóra Markaðarins, Björn
Inga Hrafnsson. Hið fyrrnefnda
upplýsti lesendur sína um að hann
hygðist árita endurminningar sínar
um REI-málið og 24 stundir töldu
sig hafa heimildir fyrir því að fyrr-
verandi borgarfulltrúi Framsókn-
arflokksins yrði ritstjóri blaðsins.
Ólafur Þ. Stephensen stígi niður og
væri á leiðinni í Ráðhúsið.
Ljósvakamiðlar stunduðu aprílg-
abbið af miklum móð. Fréttastofa
Útvarpsins reyndi að fá fólk uppí
Öskjuhlíð þar sem gamalt byrgi
fullt af vopnum frá seinni heims-
tyrjöldinni hefði fundist. Þór
Whitehead, einn helsti sérfræðing-
ur þjóðarinnar í heimstyrjaldar-
fræðum, átti að bíða eftir höfuð-
borgarbúum og leiða þá í allan
sannleikann um þennan magnaða
fund. Stöð 2 reyndi að höfða til
ungu kynslóðarinnar og notfærði
sér hina mjög svo eftirsóknarverðu
iPhone frá Apple sem stöðin sagði
loksins vera til sölu og RÚV gerði
heiðarlega tilraun til að láta Norð-
lendinga hlaupa 1. apríl með því að
bjóða þeim í fyrstu reynslusiglingu
Grímseyjarferjunnar.
Vefmiðlar blönduðu sér í aprílg-
abb-hefð þjóðarinnar. Elko auglýsti
á vef sínum megrunartæki á 900
þúsund krónur og Vísir lagði sig í
líma við að sannfæra lesendur um
að Al Gore ætlaði að sofa í snekkju
Saddams Hussein þegar hann kæmi
hingað. En athafnamaðurinn Pálmi
Haraldsson átti að hafa keypt hana.
Allan daginn voru fluttar fréttir af
þessari stórfrétt. Mbl.is auglýsti að
vefurinn gæti nú sýnt nýjustu kvik-
myndirnar með einföldum hætti og
margir töldu sig hafa komist í feitt
og spjallvefurinn umdeildi, barna-
land.is, hafði fyrir því að setja allt
notendaviðmót sitt á dönsku og
hvatti notendur til að skella sér í
BT þar sem þeir gætu
keypt sér hið
íslenska viðmót.
freyrgigja@frettabladid.is
Íslendingar á hlaupum
TÓNLISTARATRIÐI Í
KRINGLUNNI
Hvorki Gael
Garcia
né Nick
Cave í
RITSTJÓRI OG
RITHÖFUNDUR
Björn Ingi
Hrafnsson
var vinsæll í
aprílgabb-
ið.
BJÖRN INGI, BENSÍN OG GARCIA Grímseyjarferjan umdeilda, lækkun á olíuverði og
tónlistarmyndband Gaels Garcia og Nicks Cave voru meðal þess hluta sem kom
fyrir í aprílgabbi fjölmiðlanna. Björn Ingi Hrafnsson kom fyrir í tveimur aprílgöbbum.
Spennandi starf
inni í blaðinu.
Verið Sængurfataverslun
Glæsibæ, s. 552-0978
www.damask.is
Glæsidagar
3.,-4.,-5. apríl
20%
afsláttur
af allri
barnavöru
30%
afsláttur
af Lyocell
satin settum