Fréttablaðið - 15.11.2008, Blaðsíða 81

66 15. nóvember 2008 LAUGARDAGUR
FÓTBOLTI Það er í nógu að snúast hjá Elísabetu
Gunnarsdóttur, þjálfara Íslandsmeistara Vals
síðustu þrjú ár, sem vinnur nú hörðum höndum
að því að setja saman lið hjá Kristianstad fyrir
fyrsta tímabil sitt sem þjálfari í sænsku
úrvalsdeildinni. Elísabet tók við sænska
liðinu á dögunum og hefur síðan farið á
fulla ferð í leikmannamál liðsins.
„Leikmannamálin ganga upp og
niður. Þetta er harður heimur. Ég tók
við liði þar sem nánast hver einasti
leikmaður var samningslaus og það
er yfirleitt þannig í Svíþjóð. Það er
einhver menning hér í kvenna-
boltanum í Svíþjóð að leikmenn
skrifa bara undir eins árs samn-
ing. Þetta er því meira mál en
ég bjóst við. Maður er vanur
því á Íslandi að eiga alltaf
hálfan hópinn á samningi,“
segir Elísabet en leik-
menn minni liðanna vilja
ekki skrifa undir lengri
samninga því þær vilja
eiga möguleika á að
fara til stærri liða.
„Þetta er miklu erf-
iða en ég bjóst við en
að sama skapi skemmti-
legt. Ég mun ekki ganga
að neinu vísu allt tíma-
bilið,“ segir Elísabet sem
er ekkert að örvænta.
„Það eru flestir af mínum
lykilleikmönnum búnir að
skrifa undir samninga
þannig að það er kannski
ekki vandamál en ég verð
að vera með hóp,“ segir
Elísabet. „Ég er reyna að
komast til botns í því hvaða
leikmönnum ég held frá síð-
asta ári áður en ég fer að
hjóla í einhverja leikmenn,“
segir Elísabet sem viðu-
kennir að hún hafi samt
verið að kanna landslagið.
„Ég er búin að ræða við leik-
menn, bæði innan og utan
Svíþjóðar. Þetta er full
vinna allan daginn. Ég
hef ákveðið fjár-
magn til að vinna
með og ég hef frjáls-
ar hendur innan þess
ramma,“ segir Elísa-
bet. Hún hefur unnið
með sama kjarna hjá
Val undanfarin fimm ár
en þarf núna að læra inn
á nýtt lið og nýja leik-
menn.
„Það er púsluspil að
finna út hvað hentar lið-
inu. Það erfiðasta fyrir
mig er að ég þekki
liðið ekki nægilega
vel og er að liggja
yfir myndbönd-
um til þess að
finna út hvernig
leikmenn mig
vantar. Það er
líka svolítið
vandamál,“
segir Elísa-
bet. Elísabet hefur meðal annars talað við þrjá
íslenska leikmenn, Hólmfríði Magnúsdóttur,
Guðnýju Björk Óðinsdóttur og Maríu Björgu
Ágústdóttur.
„Ég er búin að vera í viðræðum við þrjá
íslenska leikmenn en það er ekkert af því í
höfn. Ég ætla að ganga frá því á næstu dögum
og reikna með að þetta verði klárt um miðja
næstu viku,“ segir Elísabet en María skrifaði
undir nýjan samning við KR í gær. Hún er samt
með klausu um að hún megi fara erlendis fái
hún gott tilboð.
Elísabet hefur hjálpað Guðbjörgu Gunnars-
dóttur mikið við að vinna sig út úr meiðslum
sínum en Elísabet segir aldrei hafa verið mikl-
ar líkur á því að Guðbjörg Gunnarsdóttir kæmi
til Kristianstad.
„Við ræddum þetta. Við höfum átt gott sam-
starf síðustu fimm ár og þetta var því alveg í
deiglunni. Ég hvatti hana samt að fara til
Djurgården því það var eitthvað sem hana
hafði dreymt um,“ segir Elísabet sem er því
enn markmannslaus.
„Mér hefur verið gert það alveg ljóst að liðið
vantar markmann og vinstri kantmann og það
liggur því beinast við að ég sé búin að ræða við
þessa leikmenn,“ segir Elísabet sem hefur ekki
talað við Þóru Björgu Helgadóttur, sem hefur
gefið það út að hún sé að leita sér að liði.
Auk Guðbjargar er Margrét Lára Viðardótt-
ir í samingaviðræðum við eitt af stærstu liðum
Svíþjóðar, Linköping, en Elísabet segir gott að
þessar knattspyrnudætur sínar séu að stefna
hátt.
„Leikmenn sem ég hef unnið með hérna
heima hafa möguleika á einhverju stærra en
ég hef upp á að bjóða. Ég ætla því ekki að fara
að tala þær inn á einhverja vitleysu,“ segir
Elísabet þótt að hún hefði vissulega þegið lið-
styrkinn, enda framundan krefjandi tímabil.
Elísabet vonast til þess að leikmannamálin
fari að skýrast en hún flytur til Svíþjóðar um
áramótin og sænska úrvalsdeildin hefst síðan í
byrjun apríl. Það verður gaman að sjá hversu
margir íslenskir leikmenn verða þá komnir í
raðir Kristianstad. ooj@frettabladid.is
Vantar markmann og vinstri kant
Elísabet Gunnarsdóttir segir leikmannamálin hjá Kristianstad vera miklu erfiðari en hún bjóst við. Hún
liggur nú yfir myndböndum til þess að greina hvers konar leikmenn liðið vanti fyrir komandi tímabil.
