Fréttablaðið - 10.07.2008, Blaðsíða 16

16 10. júlí 2008 FIMMTUDAGUR
nær og fjær
„ORÐRÉTT“
„Mér þykir
afar leiðinlegt
að ekki hafi
verið gert
meira fyrir
Paul Ram-
ses,“ segir
Jóhann Ágúst
Jóhanssson
nemi. „Ég
finn til með
honum og
fjölskyldu
hans að vera í
þessari aðstöðu.“
Jóhann segir málsmeðferðina
vera dæmigerða fyrir skrifræði
nútímans, „það gleymist að gera
ráð fyrir því að um manneskjur
er að ræða“.
Verst af öllu þykir Jóhanni að
fjölskylda Ramses hafi verið slitin
í sundur: „Mér finnst það sorg-
legt, tilgangslaust og ekki síst
ómannúðlegt,“ segir hann. „Það
er eins og Útlendingastofnun
starfi eftir einhverju færibanda-
fyrirkomulagi.“
Jóhann segir að íslenska ríkið
eigi að hjálpa fólki í neyð, „við
getum það auðveldlega, fjöl-
skylda Pauls Ramses getur það
ekki. Erum við ekki velferðarríki?“
SJÓNAHÓLL
MÁL PAUL RAMSES OG FJÖLSKYLDU
Erum við ekki
velferðarríki?
Það er margt um að vera á landsbyggðinni
um næstu helgi. Fréttablaðið tók saman það
helsta.
Á Stokkseyri verður haldin bryggjuhátíðin
Brú til brottfluttra, og hefst hún í dag. Hátíð-
in er haldin í fimmta skipti nú, en í ár heldur
Ungmennafélag Stokkseyrar upp á 100
ára afmæli sitt. Íþróttahátíð verður haldin
í tilefni af því, en einnig eru á dagskránni
varðeldur og bryggjusöngur Árna Johnsen,
og tónleikar Megasar og Senuþjófanna, svo
fátt eitt sé nefnt.
Í Búðardal verður bæjarhátíðin Heim í
Búðardal haldin á laugardag. Siglingar og
markaðir verða á meðal þess sem í boði
er, og hátíðardagskrá verður á bryggjunni
í Búðardal yfir daginn. Að því loknu munu
íbúar og gestir grilla saman við Dalabúð, og
halda þaðan í brekkusöng áður en kvöldinu
lýkur með bryggjuballi.
Sandaragleði fer fram á Hellissandi frá
föstudegi til sunnudags. Sýningar verða opn-
aðar og söngvakeppni og hæfileikakeppni
verða á dagskrá. Öll dagskráin er gerð af
heimamönnum og brottfluttum. Hljóm-
sveitirnar Diamonds, Extra og Bít munu allar
leika fyrir dansi að loknu götugrilli í öllum
götum Hellissands. Súgfirska sæluhelgin
verður haldin á Suðureyri nú um helgina.
Hátíðin í ár verður fjölskylduvænni en áður og
er dagskráin sniðin að því. Meðal þess sem
verður á dagskrá er kynning á nýju sæluhelg-
arlagi, en lagið í ár er eftir Ævar Einarsson
og heitir „Fyrir mig og þig“. Einnig verður
markaðstorg, Íslandsmeistaramót í kajakróðri
og brúðuleikhús, svo dæmi séu tekin.
Á Blönduósi fer fram Húnavaka, sem hefst
á föstudagskvöld með dægurlagakeppninni
Vökulögunum. Á laugardag verður svo meðal
annars fjölskylduskemmtun með Merzedes
Club, Gunna og Felix og Abbababb! og svo
stórdansleikur með Merzedes Club og Sálinni
hans Jóns míns.
Gert er ráð fyrir að skýjað verði að mestu á
landinu um helgina og rigning með köflum.
HVAÐ ER AÐ GERAST UM HELGINA?
Bryggjuböll og brekkusöngvar
Eftir djúpsjávarsprengjur
og diplómatíska krísu á
níunda áratugnum hefur
komið í ljós að njósnakaf-
báturinn, sem Svíar sökuðu
Sovétmenn um að senda í
sænska skerjagarðinn, var
enginn njósnakafbátur.
Hljóðið sem heyrðist og var
talið koma frá sovéskum
dvergkafbát kom eftir allt
saman frá gamalli, sænskri
seglskútu. Þetta kom nýlega
í ljós þegar hulunni var
svipt af gömlum hljóð-
skrám.
Haustið 1982 urðu Svíar varir við
eitthvað sem þeir töldu vera mast-
ur frá kafbátum í skerjagarðinum
við Stokkhólm. Árið áður hafði
sovéskur kafbátur strandað í
skerjagarðinum og þá fóru Svíar
að fylgjast betur með meintum
ferðum kafbáta, bæði á sjó og úr
lofti. Meðan á leitinni stóð sigldi
seglskútan Amalia um skerjagarð-
inn með blaðamenn sem fylgdust
þannig með leit Svía að sovéskum
kafbátum. Í leitinni var tekið upp
hljóð sem þótti grunsamlegt í
meira lagi og sanna að sovéskir
kafbátar hefðu verið á sveimi í
skerjagarðinum.
Ríkisstjórn jafnaðarmanna mót-
mælti kröftuglega við sovéska
sendiherrann í Stokkhólmi en Sov-
étmenn neituðu öllum ásökunum.
