Tíminn - 31.12.1982, Page 11

n r
11
FÖSTUDAGUR 31. DESEMBER 1982
■ Tveir Islendingar fórust þegar verið var að bjarga belgískum skipbrutsmönnum af togaranum Pelagus á land við austanverða Heimaey.
Mynd: G.S.
Innlendur fréttaannáll 1982
, Janúar
Aramótin 1981-1982 og helgin sem á eftir fylgdi
var annatími fyrir lögreglu og slökkvilið í
Reykjavík. Kærð voru yfir tuttugu innbrot, flest
þó minniháttar. Á nýársnótt varð slökkviliðið að
sinna 16 útköllum en yfirleitt var um að ræða
sinueld sem kviknað hafði vegna flugeldaskota.
Nýtt kvikmyndahús hóf starfsemi í Kópavogi
um áramótin. Heitir það Bíóbær og hefur aðstöðu
í sama húsnæði og Borgarbíó áður. Framkvæmda-
stjóri er Gunnar Jósefsson og eigandi er Björn
Traustason húsameistari.
Skaftárhlaup hófst að kveldi 5. janúar. Vatns-
borð Skaftár hækkaði um hálfan metra fyrstu tvo
tímana sem hlaupið stóð yfir. Bærinn Skaftárdalur
varð innlyksa því áin flæddi yfir veginn að bænum
á tveimur stöðum.
Jón Ragnarsson umboðsmaður EMI Film Ltd.
á íslandi höfðaði mál á hendur forsvarsmönnum
tveggja myndbandaleiga. Vídeóspólunnar og Víd-
eóvals, til staðfestingar lögbanni sem hann fékk
lagt við útleigu, láni eða verslun á myndböndum
frá fyrirtækinu á árinu 1981. Krafðist hann nú
skaðabóta og miskabóta af myndbandaleigunum
að upphæð kr, 660 þús. fyrir óleyfilega notkun á
myndefni framleiddu af EMI Films.
12. janúar fór fram skráning atvinnulausra um
land allt. Alls reyndust 4551 maður atvinnulaus,
eða 4,2% mannafla. Konur reyndust í miklum
meirihluta eða um 60%.
Hjúkrunarfræðingar kolfelldu aðalkjarasamning
BSRB í atkvæðagreiðslu að kvöldi 13. janúar og
haft var eftir forystumönnum þeirra að næsta
skrefið í kjarabaráttu þeirra væri að boða verkfall.
Gengið var fellt 14. janúar. Meðalgengi krón-
unnar lækkaði um 12%, sem samsvarar 13,6%
meðalhækkun erlendra gjaldmiðla. Gjaldeyris-
deildir bankanna höfðu verið lokaðar frá 5. janúar
meðan ríkisstjórnin var að koma sér saman um
aðgerðir í efnahagsmálum. Eftir gengisfellinguna
var sölugengi Bandaríkjadollars skráð á 9.439 kr.,
sem var 15,3% hækkun.
Miklar vangaveltur voru um það í janúar og
raunar lengi vel fram eftir árinu hvort af stofnun
nýs síðdegisblaðs yrði eftir samruna Dagblaðsins
og Vísis. Menn tengdir Alþýðublaðinu og Alþýðu-
flokknum voru einkum nefndir í því sambandi. Af
fyrirtækinu varð ekki.
Samkomulag náðist um hækkun fiskverðs 18.
janúar. Það hækkaði um 17,9% Fiskverðið átti að
gilda út febrúarmánuð.
Mikil óánægja gaus upp á Siglufirði vegna þess
að aðalskrifstofa Síldarverksmiðja ríkisins á
staðnum var flutt til Reykjavíkur. Forvígismenn
allra stjórnmálaflokkanna í bæjarstjóm gengu á
fund sjávarútvegsráðherra og þingmanna kjör-
dæmisins í mótmælaskyni.
Brunaverðir létu í ljós mikla óánægju með Rúnar
Bjarnason slökkviliðsstjóra í kjölfar ráðningar nýs
varaslökkvistjóra. „Það er ekki aðeins við manna-
ráðningar og stöðuveitingar sem hann hefur í
gegnum árin beitt geðþóttaákvörðunum heldur
einnig í öðrum störfum sínum. Brunaverðir eru
orðnir þreyttir á misvitrum ákvörðunum Rúnars
Bjarnasonar" sagði í athugasemd sem Brunavarða-
félag fslands sendi dagblöðunum til birtingar.
