Fréttablaðið - 23.10.2008, Page 66

50 23. október 2008 FIMMTUDAGUR
HANDBOLTI Það urðu óvænt þjálf-
araskipti hjá Íslandsmeisturum
Stjörnunnar í upphafi Íslandsmóts
kvenna í handbolta þegar Ragnar
Hermannsson hætti með liðið eftir
aðeins tvo leiki. Við búinu tók Atli
Hilmarsson og er hann því farinn
að þjálfa dóttur sína, Þorgerði
Önnu Atladóttur. Þorgerður er
gríðarlegt efni en hún er farin að
þenja netmöskvana þó að hún sé
aðeins 16 ára gömul.
Koma pabba gamla hefur greini-
legt haft frábær áhrif því hún
hefur skorað sex mörk í báðum
leikjunum undir stjórn hans en
skoraði „bara“ fjögur mörk sam-
tals í fyrstu tveimur leikjunum.
„Ég er búin að eiga tvo ágæta leiki
og vonandi gengur bara vel í næsta
leik líka,“ segir Þorgerður Anna.
Báðir foreldrar hennar leggja
mikla áherslu á í viðtölum að hún
sé bara 16 ára gömul en þrátt fyrir
ungan aldur leyna hæfileikarnir
sér ekki inni á vellinum.
Alltaf verið þjálfari númer tvö
Þorgerður var ánægð með að
pabbi hennar tóku við liðinu. „Það
var fínt að fá hann sem þjálfara.
Hann þekkti allar stelpurnar og
hann hefur alltaf verið þjálfari
númer tvö hjá mér. Mér líður mjög
vel með pabba sem þjálfara. Fyrst
fannst mér þetta skrítið en ég var
fljót að venjast þessu enda vön að
hafa hann öskrandi uppi í pöllum,“
segir Þorgerður.
Móðir hennar, Hildur Kristjana
Arnardóttir, segir Þorgerði hafa
vonast eftir því lengi að fá Atla
sem þjálfara hennar. „Hún er búin
að vera að biðja hann um það lengi
að þjálfa hana. Hann hefur alltaf
sagt nei,“ segir Hildur. Hún segir
aðkomu Atla að liðinu nú hafa snú-
ist um annað. „Hann var bara að
bjarga liðinu því það var ómögu-
legt að þær væru þjálfaralausar.
Fyrsta hugsunin var að hjálpa til
og það var gott að hann gat það,“
segir Hildur.
Svífur ekkert en neglir bara
Þorgerður er þegar orðin mikil
skytta og svakalega skotföst en
hvaðan kemur skotharkan?
„Nú veit ég ekki. Pabbi var laus
og sveif en ég svíf ekkert og þá
bara neglir maður,“ segir Þorgerð-
ur í léttum tón. Hún hefur verið
lengi í kringum handbolta og er
viss um að það hafi hjálpað sér að
verða betri. „Þegar ég var yngri
þá var pabbi alltaf að þjálfa og ég
var alltaf að skottast með á æfing-
um. Ég er búin að vera að æfa
lengi og það er bara að skila sér,“
segir Þorgerður.
Þorgerður segir föður sinn ekki
vera mjög gagnrýninn en hann
gefi henni oft góð ráð. „Við náum
mjög vel saman,“ segir Þorgerður
sem talar um að hún og pabbi
hennar tali oft um það sem betur
má fara í bílnum á leiðinni heim.
„Ef það var ekki eitthvað gott þá
segir hann manni að ég mætti gera
þetta aðeins betur. Svo segir hann
manni líka hvað var gott,“ segir
Þorgerður og hún er líka í miklu
sambandi við bróður sinn Arnór.
Í miklu sambandi við Arnór
„Ég er í mjög miklu sambandi við
Arnór og það er fínt að fá ráð frá
bæði pabba og Arnóri. Arnór veit
alveg hvað ég er að fara í gegnum
núna,“ segir Þorgerður en Atli
Hilmarsson þjálfaði einnig son
sinn Arnór Atlason þegar hann
var að stíga sín fyrstu sport í KA-
liðinu í kringum aldamótin.
Atli gerði þó KA-liðið ekki að
Íslandsmeisturum fyrr en Arnór
var farinn í atvinnumennsku til
Þýskalands. Arnór er nú lykilmað-
ur í íslenska landsliðinu og spilar
með danska liðinu FCK Håndbold
í Kaupmannahöfn.
