Tíminn - 31.12.1982, Blaðsíða 15
FÖSTUDAGUR 31. DESEMBER 1982
15
innlendifr fréttaannáll 1982
Þrír dyraverðir í veitingahúsinu Hollywood voru
fluttir á slysavarðstofu eftir að þeir lentu í áflogum
við fjóra lyftingakappa fyrir utan veitingastaðinn
að kvöldi föstudags 7. maí. Dyraverðirnir hafa
kært atferli lyftingamannanna.
„Yrði hörmulegt ef hann næði kosningu" sagði
Viktor Kortsnoj í samtali við Tímann er hann var
spurður álits á framboði Campomanesar gegn
Friðrik Ólafssyni í forsetastól FIDE síðar á árinu.
„Ég hef lýst þessum manni sem glæpamanni og
alþjóðlegum þrjót" sagði Kortsnoj ennfremur.
14. maí greindi Tíminn frá óánægju sumra
leikara með nektaratriði í leikriti eftir Guðmund
Steinsson sem var verið að æfa í Þjóðleikhúsinu.
Sagði þar að tveir leikarar, Helgi Skúlason og
Hjalti Rögnvaldsson, hefðu ákveðið að hætta að
leika í verkinu af þessum sökum. Um var að ræða
verkið „Garðveislan.“
19. maí tókst samkomulag í deilu fjármálaráðu-
neytis og hjúkrunarfræðinga sem valdið hafði
miklum erfiðleikum á sjúkrahúsum landsins um
skeið.
Ölvaður fjölskyldufaðir ógnaði fjölskyldu sinni
með haglabyssu og riffli í íbúð sinni í fjölbýlishúsi
við Leirubakka í Breiðholti. Mikið lið lögreglu var
kvatt á staðinn, en í varúðarskyni beið lögreglan
átekta um stund. Að nokkrum tíma liðnum lagðist
fjölskyldufaðirinn til svefns í rúmi sínu og þar lá
hann þegar lögreglan handtók hann. Við athugun
skotvopnanna kom í Ijós að þau voru óhlaðin.
Sjálfstæðismenn náðu hreinum meirihluta í
borgarstjórn Reykjavíkur í kosningunum 22. maí.
Þeir fengu 12 fulltrúa kjörna og felldu þar með
vinstri meirihlutann. Alþýðuflokkur fékk einn
fulltrúa (hafði áður tvo), Framsóknarflokkur fékk
tvo fulltrúa (hafði áður einn), Alþýðubandalag
fékk 4 fulltrúa (hafði áður fimm) og nýr listi
Kvennaframboðs fékk 2 fulltrúa. Borgarfulltrúum
hafði verið fjölgað um 6 fyrir kosningarnar, úr 15
í 21.
Sjálfstæðismenn juku talsvert við fylgi sitt um
land allt, Framsóknarflokkurinn jók lítillega við
fylgi sitt, en Alþýðuflokkur og Alþýðubandalag
misstu talsvert fylgi.
M/b Jóhanna Magnúsdóttir RE 74 brann og sökk
á Meðallandsbugt aðfaranótt þriðjudags 25. maí.
Skipverjum, sex að tölu, var öllum bjargað.
Formleg valdaskipti milli fyrrverandi og núver-
andi meirihluta í borgarstjórn Reykjavíkur fóru
fram 27. maí. Þá lét Egill Skúli Ingibergsson af
störfum borgarstjóra en við tók Davíð Oddsson.
„ Júní
Oetning og umbrot Tímans voru flutt úr Blaða-
prenti og í eigið húsnæði blaðsins að Síðumúla 15
1. júní. Þar hefur hluti af ritstjórnarhæð blaðsins
verið innréttaður sérstaklega fyrir prentsmiðjuna.
Starfsfólkið í prentsmiðjunni var allt áður í
Blaðaprenti en bættist nú í hóp starfsmanna
Tímans.
Leikur þriggja smádrengja með eld í gamla
kaupfélagshúsinu á Flateyri leiddi til þess að í
húsinu kviknaði og það fuðraði upp á svipstundu.
Atburður þessi gerðist að kvöldi hvítasunnudags.
