Fréttablaðið - 07.06.2008, Blaðsíða 83

LAUGARDAGUR 7. júní 2008 55
FÓTBOLTI Eins og kunnugt er var
Guðjón Þórðarson, þjálfari Skaga-
manna, dæmdur í eins leiks bann
af aga- og úrskurðarnefnd KSÍ á
fimmtudag. Bannið fékk Guðjón
vegna ummæla sem hann lét falla
eftir leik Keflavíkur og ÍA í lok
síðasta mánaðar. Guðjón er fyrsti
þjálfarinn í efstu deild sem settur
er í leikbann fyrir ummæli.
Guðjón vildi lítið tjá sig um
málið á fimmtudag en hann tjáði
sig við Fréttablaðið í gær eftir að
hafa skoðað dóminn og sofið á
málinu.
„Ég tek þessu illa. Þeir tengja
ummælin þess utan leiknum en
þessi ummæli tengjast ekki leikn-
um samkvæmt laganna hljóðan.
Þar segir að þegar dómari er geng-
inn til búningsklefa er vettvangi
lokið,“ sagði Guðjón í gær en hann
getur ekki stýrt sínu liði gegn HK
á sunnudag.
„Ég má ekki vera í búningsklef-
anum klukkutíma fyrir leik en má
fara inn þegar dómari hefur geng-
ið til klefa. Samkvæmt þessu er
ekki rétt að tengja ummæli mín
við leikinn því þegar þau féllu
hafði ég gengið til klefa líkt og
dómarinn og fer síðan aftur út í
viðtöl,“ sagði Guðjón.
Ekki hefur verið tekið nein
ákvörðun á Akranesi um hvort
þeir fari lengra með málið.
„Ég er að skoða hvort ég geri
eitthvað. Það er til fullt af leiðum
en ég kemst ekki lengra með málið
hjá KSÍ. Ég mun skoða þetta í
róleg heitunum því þetta er klárt
ofbeldi,“ sagði Guðjón en hann er
ósáttur við að honum sé meinað að
sinna starfinu sínu.
„Það er talað um að ég hafi skað-
að ímynd íslenskrar knattspyrnu
en ef það er skoðuð könnun á Vísi
þar sem spurt sé hvort ég hafi
skaðað ímynd íslenskrar knatt-
spyrnu þá kemur í ljós að það eru
ansi margir ósammála KSÍ. Nú er
mér ekki heimilt að vinna mína
vinnu og það er alvarlegt mál
þegar mönnum er meinað að vinna
vinnuna sína. Það finnst mér vera
alvarlegasti hlutinn því það er
verið að hafa áhrif á mína lífsaf-
komu með þessum dómi,“ sagði
Guðjón sem segist standa við allt
sem hann sagði í viðtalinu
umrædda.
Ólafur Ragnarsson dómari, sem
dæmdi leikinn í Keflavík, hefur
aðeins dæmt þann eina leik í
sumar og dæmir ekki á sunnudag.
Hvað finnst Guðjóni um það? „Það
skiptir mig engu máli en ég er feg-
inn að hann sé ekki að dæma. Það
að hann sé ekki að dæma segir
kannski sína sögu,“ sagði Guðjón
Þórðarson að lokum.
henry@frettabladid.is
Þetta er ofbeldi
Guðjón Þórðarson segist taka leikbanninu sem
hann fékk illa. Hann segir dóminn vera klárt of-
beldi sem hafi áhrif á hans lífsafkomu.
EKKI SÁTTUR Guðjón Þórðarson er ekki sáttur við bannið sem hann var dæmdur í og
segist taka dómnum illa. FRÉTTABLAÐIÐ/STEFÁN
HANDBOLTI Akureyri handboltafélag hyggst leysa úr
fjárhagsvanda sínum með því að sníða sér stakk eftir
vexti. Auglýsingatekjur fara að stærstum hluta í að
borga niður háa skuld félagsins en búið er að gera
upp við alla leikmenn sem áttu inni laun. Fjárhags-
vandinn tekur sinn toll.