„Hann er mikil fyrirmynd fyrir
hana og hún hefur lært heilmikið
af honum. Hún hefur séð hvað
Arnór hefur þurft að hafa fyrir
þessu og veit því hvað til þarf,“
segir Hildur. Hún vonast til að
Þorgerður verði heppnari með
meiðsli en bróður hennar. „Þau
eru mjög ólík, sem karakterar og
sem leikmenn líka. Hún er skyttan
og er miklu meiri skytta en bróður
hennar. Þau eru bæði mjög metn-
aðargjörn og dugleg en Arnór er
miklu rólegri,“ segir Hildur um
systkinin.
Hildur var líka í handboltanum
en hætti snemma. „Hún vill meina
að hún hafi verið eitthvað öflug.
Ég held að hún hafi verið útispil-
ari eins og við öll hin,“ segir Þor-
gerður en móðir hennar lék með
Stjörnunni og Víkingi á sínum
tíma.
Tala ekki bara um handbolta
„Það hafa margir spurt af því
hvort við tölum um eitthvað annað
en handbolta en þetta er mjög
venjulegt heimilislíf,“ segir Þor-
gerður en það er von að maður
spyrji þegar allir í fjölskyldunni
hafa verið á kafi í handbolta.
Fyrirgefið, allir nema einn.
Yngsta barnið, hinn 14 ára gamli
Davíð Atli, ætlar víst að velja fót-
boltann og Þorgerður styður bróð-
ur sinn í því vali. „Mér finnst það
fínt hjá honum því hann á bara að
gera það sem vill sjálfur,“ segir
Þorgerður.
Júlíus Jónasson valdi Þorgerði í
æfingahóp landsliðsins á dögun-
um og æfði hún með liðinu í síð-
ustu viku.
„Það er viss heiður og gaman að
fá að vera með. Þetta var gaman.
Ég vona að þetta tækifæri komi
aftur bráðlega,“ segir Þorgerður
sem gat þó ekki alveg beitt sér að
fullu þar sem hún hefur verið að
glíma við meiðsli á ökkla.
Erfitt að vera uppi í stúku
„Ég átti ekki að vera með á móti
Fram en mér finnst voðalega erf-
itt að vera uppi í stúku og horfa á.
Ég teipaði mig bara og var bara
með,“ segir Þorgerður ákveðin og
hún ætlar að vera með þegar
Stjarnan mætir HK í Digranesi í
kvöld. ooj@frettabladid.is
Líður mjög vel með pabba sem þjálfara
Þorgerður Anna Atladóttir hefur vakið mikla athygli í fyrstu umferð N1-deildar kvenna. Hún hefur skorað
samtals 12 mörk, í tveimur leikjum, síðan faðir hennar, Atli Hilmarsson, tók við Stjörnuliðinu.
SKOTFÖST Þorgerður Anna Atladóttir er
mikil skytta. FRÉTTABLAÐIÐ/ANTON
FEÐGININ SAMAN Atli Hilmarsson og Þorgerður Anna Atladóttir eru í aðalhlutverki
hjá Stjörnunni í N1-deild kvenna í vetur. FRÉTTABLAÐIÐ/ANTON
LEIKIR OG MÖRK ÞOR-
GERÐAR ÖNNU Í VETUR
Ragnar Hermannsson þjálfari
29-26 sigur á Haukum 3 mörk
22-19 sigur á Val 1 mark
Mörk að meðaltali í leik 2,0
Atli Hilmarsson þjálfari
28-18 sigur á Gróttu 6 mörk
30-21 sigur á Fram 6 mörk
Mörk að meðaltali í leik 6,0
KÖRFUBOLTI Páll Axel Vilbergsson
komst í fámennan hóp með því að
skora 80 stig í fyrstu tveimur
umferðum Iceland Express-deild-
ar karla en hann var aðeins þriðji
leikmaðurinn sem nær því síðan
úrvalsdeildin tók upp núverandi
fyrirkomulag haustið 1996. Hinir
tveir eiga það sameiginlegt með
Páli Axel að hafa skorað öll þessi
stig fyrir Grindavík.
Darryl Wilson á metið en þessi
litli snaggaralegi bakvörður skor-
aði 91 stig í fyrstu tveimur leikj-
um Grindavíkur haustið 1997. Wil-
son skoraði fyrst 38 stig í 16 stiga
útisigri á Val en bætti síðan um
betur í næsta leik sem fór fram í
Jakanum á Ísafirði.
Wilson skoraði þá 53 stig í 102-
87 sigri á KFÍ. Wilson þurfti alls
60 skot til að skora þessi stig sín í
þessum tveimur leikjum en hann
setti niður 13 af 23 skotum sínum
fyrir utan þriggja stiga línuna.
Darrel Lewis bættist í hópinn
sjö árum síðar þegar hann skoraði
81 stig fyrir Grindavík í tveimur
fyrstu umferðunum.