FULL VINNA
Elísabet Gunnars-
dóttir er á fullu í sím-
anum þessa dagana
að vinna í leikmanna-
málum sænska liðsins
Kristianstad.
FRÉTTABLAÐIÐ/DANÍEL
KÖRFUBOLTI KR-ingar hafa unnið
sjö fyrstu leiki sína í Iceland
Express deild karla sem er jöfnun
á félagsmeti yfir bestu byrjun
liðsins í úrvalsdeild en liðið vann
einnig sjö fyrstu leikina 2001-02.
Það vekur athygli að KR-ingar
hafa unnið fjóra af leikjum sínum
með 15 stigum eða meira en
jöfnustu leikirnir hafa verið á
móti liðum sem mætt hafa
vængbrotin til leiks.
Þrír minnstu sigrar KR-liðsins
hafa verið á móti liðum sem hafa
saknað lykilmanns í umræddum
leik á móti KR. Snæfell lék án
landsliðsmannsins og fyrirliðans/
þjálfarans Hlyns Bæringssonar í
DHL-Höllinni, Grindavík lék án
leikstjórnanda síns, Arnars Freys
Jónssonar og Stjarnan var án
miðherja síns og fyrirliða,
Fannars Freys Helgasonar. - óój
BESTU BYRJANIR KR Í
ÚRVALSDEILD KARLA:
7 sigrar - 0 töp 2008-09
7 sigrar - 0 töp 2001-02
5 sigrar - 0 töp 1990-91
4 sigrar - 0 töp 1978-79
3 sigrar - 0 töp 1989-90
3 sigrar - 0 töp 1988-89
KR jafnaði félagsmet sitt:
Hafa aldrei
byrjað betur
LÍKA MEÐ SÍÐAST Jón Arnór Stefánsson
var einnig í aðalhlutverki þegar KR vann
síðast 7 fyrstu leiki sína. FRÉTTABLAÐIÐ/VALLI
Orkurannsóknasjóður Landsvirkjunar auglýsir:
P
I P
A
R
•
S
ÍA
•
8
21
61
Styrkir
til að efla rannsóknir á sviði
umhverfis- og orkumála
Landsvirkjun er orkufyrirtæki sem leggur grunn að nútíma lífsgæðum.
Fyrirtækið stefnir að því að verða öflugt á alþjóðavettvangi og starfar af
ábyrgð í anda sjálfbærrar þróunar.
Landsvirkjun er helsti raforkuframleiðandi á Íslandi og í forystu fyrir
byggingu orkuvera sem hafa verið meðal stærstu framkvæmda á landinu.
Landsvirkjun styðst við fjölbreytt rannsóknarstarf á sviði náttúruvísinda,
verkfræði og orkumála, og rekur umfangsmikla fjármálastarfsemi á
alþjóðamarkaði.
Hjá Landsvirkjun og dótturfélögum starfa rúmlega 200 manns með fjöl-
breytta menntun. Landsvirkjun vill vera í fararbroddi í framsækinni
stjórnun og leggur áherslu á jafnrétti og tækifæri til starfsþróunar.
Markmið sjóðsins er að veita styrki til námsmanna og rannsóknarverkefna á vegum háskóla, stofnana, fyrirtækja og einstaklinga.
Styrkveitingar sjóðsins miða að því að gera fjárframlög Landsvirkjunar til rannsókna skilvirkari og sýnilegri, og tryggja að þær rannsóknir
sem sjóðurinn styrkir samrýmist umhverfisstefnu Landsvirkjunar.
Auglýst er eftir umsóknum um námsstyrki og verkefnastyrki.
Styrkir til nemenda í meistara- eða doktors-
námi:
Styrkir til efnilegra nemenda sem áforma eða stunda meistara- eða
doktorsnám á sviði umhverfis- eða orkumála.
Styrkir til rannsókna á sviði umhverfis- og
orkumála:
Almenn rannsóknarverkefni á sviði umhverfis- og orkumála. Styrkir
eru veittir til hluta þess kostnaðar sem hlýst af vinnu sérfræðinga,
þátttöku meistara- og doktorsnema, og öðrum útgjöldum.
Að þessu sinni eru í heild allt að 46 m.kr. til ráðstöfunar, allt að
38 m.kr. til rannsóknarverkefna á sviði umhverfis- og orkumála, og
allt að 8 m.kr. til styrkja fyrir 10–15 nemendur í meistara- og
doktorsnámi.
Umsækjendur þurfa að leggja fram lýsingu á rannsóknarverkefni
sínu, og rökstuðning fyrir því að verkefnið tengist markmiðum
sjóðsins. Tengingar við umsóknareyðublöð og nánari upplýsingar
um þau gögn sem fylgja eiga umsókn er að finna á vefsíðu
Landsvirkjunar, www.lv.is.
Umsóknum ásamt fylgigögnum
skal skila rafrænt á netfang
sjóðsins:
orkurannsoknasjodur@lv.is.
Fyrirspurnir má senda á netfangið
orkurannsoknasjodur@lv.is.
Umsóknarfrestur er til 15. janúar
2009. Öllum umsóknum verður
svarað og farið með þær sem trún-
aðarmál.