Fréttablaðið - 27.09.2008, Page 53

LAUGARDAGUR 27. september 2008 33
Fyrsta árlega kammertónlistarhá-
tíð Trio Nordica og Listasafns
Reykjavíkur á Kjarvalsstöðum fer
fram nú um helgina. Trio Nordica
er skipað þeim Auði Hafsteins-
dóttur fiðluleikara, Bryndísi Höllu
Gylfadóttur sellóleikara og Monu
Kontra píanóleikara. Í tilefni af
hátíðinni hefur Tríóið fengið til
liðs við sig kunna listamenn.
Hátíðin hefst í dag kl. 15 með
flutningi Trio Nordica á Passa-
cagliu fyrir fiðlu og selló eftir
Händel, þá Píanókvintett í e-moll
eftir Elfridu Andrée og að lokum
píanókvintett í Es-dúr eftir Robert
Schumann. Með tríóinu koma
einnig fram Pálína Árnadóttir
fiðluleikari og Þórunn Ósk Marín-
ósdóttir víóluleikari.
Dagskrá morgundagsins er svo
ekki af lakari kantinum. Þær
Hulda Björk Garðarsdóttir sópran
og Steinunn Birna Ragnarsdóttir
píanóleikari koma fram á Kjar-
valsstöðum annað kvöld kl. 20 og
flytja ljóð eftir Robert Schumann
og Clöru Schumann. Einnig er á
dagskrá tónleikanna Fantasie í f-
moll eftir Franz Schubert og
Píanótríó í e-moll eftir Antonín
Dvorák.
Sameiginlegt markmið Trio
Nordica og Listasafns Reykjavík-
ur með tónleikaröð þessari er að
samtvinna myndlist og tónlist og
auðvelda almenningi aðgengi að
báðum listformum. Kaffistofa
Kjarvalsstaða verður opin báða
tónleikadagana. Miðasala er við
innganginn en aðgangur er ókeyp-
is fyrir börn og nemendur. - vþ
Kammertónlistarhátíð í fyrsta sinn
TRÍÓ NORDICA Kemur fram á tónleikahátíð á Kjarvalsstöðum um helgina.
Þau leiðu mistök áttu sér
stað á menningarsíðu
Fréttablaðsins í gær að
rangt var farið með
dagsetningu tónleika
þeirra Einars Jóhannesson-
ar og Martin Berkofsky í
Salnum.
Því var haldið fram að
tónleikarnir færu fram á
morgun þegar hið rétta er
að þeir eru í dag kl. 17. Eru
aðstandendur tónleikanna
hér með beðnir innilegrar
velvirðingar á þessum
misskilningi.
Tónlistaráhugafólk ætti
sannarlega ekki að láta
þessa tónleika fram hjá sér
fara, enda eru hér á ferð
framúrskarandi hljóðfæra-
leikarar, hvor á sínu sviði.
Að auki rennur ágóði af
tónleikunum til góðgerða-
mála og eru þeir því góðir
fyrir samviskuna að auki.
- vþ
Leiðrétting
Kristallinn, kammertónleikaröð Sinfóníuhljómsveitar Íslands, fer af
stað með trukki í Þjóðmenningarhúsinu við Hverfisgötu í dag kl. 17
þegar fimm lúðraþeytarar kveðja sér hljóðs undir nafninu Sönglúðr-
ar lýðveldisins. Þetta eru trompetleikararnir Eiríkur
Örn Pálsson og Einar St. Jónsson, Emil Friðfinnsson
hornleikari, Sigurður Þorbergsson básúnuleikari og
túbuleikarinn Tim Buzbee.
Yfirskrift tónleikanna er Bandarískt brass og
tengjast verkin öll Bandaríkjunum á einn eða annan
hátt. Fjölbreytnin er mikil og sýnir vel möguleika
þessarar skemmtilegu hljóðfærasamsetningar.
