Fréttablaðið - 17.04.2008, Side 22

22 17. apríl 2008 FIMMTUDAGUR
hagur heimilanna
188
1999 2002 2005 2008
160
124
141
Kílóið af banönum kostaði
98 krónur í verðkönnun
ASÍ sem birt var nýlega
en á kassakvittun, sem
Fréttablaðið hefur undir
höndum, má sjá að kílóið
af banönum kostaði 198
krónur kílóið í Bónus,
Smiðjuvegi í lok mars.
Henný Hinz, hagfræðingur
hjá Verðlagseftirliti ASÍ,
segir að Bónus og Krónan
bjóði oftast upp á tvær
tegundir af banönum, aðra
dýrari og hina ódýrari. Dýra
bananategundin kosti um
200 krónur kílóið en sú
ódýrari um 100 krónur
kílóið.
Henný segir að verðlags-
eftirlitið taki alltaf niður
verðið á ódýrari tegundinni
ef hún er til í viðkomandi
búð þegar verðkönnun er
gerð. Það sé skýringin á
verðmuninum í Bónus.
■ Bananar í Bónus
Verðmunur eftir tegundum
Almenningi gefst næstu fjórar helgar kostur á að sækja námskeið í sparakstri í
boði Volkswagen og Heklu. Kennarar námskeiðanna fullyrða að algengt sé að
eldsneytiseyðsla fólks minnki um 10-15 prósent tileinki fólk sér það aksturslag
sem kennt er og munar um minna eftir síðustu hækkanir á eldsneytisverði.
Um er að ræða tveggja tíma námskeið,
blöndu af bóklegri og verklegri fræðslu, en
námskeiðin eru haldin í samráði við Félag
ökukennara.
Aðgangur að námskeiðunum er ókeypis og fara þau fram
í Heklu-húsinu við Laugaveg. Skráning er hafin á www.
volksvagen.is og er að verða fullt á fyrstu námskeiðin.
■ Sparnaður
Hekla kennir bensínsparnað
Síðustu dagarnir fyrir sum-
ardaginn fyrsta eru mesti
annatími reiðhjólaverk-
stæða. Fréttablaðið talaði
við starfsmenn þriggja
þeirra og komst að því að
algengt er að hjól séu látin
standa úti yfir veturinn
og best sé að panta tíma á
verkstæði í tæka tíð.
Algengast er að reiðhjól þarfnist
viðgerðar sökum þess að þau hafi
verið látin standa úti við yfir vet-
urinn. Sérfræðingar í hjólavið-
gerðum mæla eindregið með því
að finna hjólunum þurran og hlýj-
an geymslustað yfir vetrarmánuð-
ina og ekki skemmi fyrir ef hægt
sé að breiða yfir hjólin til aukinnar
verndar.
Að sögn Árna Traustasonar hjá
reiðhjólaversluninni Markinu í
Ármúla kemur fólk á verkstæði
þeirra með hjól í ýmiss konar
ástandi: „Langoftast er einungis
þörf á smávægilegum viðgerðum,
til dæmis að skipta um keðju og
tannhjól, endurstilla gíra og setja
nýja barka, víra og bremsuklossa í
hjólin. En það kemur líka fyrir að
það sé hreinlega allt að hjólunum
sem við fáum hingað inn. Slíkt er
algengast ef hjólin hafa verið
geymd úti yfir veturinn.“
Síðustu dagarnir fyrir sumar-
daginn fyrsta eru mesti annatími
ársins hjá reiðhjólaverslunum og
-verkstæðum. Biðlistinn eftir
tíma í viðgerð hjá verkstæði
Marksins er um það bil ein og hálf
vika, en Markið setur hjól sem
keypt eru í verslun þeirra í for-
gang.
Örninn í Skeifunni hefur engan
slíkan forgang á viðgerðum. Ragn-
ar Ingólfsson verslunarstjóri
segir starfsmenn sína vinna hörð-
um höndum við að reyna að stytta
biðtímann á verkstæðinu, en hann
er nú tveggja til þriggja vikna
langur. „Allir vilja geta byrjað að
hjóla á sumardaginn fyrsta og það
er erfitt að anna öllu, en þessa
dagana vinnum við mikla yfir-
vinnu til að reyna að þjónusta við-
skiptavini okkar sem best.“
Í Borgarhjólum við Hverfisgötu
er aldrei biðlisti: „Hjól sem koma
til okkar í dag verða tilbúin á
morgun. Við vinnum yfirvinnu og
helgarvinnu til að tryggja það,“
segir Magnús Örn Óskarsson
starfsmaður.