Sambandið milli Svía og Sovét-
manna varð kuldalegt á níunda og
fram á tíunda áratuginn þegar í
ljós komu efasemdir um að hljóðið
gæti hafa komið frá sovéskum
kafbátum. Miklar vangaveltur
hafa síðan verið um það hvaðan
hljóðið gæti hafa komið en það var
ekki fyrr en á þessu ári sem hið
sanna kom í ljós þegar hljóð-
skrárnar höfðu verið gerðar opin-
berar. Skipstjórinn á Amalíu hafði
þá nýverið farið með sjónvarps-
menn á staðinn. Eftir ferðina fékk
hann upptökuna senda, að sögn
sænska dagblaðsins Expressen,
og þekkti strax hljóðið í sinni eigin
skútu.
Baldri Þórhallssyni, prófessor í
alþjóðastjórnmálum við Háskóla
Íslands, þykir málið skondið.
„Þegar kalt stríð geisar og mikil
tortryggni ríkir á milli ríkja þá
getur ákveðin njósnastarfsemi á
báða bóga verið til mikils gagns.
Oft og tíðum komast menn að ein-
hverju sem dregur úr tortryggni
en það getur að sjálfsögðu líka
gerst að tortryggni skapast vegna
misskilnings sem er skondinn
eftir á en getur verið háalvarlegur
meðan á málinu stendur,“ segir
hann.
„Það var gríðarleg tortryggni á
þessum tíma og þetta var stórmál.
Það hefur eflaust skaðað samskipti
ríkjanna að einhverju leyti en Svíar
voru alltaf í þokkalegu sambandi
við Sovétríkin út frá hlutleysis-
stefnu sinni,“ segir hann og telur
enga ástæðu fyrir Svía að biðjast
afsökunar. „Ég held það megi vísa í
margt sem gerðist á tímum kalda
stríðsins sem er óþarfi að velta sér
mikið upp úr nema það varði
mannslíf eða mannréttindabrot. Að
öðru leyti verða menn bara að
skoða þetta með skondnu auga og
velta því kannski fyrir sér hvað
tortryggni getur búið til, þegar
menn tortryggja nágranna sína svo
mikið að þeir túlka allt sem frá
þeim kemur með neikvæðum hætti.
Menn ættu kannski bara að draga
lærdóm af þessu.“
ghs@frettabladid.is
ÞETTA VAR STÓRMÁL „Það var gríðar-
leg tortryggni á þessum tíma og þetta
var stórmál,“ segir Baldur Þórhallsson,
prófessor við Háskóla Íslands.
Kafbáturinn var gamalt seglskip
HIÐ SANNA KOMIÐ Í LJÓS Skipstjórinn á sænsku skútunni Amalíu sigldi um
skerjagarðinn með fréttamenn meðan sænski herinn leitaði að sovéskum kafbát-
um í skerjagarðinum. Í leitinni var tekið upp hljóð sem var talið sanna að óþekktur
njósnakafbátur hefði verið í skerjagarðinum en nýlega kom í ljós fyrir tilviljun að
þetta var hljóðið í Amalíu. Myndin er úr safni og tengist efni fréttarinnar ekki beint.
JÓHANN ÁGÚST
JÓHANSSON NEMI
STOKKSEYRI Á Stokkseyri verður hátíðin Brú til
brottfluttra haldin hátíðleg í fimmta sinn.
Vill hún vita það?
„Ég veit ekkert hvað hann
er að hugsa.“
JÓHANNA SIGURÐARDÓTTIR
FÉLAGSMÁLARÁÐHERRA UM
UMMÆLI ÁRNA MATHIESEN FJÁR-
MÁLARÁÐHERRA UM YFIRVOFANDI
BREYTINGAR Á ÍBÚÐALÁNASJÓÐI.
Fréttablaðið 9. júlí.
Gufa í salti
„Ég hef fulla trú á verkefn-
inu.“
VALTÝR VALTÝSSON, SVEITARSTJÓRI
BLÁSKÓGABYGGÐAR, UM HEILSU-
LIND SEM STAÐIÐ HEFUR TIL AÐ
REISA Í STAÐ GÖMLU GUFUBAÐ-
ANNA SEM VORU RIFIN.
Fréttablaðið 9. júlí.
Farga hefur þurft þremur kofum
á smíðavellinum við Hólmasel í
Breiðholti þar sem óþekktur
maður hafði haft hægðir í þá.
„Þetta er bara mjög ósmekk-
legt. Það var pappír í kofunum
og greinilegt að einhver hefur
skeint sér og skilið eftir sig,“
segir Þorbjörg Jónsdóttir, leið-
beinandi á Hólmaseli.
Þorbjörg taldi í fyrstu að um
tilfallandi magakveisu væri að
ræða en eftir þrjú tilvik væri
ljóst að um skemmdarverk væri
að ræða. Hún segir ekki annan
kost hafa verið í stöðunni en að
farga kofunum, meðal annars
vegna hugsanlegrar smithættu.
Starri Snær Valdimarsson er
einn ungu smíðameistaranna
sem rífa þurfti kofa hjá. „Þetta
er bara ekkert skemmtilegt. Það
er mjög leiðinlegt að þurfa að
vera að skemma kofann frá ein-
hverjum öðrum,“ segir hann.
Hann segist hafa farið „ógeðs-
lega oft að vinna í [kofanum]“
áður en spjöllin voru unnin á
honum.
Þorbjörg hefur haft samband
við lögregluna sem ætlar að
fylgjast með grunsamlegum
mannaferðum nálægt smíðavell-
inum að kvöldi til. - gh
Skitið í kofa á smíðavelli
ÞORBJÖRG JÓNSDÓTTIR ÁSAMT FÉLÖGUNUM STARRA SNÆ VALDIMARSSYNI OG
HAFSTEINI SNÆ ÞORSTEINSSYNI Starri hefur hafið smíðar við nýjan kofa eftir að rífa
þurfti þann gamla. FRÉTTABLAÐIÐ/ANTON