Fréttablaðið - 20.12.2008, Blaðsíða 4

4 20. desember 2008 LAUGARDAGUR
FULLT HÚS JÓLAGJAFA
Snjóbuxur
19.990kr.
EFNAHAGSMÁL „Við áætlum að
eignir gamla Landsbankans séu
um 1.000 milljarða króna virði, en
það er alls ekki endanlegt mat,“
segir Lárus Finnbogason, formað-
ur skilanefndar bankans.
Þá er gert ráð fyrir að þær
verði seldar eftir þrjú til fimm ár.
„Ef við værum að selja þær núna
þá fengjum við miklu minna fyrir
þetta,“ segir Lárus.
Skömmu fyrir bankahrunið, í
lok september, námu eignir
Landsbankans um 4.500 milljörð-
um króna, samkvæmt upplýsing-
um fyrri eigenda. Þær voru að
næstum tveimur þriðju fólgnar í
lánum til viðskiptavina, að miklu
leyti með veði í eignum og fyrir-
tækjum.
Samkvæmt stofnefnahagsreikn-
ingi NBI, Nýja Landsbankans, eru
eignir hans 1.300 milljarða króna
virði. Samanlagt eru eignir gamla
og nýja bankans um 2.300 millj-
arðar. Eignirnar frá því fyrir hrun
virðast því hafa rýrnað um næst-
um helming.
Lárus segir rýrnun eigna ekki
koma á óvart. „Þetta eru hreinar
hamfarir á fjármálamörkuðunum.
Fyrirtækin sem hafa fengið lánað
standa líka misjafnlega.“
Skuldir NBI nema um 1.100
milljörðum. Óvíst er um heildar-
skuldir fyrir hrun en um mitt árið
námu þær hátt í 4.000 milljörðum.
Innlán, hér og erlendis, voru stór
hluti þess.
Lárus segir að rætt sé við kröfu-
hafa um að fá hlut í NBI og þeir
taki vel í það. „Það versta sem þeir
gætu hugsað sér er að eignirnar
yrðu metnar núna og gert upp við
þá með skuldabréfi. Þá ættu þeir
enga möguleika á virðishækkun
sem gæti komið til seinna, verði
nýju bankarnir arðvænlegir.“
Lárus telur enn fremur að
Íslendingar beri hluta Icesave-
reikninganna, enda þótt eignir
dugi langt.
Um 1.300 milljarðar voru á
þessum reikningum. Ætlað er að
íslenski innstæðutryggingasjóð-
urinn greiði um 650 milljarða en
fái um 500 til baka af eignum
bankans. Bretar og Hollendingar
greiði annað eins og eignir komi á
móti. 300 milljörðunum sem eftir
eru verði skipt milli aðila. „Gatið
sem stendur eftir, þegar búið er
að láta eignirnar upp í, er því um
150 milljarðar,“ segir Lárus.
Fleiri eiga kröfur á gamla bank-
ann en innstæðueigendur. Ætla
má að lítið eða ekkert fáist í kröf-
ur upp á um 2.000 milljarða króna,
eftir því sem næst verður komist.
- ikh
Eignir Landsbanka
rýrna um helming
Gamli Landsbanki átti 4.500 milljarða króna fyrir hrun. Skilanefnd metur eign-
ir bankans nú á þúsund milljarða. NBI fékk 1.300 milljarða. Íslendingar greiða
150 milljarða fyrir Icesave. Aðrir kröfuhafar verða líklega af 2.000 milljörðum.
YFIRMENN GAMLA LANDSBANKANS Lárus Finnbogason, formaður skilanefndar,
Jónas Fr. Jónsson, forstjóri Fjármálaeftirlitsins, og Björgvin G. Sigurðsson viðskipta-
ráðherra. Skilanefndin telur að eignir gamla bankans nemi um 1.000 milljörðum
króna og að Íslendingar greiði 150 milljarða króna fyrir Icesave. Það gerir um hálfa
milljón króna á hvern Íslending. FRÉTTABLAÐIÐ/PJETUR
ALÞINGI Fólk frá samtals nítján
ríkjum fær íslenskan ríkisborg-
ararétt að ákvörðun allsherjar-
nefndar Alþingis.
