Tíminn - 31.12.1982, Blaðsíða 33

FÖSTUDAGUR 31. DESEMBER 1982
33
bridgeannáll ársins 1982
■ Það er gömul og góð venja um
áramót að kíkja aðeins um öxl og rifja
upp það sem gerðist markverðast á liðnu
ári. Ég ætla því hér að tína saman helstu
bridgefréttir ársins 1982 og byrja á.
Janúar
Fyrri hluti mánaðarins var stórtíðinda-
laus og Bridgesambandið notaði því
tækifærið og sendi Agnar Jörgensen á
keppnisstjóranámskeið Evrópu-
bridgesambandsins sem var haldið í
Hollandi. Hann kom síðan endurnærður
beint í stjórnun Reykjavíkurmótsins í
sveitakeppni sem byrjaði í lok janúar.
Sunnlendingar héldu meistaramót sitt
í sveitakeppni í mánuðinum. Sveit
Sigfúsar Þórðarsonar frá Selfossi vann
þar öruggan sigur en með honum
spiluðu: Kristmann Guðmundsson,
Guðjón Einarsson og Kristján Már
Gunnarsson.
Reykjanesmótið í tvímenning var
einnig haldið í janúar. Þetta mót mun
þó hafa átt að gilda fyrir árið 1981 en
var bara svona seint á ferðinni. Sigurveg-
arar urðu Guðmundur Þórðarson og Jón
Andrésson.
Febrúar
5.-6. febrúar héldu Norðmenn upp á
50 ára afmæli norska bridgesambandsins
með móti sem þeir buðu 4 pörum frá
hverju Norðurlandanna á. Frá íslandi
fóru Guðmundur Páll Arnarson, Þórar-
inn Sigþórsson, Guðmundur Sv. Her-
mannsson, Jakob R. Möller, Jón Bald-
ursson, Valur Sigurðsson, Sigurður
Sverrisson og Þorgeir Eyjólfsson. Þetta
mót er líklega með þeim sterkari sem
haldið hefur verið í Evrópu á seinni
árum og við íslendingar lentum hálf
aftalega á merinni. Þó urðum við fyrir
ofan Finna þegar árangur paranna var
reiknaður saman í landskeppni. Norð-
mennirnir Breck og Lien unnu mótið en
þeir hafa komið hingað nokkrum sinnum
til keppni.
í febrúar var haldið fyrsta íslandsmót
fyrir spilara 25 ára og yngri. Fyrstu
íslandsmeistarar yngri spilara urðu
Hannes Lentz, Helgi Lárusson, Sturla
Geirsson, Runólfur Pálsson og Sigurður
Vilhjálmsson. Um leið var haldið fram-
haldsskólamót og þar vann Menntaskól-
inn á Egilsstöðum frekar óvæntan sigur
en fyrir hann spiluðu: Jónas Ólafsson,
Magnús Ásgrímsson, Sigurþór Stein-
dórsson og Þorsteinn Bergsson.
Mars
Mars byrjaði á úrslitum Reykjavíkur-
mótsins í sveitakeppni. 4 sveitir komust
í úrslitin: Karl Sigurhjartarson, Örn
Arnþórsson, Sævar Þorbjörnsson og
Þórarinn Sigþórsson. Karl og Sævar
unnu undanúrslitaleikina og Sævar vann
síðan stórsigur í úrslitaleiknum. Með
honum spiluðu Þorlákur Jónsson, Jón
Baldursson og Valur Sigurðsson.
Um miðjan mánuðinn var hápunktur
bridgevertíðarinnar þegar Bridgefélag
Reykjavíkur, sem varð 40 ára á árinu,
og Flugleiðir héldu Bridgehátíð 1982.
3 erlendum sveitum var boðið á mótið
sem var bæði tvímenningur og sveita-
keppni. Frá Ameríku komu Becker,
Rubin, Sontag og Wischelk; frá Bret-
landi Coyle, Shenkin, Rose og Sheehan
og frá Noregi Aabye, Nordby, Helness
og Stabell.
