Fréttablaðið - 18.07.2008, Blaðsíða 61

FÖSTUDAGUR 18. júlí 2008 37
Ronnie Wood er kominn í
meðferð, í sjöunda skiptið.
Hann vill enn halda sam-
bandi við hina rússnesku
Ekaterinu Ivanovu, fjöl-
skyldu sinni og móður Ekat-
erinu til mikils ama.
Rolling Stones-rokkarinn Ronnie
Wood hefur tékkað sig inn í með-
ferð á Prioary-meðferðarheimilinu.
Hann sneri aftur heim til Englands
fyrr í vikunni eftir að hafa dvalist á
Írlandi og stundað stífa drykkju í
félagsskap Ekaterinu Ivanovu, sem
hann mun vera hugfanginn af.
Aldur Ekaterinu virðist vera nokk-
uð á reiki í fregnum að utan, en hún
er sögð á bilinu átján til tuttugu ára
gömul. Vinir hennar segja hana yfir
sig ástfangna af Wood, en þau hafa
þekkst síðan í apríl og hefur Ekater-
ina meðal annars setið fyrir fyrir
rokkarann.
„Ronnie er mjög ringlaður
nákvæmlega núna. Áfengið hefur
náð tökum á honum. Hann er algjör-
lega hugfanginn af Ekaterinu og
sagði henni að hann ætlaði að reyna
að smygla farsíma með sér svo þau
gætu verið í sambandi áfram,“ segir
vinur rokkarans. Eiginkona Woods,
Jo, hefur hins vegar flúið land og
haldið til Barcelona, en hún mun
vera eyðilögð manneskja yfir fregn-
unum af sambandi Ronnies og Ekat-
erinu. Jo og Ronnie hafa verið gift í
23 ár og hefur samband þeirra yfir-
leitt verið talið traust.
Ronnie sneri aftur til Englands
fyrr í vikunni eftir að sonur hans,
Jesse, flaug til Írlands til að sann-
færa föður sinn um að leita sér
hjálpar. Það virðist hafa borið
árangur og er Wood nú kominn í
meðferð í sjöunda skipti á ævinni.
Sjötta skiptið átti sér stað í júní og
þá mun Ekaterina hafa heimsótt
prinsinn sinn tvisvar sinnum.
Ekaterina hefur líka snúið heim
frá Írlandi og er nú í felum, að sögn
móður hennar, Irinu. Sú er ekki
heldur hrifin af sambandinu. „Ég
vissi að þau áttu eitthvað sérstakt
samband, en ég áttaði mig ekki á
því hversu langt það gekk. Ég hélt
að þau ynnu bara saman. Hún sagði
að Ronnie hefði beðið hana um að
sitja fyrir. Hann vildi teikna hana,“
segir Irina, sem er ekki hrifin af
Wood. „Hvað heldur hann að hann
sé að gera? Hann er nógu gamall til
að vera afi hennar. Hann þarf að
senda hana til baka áður en þetta
fer úr böndunum og annaðhvort
hún eða fjölskylda hans verða
særð,“ segir Irina.
Ronnie Wood
kominn í meðferð
SJÖUNDA MEÐFERÐIN Ronnie Wood er kominn í meðferð á Priory-heimilinu, eftir að
sonur hans sannfærði hann um að það væri hið eina rétta í stöðunni.
NORDICPHOTOS/GETTY
HUGFANGIN Ekaterina Ivanova er komin
í felur, en hún ku vera yfir sig ástfangin
af rokkaranum sem er rúmum 40 árum
eldri en hún.
Á meðan heimsbyggðin bíður þess
að fyrstu myndirnar af tvíburum
Angelinu Jolie og Brads Pitt komi
fyrir augu hennar hafa margir
velt vöngum yfir nafngiftunum.
Tvíburarnir hafa, eins og áður
hefur komið fram, hlotið nöfnin
Vivienne Marcheline og Knox
Leon. Það þótti ekki beinlínis vera
í takt við aðrar nafngiftir í fjöl-
skyldunni, en í fjölmennum Jolie-
Pitt hópnum eru fyrir börnin
Maddox, Pax, Zahara og Shiloh.
Fjölmiðlar greina nú frá því að
Knox-nafnið sé komið frá afa Pitts,
sem hét Hal Knox Hillhouse. Nafn-
ið sjálft ku vera komið úr forn-
ensku og tengjast hlíðum og
hæðum, svipað og eftirnafn afans.
Leon á ættir sínar hins vegar að
rekja til grísku, og þýðir, mikið
rétt, ljón, eða ljónshjarta. Systirin
Vivienne Marcheline fær seinna
nafn sitt frá móður Angelinu, sem
lést snemma á síðasta ári. Vivienne
á rætur sínar að rekja til latínu, og
þýðir sú sem lifir, eða lífleg.
Hin nöfnin fjögur hafa einnig
einhverja merkingu sem liggur
kannski ekki í augum uppi.
Maddox er gamalt velskt nafn,
sem þýðir góður og örlátur. Pax
fær nafn sitt frá latneska orðinu
fyrir frið, Zahara þýðir skínandi á
arabísku, og nafnið Shiloh er
komið úr hebresku og þýðir „gjöf
hans“.
Nefnd eftir ömmu og langafa
VELJA NÖFNIN VEL Börn Angelinu Jolie og Brad Pitt hafa öll nöfn sem merkja eitt-
hvað fallegt, en tvíburarnir eru þar að auki nefndir eftir ömmu og langafa sínum.
NORDICPHOTOS/GETTY