Réttur - 01.08.1985, Qupperneq 24

Hernám hugans
einkenni þjóðfrelsisfylkingarinnar í Víet-
nam fylgdu Rauðu kmerarnir í Kampú-
cheu myrkri afturhvarfsstefnu. Phnom
Penh var tæmd og fólk rekið út í sveitirn-
ar, fjölskyldum sundrað og fólk tekið af
lífi hundruðum þúsunda saman, þar á
meðal læknar, kennarar og annað sér-
menntað fólk, — landinu var bókstaflega
breytt í keðju þrælkunarbúða þar sem
fólki var haldið að vinnu með vopnum og
átti yfir höfði sér aftökusveitir hvenær
sem var.
Jafnframt þessum glæpaverkum gagn-
vart eigin þjóð hóf Pol Pot vopnuð átök
á landamærum Víetnam. Eftir 3-4 ára
áreitni og einhliða friðarumleitanir misstu
Víetnamar þolinmæðina og héldu inn í
Kampúcheu í samráði við andstöðuöflin.
Svo gjörsamlega hafði Pol Pot tekist að
riðla öllu samfélagi í landinu að blóðveldi
hans hrundi eins og spilaborg og flúði
hann með hyski sitt til landamæra Tai-
lands. Talið er að honum hafi tekist að
myrða um 2 milljónir manna áður en
leikurinn var skakkaður og enn áttu
margir eftir að láta lífið í hungursneyð
þeirri sem fylgdi í kjölfar þessarar gjö-
reyðingar allra samfélagslegra samskipta.
Enn hafast Rauðu kmerarnir við í
skjóli Tailands og njóta stuðnings Banda-
ríkjanna og Kína til að halda áfram
hryðjuverkum í Kampúcheu. Þrátt fyrir
152