Tíminn - 31.12.1982, Blaðsíða 5
FÖSTUDAGUR 31. DESEMBER 1982
5
fréttir
Buist við ákvörðun um 14% hækkun fiskverðs í dag:
Utfuitningsgialdið hækkad
í STAD OliUN KHIRGREIÐSLN A?
■ Fiskverd verður að líkindum ákveðið
í dag, og bendir allt til þess að fískverð
hækki um 14% og að kostnaðarhlutdeild,
sem verður væntanlega útflutningsgjaldið,
hækki úr 5,5% upp í 8.5 eða 9%, og að
fjármunir sem þannig vinnast, verði notað-
ir til olíuniðurgreiðslu.
Á fundi yfirnefndar í fyrradag kom
fram það viðhorf fulltrúa útgerðarinnar
og fiskvinnslunnar um að athuga bæri
nánar kostnaðarhlutdeildina, en
Steingrímur Hermannsson, sjávarút-
vegsráðherra mun í gær hafa fengið
samþykki ríkisstjórnarinnar á fundi
hennar fyrir tillögum sínum, sem fólu
m.a. það í sér að fiskverð hækki um 14%
og olíuniðurgreiðslur hækki úr 22% í
28%, en þó vildi stjómin halda opnum
möguleika á því að fara aðrar leiðir, ef
um það næðist samkomulag hagsmuna-
aðila, og var þá helst höfð í huga þessi
leið sem nefnd var á fundi yfirnefndar í
fyrradag, um hækkun kostnaðarhlut-
deildar. Herma heimildir Tímans að
hvor leiðin sem valin verður, kosti
svipað, bæði hvað varðar verðbólgu og
afkomu útgerðar og fiskvinnslu.
Þegar rædd er um kostnaðarhlutdeild
í þessu sambandi þá er verið að ræða
um stofnfjársjóð, olíugjald, eða útflutn-
ingsgjald, og hér er um hækkun á
útflutningsgjaldinu að ræða. Slík
hækkun, að útflutningsgjaidið færi úr
5.5% í 8.5% eða 9%, myndi gerast með
þeim hætti, að útgerðin fengi hækkunina
beint frá fiskvinnslunni, án þess að hún
kæmi til skipta hjá sjómönnum.
Það sem er talið að geti helst staðið
þessari leið fyrir þrifum, er afstaða
sjómanna, en Guðmundur Hallvarðs-
son, varaformaður Sjómannasambands
íslands sagði í samtali við Tímann í gær,
þegar hann var spurður um afstöðu
sjómanna til þessarar hækkunar útflutn-
ingsgjaldanna: „Við erum algjörlega á
móti því, og teljum að þarna sé enn verið
að bæta við andskotans kerfið. Við
sjómenn erum þeirrar skoðunar, að
þjóðin öll verði að axla vanda eins og
olíugjald, en ekki bara sjómenn."
- AB.
j.'V'J ?■. . ?;■ | £ jpE
- ímk - ^IJJ- ' ,
■ Útför Agnars Kofoed-Hansen flugmálastjóra var gerð frá Dómkirkjunni í Reykjavík í gær. Sr. Árni Bergur
Sigurbjörnsson jarðsöng og Dómkórinn söng við undirleik Marteins H. Friðriksscnar.Aðstandendur báru kistuna úr kirkju
og fyrir utan stóðu lögreglumenn og starfsmenn Flugmálastjómar heiðmsvörð. - Tímamynd: GE.
Viö sendum landsmönnum
öllum óskir um farsaeld á
nýju ári 05 þökkum
ánægulegt samstarf
EIMSKIP
*