Erfitt er að segja til um kostnað
við yfirhalningu hjóla enda afar
mismunandi hversu mikillar við-
gerðar er þörf. Almennt má þó
gera ráð fyrir að fólk sleppi með
um það bil tvö til sex þúsund
króna reikning, nema þeim mun
meira sé að hjólinu.
kjartan@frettabladid.is
Þarf að panta
viðgerð í tíma
Komin er á markað erlendis tækni sem gerir fólki kleift að
horfa á allar þær sjónvarpsstöðvar sem það hefur heima
hjá sér hvar sem er í heiminum.
Slingbox frá Slingmedia er tæki sem tengist myndlykli
heimilisins og þaðan í beini. Sérstökum hugbúnaði er
hlaðið niður og að því loknu er hægt að horfa á sjónvarpið
hvar sem er í heiminum, hvort sem er í gegnum tölvu eða
síma, og flakkað á milli sjónvarpsstöðva rétt eins og gert er
með fjarstýringuna heima í stofu. Líklegt verður að teljast
að þessi nýja tækni sé hvalreki á fjörur margra, til dæmis
óforbetranlegra íþróttafíkla sem geta ekki hugsað sér að
skella sér í sumarfrí af ótta við að missa af leik með liðinu
sínu.
Þannig var einmitt ástatt fyrir bræðrunum Blake og
Jason Krikorian, stofnendum Slingmedia, en hugmyndin að
Slingbox kviknaði fyrir nokkrum árum þegar þeir bræður
þurftu að bregða sér af bæ og áttu erfitt með að sætta sig
við að missa af nokkrum leikjum með hafnaboltaliðinu
San Francisco Giants á meðan þeir yrðu í burtu.
Ekki er enn vitað hvenær þessi tækni verður fáanleg
hér á landi
en þess er
væntan-
lega ekki
langt að
bíða.
■ Ný sjónvarpstækni ryður sér til rúms:
Sjónvarpsfíklar komast í feitt
Útgjöldin
> Verð á kílói af hvítkáli, í febrúarmánuði hvers árs.
HEIMILD: HAGSTOFA ÍSLANDS
Bestu og verstu kaup Víkings
Kristjánssonar leikara tengjast
hvort tveggja flugi, þó með ólíkum
hætti. „Ætli mín verstu kaup séu
ekki ferðataska sem ég keypti í
London,“ segir hann. „Þetta voru
kjarakaup, hún kostaði ekki nema
tíu eða fimmtán pund. En svo
kom á daginn að taskan var níð-
þung og slagaði hátt í yfirvigt ein
og sér. Það var því engan veginn
hagkvæmt að fljúga á milli landa
með þennan hlunk; henni var því
bara hent inn í geymslu og dúsir
þar enn. Hún hentar reyndar vel
til að geyma ýmsa hluti í en meiri
not hef ég ekki fyrir hana.“
Víkingur er nægjusamur maður
og ekki mikið fyrir að sanka að
sér hlutum en segir að bestu
kaupin geri hann í hvert sinn
sem hann kaupir sér flugmiða
til útlanda. „Ég er mikið á
faraldsfæti, hef bæði farið til
Þýsklands og Spánar það
sem af er ári og er á
leiðinni til London.
Vissulega tæki
ég því fagnandi
ef flugfélögin
biðu upp á
aðeins lægra
verð, en
maður lætur
sig hafa
það. Það er
þess virði.“
NEYTANDINN: VÍKINGUR KRISTJÁNSSON LEIKARI
Níðþung ferðataska og flug út
■ Haukur Ingvarsson, útvarpsmaður
hjá Ríkisútvarpinu, viðurkennir að
hann lumi á fáum húsráðum. Hins
vegar þyki honum ein regla ávallt
eiga að vera í hávegum höfð á hverju
heimili.
„Mitt húsráð
er að geyma
eldfæri ávallt
þar sem börn
og dýr ná
ekki til,“ segir
Haukur þegar
hann er kraf-
inn um góð ráð sem geta nýst öllum
vel í húshaldi.
„Að eldfæri séu á góðum stað á alltaf
vel við og eru orð í tíma töluð,“ segir
hann og ekki ætti að vera erfitt að
fara eftir þeim ráðleggingum.
GÓÐ HÚSRÁÐ
ELDFÆRI Á GÓÐUM STAÐ
ÞJÓNUSTA Magnús Örn Óskarsson hjá Borgarhjólum segist tryggja það að þau hjól
sem þau taki í viðgerð í dag verði tilbúin á morgun, þótt yfir- og helgarvinnu þurfi til.
ALLT AÐ 70% AFSLÁTTUR
TÆMUM BÚÐIRNAR
40%
EKKERT UNDIR
AFSLÆTTI
MÆTIÐ Á STAÐINN ÁÐUR
EN ALLT KLÁRAST
GILDIR Í VERSLUNUM OKKAR
Í KRINGLUNNI OG SMÁRALIND