Fréttablaðið - 15.11.2008, Blaðsíða 56
40 15. nóvember 2008 LAUGARDAGUR
Hvenær varstu hamingjusamast-
ur? Er almennt glaðlyndur en varð
sérstaklega hamingjusamur þegar
ég kynntist vini mínum Jóni Gnarr
1985.
Ef þú værir ekki tónlistarmaður
hvað myndirðu þá vera? Þá væri ég
versti myndlistarmaður samtím-
ans. Eða rótari, það er starf sem ég
hef alltaf öfundað eins og félagar
mínir hafa fundið fyrir í gegnum
tíðina. Er alltaf að troðast til að bera
og vasast í dóti hljóðfæraleikar-
anna og hef af því sérstaka unun,
sérstaklega trommudóti.
Hvað er það dýrasta sem þú hefur
nokkurn tímann keypt þér? Fyrir
utan húsnæði þá hef ég ekki hug-
mynd. Örugglega einhver bölvuð
vitleysa.
Hvað er það versta sem nokkur
hefur sagt við þig? Óskar Bergsson
laug því upp á mig og félaga mína í
HAM að samstöðutónleikarnir í
Höllinni (í kvöld) væru útgáfutón-
leikar okkar. Þetta er argasta þvæla
þar sem við höfum ekki gefið neitt
út síðan 2001 og það stendur ekki
til. Þessir tónleikar eru haldnir til
að stappa stáli í og þjappa saman
þjóðinni á ögurstund og annað vakir
ekki fyrir HAM. Auðvitað var þetta
yfirklór hjá honum út af því að
borgarráð synjaði styrkumsókn til
tónleikanna en fyrr má nú vera
Óskar, aðgát skal höfð í nærveru
sálar og allt það.
Ef þú byggir ekki í Reykjavík
hvar myndirðu vilja búa? Ég er
mjög hrifinn af Niteroi sem er iðan-
aðarútborg Rio de Janeiro. Er einn-
ig mjög skotinn í bænum Sigurd í
Utah þó hann sé helst til eyðilegur
fyrir minn smekk. Vildi annars
helst búa á Fellsströnd við Hvamms-
fjörð.
Uppáhaldshljómsveit allra tíma
og af hverju? Sparks af því að
þeir eru svo undurfallegir og tón-
listin þeirra svo skemmtileg og
úthugsuð. Þeir búa líka til heims-
ins fallegustu umslög og sýna
sífellt á sér nýjar hliðar þegar
kemur að útsetningum.
Draumahelgin þín í einni setn-
ingu? Núna um helgina verðum
við á fullu við að líma saman
umslög fyrir nýju Dr. Spock plöt-
una svo hún komi út í næstu viku
og síðan eru HAM að spila á sam-
stöðutónleikum í Höllinni þannig
að helgin verður draumur!
Hvert er versta starf sem þú
hefur nokkurn tíman gegnt? Eyddi
einu sinni helgi í að reyna að selja
mönnum áskriftir að Fiskifrétt-
um. Það var ömurleg helgi og ekki
tókst mér að fullvissa neinn um að
hann þyrfti áskrift. Var kannski
að hringja í fólk í vitlausu póst-
númeri.
Uppáhaldsstaðurinn þinn á jörð-
unni? Lindargata í Reykjavík.
Hvers konar tónlist hefur mest
áhrif á þig og hvaða lag ertu að
hlusta á mest í dag? Góð tónlist
hefur mikil og góð áhrif á mig og
slæm tónlist hefur líka mikil áhrif
þó þau séu ekki alltaf góð. Í dag
hlusta ég mikið á lagið His nibs
með píanistanum Neil Cowley og
tríóinu hans.
Ef að þú ættir tímavél hvert
myndurðu fara og af hverju? Til
Atlantis nokkrum vikum áður en
hún sökk. Er mjög forvitinn um
arkitektúrinn þeirra.
Er eitthvað sem heldur fyrir þér
vöku á nóttunni? Óskar Bergsson
hélt fyrir mér vöku í nótt.
Áttu þér einhverja leynda
nautn? Já.
Ef þú gætir breytt einhverju í
fortíð þinni, hvað myndi það vera?
Allt eða ekkert.
Hvenær fékkstu síðast hlátur-
skast? Missti algjörlega stjórn á
mér á fimmtudaginn.
Uppáhaldsbókin þessa stund-
ina? Grotesque eftir japönsku
skáldkonuna Natsuo Kirino er
mögnuð lesning sem situr stað-
fastlega í mér.
Hvaða núlifandi manneskju
lítur þú mest upp til? Einars Arnar
Benediktssonar. Hann er fyrir-
mynd mín. Ég ætla að verða alveg
eins og hann þegar ég er orðinn
gamall.
En hvaða núlifandi manneskju
þolirðu ekki? Hvað er eiginlega
með þennan íþróttaálf? Er hann
góður eða vondur? Skil þetta ekki.
Uppáhaldsorðið þitt? Úrættis.
Hvaða eitt atriði myndi full-
komna lífsgæði þín? Týnt lokaupp-
gjörsatriði úr Dallas þar sem Miss
Ellie risi upp frá dauðum og redd-
aði málunum fyrir JR.