Fólkið kemur víða að úr
heiminum; frá Króatíu, Litháen,
Mexíkó, Chile, Nígeríu, Banda-
ríkjunum, Búlgaríu, Íran og
Rússlandi svo dæmi séu tekin.
Tólf ára Taílendingur er
yngstur nýju Íslendinganna og 87
ára Króati elstur. - bþs
31 fær ríkisborgararétt:
Frá tólf ára til
næstum níræðs
FJÖLMIÐLAR Ákvörðun menntamálanefndar um að
fresta gildistöku laga um RÚV veldur starfsmönn-
um sjónvarpsstöðvarinnar Skjásins miklum
vonbrigðum og skapar óvissu um framtíð fyrirtæk-
isins. Þetta segir framkvæmdastjóri fyrirtækisins,
Sigríður Margrét Oddsdóttir.
Þetta gæti sett áform fyrirtækisins, um að
endurráða alla starfsmenn sína, í uppnám.
Þrátt fyrir að fresta takmörkununum leyfir
nefndin engu síður að nefskattur verði settur á
landsmenn, til að standa undir rekstri RÚV.
Sigurður Kári Kristjánsson, formaður nefndarinn-
ar, segir að hér sé ekki um tekjuaukningu fyrir RÚV
að ræða. Skatturinn skili sömu tekjum og afnota-
gjöldin áður.
Spurður segist hann alltaf hafa viljað treysta
markaðnum fyrir þessum rekstri „en við viljum sjá
afleiðingar þess betur að takmarka fyrirferð RÚV á
auglýsingamarkaði“. Viðamiklar umsagnir hafi
borist nefndinni sem þurfi að skoða.
„Ég vona auðvitað að Skjárinn nái að þreyja
þorrann fram að 15. febrúar, þegar nefndin skilar
niðurstöðu um frumvarpið,“ segir Sigurður Kári.
- kóþ
Menntamálanefnd frestar auglýsingatakmörkunum RÚV en leyfir nefskattinn:
Vonbrigði og óvissa fyrir Skjáinn
VEÐURSPÁ
HEIMURINN
Vindhraði er í m/s.
Hitastig eru í °C.
Gildistími korta er um hádegi.
Alicante
Amsterdam
Basel
Berlín
Billund
Eindhoven
Frankfurt
Friedrichshafen
Gautaborg
Kaupmannahöfn
Las Palmas
London
New York
Orlando
Osló
París
Róm
Stokkhólmur
16°
9°
4°
6°
6°
10°
9°
3°
6°
6°
20°
12°
-1°
26°
2°
10°
12°
4°
Á MORGUN
15-20 m/s við SA- og A-
ströndina annars 5-10
MÁNUDAGUR
10-18 m/s SV-til
annars hægari
-4
-6
-6
-3
-8
1
-5
-3
1
-2
-9
8
2
1
1
3
3
3
6
5
7
4
1 -2
-2
34
-1 0
-1
-4-1
AÐFARARNÓTT
SUNNUDAGSINS
Seint í kvöld fer að
hvessa með suðurströnd
landsins þegar lægð
mjakar sér austur á
bóginn fyrir sunnan land.
Má seint í nótt búast við
norðaustan hvassviðri
eða jafnvel stormi með
suður- og suðaustur-
ströndinni með kaf-
aldsbyl og snjókomu. Á
sunnudagsmorgun verður
veðrið verst suðaustan og
austan
til með snjókomu og
skafrenningi. Lægir
smám saman.
Sigurður Þ.
Ragnarsson
veður-
fræðingur
SIGURÐUR KÁRI
KRISTJÁNSSON
SIGRÍÐUR MARGRÉT
ODDSDÓTTIR
Það eru hreinar hamfarir
á fjármálamörkuðunum.
Fyrirtækin sem hafa fengið lánað
standa líka misjafnlega.
LÁRUS FINNBOGASON
FORMAÐUR SKILANEFNDAR
LANDSBANKANS
MENNTAMÁL Prófessorar við
ríkisháskóla eru óánægðir við
áætlaðan niðurskurð á fjárfram-
lögum til Háskóla Íslands, sem
gert er ráð fyrir á endurskoðuðum
fjárlögum. Í tilkynningu frá Félagi
prófessora við ríkisháskóla segir
að HÍ veiti nú þegar hagkvæmustu
menntun sem völ er á við íslenska
háskóla, samkvæmt skýrslu
Ríkisendurskoðunar.