Mótið vakti mikla athygli og Loft-
leiðahótelið var troðfullt af áhorfendum,
sem vildu berja kappana augum, alla
dagana sem mótið stóð yfir. Það munaði
síðan litlu að íslendingum tækist að
vinna bæði mótin: Jón Ásbjörnsson og
Símon Simonarson voru efstir fyrir
síðustu setuna í tvímenningnum en
Sontag-Weischel ogHelnes-Stabell tókst
að skjótast upp fyrir þá á síðustu
spilunum.
í sveitakeppninni unnu íslendingar
hinsvegar öruggan sigur. 3 íslenskar
sveitir kepptu við gestina: Sævar Þor-
björnsson, Örn Arnþórsson og Karl
Sigurhjartarson. Sveit Karls hafði þegar
tryggt sér sigur á mótinu þegar 1 umferð
var eftir en Norðmennirnir komu síðan
í öðru sæti. Með Karli í sveitinni voru:
Ásmundur Pálsson, Guðmundur Péturs-
son, Hörður BlöndaJ, Hjalti Elíasson og
Þórir Sigurðsson.
Reykjanesmótið í sveitakeppni var
haldið í mars og þar sigruðu ungir
spilarar í sveit Aðalsteins Jörgensen
Með honum spiluðu: Ásgeir Ásbjörns-
son. Georg Sverrisson, Rúnar Magnus-
son. Stefan Palsson og Ægir Magnússon.
í lok mars voru spiluð undanúrslit
íslandsmótsins í sveitakeppni. Einn
riðillinn af fjórum var spilaður á
Akureyri en hinir þrír í Reykjavík.
Akureyrarriðillinn varð sögulegastur:
Þar gátu 5 sveitir af 6 komist áfram í
úrslit þegar 1 leikur var eftir. en samt
var engin sveit örugg um sæti þar. Eftir
mikinn hjartsláttar útreikning í lokin
urðu sveitir Stefáns Ragnarssonar og
Þórarins Sigþórssonar hlutskapastar. Úr
hinum riðlunum komust upp sveitir
Sævars Þorbjörnssonar, Eiríks Jónsson-
ar, Karls Sigurhjartarsonar sem fékk
fullt hús, 100 stig, í sínum riðli, Gests
Jónssonar, Arnar Arnþórssonar og
Steinbergs Ríkarðssonar. Það vakti at-
hygli að íslandsmeistarinn 1981, sveit
Egils Guðjohnsen, komst ekki áfram í
úrslitakeppnina.
Einn stór atburður gerðist í viðbót í
mars en þá varð Þórarinn Sigþórsson
fyrsti stórmeistari íslands samkvæmt
meistarastigareglugerð Bridgesam-
bandsins.
Aprfl
Apríl byrjaði á svokölluðu Portoroz-
móti sem Samvinnuferðir og Bridgesam-
bandið stóðu að. Eiríkur Jónsson og Jón
Alfreðsson unnu þar fyrstu verðlaun:
ferð á Portorozmótið í Júgóslavíu, en
Ragnar Magnússon og Svavar Björnsson
fengu ferð til Kanada í laun fyrir annað
sæti.
Um páskana voru úrslitin í íslands-
mótinu í sveitakeppni spiluð á Hótel
Loftleiðum. Þetta var mikið baráttumót
og fyrir síðustu umferð gátu 3 sveitir
unnið. Þegar upp var staðið hafði sveit
Sævars Þorbjörnssonar unnið með einu
vinningsstigi meira en sveit Þórarins
Sigþórsson (grr). 1 sveit Sævars voru
sömu spilarar og unnu Reykjavíkurmót-
ið en með Þórarni spiluðu: Guðmundur
Páll Arnarson, Guðmundur Sv. Her-
mannsson, Jakob R. Möller, Sigurður
Sverrisson og Þorgeir Eyjólfsson. Brons-
ið fékk síðan sveit Arnar Arnþórssonar
en með honum spiluðu: Guðlaugur
Jóhannsson, Jón Ásbjörnsson, Símon
Símonarson og Hörður Arnþórsson.
