Fréttablaðið - 17.05.2008, Page 23

LAUGARDAGUR 17. maí 2008 23
Ólafur Haukur Símonarson og
ég vorum sammála um að það
þyrfti að endurreisa biblíuna,
þýða hana á lifandi íslensku en
ekki þetta útvatnaða, pólitískt
rétta þýðingarnefndartungumál.
Til dæmis er allt tal um að koma
„úlfalda gegnum nálarauga“ full-
komlega óskiljanleg líking fyrir
þá sem ekki ferðast á úlföldum að
staðaldri og eiga leið inn um það
af borgarhliðum Jerúsalem sem
bar nafnið Nálar augað – ef það
hlið er þá til ennþá.
„Að fara á „Hummer upp
Fischers sund“ væri miklu skiljan-
legri þýðing,“ sagði Ólafur
Haukur.
Vona að hann og fleiri málhagir
menn verði fengnir til að þýða
valda kafla úr biblíunni á kjarn-
góða, innihaldsríka íslensku.
MÁNUDAGUR, 12. MAÍ. ANNAR Í
HVÍTASUNNU.
Lost í sjónkanum
Sundferð með börnin. Góður
matur. Lost í sjónvarpinu. Frá-
bær þáttur. Ég hef ekki fylgst
með þessu áður en ég heillaðist
af þessu fólki sem var ýmist skip-
reika á eyðiey eða flakkaði um
milli nútíðar, fortíðar og framtíð-
ar og miðaði skammbyssum hvert
á annað.
Mér þykja það góðar myndir
sem eru svo haganlega upp
byggðar að maður getur staðið
upp og sótt sér eitthvað gott í
ísskápinn og komið aftur án þess
að hafa misst af neinu því að það
er alltaf eitthvað óskiljanlegt og
óútskýranlegt að gerast eins og í
lífinu sjálfu.
ÞRIÐJUDAGUR, 13. MAÍ.
Augnbotnar sundlaugar-
gesta
Í Seltjarnarneslauginni er kom-
inn upp augnskanni við inngang-
inn eins og maður sé að fara í
WorldClass, Fort Knox eða
Pentagon.
Þetta er eflaust fínt sístem
fyrir einkarekna líkamsræktar-
stöð en ég hef miklar efasemdir
um að það sé góð þjónusta hjá
sundstað í almenningseigu að
heimta að fá að skanna augnbotn-
ana í kúnnum sínum og geyma
um þá upplýsingar í tölvutæku
formi.
Miðað við hvað fréttir eru yfir-
leitt vondar og dapurlegar fékk
ég góðar fréttir í dag.
Forlagið sem gaf út Valkyrjur í
Þýskalandi vill líka fá rétt til að
gefa út „Engla dauðans“. Það
hlýtur að þýða að þeir hjá útgáf-
urisanum DTV hafi selt góðan
slatta af Valkyrjum og hún hafi
gengið vel í bókaklúbbnum hjá
frænda mínum Bertelsmann. Og
svo sendu þeir líka úrklippur
með ótrúlega flottri gagnrýni.
Þýðingin eftir Tinu Flecken var
líka ákaflega fín, enda er Tina
hestakona.
MIÐVIKUDAGUR, 14. MAÍ. FAR-
DAGAR AÐ VORI.
Fardagar
Ég man að í þeim sífelldu flutn-
ingum milli ómögulegs húsnæðis
sem áttu sér stað svo oft og títt í
æsku minni var faðir minn sér-
lega ánægður ef hann gat hagað
hlutum svo til að flutningarnir
færu fram á þessum degi.
Hann sagði að þetta hefði verið
vinnuhjúaskildagi hér áður fyrr.
Vinnufólkið þrammaði milli
sveitabæja í leit að skárri hús-
bændum en aðallega þó í leit að
einhverri tilbreytingu í lífi sem
hefur nálgast fullkomið tilbreyt-
ingarleysi fyrir margt verkafólk
hér á öldum áður.
Sjálfur ætla ég að flytja á næstu
dögum í einangrunarvist meðan
ég reyni að ljúka við bókina
mína.
FIMMTUDAGUR, 15. MAÍ.
Framfarir á vegum
borgarinnar
Með nægilega einbeittum vilja er
vel hægt að fara í sólbað á íslensk-
um vordegi. Reyndar eru það bara
milljarðamæringar og rithöfundar
sem ráða sínum vinnutíma og geta
leyft sér þann munað að liggja á
plastbekk undir steinvegg til að
sleikja veikburða geisla vorsólar-
innar.
Alveg burtséð frá því hver er
borgarstjóri í Reykjavík langar
mig til að þakka fyrir þær góðu
framkvæmdir sem átt hafa sér
stað í Grjótaþorpinu að undan-
förnu.
1. Það er búið að reisa við stóran
kantstein sem var keyrður niður
fyrir tveimur árum og ganga
fallega frá honum.
2. Það er búið að setja hlemm úr
steypujárni í staðinn fyrir plast-
hlemm yfir skólpræsið bak við
Hótel Plaza (áður Hlaðvarpinn).
Það hafðist að ná þessu í gegnum
borgarkerfið áður en börn eða fylli-
rútar styngjust ofan í klóakið og
drukknuðu vegna þess að ég hitti
af tilviljun gamla góða Villa og
kvartaði við hann. Daginn eftir var
hlemmurinn kominn.
Mér finnst borgarstjórn Reykja-
víkur vera orðin eftiröpun af Alþingi.
Prívat og persónulega er mér
nákvæmlega sama í hvaða stjórn-
málaflokki borgarstjórinn er ef hann
er notaleg og hugulsöm manneskja
sem skilur að borg er ekki pólitískur
leiksoppur eða Leikfangaland handa
fullorðnum heldur stórt framtíðar-
heimili og vinnustaður margra.