Fréttablaðið - 17.05.2008, Síða 24

24 17. maí 2008 LAUGARDAGUR
UMMÆLI VIKUNNAR,, U MÆLI VIKUN AR ,,
stjornmal@frettabladid.is nánar á visir.is
VIKA Í PÓLITÍK
BJÖRN ÞÓR SIGBJÖRNSSON
Eitt og annað undarlegt
Skrýtin er sú pólitík minnihlutans í borgarstjórn að vilja
lögfræðiálit um hæfi Jakobs Frímanns Magnússonar til að
vinna hjá Reykjavíkurborg þó hann hafi sagt Dag B. Eggerts-
son vera bitran. Hvers vegna ganga Dagur, Óskar og Svandís
ekki skrefið til fulls og setja á fót stýrihóp um málið?
Ásta Möller fór heldur betur fram úr sjálfri sér og þinginu
öllu þegar hún í eigin nafni óskaði eftir umsögnum um
sjúkratryggingafrumvarpið. Málið var viðkvæmt fyrir og
mátti ekki við svona rugli. Ásta hleypti að óþörfu illu blóði í
stjórnarandstöðuna og hefur að líkindum skaðað meðferð málsins.
Í stjórnarandstöðu hefði Lúðvík Bergvinsson farið sótillur í pontu og helt sér
yfir Ástu og ríkisstjórnina alla vegna svona vinnubragða. En nú er Lúðvík stjórn-
arliði og segir þetta engu máli skipta.
Glitnir sagði 88 manns upp störfum á miðvikudag. Fjöldauppsagnir hafa oft
orðið tilefni umræðna á Alþingi. Ekki núna. Menn meta það sjálfsagt svo að
þeir felli ekki pólitískar keilur með því að hafa áhyggjur af bankastarfsmönn-
um. Það er aðeins vænlegt til vinsælda að tala illa um þá.
Magnús Þór Hafsteinsson er hinn hróðugasti eftir að hafa komið sér út úr
trúnaðarstöðum í bæjarstjórn Akraness. „Aldrei hef ég upplifað þvílíkan með-
byr með mínum málstað og nú,“ segir hann.
„Þetta er einhver dapurlegasta ræða sem ég hef hlustað á í Alþingi,“ sagði
Ögmundur Jónasson eftir að Ingibjörg Sólrún Gísladóttir hafði sagt mikilvægt
að samstaða náist um ný eftirlaunalög meðal þingmanna allra flokka. Hvar
hafa hlustir Ögmundar verið í þau þrettán ár sem hann hefur setið á þingi?
Starfsáætlun þingsins er svo niðurnjörfuð að ekki kemur til greina að lengja
starfstíma þess til að afgreiða breytingar á eftirlaunalögum þingmanna. Þetta
upplýsti Sturla Böðvarsson í Mogganum í vikunni. Sama dag sagði Fréttablaðið
frá því að eldhúsdagsumræður hafa verið fluttar frá miðvikudegi til þriðjudags
að ósk RÚV sem vildi heldur sýna frá fótboltaleik en umræðunum á miðviku-
deginum. Starfsáætluninni er semsagt hægt að breyta þegar RÚV biður um
það en ekki þegar setja þarf lög.
Karl V. Matthíasson, þing-
maður Samfylkingarinnar í
Norðvesturkjördæmi,
hefur einkum beitt sér í
alþjóðamálunum á þinginu
í vetur.
Hann hefur verið fyrsti
flutningsmaður fimm þing-
mála sem öll eru þingsá-
lyktunartillögur. Öllum var
þeim dreift í þinginu í lok
nóvember.
Fyrsta málið fjallar um
samvinnu um öryggis- og
björgunarmál milli Vestur-
Norðurlandanna, annað
snýst um stofnun norræns
lýðháskóla, það þriðja um
skyldunámsefni fyrir ungl-
inga um ólík kjör og hlut-
skipti kvenna á norðurslóð-
um, fjórða um samstarf milli
slysavarnafélaga og björg-
unarsveita á sjó og landi í
vestnorrænu löndunum og
það fimmta gerir ráð fyrir
samvinnu vestnorrænu
landanna um rannsóknir á
helstu nytjastofnum sjávar
innan lögsögu þeirra.
