Fréttablaðið - 13.12.2008, Side 86

78 13. desember 2008 LAUGARDAGUR
sport@frettabladid.
FÓTBOLTI Liverpool mætir Hull á
Anfield og Arsenal heimsækir
Middlesbrough á Riverside en
stórleikur umferðarinnar er að
öðrum leikjum ólöstuðum viður-
eign Manchester United og Tot-
tenham á White Hart Lane.
Englandsmeistarar United eru í
eltingaleik þessa dagana við Liver-
pool og Chelsea og þurfa nauðsyn-
lega á þremur stigum að halda
gegn Tottenham til þess að halda
pressunni gangandi. United hefur
annars átt góðu gengi að fagna
gegn Tottenham upp á síðkastið og
hefur ekki tapað gegn því í síðustu
fjórtán leikjum í deildinni.
Lundúnafélagið var þó ansi
nálægt því að hirða öll stigin þrjú
á síðustu leiktíð á White Hart Lane
eftir að Dimitar Berbatov hafði
komið heimamönnum yfir í leikn-
um en Carlos Tevez bjargaði þá
rauðu djöflunum með jöfnunar-
marki í uppbótartíma. Nú er Ber-
batov hins vegar leikmaður Unit-
ed og leikurinn myndi því undir
eðlilegum kringumstæðum marka
endurkomu hans á White Hart
Lane en Búlgarinn er aftur
tæpur vegna meiðsla. Það
á við um fleiri lykilmenn
eins og Michael Carrick
og Rio Ferdinand en
Cristiano Ron-
aldo ætti að verða
leikfær. Þá taka
Patrice Evra og
Wayne Rooney út
leikbönn.
Liverpool
getur náð fjög-
urra stiga forskoti á toppi deildar-
innar með sigri gegn nýliðum Hull
á Anfield en Chelsea, sem er í öðru
sætinu, á ekki leik fyrr en á morg-
un gegn West Ham. Knattspyrnu-
stjórinn Rafa Benítez er þó með
báða fætur fasta á jörðunni ef
marka má ummæli hans í gær.
„Ef við verðum enn á toppnum
þegar keppnin í Meistaradeildinni
hefst á ný í febrúar þá eigum við
augljóslega góða möguleika á titl-
inum. En ég tel að til þess að Liver-
pool verði meistari þá þurfi Chel-
sea, United og Arsenal að verða á í
messunni og það er harla ólíklegt
að öllum þremur félögunum muni
mistakast. Þau búa öll að meiri
fjárhagsstyrk en við og Liverpool
er dálítið eins og Valencia í
spænsku úrvalsdeildinni gegn
stórliðum Barcelona og Real
Madrid,“ er haft eftir Benítez í
breska götublaðinu The Sun en
Spánverjinn gerði athugasemdir
við viðtalið síðar í gær og kvað orð
sín hafa verið tekin úr samhengi.
Middlesbrough hefur gengið
nokkuð vel gegn Arsenal í deild-
inni síðan félagið mátti þola 7-0
niðurlægingu í byrjun árs 2006 og
hefur unnið einn og gert þrjú jafn-
tefli gegn Byssustrákunum. Það
ætti hins vegar að auka líkur Ars-
enal á góðum úrslitum að fyrir-
liðinn Cesc Fabregas verður
líklega með á nýjan leik
eftir að hafa jafnað sig á
hnémeiðslum. -óþ
Spennan magnast
í toppbaráttunni
Topplið Liverpool, Manchester Untied og Arsenal
verða í eldlínunni í ensku úrvalsdeildinni í dag.
TÆPUR Óvíst er hvort Dimitar Berbat-
ov getur mætt Tottenham í dag vegna
meiðsla. NORDIC PHOTOS/GETTY
VAR UM SIG Benítez telur alltof
snemmt að tala um Liverpool
sem meistarakandídata þetta
tímabilið ef marka má ummæli
sem höfð eru eftir honum í
götublaðinu The Sun.
NORDIC PHOTOS/GETTY
Það er sannkölluð körfuboltahátíð á Ásvöllum í dag en þá fara
stjörnuleikir KKÍ fram. Dagurinn verður sannkölluð veisla fyrir körfu-
boltaáhugamenn því auk leikjanna verður ýmislegt annað í boði.
Þar á meðal verður troðslukeppni, tveir á tvo sýningarleikur þar sem
Logi Bergmann mætir Gísla Einarssyni og svo þriggja stiga keppnir.
Það er óhætt að segja að þriggja stiga keppnin hjá körlunum veki
mikla athygli enda mætast þar bestu þriggja stiga skyttur sögunnar.
Á meðal þeirra sem keppa og eru enn að spila má nefna Jón Arnór
Stefánsson, Pál Axel Vilbergsson, Jakob Örn Sigurðarson og Loga
Gunnarsson. Á meðal eldri og reyndari fyrrum leikmanna sem taka
þátt í keppninni má nefna Val Ingimundarson, Teit Örlygsson, Kristin
Friðriksson og svo Guðjón Skúlason sem hefur skorað flestar þriggja
stiga körfur í sögu KKÍ.
Guðjón setti niður hátt í 1.000 þriggja stiga skot á ferlinum og sá
eini sem á raunhæfan möguleika að ná honum er Grindvíkingurinn
Páll Axel Vilbergsson sem hefur skorað rúmlega 300 færri þriggja
stiga körfur en Guðjón.