Óvíst er hvort Rúnar Sigtryggsson þjálfi liðið
áfram. „Það er ekki víst að ég þjálfi og það er óvíst
hverjir spila. Það er verið að vinna að þessu en það
gengur hægt og áður en kemur að því að ræða þetta
þarf að taka á þessum fjárhagsvanda. Það tekur sinn
tíma og við vitum á hverju það bitnar. Menn hafa ekki
endalausa þolinmæði til að bíða og Sveinbjörn mark-
maður og Ásbjörn eru þegar farnir,“ sagði Rúnar við
Fréttablaðið í gær.
Ferðakostnaður er einn stærsti kostnaður deildar-
innar. Hann var sjö til átta milljónir á síðasta tímabili
en keyrt var með rútu í alla deildarleikina með karla-
og kvennaliðið.Hann minnkar nú þar sem kvennalið-
ið spilar undir merkjum KA en Hannes Karlsson, for-
maður Akureyrar handboltafélags, segir að allra
leiða verði leitað til að lækka ferðakostnaðinn. „Mark-
miðið næsta vetur er að halda honum í algjöru lág-
marki. Ódýrasta leiðin er að nota einkabíla og eins og
staðan er núna stefnir allt í það. Leikmenn þurfa þó
ekki að keyra sjálfir,“ sagði Hannes en í síðustu
umferðunum í vor keyrðu leikmenn á einkabílum
suður.
Rúnar er eðlilega ósáttur við ástandið. „Það er ekki
ásættanlegt að keyra þetta á einkabílum. Tekjurnar
eru nægar en það hefur ekki verið spilað rétt úr hlut-
unum. Skuldin er þessi,“ sagði Rúnar sem er ekki í
vafa um á hverju þetta kemur mest niður.
„Það eru gæði liðsins sem verða verst úti, þau
minnka til muna,“ segir Rúnar sem hefur meiri áhyggj-
ur en Hannes. „Handboltans vegna veldur þetta mér
áhyggjum og persónulega er leiðinlegt hvernig þetta
er orðið. Þetta er ekki í mínum höndum eða leikmanna
heldur félaganna. Ef þú ætlar að ná árangri þarf að
vanda til varðandi ferðamáta og umgjörð. Það er ekki
síður mikilvægt en annað. Við erum eina landsbyggð-
arliðið sem er eftir í úrvalsdeildinni og ef þessir menn
ætla að gera það þá verðum við ekki í þessu mikið
lengur,“ segir Rúnar. - hþh
Óvíst er hvort Rúnar Sigtryggsson þjálfi Akureyri á næsta tímabili:
Ekki boðlegt að nota einkabíla
BREYTINGAR Miklar breytingar verða á leikmannahópi Akureyrar. Einar Logi Frið-
jónsson er á förum og gæti hann farið til útlanda. Magnús Stefánsson mun einnig
yfirgefa Akureyri. FRÉTTABLAÐIÐ/PEDROMYNDIR
Lyf skipta sköpum!
„Heilbrigð efri ár -
mikilvægt hagsmunamál!“
„Miklar breytingar hafa átt sér stað á almennri lýðheilsu Íslendinga síðustu
áratugi. Ber þá ekki síst að þakka eftirliti með hjarta- og æðasjúkdómum,
m.a. með mælingum á blóðþrýstingi og blóðfitu og viðeigandi með-
ferðarúrræðum. Aukin þekking, almenn heilsuefling og það að fylgst er
mun fyrr með almennu heilsufari fólks, hefur leitt til þess að hægt hefur
verið að koma í veg fyrir eða seinka ýmsum alvarlegum áföllum.
Slíkar forvarnir stuðla ekki einungis að auknu heilbrigði á efri árum
heldur einnig meiri lífsgæðum. Meiri þekking, árvekni og fjölbreytilegar
meðferðarlausnir gera okkur því kleift að horfa björtum augum til langrar
framtíðar án óþarfa kvilla og verkja.“
Anna Birna Jensdóttir, hjúkrunarfræðingur.
E
F
L
IR
a
lm
a
n
n
a
te
n
g
s
l
/
H
N
O
T
S
K
Ó
G
U
R
g
ra
fí
s
k
h
ö
n
n
u
n