Karl er formaður Íslands-
deildar Vestnorræna ráðs-
ins. Markmið ráðsins er að
starfa að hagsmunum Fær-
eyja, Grænlands og Íslands,
gæta auðlinda og menningar
Norður-Atlantshafssvæðis-
ins og auka norræna sam-
1. þingmaður Vestnorrænakjördæmis
KARL V. MATTHÍASSON á fundi hjá
Vestnorræna ráðinu.
„Ég styð eindregið þá kröfu sem hér hefur komið
fram frá formanni þingflokks Vinstrihreyfingarinnar
– græns framboðs um að umsvifalaust verði gert hlé
á þessum fundi.“
Álfheiður Ingadóttir VG
„Væri ekki nær að taka þó ekki væri nema einn
milljarð af þessum 1,5 milljarði sem á að verja til
heræfinga og hernaðarútgjalda til að styrkja
almenna löggæslu í landinu, herra forseti?“
Jón Bjarnason VG
„Kæmi til greina að banna trygg-
ingafélögum að taka við erfða-
upplýsingum frá viðskiptavinum
sínum eins og Læknafélag Íslands
hefur lagt til við Alþingi?“
Þannig hljóðaði spurning sem
Þuríður Backman VG lagði fyrir
Guðlaug Þór Þórðarson heilbrigð-
isráðherra í apríl.
Svarið barst í fyrradag.
Tryggingafélögum er nú þegar
óheimilt að taka við slíkum upp-
lýsingum. Ákvæði þess efnis var
fest í lög um vátryggingasamn-
inga í desember.
Þuríður spurði líka hvernig ráð-
herra hygðist bregðast við sölu
upplýsinga um erfðamengi með
tilliti til persónuverndar, vátrygg-
inga, atvinnuöryggis og geymslu
gagna. Ráðherra svarar því til að
ekki sé ljóst hvort þjónustan sé
heilbrigðisþjónusta, það sé lög-
fræðilegt álitamál.
Enn fremur spurði Þuríður
hvort ráðherra teldi að bregðast
yrði við sölu upplýsinga um erfða-
mengi með lagabreytingum.
„Ef þjónustan telst ekki vera
heilbrigðisþjónusta verður ekki
séð að heilbrigðisráðherra eða
landlæknir hafi heimildir í lögum
til að setja reglur um þjónust-
una,“ svarar ráðherra.
Þá veit Þuríður það.
Svarið lá fyrir í desember
GUÐLAUGUR ÞÓR
ÞÓRÐARSON
ÞURÍÐUR
BACKMAN
Jón Bjarnason, þing-
maður VG í Norðvestur-
kjördæmi, hefur ráðið
sér aðstoðarmann, líkt
og þingmenn lands-
byggðarkjördæmanna
hafa rétt á að gera.
Heitir sá Huginn Freyr
Þorsteinsson.
Fyrir rúmum mánuði var upplýst
að Þuríður Backman, þingmaður VG í
Norðausturkjördæmi, hefði ráðið sama
Huginn Frey sem aðstoðarmann sinn.
Aðstoðarmönnum þingmanna er
ætlað að aðstoða þá heima í kjördæm-
unum. Starfssvæði Hugins nær því frá
Akranesi, um Vestfirðina og gjörvalt
Norðurlandið, austur á Hérað og niður
Austfirðina, alla leið til Djúpavogs.
Tveggja kjör-
dæma maður
HUGINN
FREYR
Alls óljóst er hver örlög
þingsálykunartillögu um
eflingu íslenska geitfjár-
stofnsins verða. Örfáir dag-
ar eru eftir af vorþingi.
Jón Björn Hákonarson, varaþing-
maður Framsóknarflokksins, er
fyrsti flutningsmaður tillögunnar
en meðflutningsmenn koma úr
öllum þingflokkum.
