Tíminn - 31.12.1982, Blaðsíða 17
FÖSTUDAGUR 31. DESEMBER 1982
17
innlendur fréttaannáll 1982
Fimm manns fórust þegar tveggja hreyfla flugvél
af Piper Astec-gerö frá Flugskóla Helga Jónssonar
fórst í Esjunni að kvöldi 20. júlí. Flak flugvélarinn-
ar sem var í aðflugi að Reykjavíkurflugvelli fannst
rétt fyrir miðnætti í um 600 metra hæð. Auk
flugmannsins voru í vélinni hjón og tvö uppkomin
börn þeirra. Flugmaðurinn hét Jón Þröstur
Hlíðberg, 24 ára, og farþegarnir voru Björn
Magnússon, fyrrverandi slökkviliðsmaður, 49 ára,
Svanhvít Gunnarsdóttir, kona hans, 47 ára, og
börn þeirra Auður Björnsdóttir, 26 ára hjúkrunar-
nemi og Axel Björnsson 23 ára.
Bann við ölium hvalveiðum í heiminum var
samþykkt á fundi Alþjóða hvalveiðiráðsins í
Brighton í Englandi 23. júlí. Með tillögunni
greiddu atkvæði 25 ríki, 5 sátu hjá og 7 greiddu
atkvæði gegn. ísland var í síðast nefnda hópnum.
Agúst
Lögreglan kom að ungri konu þar sem hún lá
bundin á höndum og fótum á skrifstofu við
Lindargötu í Reykjavík snemma að morgni
mánudags 2. ágústs. Konan, sem starfar á
skrifstofunni, bauð þangað með sér ungum manni
sem hún hitti á veitingahúsi um nóttina. Á
skrifstofunni kom maðurinn auga á kassa sem hann
girntist, en þar sem konan féllst ekki á að hann
hefði kassann á brott með sér greip hann til þess
ráðs að binda hana og ræna kassanum. Ungi
maðurinn fékk eftirþanka og hafði samband við
lögregluna og lét vita af konunni. Lögreglan gat
rakið símtalið og var hann handtekinn.
Gífurlegt tjón af völdum elds og reyks varð á
véla- og rafmagnsverkstæði Meitilsins h.f. í
Þorlákshöfn 6. ágúst. Þar skemmdist einnig mikið
af fiskmjöli.
Laugardaginn 14. ágúst hófst föst starfsemi
Ríkisútvarpsins á Akureyri. Jónas Jónasson dag-
skrárfulltrúi og Bjöm Sigmundsson tæknimaður
eru þar við föst störf.
Ný kvikmynd Hrafns Gunnlaugssonar „Okkar á
milli sagt - í hita og þunga dagsins" var frumsýnd
í Háskólabíói 14. ágúst. Myndinni var mjög vel
tekið af frumsýningargestum.
Mikill harmleikur varð í Öræfasveit aðfaranótt
17. ágúst. Tuttugu og eins árs gömul frönsk stúlka
var myrt og.systir hennar varð fyrir líkamsárás og
hlaut alvarlegan höfuðáverka. Fjörutíu og eins árs
gamall maður úr sveitinni hefur viðurkennt að hafa
framið ódæðisverkið. Maðurinn, Grétar Sigurður
Arnas, flúði af vettvangi með lík stúlkunnar en var
handtekinn sólarhring síðar í grjótbyrgi sem hann
hafði gert sér skammt frá morðstaðnum.
Um fjögur hundruð grindhvalir svömluðu inn á
Rifshöfn á Snæfellsnesi 20. ágúst þar sem ekkert
virtist bíða þeirra nema dauðinn. Heimamönnum
tókst að hrekja stóran hluta þeirra á haf út aftur.
Milli tuttugu og þrjátíu höfðu þó drepist í
fjöruborðinu. Engar einhlítar vísindalegar skýring-
ar eru til sem skýra þetta uppátæki.
Tuttugu og fimm ára gamall íri játaði á sig
innbrot í sex skartgripaverslanir í Reykjavík í vor
og sumar. Auk þess játaði hann að hafa reynt að
komast inn í tvær til viðbótar. Hefur hann vísað á
stærstan hluta þýfisins og fannst það í höfuðstöðv-
um samtakanna Ananda Marga. Samtökin eru þó
á engan hátt tengd afbrotinu.
