Réttur - 01.01.1986, Síða 18

BRYNJÓLFUR BJARNASON:
Eyðileggjum
kj arnorkuvopnin
Erindi ,, LJm daginn os veginn“,
fíutt 2. des. 1985
í ríkisútvurpinu
Ég kann víst ekki að tala um daginn og veginn. Það er sérgrein skrafhreyfinna
manna. Ekki get ég hrósað mér af því. Miklu fremur gæti ég tekið undir með
Benedikt Gröndal og sagt: „Ég var snemma hneigður til fúllyndis“.
Eigi að síður lét ég til leiðast að taka að mér þetta spjall vegna þess, að ég hef
tillögu fram að færa. Ég kem síðar að henni.
Fjöldaframleiðsla á lífsskoðunum
I gamla daga töluðu menn mikið um
daginn og veginn. í sveitinni snerist talið
aðallega um veðrið, árferði og skepnu-
höld og um aflabrögð og gæftir við sjávar-
síðuna. Slúöursögur um náungann voru
allssfaðar vinsælt efni og helst eru það
þær, sem staðist hafa tímans tönn. Ann-
ars er þetta heiti á þættinum einskonar til-
raun til að endurlífga liðinn tíma alveg
eins og kvöldvökurnar. Petta er gervivara
eins og svo margt á okkar dögum. Nú
hafa menn naumast tíma til að spjalla
saman. Flestar frjálsar stundir helga
menn fjölmiðlunum, útvarpi, sjónvarpi
og dagblöðum. Og áhrifin leyna sér ekki.
Hið forna handverk er horfið. í stað þess
er komin fjöldaframleiðsla. Ekki einungis
maturinn, sem við kaupum í búðinni,
fatnaðurinn, húsakynnin og húsgögnin,
heldur líka hið andlega fóður. Við erum
sjálf að verða að einskonar fjöldafram-
18