Í tillögunni segir að Alþingi feli
landbúnaðarráðherra að beita sér
fyrir eflingu íslenska geitfjár-
stofnsins. Í því skyni verði bænd-
ur sem vilji vinna geitfjárafurðir
til sölu og þeir sem halda geitfé
sérstaklega aðstoðaðir. Einnig
verði kannað hvernig fjölga megi
stöðum á landinu þar sem geit-
fjárrækt fer fram. Þá verði hafn-
ar erfðarannsóknir á stofninum
og nýtt til þess þekking sérfræð-
inga í Landbúnaðarháskólanum á
Hvanneyri og á tilraunastöðinni á
Keldum.
Eftir fjörutíu mínútna langar
umræður í þinginu var málinu
vísað til sjávarútvegs- og land-
búnaðarnefndar. Þar er það enn.
„Málið er ennþá til athugunar,“
sagði Arnbjörg Sveinsdóttir, for-
maður sjávarútvegs- og landbún-
aðarnefndar, í samtali við Frétta-
blaðið og bætti við að ómögulegt
væri að segja til um framhaldið.
Á annan tug mála er til með-
ferðar nefndarinnar – þar á meðal
umdeild matvælalöggjöf Evrópu-
sambandsins, sem verja þarf
drjúgum tíma í að fara yfir.
Í greinargerð tillögunnar segir
að íslenski geitastofninn sé ein-
stakur í sinni röð sakir hreinleika.
Stofninn sé sá sami frá landnáms-
öld að því er varðar blöndun við
aðra stofna. Einungis rétt rúm-
lega 400 vetrarfóðraðar geitur
séu í landinu í 45 hjörðum og
stofninn því í útrýmingarhættu.
Í greinargerðinni kemur fram
að ekki hafi fengist leyfi hjá yfir-
dýralækni til að flytja geitur á ný
svæði sökum varnarlína vegna
sauðfjársjúkdóma þó að aldrei
hafi greinst riða í geitfé hér á
landi.
Ríkissjóður greiðir fimm þús-
und krónur með hverri skýrslu-
færðri geit á ári.
Óvíst um afdrif tillögu um
eflingu geitfjárstofnsins
Úr umræðum um málið
„Þessi skepna sem var áður fyrr
kölluð kýr fátæka mannsins og
var leið fátækra búsetumanna
til að hafa mjólk ofan í börn sín
og naut engrar virðingar á við
íslensku kúna, framtíðarhlutverk
hennar verður kannski akkúrat á
hinum enda mannlífsins, það er
að framleiða fyrir okkur fágætar,
torfengnar og dýrar lúxusvörur.“
Bjarni Harðarson Framsóknar-
flokki
„...í þriðja lagi býður geitin okkur
upp á stökurnar eða geitaskinnið
sem er einstakt til bókbands.“
Bjarni Harðarson Framsóknar-
flokki
„Dæmi er um að barn með
langvarandi óþol fyrir brjósta-
mjólk hafi á einum eða tveimur
sólarhringum lagast af þeirri
magakveisu sem því fylgdi með
því að neyta geitamjólkur í einn
sólarhring.“
Atli Gíslason VG
„Ég tel reyndar að ráðherra
beri lagaskylda til að grípa inn í
og tryggja stöðu þeirra sem búa
með geitfé og leggja vinnu og allt
sitt í að halda í stofninn og hið
dýrmæta erfðaefni sem það er.“
Jón Bjarnason VG
„Það má vera að mörgum
þyki lítt merkilegt að ræða hér
sérstaklega um stöðu íslenska
geitastofnsins en hér hefur verið
farið mörgum orðum um mikil-
vægi hans og mikilvægi þess að
viðhalda honum.“
Jón Gunnarsson Sjálfstæðis-
flokki
„Málefni íslenska geitastofnsins
er hluti af byggðaþróun sem við
viljum snúa við.“
Jón Gunnarsson Sjálfstæðis-
flokki
ORÐRÉTT
GEIT OG KIÐLINGUR Íslenski geitfjárstofninn er í útrýmingarhættu.