Réttur - 01.04.1975, Page 26

ust jafnt allar freistingar frama og valds
sem eldskírn ofsókna, fangelsa og dauða,
eru fyrirheitin um að stefna hans, sósíal-
isminn, mun og vinna bug á öllu því, sem
flekkar hann nú eða afskræmir í augum
sumra.
Hinn sósíalíski maður framtíðarinnar
mun taka sér menn sem Abram Fischer
til fyrirmyndar.
E. O.
III.
Æfiatriði
(Febrúarhefti af Sechaba, mánaðartímariti
Afríska þjóðþingsflokksins (A.N.C.) var að
fara í prentun er því barst sú fregn, að Bram
Fischer væri að deyja af krabbameini í fang-
elsinu í Pretoríu. Meginefni þessarar greinar,
um hinn ágæta son Suður-Afríku, er sótt í
skýrslu, sem Christian Action birti, þegar
Bram var handtekinn fyrir níu árum).
í Suður-Afríku eru hverskonar mannrétt-
indi troðin undir fótum án afláts. Það vakti
réttláta reiði Brams Fiscners, og hann gerðist
eldlegur málsvari miljóna blökkumanna.
Hann neitaði að sætta sig við trúarsetningar
þjóðfélags, sem grundvallað er á misrétti og
virðir einn öðrum minna. Hann tók hvorki
hálfsannindi né hálfkák fyrir gilda vöru. Að
hans dómi er „Apartheit"-stefnan röng með
öllu og hann hefur lagt líf sitt við að berjast
gegn henni og þeirri vá sem af henni stendur.
Hver er Bram Fischer, — þessi maður,
sem farið hafði huldu höfði í tíu mánuði,
er hann var handtekinn, og 45 vopnaðir lög-
regluþjónar voru settir til að gæta á meðan
hann kom sem snöggvast fyrir rétt? Hann
er einn fremsti hæstaréttarlögmaður hins
hvíta minnihluta í S.-Afríku, lærður í Oxford,
yfirdómarasonur og sonarsonur forsætisráð-
herra, hafði verðleika og hæfni tii að hljóta
þann frama, sem mestur gat orðið í landi
hans, og hefði hlotið hann fyrir löngu, ef
allt hefði farið með felldu, slíkan feril sem
hann átti að baki 67 ára gamall sem hæsta-
réttarmálflutningsmaður í Jóhannesarborg.
Þetta er maðurinn sem öryggislögreglan í
S.-Afríku handtók aðfaranótt 11. nóv. 1965,
er hann hafði verið hundeltur eins og óbóta-
maður í tíu mánuði samfleytt og þrjú þúsund
sterlingspund lögð til höfuðs honum. Þessa
tíu mánuði var hann leiðtogi hinnar ólög-
legu mannréttindabarátm, er sætir nú þung-
um áföllum.
Þennan tíma var hann einbúi í dulargervi
og forðaðist allt samneyti við dætur sínar og
ungan son; og hár blóðþrýstingur bagaði
hann sárlega, og lögreglan var hvarvetna á
hælum hans dag og nótt, svo að hverjum
manni, þótt heill gengi, hefði verið hin
þyngsta raun; en hann gafst ekki upp og hélt
ótrauður áfram ævilangri baráttu sinni gegn
drottinvaldi hinna hvítu harðstjóra í orði
og á borði, — valdi sem reiðir ógnarsvipu
yfir hinum svörm frumbyggjum landsins og
læmr smán, örbirgð og hrottaskap brenna á
bökum þeirra.
Bram nam við Gray College og Grey
University College í Orange. Að loknu prófi
varð hann ritari Sir Etienne de Villiers, sem
þá var yfirdómari þar. Því starfi gegndi hann
í tvö ár, en hlaut þá Rhodes-styrkinn, og var
síðan við lögfræðinám og las einnig hag-
fræði til prófs við New College í Oxford.
Hann lék í „rugby"- og tennisliði skólans
og var forseti Raleigh-klúbbsins; en sá fé-
lagsskapur samveldisborgara starfar enn með
sama hætti og þá. Þegar heim kom til S.-
Afríku, gerðist hann hæstaréttarlögmaður í
Jóhannesarborg og varð brátt kunnur fyrir
meðferð mála, er lutu að hlutafélögum,
106