„Palli mun aldrei ná metinu mínu. Ef hann aftur á móti er með
einhverja stæla og nálgast metið þá mæti ég bara aftur á völlinn og
set fleiri niður. Það er samt líklega svona 5-6
ár í það þannig að það gæti orðið svolítið
erfitt,“ sagði Guðjón léttur við Fréttablaðið
í gær en hann neitaði því ekki að það
væri kominn fiðringur í sig.
„Mér finnst þetta alveg stórskemmtilegt.
Þetta er ekkert smá lið sem ætlar að mæta
þarna og verður ábyggilega veisla. Ég er aftur á
móti að mæta til þess að vinna, það kemur ekk-
ert annað til greina,“ sagði Guðjón kokhraustur
en hann hefur verið að æfa sig í laumi síðustu
daga.
„Ég hef fengið að sniglast aðeins inn á
æfingar hjá Sigga og athuga hvort ég drífi ekki
lengur á körfuna. Það var ekki að sökum að
spyrja, þetta var allt meira og minna niðri,“ sagði
Guðjón og hló dátt.
Dagskrá dagsins hefst klukkan 13.30 og er frítt
inn.
STJÖRNULEIKIR KKÍ: BESTU ÞRIGGJA STIGA SKYTTUR SÖGUNNAR MÆTA MEÐ GUÐJÓN SKÚLASON Í FARARBRODDI
Páll Axel mun aldrei ná metinu mínu
KÖRFUBOLTI Lið Tindastóls sem
hefur verið að leika vel í Iceland
Express-deild karla í körfubolta
í vetur verður fyrir nokkurri
blóðtöku á næstu dögum.
Greint er frá því á heimasíðu
félagsins að Allan Fall, sem hefur
verið lykilmaður hjá Stólunum í
vetur, sé búinn að fá sig
lausan undan samningi
við norðanmenn eftir
að honum bauðst
samningur í Sviss.
Hann hefur því
að öllu óbreyttu
spilað sinn síð-
asta leik fyrir
Tindastól í
vetur.
Þá verður
Darrell Flake
frá í mánuð
eftir að hafa
gengist undir aðgerð á hné og
ætti því að verða klár í slaginn
að nýju snemma á næsta ári.
Góðu fréttirnar fyrir Tinda-
stól eru hins vegar þær að góður
liðsstyrkur er að berast félaginu
á næstu dögum þar
sem Axel Kárason,
sem lék áður með
Skallagrími, mun
leika með félaginu á
meðan hann er í fríi
fyrir norðan frá námi
sínu í dýralækningum
í Ungverjalandi. - óþ
Fyrirhugaðar mannabreytingar hjá Tindastóli:
Fall á leið til Sviss
ALLAN FALL Yfirgaf
Tindastól til þess að spila
í Sviss.
FRÉTTABLAÐIÐ/VILHELM
Skeifan, Smáralind, Kringlan, Hafnarfjörður, Selfoss, Vestmannaeyjar, Egilsstaðir, Akureyri, Ísafjörður
Aðeins
2.740kr. áður 5.480 kr.
Aðeins
1.495kr. áður 2.990 kr.
Aðeins
1.745kr. áður 3.490 kr.
Aðeins
2.240kr. áður 4.480 kr.
Aðeins
2.495kr. áður 4.990 kr.
Aðeins
1.995kr. áður 3.990 kr.
sparaðu
50%
sparaðu
50%
sparaðu
50%
sparaðu
50%
sparaðu
50%
sparaðu
50%
Tilboðin gilda frá 11.12.08 til 16.12.08. Til þess að koma í veg fyrir að samkeppnisaðilar nýti sér tilboðin til innkaupa fyrir eigin verslanir má
hver og einn viðskiptavinur aðeins versla þrjár bækur af einstaka titli.
Saga
Bald
urs
Brján
sson
ar
Töfr
aman
ns
> Rekstur Stjörnunnar kominn í þrot
Sú sérkennilega staða kemur upp í leik Fram og Stjörn-
unnar í N1-deild karla í Safamýri í dag að Fram mun
leika í hvítum varabúningum sínum en Stjarnan í sínum
hefðbundnu bláu búningum. Ástæðan er sú að rekstur
handknattleiksdeildar Stjörnunnar er kominn
í þrot og staða deildarinnar er það slæm að
félagið hefur einfaldlega ekki efni á að
kaupa varabúninga. Öllum leikmanna-
samningum var sagt upp í gærkvöldi
og framhaldið er óráðið. Má telja
líklegt að einhverjir leikmenn rói á
önnur mið og spurning hvort Stjarnan
geti klárað tímabilið.
KÖRFUBOLTI Njarðvík vann
auðveldan sigur á Þór, 94-75, í
sextán liða úrslitum Subway-
bikarsins í gær.
Magnús Gunnarsson og Hjörtur
Einarsson voru stigahæstir hjá
Njarðvík með 20 stig. Guðmundur
Jónsson skoraði 26 stig fyrir Þór
og Cedric Isom 16. - hbg
Subway-bikar karla:
Njarðvík áfram
BARÁTTA Hart var barist í Ljónagryfjunni
í gær. FRÉTTABLAÐIÐ/ANTON