Hús þetta hafði verið friðað enda var það með
elstu byggingum á staðnum, yfir 100 ára gamalt.
Dagana 5. til 20. júní var haldin í Reykjavík
listahátíð. Fjöldi innlendra og erlendra listamanna
kom fram og upp á margs konar nýbreytni í listalífi
tekið.
Innbrotið í skartgripaverslunina Gull og silfur í
Reykjavík var upplýst í júní. Piltur nokkur sem í
upphafi rannsóknar málsins sat í gæsluvarðhaldi í
tvær vikur, en var síðan sleppt, viðurkenndi að
hafa einn síns liðs farið inn í verslunina og haft á
brott með sér skartgripi sem metnir voru á um 800
þúsund krónur. Megnið af þýfinu kom í leitirnar.
Nokkru áður en játning fékkst handtók lögreglan
félaga piltsins á Keflavíkurflugvelli en hann var þá
á leið til Kaupmannahafnar með hluta þýfisins.
Útsendingar útvarps féllu að hluta niður í tvo
daga vegna deilu tæknimanna og yfirmanna
Ríkisútvarpsins.
Tveir belgískir eggjaræningjar voru gómaðir á
Keflavíkurflugvelli að morgni 11. júní. Höfðu þeir
í fórum sínum um milli 150 og 160 egg sem þeir
ætluðu að flytja með sér til Lúxemborgar.
Reyndust þetta vera um 100 húsandaregg, nokkur
svartfuglsegg, þrjú straumandaregg og eitthvað af
hávellueggjum. Hávellur og straumendur eru
alfriðaðar á íslandi. Húsandaregg og svartfuglsegg
má hins vegar hirða en bannað er að flytja þau úr
landi.
Lögreglan í Reykjavík fékk í hendur stærstu
marihuna sendingu sem til íslands hefur komið,
rúmlega 189 kíló að verðmæti um 20 milljónir ísl.
króna. Efnið var upphaflega sent frá Jamaica til
New York þar sem það fannst í lok apríl og kom
þá í ljós að sendingin var merkt ákveðnu fyrirtæki
á íslandi. Sneru yfirvöld í Bandaríkjunum sér þá
til íslenskra yfirvalda og lögðu til að sendingin yrði
látin fara hingað til lands eftir venjulegum leiðum.
Fíkniefnin voru tekin úr kössunum er hingað var
komið og geymd á aðallögreglustöðinni í Reykja-
vík, en kassarnir fluttir í vörugeymslu í þeirri von
að einhver spyrði eftir þeim. Það hefur aftur á móti
■ Frá viðræðufundi íslenskra stjórnvalda og forráðamanna Alusuisse og ÍSAL um ágreiningsefni aðila
í maí. A myndinni eru dr. Paul Miiller formaður framkvæmdastjórnar Alusuisse, Hjörleifur Guttormsson
iðnaðaráðherra, Ragnar Halldórsson forstjóri ÍSAL, Ingi R. Helgason og aðstoðarmenn.
Tímamynd: EUa
JÚlí
Um mánaðamótin tókst samkomulag milli ASÍ
og VSÍ um nýja kjarasamninga og jafnhliða því
var gert sérstakt samkomulag aðila vinnumarkað-
arins um að á samningstímanum muni aðilar leita
sameiginlega lausnar verðbólguvandans.
Fógetaréttur í Reykjavík lagði lögbann á sýning-
ar fyrirtækisins Vídeósón á leikjum frá heimsmeist-
arakeppninni á Spáni. Lögbannið var sett að kröfu
Ríkisútvarpsins sem telur sig eiga einkarétt til
sýninga frá heimsmeistarakeppninni hér á landi.
„Það eina sem fyrir okkur vakti var að gefa fólki
kost á að fylgjast með þessu vinsæla sjónvarpsefni"
sagði Jóhannes Reykdal forsvarsmaður Videósóns
í viðtali við Tímann. Lögfræðingur útvarpsins
upplýsti að það hefði greitt 450 þúsund krónur fyrir
sýningarréttinn og því hafi verið farið fram á
lögbannið.
