Fréttablaðið - 20.12.2008, Blaðsíða 118

90 20. desember 2008 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
NÝJU JÓLASVEINARNIR
LÁRÉTT 2. sót, 6. klafi, 8. útgerðar-
staður, 9. nugga, 11. númer, 12. yndi,
14. gróðabrall, 16. kallorð, 17. hár, 18.
fiskur, 20. samtök, 21. svall.
LÓÐRÉTT 1. mælieining, 3. átt, 4.
leiðbeining, 5. dýrahljóð, 7. dýra-
sjúkdómur, 10. for, 13. þvottur, 15.
útungun, 16. ull, 19. tveir eins.
LAUSN
LÁRÉTT: 2. ösku, 6. ok, 8. ver, 9. núa,
11. nr, 12. nautn, 14. brask, 16. hó,
17. ull, 18. áll, 20. aa, 21. rall.
LÓÐRÉTT: 1. tonn, 3. sv, 4. kennsla,
5. urr, 7. kúabóla, 10. aur, 13. tau, 15.
klak, 16. hár, 19. ll.
Níundi var Bjöggi Thor,
brögðóttur og snar.
Hann bruggaði í Pétursborg
og komst í álnir þar.
Hann keypti hitt og þetta
og komst hjá Forbes á blað.
En hvarf á einkaþotunni
er landið sökk á kaf.
„Þetta var bara eitthvað orðaskak.
Já, það má kannski segja að þetta
hafi verið pólitískur tónlistarlegur
ágreiningur,“ segir Grétar Bul-
gretzky annar gítarleikara hinar
íslensku Guns N‘ Roses hljóm-
sveitar. Grétar er annars þekktur
fyrir að hafa spilað undir hjá Kalla
Bjarna idolstjörnu á sínum tíma og
er sagður með síðasta hárið í
bransanum um þessar mundir.
Eftir tónleika í Eyjum, á nýjum
stað sem heitir Volcano Café, að
kvöldi fimmtudags fór hljómsveit-
in, að hætti rokkhljómsveita, til að
fá sér örlitla viskílögg í eftirpartýi
sem haldið var á hóteli fyrir ofan
staðinn. Þar sauð upp úr milli gítar-
leikaranna Grétars og Gunna
Bjarna sem þekktastur er fyrir að
vera í Jet Black Joe. Aðrir í hljóm-
sveitinni gengu á milli en þeir eru
Snorri Snorrason kenndur við Idol,
Herbert Viðarsson sem er í Skímó
og Birgir Nielsen trommari sem
hefur meðal annars verið í Landi
og sonum.
„Já, það er rétt. Ég var í partý-
inu. Þessi slagsmál voru stöðvuð
mjög smekklega en ég vil ekki tjá
mig um málið að svo stöddu,“ segir
Birgir. Grétar, sem bjó áður í
Grindavík en er nú fluttur út í
sveit hjá Selfossi, segir þetta hafa
verið eitthvert orðaskak. „Þetta
voru nú engar kýlingar. Bara,
svona, glíma á gólfinu. Ég vil lítið
tjá mig um þetta. Það kom upp ein-
hver ágreiningur og það var bara
flogist á. Þetta var ekta rock’n
roll.“
Sé hægt að fallast á það þá er
Gunni Bjarni lykilmaður í slíkum
væringum en frægt er þegar Jet
Black Joe lenti í slagsmálum á Ísa-
firði fyrir um áratug. Hljómsveit-
in kom til meginlandsins í gær
utan að Gunni Bjarni var eftir úti í
Eyjum. Ekki er vitað á þessu stigi
hvort þetta mun verða til þess að
aflýsa þurfi fyrirhuguðu „giggi“ á
Skaganum sem búið er að bóka 10.
janúar. Grétar segir að það verði
að athuga hvernig ástandið á
mönnum er og hvernig framtíð
bandsins lítur út. „Þetta hlýtur að
smella allt saman,“ segir Grétar
en ekki munu neinir áverkar vera
á gítarleikurunum eftir áflogin.
„Það verður tekinn feitur hljóm-
sveitarfundur,“ segir Birgir.
Hljómsveitin er til þess að gera
ný-stofnuð. Hún var að koma fram
fjórða sinni og var fullt hús í
Eyjum líkt og hefur verið á Sel-
fossi, í Grindavík og á Nasa þar
sem mættu tæplega sex hundruð
manns til að sjá hljómsveitina.
jakob@frettabladid.is
GRÉTAR BULGRETZKY: ÞAÐ VAR BARA FLOGIST Á - ROCK‘N ROLL
Íslenskir Guns N‘ Roses gítar-
leikarar slást í eftirpartíi
HLJÓMSVEITIN SKEMMTIR EYJAMÖNNUM Eftir tónleikana sauð upp úr og Gunni Bjarni og Grétar gítarleikarar flugust á
MYND/ÓSKAR P. FRIÐRIKSSON
Rithöfundarnir Ólafur Gunnars-
son, Arnaldur Indriðason og Einar
Kárason hittast reglulega á Holtinu
og skiptast á skoðunum. Allir eru
þeir með bók í jólabókaflóðinu
og fyrr í vetur gantaðist Ólafur þar
með það við Arnald að þetta yrði
hörkukeppni milli hans og sín.
Ólafur taldi sig fara í tvö
þúsund seld eintök
en Arnaldur tuttugu
þúsund. Þessi
spá Ólafs ætlar
ekki að reynast
rétt því Dimmar
rósir stefna í
þrjú þúsund eintaka
sölu og Myrkáin ætlar
að slá öll met og
fara yfir þrjátíu
þúsund.
