Fréttablaðið - 17.05.2008, Qupperneq 77

LAUGARDAGUR 17. maí 2008 49
Áfengismeðferðin
sem Kirsten Dunst
fór í fyrr á árinu,
þegar hún dvaldist
á Cirque Lodge í
Utah í nokkrar vikur,
virðist ekki hafa
skilað miklum
árangri. Dunst
er nú við tökur
á kvikmynd í
New York, og
fyrr í mánuðinum sást hún sletta
hressilega úr klaufunum á bar þar í
borg, meðal annars í fylgd Fabrizio
Moretti úr The Strokes, fyrrverandi
kærasta Drew Barrymore. „Hún
var gjörsamlega út úr heiminum,“
segja sjónarvottar. „Það var augljóst
að hvað sem gekk á í meðferðinni
virkaði ekki.“
Móðir og systir
Lindsay Lohan,
Dina og Ali, hafa
vísað því á bug
að stjarnan eigi í
ástarsambandi
við plötusnúð-
inn Samönthu
Ronson. Lohan
og Ronson hafa
verið óaðskilj-
anlegar upp á
síðkastið, og
hafa margir velt
því fyrir sér hvort samband þeirra
sé annars eðlis en vinasamband.
„Þær eru bestu vinkonur. Bara vin-
konur. Það er ömurlegt hvað fólk
segir,“ segir Ali, yngri systir Lohan.
Lögum í Kaliforníu var í vikunni
breytt, svo að samkynhneigð pör
geti gift sig í ríkinu. Breytingunni er
tekið fagnandi af mörgum íbúum
ríkisins, og einna fyrst til að nýta
sér nýju lögin verður spjallþátta-
drottningin Ellen
DeGeneres. Hún
hefur tilkynnt að
hún og kærasta
hennar, Ally
McBeal-
leikkonan
Portia
di Rossi,
hyggist
ganga upp
að altarinu,
en þær hafa
verið saman
í nokkur ár.
Kate Hudson og Owen Wilson
eru hætt saman á ný, en heimildir
herma að þetta verði líklega í síð-
asta skiptið. Þau hafa verið sundur
og saman undan farin
ár, en ákváðu að
láta aftur reyna á
sambandið fyrr á
árinu, nokkrum
mánuðum eftir að
upp komst um
eiturlyfjaneyslu
Wilson og sjálfs-
morðstilraun
hans. „Þetta
voru erfið sam-
bandsslit,“ segir
vinur Wilson.
„Kate finnst hún
vitlaus að hafa
haldið að það
væri svona mikil
alvara í þessu,“
segir vinur
leikkonunnar.
FRÉTTIR AF FÓLKI
„Mér finnst þetta bara fullkominn tími fyrir útgáfuna,
hefði hvorki mátt vera fyrr né seinna,“ segir Bryndís
Jakobsdóttir, eða Dísa, um samnefnda breiðskífu sína
sem kom út í gær. „Ég gaf mér góðan tíma í plötuum-
slagið því mér finnst það skipta mjög miklu máli. Ég
saumaði til dæmis út lagalistann sem er aftan á
umslaginu, föndraði textabókina og mamma heklaði
kraga sem er á einni myndinni. Það má segja að
plötuumslagið sé jafn persónulegt og tónlistin,“ segir
Bryndís um sína fyrstu plötu.
En hvernig er tilhugsunin um plötudóma og hugsan-
lega gagnrýni? „Þetta er það persónulegasta sem ég
hef gert og auðvitað vonar maður að fólk fíli það sem
maður er búinn að leggja allt í, en ég er líka undir það
búin að fá óþægilega gagnrýni því maður getur ekki
verið allra. Ég gerði allavega mitt besta á þessari plötu
og hún sýnir alveg hvar ég stend tónlistarlega séð,“
segir Bryndís.
Aðspurð um framtíðaráform segist hún ætla að taka
eitt skref í einu. „Ég ætla í læknisfræðinám í framtíð-
inni en fyrst langar mig að semja meira og gefa út aðra
plötu. Svo langar mig líka að læra að prjóna því ég
lærði ekki handmennt sem krakki þegar ég bjó í
London,“ segir Bryndís sem mun fylgja eftir sinni
fyrstu plötu á komandi mánuðum. - ag
Föndraði plötuumslagið
GEFUR ÚT SÍNA FYRSTU PLÖTU Lögin Anniversary og Temptat-
ion af plötu Dísu hafa fengið góða útvarpsspilun.
FRÉTTABLAÐIÐ/STEFÁN
Kanadíska sveitasöngkonan
Shania Twain og eiginmaður
hennar, upptökustjórinn Robert
„Mutt“ Lange, eru að skilja eftir
fjórtán ára hjónaband. Hin 42 ára
Twain og Lange, sem er sautján
árum eldri, giftust árið 1993 og
eiga sex ára son sem heitir Eja.
Twain, sem er fimmfaldur
Grammy-verðlaunahafi, er þekkt-
ust fyrir lögin Man! I Feel Like A
Woman og You´re Still the One.
Lange hefur stjórnað upptökum á
þremur plötum hennar: The
Woman in Me, Come on Over og
Up! sem kom út árið 2002.
Skilnaður í vændum
SHANIA TWAIN Sveitasöngkonan snjalla
ætlar að skilja við eiginmann sinn til
fjórtán ára.
2. 299,-
999,-
TVÖ HÆTTULEGUSTU
SKRÍMSLI
KVIKMYNDASÖGUNN
AR
Í TVEIMUR FRÁBÆRU
M
MYNDUM. NÚ Á DVD
Í BT!