Hinn 21. ágúst gaf ríkisstjórnin út bráðabirgða-
lög um efnahagsaðgerðir. Gengi krónunnar var
fellt um 13 af hundraði. Helmingur af verðbóta-
hækkun launa var felldur niður 1. des., en
sérstakar bætur greiddar úr ríkissjóði til láglauna-
fólks. Gengismunur var lagður í gengismunasjóð
og varið til styrktar útgerðinni. Verslunarálagning
var lækkuð og tímabundið vörugjald tekið upp.
„Greiðslujöfnuður og atvinnuöryggi" eru markmið
laganna sögðu forsvarsmenn ríkisstjórnarinnar. -
Stjórnarandstaðan lýsti megnri óánægju með
aðgerðirnar og krafðist þess að Alþingi yrði kvatt
saman. Jafnframt voru bornar á það brigður að
bráðabirgðalögin nytu stuðnings meirihluta AI-
þingis.
Eggert Haukdal alþingismaður lýsti því yfir 24.
ágúst að hann hefði ákveðið að styðja ekki lengur
ríkisstjórn Gunnars Thoroddsens. Ástæðuna kvað
hann óánægju með efnahagsstefnu og aðgerðir.
ríkisstjórnarinnar. Hann kvaðst mundu greiða
atkvæði gegn bráðabirgðalögunum,
Útgáfa símaskfár á vegum ungra sjálfstæðis-
manna á Akureyíi var kærð'til Rannsóknarlögregl-
unnar og þess krafist að hún yrði gerð upptæk.
Póstur og sími telur sig hafa einkarétt á slíkri
útgáfu. Jón G. Sólnes fyrrverandi alþingismaður
var ábyrgðarmaður útgáfunnar.
September
Endurskoðunarfyrirtækið Copers & Lybrand
komst að þeirri niðurstöðu að ÍSAL hafi vantalið
tekjur sínar um 22 milljónir króna árið 1981, en
iðnaðarráðherra hafði falið því að endurskoða
reikninga fyrirtækisins. f skýrslu endurskoðenda
kom fram að Alusuisse neitaði þeim um aðgang
■ Sæluhúsið á Skeiðarársandi þar sem hinn 17. ágúst kom til átaka milli franskra stúlkna og Grétars Sigurðar Amars með þeim afleiðingum að önnur stúlknanna
lét lífið.
■ Dávaldurinn Frisenette dáleiðir hana og lætur hann reykja á skemmtun í Háskólabíói í september.
Þúsundir manna sóttu samkomur dávaldsins í Reykjavík og nágrenni. Tímamynd: GE.
að bókhaldi sínu og dótturfélaga sinna til öflunar
gagna um viðskiptin við ÍSAL.
Yfirlitssýning á verkum Alberts Thorvaldsens
var opnuð á Kjarvalsstöðum 3. september. Þetta
var í fyrsta sinn í 134 ára sögu Thorvaldsensafns
sem staðið er fyrir sýningu á verkum myndhöggvar-
ans á erlendri grundu.
Ráðherrar Alþýðubandalagsins stöðvuðu bygg-
ingu flugstöðvar á Keflavíkurflugvelli með því að
beita neitunarvaldi á fundi ríkisstjórnarinnar 8.
september. Þeir eru andvígir því að stöðin sé reist
fyrir bandarískt fjármagn.
Davaldurinn Frisenette, danskur maður sem
búsettur er í Bandaríkjunum, vakti mikla athygli
með dáleiðslusýningum sínum í Háskólabíói í
Reykjavík fyrri hluta septembermánaðar. Þúsund-
ir manna sóttu sýningar hans og nokkrir tugir voru
dáleiddir.
Ráðning bæjarstjóra á Akranesi varð deiluefni
stjórnmálaflokkannaí bænum. Alþýðubandalagið
ákvað að slíta samstarfi við Sjálfstæðisflokk og
Alþýðuflokk.
Vigdís Finnbogadóttir opnaði hina miklu menn-
ingarsýningu „Scandinavia Today“ í Washington í
Bandaríkjunum fyrir hönd þjóðhöfðingja Norður-
landa. Hún hitti einnig Reagan Bandaríkjaforseta
og aðra forystumenn'þar vestra.
■ Grindhvalavaða svamlaði inn á Rifshöfn og synti þar upp á land, seint í ágúst. Talið er að hvalirnir hafi verið um fjögur hundruð, en stóran hluta þeirra
tókst að hrekja út úr mynninu. Tímamynd: Ari .