Verkin sem verða flutt eru Mini Overture eftir
Witold Lutoslawski, Music for a Brass Quintet sem
Áskell Másson samdi fyrir Sönglúðra lýðveldisins,
stutt og snarpt Scherzo eftir Jon Cheetham, málm-
blásarakvintett eftir James Grant og Exhibition eftir
Fisher Tull. Tónleikunum lýkur síðan á hinu sívinsæla
verki Gershwins, Ameríkumaður í París, í útsetningu
fyrir lúðra.
Miðasala er á www.sinfonia.is og www.midi.is og
einnig verður hægt að kaupa miða við innganginn. - vþ
Lúðrar þeyttir í dag
MÁLMBLÁSTUR Áhugafólk um blásturshljóðfæri má
ekki láta Kristalstónleikana í dag framhjá sér fara.
HVAÐ? HVENÆR? HVAR?
Laugardagur 27. september
➜ Kvikmyndir
18.00 Ragnarök Heimildarmynd
um Íslendingasögurnar og goða-
fræðina eftir Franz og Gabrielu
Kafka verður sýnd í Félagsheimilinu
Hvolnum á Hvolsvelli.
➜ Tónleikar
15.00 Karlakórinn Þrestir heldur
tónleika til styrktar barnaspítalan-
um Hringnum í Egilsstaðakirkju,
Egilsstöðum.
16.00 Gleði og dramatík Hallveig
Rúnarsdóttir sópran og Hrönn
Þráinsdóttir píanóleikari, flytja
íslenskt sönglög í Hveragerðiskirkju,
Hveragerði.
17.00 Alexandra Chernyshova
sópransöngkona, heldur einsöngs-
tónleika í Húsavíkurkirkju, Húsavík.
17.00 Kammermúsík Söngkonan
Hulda Björk Garðarsdóttir og
Gerrit Schuil halda tónleika
í Kirkjuhvoli, safnaðarheimili
Vídalínskirkju í Garðabæ.
17.30 Kveðjutónleikar í
Skálholtskirkju - Hilmar Örn
Agnarsson. Á tónleikunum koma
fram undir stjórn Hilmars, félagar í
þeim kórum sem hann hefur stjórn-
að undanfarin ár auk fjölda þekktra
tónlistarmanna, einsöngvara og
hljóðfæraleikara.
➜ Opnanir
14.00 Hreyfing Kristín
Tryggvadóttir opnar myndlist-
arsýningu í Reykjavík Art Gallery,
Skúlagötu 30. Sýningin stendur til
10. okt.
16.00 Plenty of Nothing Jóna
Hlíf Halldórsdóttir opnar sýningu
í D-sal Listasafns Reykjavíkur í
Hafnarhúsinu, Tryggvagötu 17.
Sýningin stendur til 9. nóvember.
16.00 ID-LAB Myndlistarmennirnir
Hrafnhildur Arnardóttir, Huginn Þór
Arason, Jón Sæmundur Auðarson
og Katrín Ólína Pétursdóttir ásamt
Gjörningaklúbbnum opna sýningu
í Hafnarhúsinu, Tryggvagötu 17.
Sýningin stendur til 11. janúar.
➜ Ljósmyndasýningar
Fés og fígúrur Ellert Grétarsson
tekur á móti gestum og verður með
leiðsögn um sýninguna milli kl.
14.00 og 16.00. Sýningin stendur til
3. okt. Fótógrafí, Skólavörðustíg 4.
➜ Tónlist
Brant Bjork & The Bros og Brain
Police spila á Græna hattinum,
Hafnarstræti 96, Akureyri. Húsið
verður opnað kl. 21.00.
➜ Ráðstefna
14.00 Af hlaðborði aldarinnar
Málþing um áfanga og áræðni í
íslenskri matarmenningu verður
haldið í Iðnó, Vonarstræti 3.
Hvernig platar hann Finn fullkomna
upp í villtu trylltu tímavélina?
Og hvernig kemst hann á fótboltaleikinn
á móti Manchester United? Fjör í máli
og myndum sem ALLIR hafa gaman af.
varúð
Uppáhaldsprakkarinn
SKÚLI SKELFIR er mættur
til leiks í tveimur
eldfjörugum bókum.
Loksins á Íslandi
Alvöru
orkudrykkur