Fréttablaðið - 13.12.2008, Síða 38

38 13. desember 2008 LAUGARDAGUR
Á
sdís Rán er óneitan-
lega fræg á Íslandi
en samt klóra sumir
sér í hausnum og
spyrja fyrir hvað.
Ásdís Rán kannast
alveg við þær raddir en er fljót að
kveða þær niður: „Ég hef gert
ótrúlega margt, líklega meira en
flestir á mínum aldri. Ég stofnaði
fyrsta fyrirtækið mitt um tvítugt,
ég hef haldið ótal módelkeppnir,
sett upp tískusýningar og hina
ýmsu viðburði, komið fullt af
stelpum á framfæri á Íslandi og
erlendis. Rekið umboðsskrifstof-
una mína IceModels og svo hef ég
verið með Hawaiian Tropic í Sví-
þjóð og Noregi. Með þessu hef ég
ferðast mikið út af vinnunni. Og
svo má ekki gleyma að ég á líka
þrjú börn og eiginmann.“
Bloggsíðan þín er mikið lesin,
hvers vegna heldur þú að svo sé?
„Ég held bara að fólk hafi gaman
af því að lesa hana eins og því
finnst gaman að lesa Séð og heyrt.
Það er tilbreyting frá gráum
hversdagsleikanum.“ Ásdís Rán
bloggar um sjálfa sig og líf sitt
sem undanfarið hefur verið frek-
ar skrautlegt. Hún flutti í haust
til Búlgaríu með manninum
sínum, Garðari Gunnlaugssyni
fótboltamanni, sem þar leikur
með búlgarska liðinu CSKA Sofia.
„Ég hef vakið mjög mikla athygli
þar, sem byrjaði þegar búlgarskir
blaðasnápar voru að rannsaka
Garðar og komust að því að konan
hans var módel.“
Þau hjónin eru áberandi í
skemmtanalífinu í Búlgaríu og
umgangast alls konar fólk þar,
þar á meðal þá frægustu og rík-
ustu þar í landi. „Ég hef fengið
mörg athyglisverð tilboð í Búlg-
aríu, til dæmis um gerð sjón-
varpsþáttar og svo hefur mér
verið boðið að byrja að þjálfa þá
ríku og frægu í líkamsrækt. Ég
veit ekki hvað ég geri, þetta er í
skoðun,“ segir Ásdís Rán sem
sjálf vinnur að því að opna Karen
Millen-verslun í Sofiu, en hún
hefur mikið dálæti á því fata-
merki. „Ég er að fara að hitta eig-
endurna í London á næstu dögum,
þeir eru spenntir. Það eru rosa
tækifæri í Búlgaríu í verslun, ein-
hver heppinn á eftir að græða
mikinn pening þar.“
Ræktin, jákvæðni og hollur matur
Þó að Búlgarar hafi tekið Ásdísi
opnum örmum byrjaði dvölin
samt ekki vel, Ásdís lenti á spít-
ala út af blöðru á eggjastokkun-
um, fékk innvortið blæðingar og
var mjög veik. „Ég var skorin upp
og nú er ég komin með „keisara-
ör“, ég sem slapp við það þrátt
fyrir að hafa gengið í gegnum
þrjár fæðingar.“ Læknar ráð-
lögðu henni að hvíla sig í að
minnsta kosti þrjá mánuði, en
eftir sex vikur hafði hún fengið
nóg og var farin að taka léttar
æfingar í ræktinni. „Það virkaði
alveg fyrir mig, núna er ég orðin
hress,“ segir Ásdís Rán sem seg-
ist dugleg að hreyfa sig og hefur
mikinn áhuga á heilsu og hreyf-
ingu. „Ég kann þetta allt saman.
Ég er samt ekkert ýkt í þessu, fer
kannski í ræktina þrisvar í viku,“
segir Ásdís. „Það skiptir líka máli
að vera jákvæður og hafa gaman
af því að hreyfa sig. Svo borða ég
hollan mat, maturinn í Búlgaríu
er mjög hollur, einfaldur og ekk-
ert brasaður. Við förum oft út að
borða þar, það er eiginlega jafn
dýrt og að elda heima, eða ódýrt
öllu heldur.“
Búlgaría er sannarlega öðru-
vísi land að búa í en sænska vel-
ferðarríkið. „Það er rosaleg spill-
ing þarna, ef þú þarft á einhverju
að halda þá stingurðu bara pening
á réttan aðila. Umferðin þarna er
svo annar kafli, það virðir enginn
umferðarreglurnar, maður bara
keyrir og notar flautuna og reynir
að komast á leiðarenda.“
Ásdís Rán hefur ekki beinlínis
skýringu á því hvers vegna hún
hefur slegið í gegn í Búlgaríu eins
og hún orðar það. En útlitið á svo
sannarlega upp á pallborðið hjá
Búlgörum og hún sýnir blaða-
manni nýjasta tölublaðið af
búlgörsku útgáfunni á tímaritinu
Max. Þar er hún á forsíðunni og í
tíu síðna viðtali með myndum af
sér léttklæddri. „Þetta er best
selda tölublað Max frá upphafi,
ég seldi meira en Monica Bell-
uci,“ segir hún og er auðvitað hin
ánægðasta. „Það hefur alltaf
verið svona, ég sel flest allt vel og
fjölmiðlar þrífast náttúrlega á
því,“ segir Ásdís Rán.
Dæmd ranglega
En hvernig er lífið í frægðarsólinni,
Ekki fræg fyrir ekki neitt
Ásdís Rán Gunnarsdóttir hefur lengi verið í sviðsljósinu, hún er fyrirsæta, hefur staðið fyrir módelkeppnum og hún heldur úti
vinsælu bloggi. Svo er hún móðir og eiginkona. Sigríður Björg Tómasdóttir mælti sér mót við Ásdísi Rán sem sagði henni meðal
annars frá áhuga Hollywood, fyrirætlunum um að opna Karen Millen-búð í Búlgaríu og frægðinni á Íslandi og annars staðar.
FR
ÉTTA
B
LA
Ð
IÐ
/A
N
TO
N
ÁSDÍS RÁN Segist hafa fengið
mörg athyglisverð tilboð í
Búlgaríu.
Ég hef gert ótrúlega margt, líklega meira en flestir á mín-
um aldri. Ég stofnaði fyrsta fyrirtækið mitt um tvítugt, ég
hef haldið ótal módelkeppnir, sett upp tískusýningar …