Fréttablaðið - 17.05.2008, Qupperneq 66

38 17. maí 2008 LAUGARDAGUR
GÓÐ VIKA / SLÆM VIKA
HELGARKROSSGÁTAN
KLEMENS ÓLAFUR ÞRASTARSON
SKRIFAR FRÁ BERLÍN
Berlínarbúar eru engir bindindis-
menn og það vekur í fyrstu furðu
hversu spengilegir þeir eru, miðað
við hið óskaplega magn sem þeir
innbyrða af bjór.
Ölið gegnir hlutverki bæði vatns
og brauðs og er úti um allt.
Sjálfsagt þykir til dæmis að taka
opna flösku með sér í lestina og
súpa þar. Eða spóka sig með bokku
úti á götuhorni og á göngu. Jafnvel
hjólreiðamenn og helgarpabbar
sjást með flösku í hendi.
Ellilífeyrisþegar ríða á vaðið upp
úr morgunkaffi, tylla sér fyrir utan
kaffihúsin og vakna þar til lífsins
með Bakkusi. Borgin öll ölvast svo
hægt og örugglega yfir daginn.
Ein skýring á spengileikanum er
sú að Berlínarbúar eyða drjúgum
hluta dagsins í að koma sér milli
staða; fótgangandi og hjólandi. Þeir eru alltaf á röltinu.
Einhverjir vinir einkabílsins hvöttu Merkel kanslara til að lækka
bensínskatt í vikunni, þegar lítraverðið fór yfir eina og hálfa evru. Það
gera eitthvað um 185 krónur þegar þetta er skrifað. Af því fer meira í
ríkissjóð en til olíufélags og bensínstöðva.
En þessi skattheimta hugnast víst venjulegum borgarbúa ágætlega.
Hann á ekki og ætlar ekki að kaupa sér bíl. Hann ferðast á ódýran hátt;
ef ekki á eigin orku þá með almenningssamgöngum.
Og það er hluti tilverunnar að hitta fólk á götum úti og drekka með
því drykkinn góða. Meðal-Þýskari viðurkennir að hafa tæmt ein 540
bjórglös í fyrra.
Reykingar eru afar vinsælar líka. Þriðji hver maður reykir og má
það víðast hvar, þó að reykingabann vomi yfir borginni.
Nokkrir langt gengnir reykingamenn tóku sig til á dögunum og
mótmæltu væntanlegri frelsisskerðingu: „Reykingabann, drepur
mann!“ sungu þeir hástöfum á torginu, en við fátæklegar undirtektir.
Þetta, eins og bensínverðið, er tapað stríð. Berlínarbúar berjast þó
áfram á vígstöðvum öldurhúsa, af gömlum vana, og reykja mjög.
Það er hætt við því að mótmælin yrðu kröftugri ef banna ætti
bjórinn. Eins mætti búast við látum ef hann hækkaði í verði á borð við
bensínið.
Heilir þrír lítrar af þeim ódýrasta kosta aðeins meira hjá kaupmann-
inum á horninu en áðurnefndur bensínlítri. Og má ekki meira vera.
Þetta er jú helsti orkugjafinn.
Berlínska eldsneytið
99
k
r.
sm
si
ð
Dæmi hvernig SMS gæti litið út ef svarið er Jón:
Þá sendir þú SMS-ið: JA LAUSN JON
Leystukrossgátuna!
ÞÚ GÆTIR UNNIÐ
THE WATERHORSE
LEGEND OF THE DEEP Á DVD!
Þú sendir SMS skeytið JA LAUSN
LAUSNARORÐ á númerið 1900!
Lausn krossgátunnar, ásamt eldri gátum og lausnum, er birt á vefnum, www.this.is/krossgatur
Góð vika fyrir...