Þegar Skattskrá Reykjavíkur var lögð fram kom
í ljós að tveir hæstu einstaklingar voru Þorvaldur
Guðmundsson, Háuhlíð 12, sem greiða ber
1.858.497 í skatta og Pálmi Jónsson, Ásenda 1,
sem greiða ber 1.787.376. Þrír hæstu lögaðilar voru
■ Flak flugvélarínnar sem fórst í Kistufelli í Esjunni 20. júlí. 5 manns létu lífið í þessu hörmulega slysi.
Tímamynd: Róbert
Samband íslenskra samvinnufélaga, Olíufélagið
Skeljungur og Eimskipafélagið.
Samkvæmt yfirliti um greiðslur til skólatann-
lækna sem starfa hjá Reykjavíkurborg fyrir
maímánuð kom í ljós að einn tannlæknirinn hafði
fengið rúmar 76 þúsund krónur í greiðslu fyrir
þrettán vinnudaga! Reyndist þessi upphæð í
samræmi við greiðslur til hans á síðustu mánuðum.
Daglaun þessa tannlæknis eru því nálægt sex
þúsund krónum. I framhaldi af þessum upplýsing-
um sagði Björn Friðfinnsson fjármálastjóri Reykja
víkurborgar að hann kysi að segja sajnningum við
tannlækna upp.
Borgarráð samþykkti 13. júlí að selja hina
umdeildu Ikarus-strætisvagna frá Ungverjalandi.
Davíð Oddsson borgarstjóri kvað vagnana hafa
reynst illa, vera 15 árum á eftir tímanum og hefðu
lítið verið notaðir.
Mikilla truflana á símasambandi varð vart á
nokkrum bæjum í Holtahreppi í Rangárvallasýslu.
Við athugun á jarðsímastrengum í sveitinni kom í
ljós að nokkuð víða höfðu mýs étið utan af þeim
einangrunina. Gerði það það að verkum að
spanskgræna settist á koparþræðina í strengjunum
og var það nóg til að valda truflunum.
Samband dýraverndunarfélaga Islands kærði
opinber afskipti sölusamtaka fiskiðnaðarins og
hringormanefndar vegna selveiða, en þessir aðilar
höfðu heitið verðlaunum fyrir seladráp í því skyni
að draga úr hringormi í fiski.
Tuttugu og eins árs gamall maður lést og sextán
voru fluttir í sjúkrahús, þar af tvennt alvarlega
slasað, eftir harðan árekstur milli steypubíls frá
BM Vallá og fólksflutningabíls, sem varð á
Vesturlandsvegi, móts við Lágafell, að morgni 19.
júlí. Maðurinn sem lést hélt Þórir Baldvin
Þorkelsson og var ökumaður steypubílsins. Farþ-
egar í fólksflutningabílnum voru allir starfsmenn
á Reykjalundi og Álafossi á leið til vinnu.
■ 190 kg. af marihuana á lögreglustöðinni í Reykjavík. Þetta er mesta fíkniefnasending sem komið hefur
hingað til lands en ekki er vitað enn hverjir eigendur hennar eru. Tímamynd:Ari
enginn gert og er málið enn óupplýst. Þess má geta
að verðmæti fíkniefnasendingarinnar jafngildir
tveimur skuttogurum af fullkomnustu gerð, yfir
hundrað sæmilegum nýjum bílum og 20-30
íbúðum.
Tvítugur Vestmannaeyingur fannst illa haldinn
í kartöflugarði á sunnanverðri Heimaey eftir að
hann hafði legið úti á fjórða sólarhring án þess að
nokkur hefði lýst eftir honum. Ungi maðurinn tók
þátt í Jónsmessugleði við Breiðabakka og meðan
gleðin stóð sem hæst féll hann af brún neðan við
bakkann og niður í fjöruna. Þar lá hann í rúma
tvo sólarhringa meðvitundarlaus. Þegar hann
komst til meðvitundar tókst honum að krafla sig
af sjálfsdáðum upp á bakkann og út í kartöflugarð.
Þar lá hann ósjálfbjarga þar til gengið var fram á
hann að morgni fjórða dagsins. Læknar telja að
hann muni ná sér fullkomlega.