Fréttablaðið - 17.04.2008, Qupperneq 6

6 17. apríl 2008 FIMMTUDAGUR
Samsung M110 farsíminn er nýjasta verkfærið í verkfærakassann.
Honum er pakkað inn í sterkbyggða umgjörð sem er bæði ryk- og
rakavarin (IP54) og hann er fullur af notadrjúgum aukabúnaði.
Samsung M110 – er sannkallað hörkutól.
VGA myndavél Ryk- og rakavarinn (IP54) Bluetooth
Vasaljós Stereó FM-útvarp Innbyggður hátalari
Hörkutól
– með rykgrímu, hjálm og vinnuvettlinga
Heildsöludreifing og þjónusta:
Skútuvogi 12c auk viðurkenndra söluaðila um land allt
M110 fæst hjá eftirtöldum aðilum:
HEILBRIGÐISMÁL Árangur af nýju
vistunarmati vegna hjúkrunar-
rýma sem byrjað var að vinna eftir
í lok febrúar er afar góður, sam-
kvæmt upplýsingum frá Landspít-
alanum og Landlæknisembættinu.
Björn Zoëga, forstjóri Landspít-
alans, segir að í janúar 2004 hafi
um 140 manns beðið á Landspítal-
anum eftir vistun á hjúkrunar-
rými. Í september á síðasta ári
hafi fólkið verið um 90 talsins eins
og oftast hafi verið en nú séu
aðeins um 40 manns sem bíði eftir
rými. Þá bætir hann við að þegar
ný átján rúma deild fyrir heilabil-
aða taki til starfa í næsta mánuði á
Landakoti muni staðan batna enn
frekar á spítalanum.
Á Landspítalanum hafa verið
viðvarandi teppur þar sem ekki
hefur tekist að útskrifa aldraða
sem þar hafa lokið meðferð þar
sem þeir hafa ekki fengið hjúkrun-
arrými. Á Íslandi eru þó einna flest
langlegurými innan OECD-ríkj-
anna og þjóðin mjög ung.
Matthías Halldórsson aðstoðar-
landlæknir furðaði sig á stöðunni
þegar Fréttablaðið fjallaði um
málið í febrúar og sagði nýja reglu-
gerð líklega til að koma í veg fyrir
að hjúkrunarheimili gætu valið þá
sem þeim þættu þægilegastir inn
eins og virtist hafa verið gert á
mörgum hjúkrunarheimilum.
Meðal þess sem reglugerðin fól í
sér var að stjórnum stofnana sem
ákveða inntöku fólks í hjúkrunar-
rými voru settar þrengri skorður
en áður, vistunarmatshópum fækk-
að úr 40 í sex og ítarlegri heilsu-
farsupplýsinga krafist við matið.
„Þetta er ánægjuleg þróun sem
kemur til með að létta á álaginu af
legudeildum hjá okkur til lengri
tíma litið,“ segir Björn og bætir
við að þegar megi finna fyrir því
að dregið hafi úr álagi og verða til
þess að gangainnlögnum mun
fækka.
„Það sem er ánægjulegt fyrir
þjóðfélagið í heild er að þessir
sjúklingar eiga eftir að fá vistun
og þjónustustig við hæfi. Auk þess
sem þeir munu flytjast úr dýrari
rúmum á háskólasjúkrahúsi yfir á
hjúkrunarheimili,“ segir Björn.
„Mér sýnist þetta einnig hafa
leitt til þess að dregið hefur úr
þrýstingi á hjúkrunarheimili,“
segir Matthías en bætir við að bætt
heimahjúkrun hafi auk þess haft
sitt að segja um að svo góður
árangur hefur náðst á jafn skömm-
um tíma. karen@frettabladid.is
Teppur á Landspítala
losna með nýju kerfi
Á Landspítalanum hafa verið viðvarandi teppur vegna þess að spítalanum hef-
ur ekki tekist að útskrifa aldraða sem þar hafa lokið meðferð þar sem þeir hafa
ekki fengið hjúkrunarrými. Nýtt vistunarmat hefur gjörbreytt stöðunni.
GANGUR Á LANDSPÍTALANUM Í janúar árið 2004 biðu 140 manns eftir vistun á
hjúkrunarrými en í dag bíða 40 manns.
ALÞINGI Íslenska ríkið hefur ekki
greitt fjölskyldum tveggja kvenna
sem létust í sjálfsvígsárás sem
beindist gegn íslenskum friðar-
gæsluliðum í Afganistan haustið
2004 bætur, né þeim sem slösuð-
ust. Þetta kom fram í máli Ingi-
bjargar Sólrúnar Gísladóttur utan-
ríkisráðherra á Alþingi í gær.
Árni Þór Sigurðsson, þingmaður
Vinstri grænna, spurði ráðherra
hvort greiddar hefðu verið skaða-
bætur vegna árásarinnar í Kjúkl-
ingastræti, þar sem ellefu ára
gömul stúlka og 23 ára gömul kona
létu lífið.
Ingibjörg Sólrún sagði að ekki
hefðu verið taldar forsendur fyrir
greiðslu bóta þar sem íslenskir
friðargæsluliðar hefðu ekki skað-
að þá sem létust eða slösuðust.
Margt varðandi málið virðist þó
óljóst í hugum almennings, fjöl-
miðla og þingmanna, sagði Ingi-
björg Sólrún. Til að hreinsa and-
rúmsloftið teldi hún rétt að óháðir
aðilar færu yfir málið.
Tveimur fyrrverandi hæstarétt-
ardómurum, Guðrúnu Erlends-
dóttur og Haraldi Henrýssyni,
hafi því verið falið að fara yfir
gögn og ræða við þá sem að mál-
inu komu, og gefa ráðherra álit
svo fljótt sem auðið verði.