... Valgerði Bjarnadóttur
Valgerður hefur sýnt fádæma seiglu og þol í að
halda lífi í frumvarpi sínu sem miðar að
því að afnema forréttindaákvæði laga
hvað varðar lífeyrisréttinda dómara,
ráðherra og þingmanna. Eftirlauna-
ósómann. Þingmenn hafa reynt allt
hvað þeir geta að þegja málið í hel. En
nú loks bólar á vakningu. Lýð-
skrumarar á þingi þora ekki öðru
en fordæma þessa ósvinnu en
kjósendur spyrja: Bíddu, af
hverju er þá ekki hægt að laga
þetta? Markmiðið er ekki að
bera kennsl á atriði er varða
breytni heldur skyldi breyta,
eins og Aristóteles sagði. Ekki er nóg að vita um
dyggð, heldur skyldum við reyna að hafa og nota
hana.
... Davíð Oddsson
Já, þó að eftirlauna-
ósóminn, sem kenndur
er við hann, sé á döfinni
sýndi gamli góði Dabbi
það í gær að hann er
ekki dauður úr öllum
æðum. Tvíhliða gjald-
miðlaskiptasamningur
milli seðlabanka Dan-
merkur, Noregs, Sví-
þjóðar og Íslands var vítamínstíll í rass sjúklings
sem heitir Króna.
... unga leikkonu
Jóhanna Friðrika Sæmundsdóttir leikkona er útsjón-
arsöm og hljóp á snærið hjá henni. Jóhanna upplýsti
lesendur Fréttablaðsins um að hún hefði tínt páska-
liljur sem hún hefði fundið niðri við Tjörn og lífgað
upp á heimili sitt. Jónas Kristjánsson kallaði hana
reyndar á síðu sinni barnslegan og einlægan sið-
leysingja fyrir að bísa blómum borgarinnar en
Jónas hefur sagt að það
eina sem Íslendingar hafi
á móti spillingu sé að
komast ekki í hana sjálfir.
Og því dettur manni í hug
að Jónas sé svekktur að
hafa ekki rekist á þessar
páskaliljur sjálfur.
Slæm vika fyrir...
... Guðmund í Byrginu
Dæmdur í síðustu viku
og laminn í þessari. Það
á ekki af honum Guð-
mundi að ganga. Guð-
mundur á þó hauka í
horni. Eiginkona hans
stendur þétt honum við
hlið, sem og Arnþrúður
Karlsdóttir á Sögu og
Reynir Traustason á DV
sem birti enn eitt viðtalið við Guðmund, nú undir
fyrirsögninni: „Saknar sannleikans.“
... Ólaf F. Magnússon
Hvað er langt síðan Ólafur F. tók við? Rúmlega
hundrað dagar? Deilt með 7 þýðir að þetta er 10.
vikan sem telst slæm fyrir borgarstjór-
ann. Þær hafa verið misslæmar en allt
verður féndum hans að vopni. Jafnvel
ráðning Ólafs á hinum öfluga Jakobi
Frímanni snýst upp í martröð. Og skoð-
anakönnunin nýjasta um fylgi flokk-
anna, þar sem Frjálslyndi flokkurinn
fær rétt rúmt eitt prósent, gerir óná-
kvæm hin fleygu einkunnarorð
Ólafs: „6527 atkvæði!“ Á kjör-
skrárstofni alls í Reykjavík
2007 voru 85.618 þannig að ein-
kunnarorðunum þyrfti að
breyta (með góðum vilja því ekki kusu allir) í: 856
atkvæði, 856 atkvæði ...
... Jón „Bónda“ Gunnarsson
Eitt er að eiga sér kannski einskis ills von og vera
laminn eins og Gummi í Byrginu. Annað er að vera
laminn af Magnúsi Ver Magnússyni. Jón bóndi er
reyndar enginn kettlingur, heimsmeistari í kraft-
lyftingum árið 2006, en í flokki öldunga. Magnús
Ver var hins vegar sterkasti
maður heims fjór-
um sinnum, síðast
árið 1996, þannig
að þetta hefur
verið ójafn leik-
ur. Hver hefði ekki
flúið inn í fataskáp líkt og
gestkomandi kona í húsi
Jóns gerði þegar ballið
byrjaði?