Hvaða lagi verður þú að taka
„cover“ af áður en þú deyrð? Mér
skal takast að gera boðlega útgáfu
af Hello eftir Lionel Richie áður
en ég kveð þennan heim.
Hvað verða þín frægu hinstu
orð ? Uss, það er ekki neitt!
Frændi minn …
Hvað er næst á dagskrá? Skíta-
túr Dr. Spock um næstu helgi í til-
efni af nýju plötunni okkar Falcon
Christ. Við ætlum m.a. að spila á
Laugarvatni og í Stykkishólmi en
ég hef aldrei spilað þar áður. Við
spilum líka í Keflavík, Hafnarfirði
og Reykjavík og í spinning-tíma í
Sporthúsinu í Kópavogi sem er ný
reynsla fyrir mig og verður örugg-
lega æði.
ÞRIÐJA GRÁÐAN
FULLT NAFN: Óttarr Ólafur
Proppé
FÆÐINGARÁR OG HVAÐ GERÐ-
IST MARKVERÐAST Á ÞVÍ ÁRI:
1968 Ég fæddist svo seint á
árinu að ég missti af flestu sem
gerðist það árið. Richard Nixon
var kosinn forseti Bandaríkj-
anna tveimur dögum fyrir fæð-
ingu mína og hann var ennþá
talsvert í umræðunni þarna
þegar ég kom til. Þar af leiðir
að ég hef frá fyrstu stundu
verið í hringiðu umræðunar.
STARFSFERILL Í HNOTSKURN:
Starfaði í Efnalaug Hafnar-
fjarðar um vikutíma á ungl-
ingsárum og bý alltaf að þeirri
reynslu. Greip í verkamanna-
og sveitastörf með skóla en
festist svo í bóksölu um tvítugt
og hef starfað við hana síðan,
til skiptis hjá Eymundsson og
Bókabúð Máls og menningar.
Hef í hjáverkum starfað með
nokkrum hljómsveitum; framan
af var HAM virkust þeirra en
upp á síðkastið hefur sápuóp-
eran Dr. Spock átt hug minn
mestallann.
■ Á uppleið
Íslenskur bjór
Kaldi, Skjálfti og
Jökull, og auð-
vitað Egils og
Víking, íslensk
framleiðsla,
nöfnin flott,
bragðið gott,
hvað er hægt
að biðja um
meira?
Bíltúrar Bensín lækkar í verði. Nátt-
úran er ókeypis. Bíltúrar eru rómó.
Maður er alla vega ekki í Karen Millen
á meðan að tæma úr hillum. Fyrir
alla muni sleppið samt að túra um á
risajeppa, það er ekki rómó.
Samstaða Fyrst mættu nokkur
hundruð á Austurvöll, fyrir viku voru
mótmælendur orðnir nokkur þúsund.
Ekki er við öðru að búast en þeim
fjölgi. Við erum líka öll í sama liði,
liðinu sem er að fara á hausinn og
því fyrr sem ráðamenn átta sig á
því þeim mun betra, þá grípa þeir
kannski til einhverra ráða.
Húmor Guð blessi
alla þá sem nenna að
gera fimm mínútna
myndbönd um
kreppuna. Þetta er
ljós í svartnætti okkar.
Húmor er líka ókeypis.
■ Á niðurleið
Lífrænt ræktað Aumingja
allt fólkið með „óþolið“.
Nú verður það að
sætta sig við bjúgu
og grísahakk þar
sem graskögglarnir,
kókosmjólkin og
moldarfræin hafa rokið
upp í verði.
Múgæsingur „Þjóðin er reið!“,
„Þetta er rétt að byrja!“ öskra alltaf
sömu tíu kverúlantarnir viku eftir viku.
Eitt er að mótmæla og sýna sam-
stöðu, annað er að efna til uppþota
og ofbeldis. Róum okkur og ræðum
málin.
Afsakanir og ásakanir Við bara
vissum ekki neitt af því að þessi eða
hinn sagði okkur ekki rétt frá.“ Auð-
menn og ráðamenn eiga það sameig-
inlegt að koma með hverja afsökun-
ina á fætur annarri þessa dagana. Það
er ekki smart og betra að axla bara
ábyrgð og taka á vandanum.
Berir leggir Við búum á Íslandi,
hér er kalt og vindasamt og alls ekki
veður til þess að vera á ferli í bænum
berleggjaður eins og sumar kvenper-
sónur virðast halda, um helgar að
minnsta kosti. Ekki töff.
MÆLISTIKAN
Hamingjusamastur
að kynnast Jóni Gnarr
Tónlistarmaðurinn og bóksalinn Óttarr Proppé treður upp ásamt hljómsveitinni HAM í Laugardals-
höllinni í kvöld. Anna Margrét Björnsson tók hann í þriðju gráðu yfirheyrslu og fékk að heyra um
leyndar nautnir og hatur á íþróttaálfinum.
ÓTTAR PROPPÉ, HAM-LIÐI OG SÖNGVARI DR. SPOCK. „Þessir tónleikar eru haldnir til að stappa stáli í og þjappa saman þjóðinni á ögurstund og annað vakir ekki fyrir HAM.“
FRÉTTABLAÐIÐ/VALLI