Fréttablaðið - 18.07.2008, Síða 27

FÖSTUDAGUR 18. júlí 2008 3
Miðaldastemning mun ríkja á
Gásum í Eyjafirði um helgina
en þá verða þar haldnir Mið-
aldadagar.
„Á Miðaldadögum er metnaðarfull
dagskrá fyrir alla fjölskylduna
bæði laugardag og sunnudag frá
klukkan 11 til 17. Það sem er
skemmtilegt nú er að við keyrum
heila helgi nær eingöngu á eyf-
irsku handverksfólki,“ segir Krist-
ín Sóley Björnsdóttir, fram-
kvæmdastýra Gásakaupstaðar.
Gásir við Eyjafjörð eru ellefu
kílómetra norðan við Akureyri en
þar gefur að líta einstakar rústir
hins forna Gásakaupstaðar sem
var við lýði allt frá tólftu öld og
líklega fram til sextándu aldar
þegar verslun hófst á Akureyri.
Hátíðin hófst með smáu sniði
árið 2003 en síðan urðu þáttaskil
árið 2005 þegar sótt var um styrk
til Norræna menningarsjóðsins.
„Styrkurinn gerði okkur kleift að
vinna með Middelaldercenteret í
Danmörku og Víkingasafninu
Borg á Lofoten í Noregi. Þau sendu
mannskap til okkar til að aðstoða
við Miðaldadagana árið 2006 en
þarna starfa miklir reynsluboltar
sem hafa unnið lengi að lifandi
sögumiðlun og lærðum við heilm-
ikið af þeim,“ segir Kristín Sóley.
Hátíðin verður sett á laugardag-
inn klukkan 12.30 að fornum sið og
síðan hefst dagskráin. „Við fáum
meðal annars kaupmann frá Dan-
mörku sem ætlar að vera með
perlur, gler og skart í miðaldastíl
til sölu og hægt verður að fylgjast
með málmsteypun á skarti og kað-
algerð,“ útskýrir Kristín Sóley. Á
dagskránni má einnig finna leið-
sögn um fornleifasvæðið, knatt-
leik að miðaldasið, eldsmið að
störfum, hreinsun brennisteins,
leikþáttinn Munkar og mjöður og
tónleika með Hymnodiu þar sem
flutt verða lög frá miðöldum. Í
boði verða kjötsúpa og brauð í
anda miðalda frá Friðriki V og
Norðlenska á 500 krónur. Aðgangs-
eyrir á hátíðina er 1.000 krónur
fyrir fullorðna en þrettán ára og
yngri greiða 250 krónur. Þeir sem
eru minni en miðaldasverð greiða
hins vegar engan aðgangseyri og
rennur allur ágóði til Sjálfseignar-
stofnunar Gásakaupstaðar.
hrefna@frettabladid.is
Líf og fjör á Gáseyrinni
Á Gásum má finna ýmiss konar handverk og reistar verða tjaldbúðir í fjörunni á
Gáseyrinni. MYND/MINJASAFNIÐ Á AKUREYRI
Eldsmiður verður að störfum á Gásum.
MYND/MINJASAFNIÐ Á AKUREYRI
Þar sem greiðslukort tíðkuðust ekki á
miðöldum er gott að vera með reiðufé.
Menn geta meðal annars reynt sig við
bogfimi og steinakast á Miðaldadögum.I
Kristín Sóley Björnsdóttir, framkvæmdastýra Gásakaupstaðar, segir að Miðaldadag-
arnir hafi undið upp á sig síðustu ár. Dagskrá má í heild sinni finna á www.gasir.is.
MYND/HEIDA.IS
Taktu hjólið með
- settu það á toppinn.
www.stilling.is // stilling@stilling.is
Skeifan 11, 108 Reykjavik | Bíldshöfði 12, 110 Reykjavík | Smiðjuvegur 68, 200 Kópavogur
Dalshraun 13, 220 Hafnarfjörður | Draupnisgata 1, 600 Akureyri
Eyrarvegur 29, 800 Selfoss. | Sími: 520-8000
Allar upplýsingar um er að finna á
vef Stillingar www.stilling.is
THULE ProRide 591
Einfaldar og stílhreinar hjólafestingar.
Auðveldar í notkun.
THULE OutRide 561
Fyrir þá sem eru vanir. Hjólið fest í framgaflinum.
„...fyrst á visir.is“
...ég sá það á visir.is