Fréttablaðið - 15.11.2008, Blaðsíða 40
Hátíðarfatnaðurinn frá Gerry Weber og Taifun komin
GLÆSIJAKKAR Í SKÆRUM LITUM
Opið virka daga 10-18 laugardaga 11-15
„Þetta er í fyrsta skipti sem við
erum með handverksmarkað og
einnig erum við með fleiri hópa
sjálfboðaliða en við höfum áður
verið með,“ segir Dögg Guð-
mundsdóttir, verkefnastjóri Kópa-
vogsdeildar Rauða kross Íslands.
„Markaðurinn hefur alltaf verið
fatamarkaður en á þessari önn
ákváðum við að reyna eitthvað
nýtt og hafa handverksmarkað.“
Kópavogsdeildin er í vinadeild-
arsamstarfi við deild Mapútó-hér-
aðs í Mósambík og því mun allur
ágóði markaðsins renna til þeirra
deildar. Mósambík er lýðveldi í
sunnanverðri Afríku með landa-
mæri að Suður-Afríku, Svasílandi,
Tansaníu, Malaví, Sambíu og
Simbabve. Landið fékk sjálfstæði
árið 1975 eftir vopnaða baráttu,
en Mósambík var portúgölsk
nýlenda fram að því
Að sögn Daggar er markaður-
inn tvískiptur. „Annars vegar er
handverk sjálboðaliða Rauða
krossins sem hafa verið hjá okkur
og hins vegar handverk frá Mós-
ambík. Prjónaðar peysur, vett-
lingar, sokkar, og þæfðir treflar
blandast mósambískum batík-
myndum, töskum, hálsfestum og
armböndum.Unglingar í ung-
mennastarfinu hjá okkur bjuggu
líka til brjóstsykur og hópur yngri
barna skreytti bæði jólakort og
jólamerkimiða sem verða til sölu,“
segir hún.
Auk þess að vera með almennan
markað verður einning uppboð í
salnum. „Við verðum með þögult
uppboð á nokkrum hlutum frá
Mósambík á lágmarkstilboði sem
fólk getur boðið í.“
Markaðurinn er lokaverkefni
sjálfboðaliðaáfanga nemenda við
Menntaskólann í Kópavogi og er
haldinn einu sinni á önn. „Ágóðinn
hefur áður runnið í almennan
hjálparsjóð Rauða krossins en
núna erum við með þrengri fókus
á þessu,“ segir Dögg.
Handverksmarkaðurinn verður
haldinn í dag í húsi Kópavogsdeild-
ar Rauða krossins að Hamraborg
11 á annari hæð. Markaðurinn verð-
ur opinn frá klukkan 10.00 til klukk-
an 18.00, og er tilvalinn staður fyrir
jólagjafainnkaup til styrktar góðu
málefni. agnesosk@frettabladid.is
Armbönd og ullarvettlingar
Kópavogsdeild Rauða kross Íslands stendur fyrir handverksmarkaði í húsnæði sínu í Hamraborg þar sem
ýmislegt handverk verður til sölu til styrktar Rauða kross-deildinni í Mapútó-héraði í Mósambík.
Prjónaðar peysur, teppi, vettlingar og sokkar verða til sölu á handverksmarkaði
Rauða krossins. Ungir sjálfboðaliðar sáu um að raða öllu upp fyrir daginn.
FRÉTTABLAÐIÐ/VALLI
TÍSKUSÝNING verður haldin í innisundlaug Laug-
ardalslaugar klukkan 8.00 í kvöld. Nemendur á fataiðn-
braut Tækniskólans standa fyrir sýningunni í samstarfi
við Unglist.
Dagur orðsins er yfirskrift
dagskrár í Hólavallagarði og
Grafarvogskirkju á sunnudag.
Hún er tileinkuð séra Friðriki
Friðrikssyni á 140 ára fæðingar-
afmæli hans.
Dagskráin hefst klukkan 9 með
minningarstund í Hólavallagarði
við Suðurgötu, þegar blómsveigur
verður lagður á leiði séra Friðriks
og Karlakórinn Fóstbræður syng-
ur, en fulltrúar Vals, KFUM og
KFUK, Hauka og Bandalags
íslenskra skáta taka þátt.
Frá Hólavallagarði færist dag-
skráin yfir í Grafarvogskirkju þar
sem flutt verða þrjú erindi um
séra Friðrik frá klukkan 10 til
10.40, en erindin flytja Þórarinn
Björnsson guðfræðingur, Hilmar
Foss, löggiltur skjalaþýðandi, og
Sigmundur Ernir Rúnarsson
fréttastjóri og skáld.
Dagskránni lýkur með messu
klukkan 11 þar sem prestar
Grafarvogskirkju þjóna fyrir alt-
ari og þrír kórar syngja. Á sama
tíma er sunnudagaskóli í kjallara
kirkjunnar og boðið upp á léttar
veitingar að messu lokinni í safn-
aðarsal. - þlg
Í minningu
séra Friðriks
Dagskrá Dags orðsins fer að stórum
hluta fram í Grafarvogskirkju.