Ingibjörg gagnrýndi Árna Þór
fyrir að orða fyrirspurnina þannig
að árásina hefði mátt rekja til
starfsemi Íslendinga í Kabúl. Þeir
sem staðið hefðu að árásinni bæru
fulla ábyrgð, ekki væri hægt að
vísa henni á aðra. - bj
Utanríkisráðherra boðar rannsókn á mannskæðri árás á friðargæsluliða í Kabúl:
Engar bætur vegna látinna
AFGANISTAN Ingibjörg Sólrún Gísladóttir
utanríkisráðherra ræddi við íslenska
friðargæsluliða í Afganistan í ferð sinni
til landsins nýlega. FRÉTTABLAÐIÐ/AP
MÓTMÆLI Sturla Jónsson, talsmað-
ur atvinnubílstjóra, segir þá
óánægða með hugmyndir
Kristjáns Möller samgönguráð-
herra um undanþágur þeim til
handa.
„Einhver aukatími tvisvar í
viku gerir ekkert,“ segir Sturla.
„Menn vilja bara fá að vinna
venjulegan vinnudag eins og
aðrir. Ef einhverjir þurfa vökulög
eru það þingmenn sem funda
sólarhringum saman og sam-
þykkja alls kyns vitleysu á vorin.“
Atvinnubílstjórar stofna með
sér hagsmunasamtök í kvöld sem
munu fá nafnið Samstaða. - kóp
Bílstjórar stofna samtök:
Ekki ánægðir
með ráðherra
ÓÁNÆGÐIR Bílstjórar hafa ekki verið
ánægðir með svör ráðamanna.
FRÉTTABLAÐIÐ/VILLI
STJÓRNMÁL Litlar breytingar voru
gerðar á stjórn Ríkisútvarpsins
ohf. þegar kosið var í stjórn
fyrirtækisins á Alþingi í gær.
Ómar Benediktsson verður
áfram stjórnarformaður en hann
hefur gegnt þeirri stöðu frá því að
Ríkisútvarpið var gert að
hlutafélagi í fyrra. Kristín
Edwald, Margrét Frímannsdóttir
og Svanhildur Kaaber sitja áfram
í stjórninni en Ari Skúlason tekur
sæti Páls Magnússonar. Varamenn
í stjórn eru Signý Ormarsdóttir,
Eva Bjarnadóttir, Sigurður Aðils
Guðmundsson, Lovísa Óladóttir
og Dagný Jónsdóttir. - ovd
Alþingi kýs í stjórn RÚV ohf.:
Litlar breyting-
ar á stjórn RÚV
ÚTVARPSHÚSIÐ EFSTALEITI Fyrsti aðal-
fundur Ríkisútvarpsins ohf. er haldinn í
dag, þremur mánuðum á eftir áætlun.
FRÉTTABLAÐIÐ/GVA
NOREGUR Hin mikla útivistarþjóð
Norðmenn er ein þeirra þjóða
Evrópu sem hreyfir sig lang-
minnst. Þetta sýna niðurstöður
nýrrar rannsóknar sem norska
blaðið Vårt Land vitnar til í gær.
Í rannsókninni var kannað í
fjórtán Evrópulöndum hve
miklum tíma fólk ver að jafnaði í
líkamsrækt á viku. Í ljós kom að
meðaltalið í Evrópu er á bilinu 45
mínútur til ein klukkustund.
Norðmenn eyða hins vegar
innan við 42 mínútum á dag í að
halda sér í formi. Eingöngu
Belgar hreyfa sig minna af
þjóðum álfunnar. Ísland var ekki
með í könnuninni. - aa
Evrópsk könnun á líkamsrækt:
Norðmenn eru
kyrrsetufólk
Varnaráætlun vegna skulda
Sérstök varnaráætlun vegna skulda
Fjarðabyggðar var kynnt á fundi bæj-
arráðs sem fór yfir stöðu lánasafns
bæjarins á þriðjudag. Samþykkt var
að heimila festingu vaxta til allt að
fimm ára vegna vaxta í Bandaríkjadöl-
um allt að 40 prósent af skuldunum
og allt að 20 prósent af skuldunum
í evrum.
FJARÐABYGGÐ
Fá 40 þúsund í álagsbónus
Eftir áskorun frá grunnskólakennurum
sem vildu aukagreiðslur vegna álags
í starfi samþykkti bæjarráð Horna-
fjarðar að allir starfsmenn bæjarins fái
aukagreiðslu upp á 40 þúsund krónur
miðað við fullt starf.
HORNAFJÖRÐUR
Telur þú Íbúðalánasjóð vera
hluta af íslenska velferðarkerf-
inu?
Já 82,4%
Nei 17,6%
SPURNING DAGSINS Í DAG:
Hefur þú hætt við kaup á fast-
eign á síðustu sex mánuðum?
Segðu skoðun þína á visir.is
RÚMENÍA, AP Tæplega þrítugur
Rúmeni á yfir höfði sér allt að
eins árs fangelsi fyrir að hafa
villidýr í bakgarðinum hjá sér.
Í garðinum fann lögregla
ljónynju, tvö dádýr, eitt hjartar-
dýr og tvo páfugla. Nágrannar
fóru að kvarta þegar þeir höfðu
fengið nóg af öskrum í ljóninu.
Maðurinn, sem er 28 ára gamall,
býr í smábæ í suðurhluta
Rúmeníu. Dagblaðið Evenimentul
Zilei segir að ljónið verði flutt í
dýragarð í Búkarest, en maðurinn
fái að halda páfuglunum. - gb
Hélt villidýr í garðinum:
Kvartað undan
ljónsöskrum
KJÖRKASSINN