Nú sem aldrei fyrr eru menn að
koma listrænum afurðum sínum
á framfæri og er ýmsum brögðum
beitt. Þó er nú kannski einfaldleik-
inn sem dugar best. Þannig barst
hjartnæm kveðja í Óskastundina,
sem Gerður G. Bjarklind
hefur umsjón með
á Rás 1, frá harmo-
nikkuleikaranum
Sigurði K. Leóssyni
í gær til allra vina og
þeirra sem keypt hafa
nýju plötu hans
Ómur kyrrðar
sinnar, með
samnefndu
lagi.
Reynir Traustason er í ólgusjó og
ýmsir hafa sagt að í ljósi vendinga
að undanförnu sé honum tæplega
sætt sem ritstjóri DV. Þannig hafa
fyrrum ritstjórar þess blaðs, Illugi
Jökulsson og Mikael Torfason, báðir
sagt að í þessari stöðu væru þeir
hættir. En ekki Reynir. Í ljósi þessa
er vandséð hvernig Reynir getur
farið fram á afsögn ráðamanna í
leiðurum sínum en gamli skipstjór-
inn lét ekki bíða eftir sér með það.
Með „tvisti” því í gær talar hann um
að umræða um afsögn Björgvins
G. Sigurðssonar sé á villigötum
og nær væri að
Geir Haarde tæki
skellinn. Spurt
er hvort
Reynir sjái
sig í sporum
Björgvins (en
ekki til dæmis
Árna Johnsen) en
hver er þá Geirinn í
ritstjórastétt? - jbg
FRÉTTIR AF FÓLKI
„Þetta er alveg svaðalegt efni
sem við fengum frá Barcelona-
ferðinni,“ segir Auðunn Blöndal.
Eins og komið hefur fram í
Fréttablaðinu þá hefur Auðunn
verið að fylgja eftir lífi og starfi
íslenskra atvinnumanna. Auðunn
var á dögunum á Spáni og hitti
þar fyrir tvo af fremstu íþrótta-
mönnum þjóðarinnar: Ólaf Stef-
ánsson og Eið Smára Guðjohn-
sen. Ferðin til Barcelona var þó
eflaust toppurinn því þar fylgdist
sjónvarpsmaðurinn með leik Bar-
celona og Real Madrid sem öllu
jöfnu gengur undir nafninu El
Clasico.
Eftir leikinn fékk Auðunn að
sækja æfingu hjá stjörnuprýddu
liði Barcelona og spjallaði lengi
um Eið við miðjumanninn Xavi,
Lionel Messi og Thierry Henry
en franska ofurstjarnan og Eiður
eru að sögn spænskra fjölmiðla
hinir mestu mátar. Auðunn fékk
því miður ekkert að reyna sig á
æfingunni sjálfri. „Nei, ég reyndi
en þeir litu varla við mér.“ - fgg
Auðunn Blöndal hitti Messi
STÓRSTJARNA Auðunn spjallaði stuttlega
við Lionel Messi um framgöngu Eiðs
með Barcelona.
VEISTU SVARIÐ?
Svör við spurningum á síðu 8.
1 112 milljarðar.
2 Í Office 1.
3 Davíð Smári Helenarson.
Ólafsfell, fyrirtæki Björgólfs Guðmundsson-
ar, mun á næstu dögum fara þess á leit við
forsvarsmenn Ríkisútvarpsins að tvíhliða
samningur þeirra um framleiðslu á leiknu efni
verði tekinn til endurskoðunar. Samningurinn
var gerður til þriggja ára og átti að tryggja
fjármagn til sjálfstæðra framleiðenda sem
vildu framleiða leikið efni fyrir RÚV.
Ásgeir Friðgeirsson, talsmaður Ólafsfells,
vildi ekki staðfesta hvort samningnum yrði
rift, eingöngu að hann yrði tekinn til endur-
skoðunar. Hann sagði á hinn bóginn að nú
væri leitað allra leiða til að standa við þann
samning sem gerður var við framleiðslufyrir-
tækið Pegasus vegna spennuþáttaraðarinnar
Hamarinn. „Ólafsfell ætlar að reyna að efna
þann samning, það verður smá dráttur á
greiðslum en við stöndum við samninginn,“
segir Ásgeir. Þannig mun samningur RÚV og
Björgólfs skila af sér þremur þáttaröðum;
Mannaveiðum, Svörtum englum og Hamarn-
um. „Ég hef ekki heyrt frá þeim formlega að
þeir ætli sér að rifta samningnum og því hef
ekkert um málið að segja,“ voru viðbrögð
Þórhalls Gunnarssonar, dagskrárstjóra RÚV,
við þessum fréttum.
Hins vegar verður sýningum á Hamrinum
hugsanlega frestað fram á næsta haust.
Upphaflega stóð til að þeir yrðu settir í
sýningu í byrjun næsta árs. Þórhallur
Gunnarsson staðfesti að það væri verið að
skoða það mál. „Við erum að endurskoða
fjárhagsáætlunina fyrir árið 2009 og þetta er
eitt af því sem kemur til greina,“ segir
Þórhallur. Leikstjóri þáttaraðarinnar, Reynir
Lyngdal, segir að hugsanlegar tafir á sýning-
unum hafi engin áhrif á framvindu verksins.
„Við erum búnir að klippa fyrsta þáttinn af
fjórum og hann lítur bara mjög vel út,“ segir
Reynir. - fgg
Samningur RÚV og Ólafsfells í hönk
STUTT GAMAN Samningur RÚV og Björgólfs Guðmunds-
sonar var undirritaður fyrir rúmu ári og var hann til
þriggja ára. Hann verður endurskoðaður á næstum
dögum. FRÉTTABLAÐIÐ/GVA