Réttur - 01.01.1986, Side 2

þetta fólk, sem skapar auðinn, þriðjungi launa sinna með bráðabirgðalögum
og svarar kauphækkunum vægðarlaust með hækkun dollarans og aukinni
dýrtíð.
Yfirstéttin beitir ríksivaldi sínu til að stela með nauðungaruppboðum íbúð-
um af fátækum hjónum, sem þrælað hafa baki brofnu til að eignast þak yfir
höfuðið, en eru svo skilin eftir á götunni húsnæðislaus með okurskuldir á
herðum. En samtímis er hundruðum milljóna króna hent úr ríkisbönkunum í
vildarvini valdhafanna, sem kaupa sér fínar lúxusvillur og koma sér upp
einkafyrirtækjum, — (meðan „fyrirtækin" eru látin fara á hausinn) — og jafn-
vel rænt handa bröskurum, er gjaldþrot blasir við, heilum bæjarútgerðum,
sem gerðar eru hlutafélagseign m.a. undir stjórn slíkra braskara.
Samtímis er svo fátæktinni komið á aftur og fer sívaxandi. ísiand er
augiýst erlendis sem láglaunaland, til þess að lokka erlenda auðdrottna
hingað, er fá hér vildarkjör hjá valdhöfunum á kostnað almennings.
(Sbr. m.a. raforkuverðið).
Spillingin hjá yfirstéttinni er orðin slík að hún óttast um völd sín, ef augu al-
þýðu kynnu að opnast fyrir ranglætinu, óhófinu og spillingunni hjá yfirstéttinni
og gæðingum hennar. Þess vegna kappkostar þessi yfirstétt að fá hingað er-
lenda banka og auðdrottna, — og heitir þeim að viðhalda þrælakjörum hins
vinnandi fólks. Hún ætlar þannig að fá hingað erlenda auðmenn og gera að
bandamönnum sínum gegn íslenskri þjóð, rétt eins og hún vill viðhalda hinu
bandaríska innrásarliði, kastar í það hundruðum milljóna króna og reynir að
innræta þjóðinni að þessi her sé hér oss til verndar (!), þegar hlutverk hans
er að gera ísland að bandarískri árásarstöð og þannig skotspæni í því stríði,
sem ameríska auðvaldið undirbýr.
Þannig er reynt að draga íslenska þjóð niður í svaðið, andlega og líkam-
lega, svo land vort verði á ný arðrænd nýlenda erlends valds og þjóna þess,
— og herstöð voldugasta hervalds, er dreymir enn um heimsyfirráð.
Og þetta gerist rúmum 40 árum eftir að við stofnuðum við almennan þjóð-
arfögnuð lýðveldi í landi voru, — og sjáum nú blasa við okkur gífurlega fram-
faramöguleika í krafti tæknibyltingarinnar og auðs þess, er land vort geymir.
Er ekki mál að undanhaldi síðustu ára og yfirdrottnun forríkra yfirstéttar-
þjóna erlends valds linni?
Á þessu nýbyrjaða ári 1986, eru 70 ár liðin síðan „Réttur“ hóf göngu sína
undir ritstjórn Þörólfs Sigurðssonar frá Baldursheimi. Þess var minnst, er
50 ár voru liðin frá 1916, í greininni „Fyrir 50 árum“ 1965. Væntum vér að
Þórólfs frá Baldursheimi verði minnst rækilega í 3. hefti þessa árs. — Jafn-
framt eru nú liðin 60 ár síðan núverandi ritstjóri tók við ritstjórn „Réttar" og
tímarit þetta varð boðberi sósíalisma og þjóðfrelsis í landi voru og er enn.