í lok apríl var íslandsmótið í tvímenn-
ing haldið og þar tókst Jóni Baldurssyni
og Val Sigurðssyni að verja titil sinn frá
síðasta ári. í næstu sætum komu:
Hermann og Ólafur Lárussynir og
Ásmundur Pálsson og Karl Sigurhjartar-
son.
Maí
í maí lauk bridgevertíð bridgefélag-
anna víðast hvar nema hjá þeim sem
stóðu fyrir sumarspilamennsku. Bridge-
félögin TBK, Bridgefélag Akureyrar,
Bridgefélag Fljótsdalshéraðs og Bridge-
félag Hornafjarðar ráku endahnútinn á
starfsemina með því að koma saman á
Hallormsstað og spila svokallaða „Fjór-
veldakeppni“. TBK og BA hafa hingað
til skipst á að vinna þetta mót og þetta
árið voru Akureyringarnir drýgstr.
í maí stóðu Samvinnuferðir og
Bridgesambandið fyrir hópferð
bridgemanna á Portorozmótið í Júgó-
slavíu en íslendingar hafa tekið þátt í
því reglulega undanfarin ár við góðan
orðstír.
Júní
í júní var Norðurlandamótið í
sveitakeppni haldið í Finnlandi. Bridge-
sambandið valdi sveit Sævars Þorbjörns-
sonar sem landslið í opnum flokki og
sveitin stóð sig frábærlega vel á mótinu
þó liðsmennirnir væru aðeins fjórir og
þyrftu að spila 320 spil á 6 dögum. Liðið
var lengi í öðru sæti en eftir slæmt tap
fyrir Svíum í næstsíðustu umferðinni
fór það niðrí það þriðja á eftir Norð-
mönnum og Svíum. Þetta er besti
árangur íslendinga á Norðurlanda-
mótum síðan 1966 en þá varð ísland
einnig í þriðja sæti.
JÚlí
Vestfirðingar spiluðu meistaramót sitt
í -tvímenning í júlí. Þar unnu kunnir
kappar: Guðmundur Friðgeir Magnús-
son og Gunnar Jóhannesson frá Þing-
evri.
Yngri kynslóðin lagði í mánuðinum
iand undir fót til Ítalíu en þar var spilað
t' rópumót fyrir spilara 25 ára og yngri
í liðinu voru Guðmundur Sv. Her-
mannsson sem var eínnig fvrirliði.
Aðalsteinn Jörgensen, Runólfur
Pálsson, Sigurður Vilhjálmsson, Stefán
Pálsson og Ægir Magnússon. Enginn
liðsmannanna nema fyrirliðinn hafði
spilað á erlendri grund áður og árangur-
inn var líka frekar slakur: 16. sætið af 18.
September
í september lauk sumarspilamennsk-
unni sem bridgefélögin í Reykjavík
stóðu að í sameiningu. Sigurvegari í
heildarkeppninni varð Jón Þorvarðar-
son.
Á Vestfjörðum var haldið Vestfjarð-
armót í sveitakeppni og þar vann sveit
Guðlaugar Jónsdóttur en með henni
spiluðu: Guðni Guðmundsson, Ása
Loftsdóttir og Páll Áskelsson.
Október
í október bar hæst Heimsmeistara-
mótið í tvímenning og sveitakeppni. Það
hafði verið hálf misvindasamt í bridge-
heiminum síðan það fréttist að Al-
þjóðabridgesambandið hafði meinað
Suður Afríku að keppa á mótinu vegna
mótmæla ýmissa ríkja. Það var jafnvel
haldið að þetta yrði til þess að forseti
Alþjóðasambandsins, Ortiz-Patíno,
næði ekki endurkjöri. En þeirsem komu
á mótsstað til að verða vitni að pólitísk-
um deilum og öðru uppistandi urðu fyrir
vonbrigðum: allir forðuðust að tala um
pólitík og Ortiz-Patíno var endurkjörinn
forseti til 2ja ára.