Starfsmenn Fríhafnarinnar á Keflavíkurflugvelli
ákváðu að endurnýja ekki samning þann sem þeir
gerðu við ríkið um rekstur fyrirtækisins, en
samningurinn rann út um áramótin. Starfsmennirn-
ir kusu fremur að starfa eftir aðalkjarasamningi
BSRB. Ástæðan var fyrst og fremst ágreiningur
um hvemig starfsmenn áttu að skipta milli sín þeim
ágóða sem þeim bar samkvæmt samningum.
Sá hörmulegi atburður varð fimmtudaginn 21.
janúar að tveir íslendingar fórust við tilraunir til
að bjarga belgískum skipbrotsmönnum á land við
strandstað belgíska togarans Pelagus í Nýju fjöru
á austanverðri Heimaey. Þeir voru Kristján K.
Víkingsson 32 ára gamall heilsugæslulæknir í
Eyjum og Hannes Óskarsson 24 ára gamall
starfsmaður Áhaldaleikunnar í Eyjum. Auk fs-
lendinganna fórust tveir belgískir sjómenn frá
Ostende.
„Ekki vinsælustu menn í heimi stofna með sér
félag“ sagði í Helgar-Tímanum 23.-24. janúar. Þar
var átt við gagnrýnendur fjölmiðla sem efndu til
samtaka með sér og var Jón Viðar Jónsson
gagnrýnandi Helgarpóstsins kjörinn formaður.
Úrslit í prófkjöri Framsóknarmanna í Reykjavík
fyrir borgarstjórnarkosningarnar voru tilkynntar
26. janúar. Enginn frambjóðenda hlaut bindandi
kosningu. Um 1300 manns tóku þátt í prófkjörinu
og urðu úrslit þau að Kristján Benediktsson
hafnaði í fyrsta sæti með 498 atkvæði. í öðru sæti
varð Gerður Steinþórsdóttir með samtals 387
atkvæði. Jósteinn Kristjánsson hafnaði í þriðja sæti
með 406 atkvæði.
Bíræfnir bensínþjófar viðurkenndu fyrir lögregl-
unni á fsafirði að hafa á tæpum tveimur árum stolið
10 þúsund lítrum af flugvélabensíni að verðmæti
um 60 þús. krónur frá Flugfélaginu Ernir á
ísafírði. Aðallega var um tvo menn að ræða,
eigendur stórra og eyðslufrekra bíla og höfðu þeir
notað bensínið á þá en ekki til að selja það og
hagnast.
Fjársvikamál fyrrverandi eigenda Borgarbíós í
Kópavogi kom inn á borð Rannsóknarlögreglunnar
að nýju til frekari rannsóknar. Eigendur bíósins
höfðu orðið uppvísir að stórfelldum skattsvikum á
árinu 1980. Þeir komu sér undan því að greiða
lögboðin gjöld af bíómiðum með því að láta ekki
stimpla þá hjá bæjarfógetanum í Kópavogi en
gjöld sem greiða þarf af hverjum miða nema
rúmum 40% af verði hans.
Féhrúar
/
I byrjun febrúar skýrði Hjörleifur Guttormsson
iðnaðarráðherra frá því að Alusuisse hefði í bréfi
til ráðuneytisins lýstþví yfir að það væri ekki
reiðubúið til viðræðna um breytingar ár samningi
um raforkuverð við íslenska ríkið fyrr en deilumál
aðila vegna viðskipta Alusuisse og ÍSALs á
undanförnum árum hefðu verði leyst.
Deilur um vídeóréttindi héldu áfram. Borgar-
fógeti setti lögbann á sýningu myndarinnar „The
Postman Always Rings Twice“ í vídeókerfum í
fjölbýlishúsum-við Asparfell og Æsufell. Rétthafi
myndarinnar, Tónabíó, hugðist hefja opinberar
sýningar innan skamms.
Á fundi á Hótel Borg í byrjun febrúar var
samþykkt að stofna Samtök um kvennaframboð.
150 manns gerðust stofnfélagar.
Verslunarráðið sendi frá sér spá um verðbólgu
í landinu á komandi ári. Samkvæmt henni verður
verðbólgan 51%. Launahækkanir verða 41%. í
forsendum spárinnar er gengið út frá því að engar
grunnkaupshækkanir launa verði á árinu.
Reykjavíkurskákmótið var haldið í febrúar. 22
stórmeistarar og 20 alþjóðlegir meistarar mættu til
leiks og samtals voru sextán þúsund dollarar
boðnir í verðlaun.
Þjóðhagsstofnun spáði minni verðbólgu en
Verslunarráðið. Taldi forstöðumaður hennar
Ólafur Davíðsson að verðbólgan yrði líklega um
40% frá upphafi til loka ársins.