Lewis skoraði fyrst 35 stig
í tíu stiga heimasigri á Snæ-
felli en var síðan gjörsam-
lega óstöðvandi þegar hann
setti niður 46 stig í 134-111
heimasigri á Hamar/Selfoss
í 2. umferð.
Ólíkt Wilson sem spilaði
báða þessa leiki á útivelli þá
spilaði Lewis sína báða leiki
heima. Lewis þurfti 50 skot
til að skora þessi stig sín en
hann hitti úr 9 af 15
þriggja stiga skot-
um sínum í þessum
tveimur leikjum.
Páll Axel Vilbergsson
hefur átt tvo stórleiki í röð
og er sá fyrsti (síðan 1996) sem
hefur skorað 39 stig eða meira í
fyrstu tveimur leikjum tímabils-
ins.
Páll Axel hefur hitt úr 65,9 pró-
sentum skota sinna, þar af hefur
hann sett niður 13 af 18 þriggja
stiga skotum sínum sem gerir
magnaða 72,2 prósenta þriggja
stiga nýtingu. Páll Axel hefur
einnig tekið fleiri fráköst og gefið
fleiri stoðsendingar en þeir Wil-
son og Lewis náðu þegar þeir kom-
ust í 80 stiga klúbbinn. - óój
Skotsýning Páls Axels Vilbergssonar í fyrstu tveimur umferðum Iceland Express-deildar karla í körfubolta:
Aðeins tveir hafa skorað meira í byrjun
40 STIG Í LEIK Páll Axel Vilbergsson
hefur verið með skotsýningu í
fyrstu tveimur umferðunum.
FRÉTTABLAÐIÐ/VILHELM
FLEST STIG Í FYRSTU 2
UMFERÐUNUM: (Frá 1996)
Darryl Wilson, Grindavík 1997 91
Darrel Lewis, Grindavík 2004 81
Páll Axel Vilbergsson, Grind. 2008 80
André Bovain, Breiðablik 1996 75
Michael Jackson, ÍA 1998 75
Darrell Flake, KR 2002 74
David Bevis, KFÍ 1997 72
Brenton Birmingham, Grind. 1999 72
FÓTBOLTI Guðbjörg Gunnarsdóttir,
markvörður Vals, sem hefur
komið til baka á mettíma eftir slit
á hásin síðasta vetur, verður ekki
með íslenska landsliðinu í fyrri
umspilsleiknum á móti Írum.
Sigurður Ragnar Eyjólfsson,
landsliðsþjálfari valdi Maríu
Björg Ágústsdóttur og Söndru
Sigurðardóttur sem markverði
liðsins í leiknum í Dublin á
sunnudaginn.
Sigurður Ragnar skildi líka
eftir Málfríði Sigurðardóttur
(Val), Fanndísi Friðriksdóttur
(Breiðabliki) og Þórunni Helgu
Jónsdóttur (KR) en þær voru eins
og Guðbjörg í 23 manna hópi sem
hann valdi fyrir þessa tvo
umspilsleiki um sæti í lokakeppni
EM í Finnlandi á næsta ári. -óój
Írlandshópurinn er klár:
Guðbjörg situr
eftir heima
EKKI MEÐ Guðbjörg Gunnarsdóttir þarf
að bíða um sinn eftir fyrsta landsleikn-
um eftir meiðslin. FRÉTTABLAÐIÐ/STEFÁN
FÓTBOLTI Adriano Galliani,
varaforseti AC Milan, staðfesti í
viðtali við ítalska dagblaðið La
Gazzetta dello Sport í gær að
Mílanó-félagið hefði áhuga á að fá
David Beckham á lánssamningi
frá LA Galaxy. Enski landsliðs-
maðurinn hefur verið að leita að
félagi til þess að æfa með á
meðan MSL-deildin bandaríska
fer í frí til þess að halda sér í
formi og vera þannig gjaldgengur
fyrir undankeppni HM 2010 með
Englandi. Galliani segir áhugann
gagnkvæman og gerir enn
fremur ráð fyrir því að Beckham
æfi ekki bara, heldur spili einnig
með AC Milan í Serie A-deildinni
og UEFA-bikarnum.
„Hann vill koma og við viljum
fá hann. Hann yrði vissulega góð
viðbót við leikmannahóp okkar,“
segir Galliani. - óþ
Adriano Galliani, AC Milan:
Beckham vill
koma í janúar
TIL ÍTALÍU? David Beckham mun að
öllum líkindum ganga til liðs við AC
Milan á lánssamningi í janúar.
NORDIC PHOTOS/GETTY