2 íslensk pör spiluðu á mótinu sem var
haldið í Frakklandi: Hermann og Ólafur
Lárussynir og Guðmundur Sv. Her-
mannsson og Jakob R. Möller. Hvorugt
parið komst í úrslit í tvímenningnum en
í sárabótatvímenning sem var spilaður
meðfram úrslitunum náðu Guðmundur
og Jakob 15. sæti af 206.
í sveitakeppninni stóðu íslendingarnir
sig vel framanaf en undir lokin syrti í
álinn enda var prógrammið á mótinu
búið að vera strangt.
Heima á íslandi var líka ýmislegt um
að vera: úrslitaleikur Bikarkeppninnar
var á milli sveita Esterar Jakobsdóttur
og Jóns Hjaltasonar. Sveit Jóns sigraði
en með honum spiluðu: Hörður Arn-
þórsson, Jón Ásbjörnsson, og Símon
Símonarson. Þessir spilarar unnu líka
Bikarkeppnina 1981.
Selfyssingar héldu Floridamót með
góðum peningaverðlaunum. Það unnu
Sigurður Sverrisson og Valur Sigurðs-
son.
í lok mánaðarins var ársþing Bridge-
sambands íslands. Kristófer Magnússon
var endurkjörinn forseti sambandsins
fyrir næsta ár.
Nóvember
Þetta var mánuður svæðamótanna í
tvímenning. í Reykjavík unnu Guð-
mundur Páll Arnarson og Þórarinn
Sigþórsson eftir mikla baráttu við Jón
Baldursson og Sævar Þorbjörnsson. Á
endasprettinum tókst Sigurði Sverrissyni
og Val Sigurðssyni að skjótast í annað
sætið. Jón og Sævar fengu þó sárabót
viku seinna þegar þeir unnu Opna Hótel
Akranesmótið og það var í 3ja skipti í
röð sem Jón vann það mót.
Austfirðingar buðu Jóni Baldurssyni
og Val Sigurðssyni á sitt mót og þeir
unnu með miklum yfirburðum, en
Austfjarðarmeistarar urðu þeir Kristján
Kristjánsson og Þorsteinn Ólafsson.
Sunnlendingar héldu mót á Laugar-
vatni og þar unnu Sigfús Þórðarson og
Kristmann Guðmundsson örugglega.
Á Reykjanesi 'sigruðu síðan Guðni
Sigurbjarnarson og Ómar Jónsson.
Desember
Það fréttnæmasta í desember var
aðalsveitakeppni Bridgefélags
Reykjavíkur en það vann sveit Jóns
Hjaltasonar eftir mikla keppni við sveit
Sævar Þorbjörnssonar. Með Jóni spiluðu
þeir sömu og unnu Bikarkeppnina auk
Hjalta Elíassonar.
Það er orðin tíska að velja mann
ársins á nær öllum sviðum mannlegrar
starfsemi. Ég treysti mér nú ekki til að
velja bridgemann ársins, lesendur geta
gert það hver fyrir sig. En eins og menn
hafa sjálfsagt tekið eftir komu Jón
Baldursson og Valur Sigurðsson við
sögu í öllum helstu mótum hérlendis á
árinu, annaðhvort saman eða hvor í sínu
lagi.
Orkusparnaðarnefnd
iðnaðarráðuneytisins
ORKUSPARNAÐUR
ÞINN HAGUR
ÞJÓÐARHAGUR
Orkusparnaðarnefnd
þakkar landsmönnum samsíarfið
á liðnu ári
Hefjum nýja árið með þeim ásetningi
að draga enn úr orkunotkun okkar
e Sporum bilinn og
drögum úr bensínnotkun
e Bætum einangrun ibuðar
innar og vinnustaðarins
e Bætum styringu
búnaði hússins
hitunar-
e Notum sparneytnari heimilis-
tæki
e Bætum orkunýtingu við fisk-
veiðar og flutninga