Með niðurskurðinum sé ráðist
gegn mikilvægustu vaxtarbrodd-
um háskólastarfsemi í landinu,
framhaldsnámi og rannsóknum,
og starfskjörum prófessora sem
bera höfuðábyrgð á kjarnastarf-
semi háskólans. - sh
Niðurskurður gagnrýndur:
Aðhaldið vekur
reiði prófessora
MENNTAMÁL Níu ára börn í
Barnaskóla Hjallastefnunnar í
Garðabæ tóku samræmdu prófin í
íslensku og stærðfræði í fyrsta
skipti í haust og kom skólinn best
út miðað við hina barnaskólana í
Garðabæ.
„Við náðum mjög góðum árangri
og þökkum kynjaskiptingunni
þennan árangur,“ segir Þorgerður
Anna Arnardóttir skólastjóri.
„Allir skólarnir í Garðabæ eru
mjög frambærilegir og flottir og
þeir eru allir yfir landsmeðaltali,“
segir hún. „Við þökkum kynja-
skiptingunni þennan árangur.“
Meðaleinkunnin var 8,4 í
stærðfræði og 7,2 í íslensku en
meðaleinkunnin yfir allt landið er
6,8 í stærðfræði og 6,4 í íslensku.
- ghs
Barnaskóli Hjallastefnunnar:
Hæsta meðal-
einkunnin
DÓMSMÁL Fasteignasali sem ann-
aðist viðskipti með íbúð í Kólgu-
vaði hefur verið dæmdur til að
greiða kaupendunum tvær milljón-
ir króna vegna mistaka sem hann
gerði. Í dómi Héraðsdóms Reykja-
víkur kemur fram að fasteigna-
salinn hafi tekið við 25 milljóna
króna láni frá hjónum sem keyptu
íbúðina. Í stað þess að létta veðláni
af íbúðinni notaði fasteignasalinn
peningana, fyrir mistök að eigin
sögn, til að greiða skuld seljanda
íbúðarinnar við annan aðila. Það
fé tapaðist síðan því seljandinn
varð gjaldþrota. Starfsábyrgðar-
trygging fasteignasalans greiddi
23 milljónir en nú hefur hann verið
dæmdur til að greiða þær tvær
milljónir sem út af standa eftir
uppgjör við kaupendurna. - gar
Veði ekki aflétt af íbúð:
Fasteignasalinn
greiði bætur
Sekt fyrir að auglýsa áfengi
Breki Logason, fyrrverandi ritstjóri
tímaritsins Hér og nú, hefur verið
dæmdur til að greiða 300 þúsund
króna sekt fyrir að hafa birt áfengis-
auglýsingu í blaðinu. Breki bar að Hér
og nú hafi verið fylgirit DV og ritstjóri
DV því verið ábyrgðarmaður þess.
Dómurinn kemst að þeirri niðurstöðu
að ábyrgðin sé Breka sem ritstjóra.
DÓMSTÓLAR
VERSLUN Ný lágvöruverðsverslun
Jóns Geralds Sullenberger verður
„að sjálfsögðu“ opnuð á næsta ári,
segir hann.
Undirbúningur
gangi vel og
gríðarlegur áhugi
sé meðal
almennings.
Hátt í 200
tölvuskeyti hafi
borist frá fólki
sem lýst hefur
yfir stuðningi
sínum við
hugmyndina.
Jón segist hafa rætt við nokkra
hugsanlega fjárfesta, en enn sé
ekkert í hendi, enda fáir sem eigi
fjármagn afgangs þessa dagana.
„En ég get ekki betur séð en að
þetta muni allt ganga vel og ég
skora á þá sem eru með ódýrt og
gott húsnæði á lausu að láta í sér
heyra,“ segir hann. - kóþ
Jón Gerald Sullenberger:
Búðin opnuð
á komandi ári
JÓN GERALD
SULLENBERGER
GENGIÐ 19.12.2008
GJALDMIÐLAR KAUP SALA
HEIMILD: Seðlabanki Íslands
217,6413
GENGISVÍSITALA KRÓNUNNAR
121,11 121,69
181,12 182
169,72 170,66
22,779 22,913
17,332 17,434
15,474 15,564
1,3619 1,3699
187,47 188,59
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR