Fréttablaðið - 15.11.2008, Blaðsíða 59

44 15. nóvember 2008 LAUGARDAGUR
timamot@frettabladid.is
Fyrsti fundur Þjóðabanda-
lagsins var haldinn þennan
dag í Genf í Sviss. Þjóða-
bandalagið var stofnað á
friðarráðstefnunni í París
1919 í kjölfar fyrri heims-
styrjaldarinnar. Markmið
þessara alþjóðasamtak-
anna voru afvopnun og
að koma í veg fyrir styrj-
aldir, leysa úr milliríkja-
deilum með samningavið-
ræðum og bæta velferð í
heiminum. Sú stefna í alþjóðastjórnmálum sem
lá á bak við bandalagið var gerólík þeirri sem ríkt
hafði fram að því. Þjóðabandalagið bjó ekki yfir
eigin her og treysti því á stórveldin til að tryggja
framkvæmd ákvarðana bandalagsins. Setja átti
ágreiningsmál í gerðardóm.
Hugmyndin um bandalag
þjóða til að koma í veg fyrir
stríð var tekin upp af Woodrow
Wilson Bandaríkjaforseta sem
átti stóran þátt í stofnun þess.
Því voru vonbrigði hans mikil
þegar öldungadeildin í Banda-
ríkjunum greiddi atkvæði gegn
því að ganga í bandalagið.
Fulltrúar frá 41 ríki sátu
þennan fyrsta fund bandalags-
ins en ríkjum átti eftir að fjölga
mest í 58.
Þrátt fyrir sæmilegan árangur fyrstu árin eftir
stofnun Þjóðabandalagsins sýndi síðari heims-
styrjöldin greinilega fram á að bandalaginu hefði
mistekist að ná einu helsta markmiði sínu, að
koma í veg fyrir stríð. Eftir heimsstyrjöldina tóku
Sameinuðu þjóðirnar við af bandalaginu.
ÞETTA GERÐIST: 15. NÓVEMBER 1920
Fyrsti fundur Þjóðabandalagsins
„Á fjörutíu ára starfsferli stendur upp
úr sú mikla og gegnumgangandi gleði
sem fylgir brúðuleikhúsi og starfi
með börnum,“ segir Helga Steffen-
sen, brúðuhönnuður, brúðuleikari og
einn stofnenda Leikbrúðulands, sem í
dag heldur upp á fertugsafmælið með
börnum þjóðarinnar í Vetrargarðinum
í Smáralind.
„Leikbrúðuland varð til þegar við
Erna Guðmarsdóttir, Bryndís Gunn-
arsdóttir og fleiri lærðum leikbrúðu-
gerð í Handíða- og myndlistarskólan-
um hjá Kurt Zier sem var stórkost-
legur leikbrúðumaður. Eftir námið hjá
Kurt stofnuðum við Leikbrúðuland og
vorum lengst af fjórar, því þá var Hall-
veig Thorlacius komin í hópinn, en frá
aldamótum höfum við Erna séð um
sýningarnar með hjálp Arnar Árnason-
ar, leikara og leikstjóra. Í kringum Örn
ríkir mikil gleði og við erum óskap-
lega ánægðar með hann því Örn er
fagmaður fram í fingurgóma, leggur
til vísur og vinnur í handritagerðinni
með okkur,“ segir Helga sem hélt leik-
brúðusýningar að Fríkirkjuvegi 11 á
hverjum sunnudegi í áraraðir, þar sem
Leikbrúðuland var lengst af til húsa.
„En nú hamlar húsnæðisskort-
ur okkur og ég auglýsi eftir húsnæði
því við eigum svo mikið af yndisleg-
um brúðum og leikritum sem fyllt
gætu endalausar brúðusýningar fyrir
börn. Við höfum ferðast með leik-
brúður okkar um allan heim og varla
til sú borg sem ekki hefur brúðuleik-
hús innan sinna vébanda, því slíkt er
mikilvæg miðstöð fyrir börn að upp-
lifa og læra af,“ segir Helga, sem fer
reglulega með sýningar Leikbrúðu-
lands í leik- og grunnskóla landsins, að
ógleymdum Brúðubílnum, sem tvær
kynslóðir Íslendinga hafa notið undir
berum sumarhimni í tæp þrjátíu ár.
„Ég hef ekki tölu á þeim brúðum sem
ég hef skapað, en mundi skjóta á vel á
þriðja hundrað. Mér þykir ógurlega
vænt um þær allar, en venjulega tekur
maður mestu ástfóstri við þær brúður
sem maður fæst við í hvert skipti. Ætli
mér þyki þó ekki allra vænst um Lilla
í Brúðubílnum. Hann er svo óskap-
lega vinsæll hjá yngstu börnunum og
svo indælt hversu mikið hann höfð-
ar til þeirra, en í gegnum hann næ ég
einstöku sambandi við þau og það er
svo sannarlega líf mitt og yndi,“ segir
Helga og brosir sæl yfir hlutskipti
sínu, sem í æsku varð hnitmiðað og
henni fljótt ljóst.
„Ég var smástelpa þegar ég byrj-
aði að búa til og setja upp leikrit með
dúkkum og dúkkulísum. Allar götur
síðan hefur það tvímælalaust orðið æ
skemmtilegra og ég heppin að hafa
valið mér starf þar sem ég hlakka til
hverrar einustu sýningar,“ segir Helga
sem í dag, ásamt Ernu og Erni, Aldísi
Davíðsdóttur og Sigríði Eir Zóphanías-
dóttur, ætlar að bruna á Brúðubílnum í
Smáralind klukkan 14 og leggja undir
sig Vetrargarðinn með þrjá yndislega
brúðuleiki fyrir börn á öllum aldri.
„Við sýnum leikritin Vináttu, Selinn
Snorra og í Brúðubílnum Hókus pókus.
Í tilefni afmælisins gefur Leikbrúðu-
land út geisladisk með Selinum Snorra
og Vináttu, sem samanstendur af fjór-
um ævintýrum sem öll fjalla á ein-
hvern hátt um vináttu.“
Sýningar verða klukkan 14.30, 15.30
og 16.30. Aðgangur er ókeypis.
thordis@frettabladid.is
LEIKBRÚÐULAND: STOFNAÐ FYRIR FJÖRUTÍU ÁRUM
Börn og brúður mitt líf og yndi
Í AFMÆLISSKAPI Þær Erna Guðmarsdóttir og Helga Steffensen hafa frá árinu 2000 haldið einar um stjórnartaumana í Leikbrúðulandi, en eru
báðar meðal upprunalegra stofnenda þess. Þær bjóða börnum landsins á leikbrúðusýningar í Vetrargarðinum í dag. FRÉTTABLAÐIÐ/VALLI
SÖNGKONAN ANNI-FRID
LYNG STAD ÚR ABBA FÆDDIST
ÞENNAN DAG ÁRIÐ 1945.
„Að vera ríkur og frægur
þýðir alls ekki að vera ham-
ingjusamur, og oft hefur
pressan sem þessu fylgir
náð tökum á mér.“
Anni-Frid Lyngstad var ein
fjögurra í einni frægustu
hljómsveit allra tíma, ABBA.
Hin voru Benny Andersson,
sem Anni-Frid var gift, Agnetha
Fältskog og Björn Ulvaeus sem
voru einnig hjón.
„Þarna tekur félagsmaður
til máls, kynnir samtökin og
lýsir reynslu sinni af þeim.
Svo stíga á stokk félagar í Al-
ateen og síðan í AA-samtök-
unum. Eftir fundinn verð-
ur boðið upp á kaffi og með
því,“ segir félagi í Al-anon-
samtökunum, um fyrirhug-
aðan afmælisfund samtak-
anna sem verður haldinn í
Grafarvogskirkju klukkan
20.30 á morgun undir yfir-
skriftinni „Það er til lausn
fyrir aðstandendur alkóhól-
ista“.
„Al-anon eru samtök að-
standenda alkóhólista sem
leita sér hjálpar á eigin for-
sendumn og deila með sér
styrk, von og reynslu á fund-
um samtakanna,“ segir við-
mælandi en félagar samtak-
anna mega ekki koma fram
undir nafni í fjölmiðlum.
Þeir skipta nú hundruðum
enda hafa samtökin starfað
á Íslandi síðan 1972 og fagna
því 36 ára afmæli.
Sjálfur segist viðmæl-
andi hafa haft mikinn hag af
því að sækja fundi, honum
hafi tekist að öðlast sjálfs-
traust og byggja upp eðli-
lega sjálfsmynd. Hann segir
þó nauðsynlegt að stunda
reglulega fundi en það hefur
hann gert óslitið síðan árið
1989.
En hvert getur maður
sótt Al-anon-fundi?: „Fund-
arstaðir eru í raun um land
allt og fundir eru haldnir
daglega, stundum oft á dag.
Fundirnir fara til dæmis
oft á dag fram í Reykjavík.
Stundum er um kynjaskipta
fundi að ræða eða fundi sem
eru aðeins opnir félags-
mönnum. Afmælisfundur-
inn á sunnudag er frábrugð-
inn að því leytinu til að hann
er opinn öllum sem vilja
kynna sér starfsemi samtak-
anna,“ útskýrir viðmælandi.
„Afmælið er 18. nóvember
og við reynum yfirleitt að
halda afmælisfundinn sem
næst afmælinu.“
Hægt er að afla sér nán-
ari upplýsingar á www.al-
anon.is.
Al-anon í 36 ár
Al-anon samtökin haldin afmælisfund í Grafarvogskirkju á morgun.
NORDICPHOTOS/GETTY
MERKISATBURÐIR
1889 Brasilía er lýst lýðveldi.
1935 Manuel L. Quezon verður
forseti Filippseyja.
1941 Heinrich Himmler, yfir-
maður Gestapo, fyrirskip-
ar að samkynhneigðir
skuli handteknir og fluttir
í fangabúðir.
1969 Samtök frjálslyndra og
vinstri manna eru stofnuð
að frumkvæði Hannibals
Valdimarssonar og Björns
Jónssonar.
1990 Samþykkt er í borgar-
stjórn Reykjavíkur að gefa
afgreiðslutíma verslana
frjálsan.
1993 Í Kasakstan er nýr gjald-
miðill, tenga, tekinn upp í
staðinn fyrir rúblur.
2002 Hu Jintao verður aðalritari
Kommúnistaflokks Kína.
Ástkær faðir okkur, tengdafaðir, afi og
langafi,
Halldór B. Jakobsson
fyrrv. forstjóri, Skólavörðustíg 23,
verður jarðsunginn frá Fossvogskirkju þriðjudaginn
18. nóvember kl. 13.00. Blóm og kransar afþakkaðir
en þeim sem vilja minnast hans er bent á Styrktarsjóð
langveikra barna.
Guðrún Halldórsdóttir
Sigurbjörg Halldórsdóttir Magnús Haraldsson
Jakob Halldórsson Súsanna Kjartansdóttir
Steinn Halldórsson Guðlaug Hafsteinsdóttir
Ólöf Halldórsdóttir Jón Hjaltason
og fjölskyldur.
Ástkær eiginmaður minn, faðir,
tengdafaðir og afi,
Úlfur Hjörvar
rithöfundur,
lést á heimili sínu í Kaupmannahöfn sunnudaginn
9. nóvember. Útförin fer fram frá Dómkirkjunni í
Reykjavík föstudaginn 21. nóvember kl. 15.00.
Helga Hjörvar
Helgi Hjörvar Þórhildur Elín Elínardóttir
Hákon Kjalar Hjördísarson
Rósa María Hjörvar Svanur Þór Bjarnason
Hildur Hjörvar
Helena Hjörvar
María Hjörvar
Ástkær eiginkona mín, móðir okkar,
tengdamóðir og amma,
Jakobína Guðmundsdóttir
(Bíbí)
Vatnsstíg 15, Reykjavík,
lést á Landspítalanum miðvikudaginn 12. nóvember.
Jarðarför auglýst síðar.
Örn Scheving
Bragi Reynisson Eulogia Medico
Guðrún Hanna Scheving Gísli Hermannsson
Sigmar A. Scheving Hjördís Jóhannsdóttir
Brynja A. Scheving Karl Jóhann Guðsteinsson
Egill A. Scheving Laufey Þórðardóttir
og barnabörn.