Hörmulegt banaslys varð 8. febrúar þegar
vöruflutningabíll frá Borgamesi fauk út af veginum
skammt frá Vallá á Kjalarnesi. Bifreiðin var á leið
frá Borgarnesi til Reykjavíkur í miklunt veðurofsa.
Maðurinn sem lést var farþegi í bifreiðinni og
kastaðist hann út úr henni og varð undir henni
þegar hún lenti á hliðinni. Ökumaðurinn slapp að
mestu ómeiddur.
Listamannalaun voru tilkynnt 10. febrúar. Alls
hlutu 149 menn laun á árinu samtals að upphæð
1.115.000 kr. Þrír nýir menn bættust í heiðurs-
launaflokk: Ólafur Jóhann Sigurðsson, Stefán
íslandi og Svavar Guðnason.
Tíminn greindi frá því 13. febrúar að Þorvarður
Elíasson skólastjóri Verslunarskólans hefði ákveð-
ið að heimila ekki fleiri skemmtanir skólans á
veitingastaðnum Broadway eða á öðrum skemmti-
stöðum sem Ólafur Laufdal á eða rekur, nema fyrir
liggi skriflegur samningur á milli nemenda og Ólafs
um það hvernig framkvæmd dansleiks og dyra-
vörslu verði hagað. í samtali við Ólaf Laufdal kom
fram að hann áleit að ákvörðun skólastjórans
stafaði af óánægju með vínleit á nemendum. „Auk
þess vil ég taka fram“ sagði veitingamaðurinn, „að
umræddur skólastjóri var ekki alsgáður þegar hann
kom á minn fund hér í Broadway og fór þess á leit
við mig að ég léti flýta vínleitinni eða stöðva hana
algjörlega.“
Forseti íslands, Vigdís Finnbogadóttir, var í
opinberri heimsókn í Bretlandi dagana 17.-20.
febrúar. Hún hitti þar að máli Elísabetu drottn-
ingu, Margréti Thatcher forsætisráðherra, Carring-
ton utanríkisráðherra og fleira fyrirfólk. Auk þess
átti hún fund með björgunarsveitinni bresku sem
bjargaði áhöfninni af Tungufoss haustið 1981, og
heiðraði hana.
1 tilefni af 50 ára afmæli Félags íslenskra
hljómlistarmanna var haldin vegleg tónlistarhátíð
á veitingastaðnum Broadway. Rifjuð var upp
dægurtónlist í hálfa öld. Tónleikamir sem stóðu
yfir í nokkur kvöld voru síðar sýndir í sjónvarpi.
Tíunda Reykjavíkurskákmótinu lauk 21. febrú-
ar. Bandaríski stórmeistarinn L. Alburt varð
siguregari mótsins. Hlaut hann átta og hálfan
vinning og fyrstu verðlaun að upphæð 6000 dollara.
Fíkniefnalögreglan tók upp á þeirri nýbreytni
seinnipart febrúarmánaðar að opna símalínu þar
sem fram fer sjálvirk hljóðritun upplýsinga um
fíkniefnamál. Þeir sem upplýsingar gefa losna við
að verða spurðir út úr. Erlendis hefur þetta verið
reynt og þótt gefa góða raun. Síminn er 14377.
Fasteignasali í Reykjavík var handtekinn seint
í febrúar, kærður fyrir fjárdrátt og umboðssvik.
Sat hann inni í sólarhring. Eigandifasteigansölunn-
ar - lögfræðingur stórrar opinberrar stofnunar -
sætti einnig ákæru.
Pólski stórmeistarinn Adam Kuligowski sem
tefldi á Reykjavíkurskákmótinu ákvað að snúa
ekki til heimalands síns og sótti um dvalarleyfi hér
á landi. Honum var veitt það til þriggja mánaða.
Bæði pólitískar og persónulegar ástæður réðu
ákvörðun stórmeistarans.
„Auglýsingabrella“ sagði Ingólfur í Útsýn um
þá ákvörðun Samvinnuverða-Landsýnar að bjóða
fólk úti á landi ókeypis flug til Keflavíkur ef það
fer utan á vegum ferðaskrifstofunnar. „Markmið
okkar er að bjóða hagkvæm kjör“ sagði Eysteinn
Helgason forstjóri Samvinnuferða aftur á móti.
„Viðbrögð Útsýnar koma okkur í sjálfu sér ekki
svo mjög á óvart - við höfum áður orðið varir við
að jafnvægi forstjóra Útsýnar færi úr skorðum
þegar að keppinautamir fitja upp á nýjungum sem
em fólkinu í landinu til góðs“ bætti Eysteinn við.